Lu-ka 13
13
Dôm urang Ga-li-lê gok pamưtai – Phun hara ôh hu boh
1Êng tuk nan, hu hadôm mưnuix pak nan lak vơk ka Pô Yê-su di bruk Phi-lat pamưtai dôm urang Ga-li-lê, ngak ka darah khol nhu lai thong athur limah khol nhu dok ƀai. 2Bhô thuuk: “Khol hư xanưng laic dôm urang Ga-li-lê nan gok khak yau nan kaywa khol nhu tanrok glaic trak hơl abih mưnuix Ga-li-lê pakan, njaup halei? 3Ita đôm thong khol hư, ôh njaup; min mưyah khol hư ôh tumal yơ abih mưca gok pao lihik yau nan rei. 4Ngan nạn tha pluh dalipan urang dêh gok kurasi Si-lô-ê jalơh trun tatơk mưtai, khol hư xanưng laic khol nhu nạn danuh glaic hơl abih urang pakan dok pak dhan Yê-ru-sa-lem habar? 5Ita đôm thong khol hư, ôh njaup; min mưyah khol hư ôh tumal yơ mưca abih drei gok pao lihik yau nan rei.”
Arkatê ka phun hara ôh hu boh
6Bloh Bhô binô arkatê ni: “Urang dêh pala tha phun hara dalam bơn nho drei; ong mưrai dwah boh min ôh ƀôh boh halei. 7Ong đôm thong urang pala nho: ‘Dêh krung hu klau thun kalah ita mưrai pek boh di phun hara ni, min ôh ƀôh haget. Xang koh nhu mek, habar lôi ka nhu mưblah tanưh ôh hu hanim?’ 8Urang pala nho pathau: ‘Pathau pô, mưlah nhu vơk tha thun ni tra, cang dahlak coh ribong yơng tom dar nhu bloh tuh khak tamư. 9Mưda hak tal hadei mưca nhu athal jiơng; mưyah thoh, mưca pô koh.’”
Gruk pajru dhit dalam harei Sa-ƀat
10Dalam harei Sa-ƀat, Pô Yê-su dok lang pato dalam tha thang nhom. 11Tak nan, hu urang kamei gok agarih yang mưk ngak ka rwak hakik tha pluh dalipan thun kalah, kaing khum trun ôh mưda dang tapak bihu. 12Tuk ƀôh muk nan, Pô Yê-su iêu mưrai thong bican: “Hư lơy, hư krung bihu dong paklah truh di rwak hakik pajơ.” 13Thong Bhô cek tangin di muk. Binhêt, muk dang tapak tagôk bihu, bloh pôk mưyom Pô Lingik. 14Kar mong iơk thang nhom ƀôh Pô Yê-su krung hu pajru rwak dalam harei Sa-ƀat yơ dangih bloh đôm thong tapôr bôl laic: “Hu nam harei xang ngak bruk, nan ka xang mưrai dalam dôm harei nạn piêh bihu pajru dhit, jôi mưrai dalam harei Sa-ƀat.” 15Min Pô thuuk: “Hơic mưnok jalan adat baniai, dalam harei Sa-ƀat, ôh njaup abih khol hư jang taleh limo ngan atheh mrek drei truh di kamang harơk bloh dui nhu nao mưnhum ia ô habar? 16Dok muk ni nạn anưk kamei Ap-ra-ham, gok Sa-tan cak girak krung hu tha pluh dalipan thun bloh, ukhin taleh talei girak ka muk dalam harei Sa-ƀat ô habar?” 17Tuk Bhô bican yau nan abih ra pagan gađi Bhô jang mưlau mưlit, thong abih bôl bhap bui ôn ka abih bruk langka Bhô krung hu ngak.
Athar kachwa thong boh tapei
(Ma-thi-ơ 13:31-33; Mag 4:30-32)
18Yau nan, Pô Yê-su bican: “Dit Biya Pô Lingik drơh yau haget? Ita mưk haget bloh pacoh thong nhu? 19Dit biya nan drơh yau tha athar kachwa bloh urang dêh mưk drāk dalam bơn, nhu tamuh jiơng phun thong cim birim ngak thruh di dhān nhu.”
Arkatê ka boh tapei
(Ma-thi-ơ 13:33)
20Bhô gilaic bican: “Mưca Ita pacoh Dit Biya Pô Lingik thong haget? 21Dit biya nan drơh yau boh tapei bloh urang kamei dêh mưk pađam dalam klau jāk tapung, ka tal tuk tapung rôk tagôk abih.”
Baƀang ganik
(Ma-thi-ơ 7:13-14,21-23)
22Pô Yê-su nao graup dôm dhan, dôm palei, gam pato pakai, thong kakal adhwan tal dhan Yê-ru-sa-lem. 23Hu mưnuix pathau thong Bhô: “Pô lơy, hu njaup ciêt hu tha thanôn takik mưnuix bihu dong paklah min?” 24Bhô đôm thong khol nhu: “Xang patuh prưn piêh tamư baƀang ganik, kaywa Ita đôm thong khol hư, mưca ralô urang dwah ganap tamư tak nan bloh tamư ôh bihu. 25Tuk pô thang bruh tagôk thong karơk baƀang vơk bloh, khol hư dok lingiu papoh baƀang iêu laic: ‘Pô lơy, likau pơh ka khol dahlak!’ Mưca pô thuuk: ‘Ita ôh thau khol hư mưng halei mưrai.’ 26Kal nan, mưca khol hư pathau: ‘Khol dahlak krung hu ƀang mưnhum di anak Pô, thong Pô krung hu pato pakai dalam dôm jalan ding khol dahlak.’ 27Min mưca pô đôm thong khol hư: ‘Ita ôh thau khol hư mưng halei mưrai. Abih ra ngak kabha tidak adil dêh, xang kadun tabiak truh di ita.’ 28#Mat 22:13; Mat 25:30.#Mat 8:11,12.Tuk nan khol hư mưca ƀôh Ap-ra-ham, I-sag, thong Ya-kôp, mưthong abih pakat hôr jang dok dalam Dit Biya Pô Lingik, dok khol hư mưca gok parah tabiak lingiu nạn libik hia cok thong grik tagei. 29Bloh mưng pur, pai, dat, ut mưca mưnuix urang mưrai dok tamưbha đam payak dalam Dit Biya Pô Lingik. 30#Mat 19:30; Mat 20:16; Mag 10:31.Biak jơh, hu dôm mưnuix taluic mưca jiơng tamưrơp, thong dôm mưnuix tamưrơp mưca jiơng taluic.”
Patao Hê-rôt ưng pamưtai Pô Yê-su
31Êng tuk nan, hu hadôm mưnuix Pha-ri-si mưrai pathau thong Pô Yê-su: “Gru nao truh libik ni mek, kaywa Hê-rôt ưng pamưtai Gru.” 32Bhô thuuk: “Xang nao đôm thong mưja nan laic: ‘Harei ni, harei paguh, Ita tiaup ajin pajru rwak, tal harei ya klau, mưca Ita pathik gruk hit Ita. 33Yau nan min, harei ni, harei paguh thong harei patui, Ita xang kakal binhôr adhwan, kaywa tha dê hôr ôh mưda mưtai di lingiu Yê-ru-sa-lem.’”
Pô Yê-su hia patak parai ka dhan Yê-ru-sa-lem
(Ma-thi-ơ 23:37-39)
34“Hơic Yê-ru-sa-lem, Yê-ru-sa-lem! Hư pamưtai dôm pakat hôr thong glam patau di dôm urang bihu pachai mưrai tom hư! Krung hu ralô ƀang, Ita ưng patom nhom anưk bik hư yau mưnuk inư iêu anưk drei mai piêh papeh papôn ala thraup bloh khol hư ôh ưng! 35Mưni, thang khol hư mưca gok klāk bhao. Ita đôm thong khol hư, mưca khol hư ôh dok ƀôh Ita ka tal tuk khol hư đôm laic: ‘Đang pôk mưyom Dê nưmax angan Pô bloh mưrai!’”
Actualmente seleccionado:
Lu-ka 13: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 13
13
Dôm urang Ga-li-lê gok pamưtai – Phun hara ôh hu boh
1Êng tuk nan, hu hadôm mưnuix pak nan lak vơk ka Pô Yê-su di bruk Phi-lat pamưtai dôm urang Ga-li-lê, ngak ka darah khol nhu lai thong athur limah khol nhu dok ƀai. 2Bhô thuuk: “Khol hư xanưng laic dôm urang Ga-li-lê nan gok khak yau nan kaywa khol nhu tanrok glaic trak hơl abih mưnuix Ga-li-lê pakan, njaup halei? 3Ita đôm thong khol hư, ôh njaup; min mưyah khol hư ôh tumal yơ abih mưca gok pao lihik yau nan rei. 4Ngan nạn tha pluh dalipan urang dêh gok kurasi Si-lô-ê jalơh trun tatơk mưtai, khol hư xanưng laic khol nhu nạn danuh glaic hơl abih urang pakan dok pak dhan Yê-ru-sa-lem habar? 5Ita đôm thong khol hư, ôh njaup; min mưyah khol hư ôh tumal yơ mưca abih drei gok pao lihik yau nan rei.”
Arkatê ka phun hara ôh hu boh
6Bloh Bhô binô arkatê ni: “Urang dêh pala tha phun hara dalam bơn nho drei; ong mưrai dwah boh min ôh ƀôh boh halei. 7Ong đôm thong urang pala nho: ‘Dêh krung hu klau thun kalah ita mưrai pek boh di phun hara ni, min ôh ƀôh haget. Xang koh nhu mek, habar lôi ka nhu mưblah tanưh ôh hu hanim?’ 8Urang pala nho pathau: ‘Pathau pô, mưlah nhu vơk tha thun ni tra, cang dahlak coh ribong yơng tom dar nhu bloh tuh khak tamư. 9Mưda hak tal hadei mưca nhu athal jiơng; mưyah thoh, mưca pô koh.’”
Gruk pajru dhit dalam harei Sa-ƀat
10Dalam harei Sa-ƀat, Pô Yê-su dok lang pato dalam tha thang nhom. 11Tak nan, hu urang kamei gok agarih yang mưk ngak ka rwak hakik tha pluh dalipan thun kalah, kaing khum trun ôh mưda dang tapak bihu. 12Tuk ƀôh muk nan, Pô Yê-su iêu mưrai thong bican: “Hư lơy, hư krung bihu dong paklah truh di rwak hakik pajơ.” 13Thong Bhô cek tangin di muk. Binhêt, muk dang tapak tagôk bihu, bloh pôk mưyom Pô Lingik. 14Kar mong iơk thang nhom ƀôh Pô Yê-su krung hu pajru rwak dalam harei Sa-ƀat yơ dangih bloh đôm thong tapôr bôl laic: “Hu nam harei xang ngak bruk, nan ka xang mưrai dalam dôm harei nạn piêh bihu pajru dhit, jôi mưrai dalam harei Sa-ƀat.” 15Min Pô thuuk: “Hơic mưnok jalan adat baniai, dalam harei Sa-ƀat, ôh njaup abih khol hư jang taleh limo ngan atheh mrek drei truh di kamang harơk bloh dui nhu nao mưnhum ia ô habar? 16Dok muk ni nạn anưk kamei Ap-ra-ham, gok Sa-tan cak girak krung hu tha pluh dalipan thun bloh, ukhin taleh talei girak ka muk dalam harei Sa-ƀat ô habar?” 17Tuk Bhô bican yau nan abih ra pagan gađi Bhô jang mưlau mưlit, thong abih bôl bhap bui ôn ka abih bruk langka Bhô krung hu ngak.
Athar kachwa thong boh tapei
(Ma-thi-ơ 13:31-33; Mag 4:30-32)
18Yau nan, Pô Yê-su bican: “Dit Biya Pô Lingik drơh yau haget? Ita mưk haget bloh pacoh thong nhu? 19Dit biya nan drơh yau tha athar kachwa bloh urang dêh mưk drāk dalam bơn, nhu tamuh jiơng phun thong cim birim ngak thruh di dhān nhu.”
Arkatê ka boh tapei
(Ma-thi-ơ 13:33)
20Bhô gilaic bican: “Mưca Ita pacoh Dit Biya Pô Lingik thong haget? 21Dit biya nan drơh yau boh tapei bloh urang kamei dêh mưk pađam dalam klau jāk tapung, ka tal tuk tapung rôk tagôk abih.”
Baƀang ganik
(Ma-thi-ơ 7:13-14,21-23)
22Pô Yê-su nao graup dôm dhan, dôm palei, gam pato pakai, thong kakal adhwan tal dhan Yê-ru-sa-lem. 23Hu mưnuix pathau thong Bhô: “Pô lơy, hu njaup ciêt hu tha thanôn takik mưnuix bihu dong paklah min?” 24Bhô đôm thong khol nhu: “Xang patuh prưn piêh tamư baƀang ganik, kaywa Ita đôm thong khol hư, mưca ralô urang dwah ganap tamư tak nan bloh tamư ôh bihu. 25Tuk pô thang bruh tagôk thong karơk baƀang vơk bloh, khol hư dok lingiu papoh baƀang iêu laic: ‘Pô lơy, likau pơh ka khol dahlak!’ Mưca pô thuuk: ‘Ita ôh thau khol hư mưng halei mưrai.’ 26Kal nan, mưca khol hư pathau: ‘Khol dahlak krung hu ƀang mưnhum di anak Pô, thong Pô krung hu pato pakai dalam dôm jalan ding khol dahlak.’ 27Min mưca pô đôm thong khol hư: ‘Ita ôh thau khol hư mưng halei mưrai. Abih ra ngak kabha tidak adil dêh, xang kadun tabiak truh di ita.’ 28#Mat 22:13; Mat 25:30.#Mat 8:11,12.Tuk nan khol hư mưca ƀôh Ap-ra-ham, I-sag, thong Ya-kôp, mưthong abih pakat hôr jang dok dalam Dit Biya Pô Lingik, dok khol hư mưca gok parah tabiak lingiu nạn libik hia cok thong grik tagei. 29Bloh mưng pur, pai, dat, ut mưca mưnuix urang mưrai dok tamưbha đam payak dalam Dit Biya Pô Lingik. 30#Mat 19:30; Mat 20:16; Mag 10:31.Biak jơh, hu dôm mưnuix taluic mưca jiơng tamưrơp, thong dôm mưnuix tamưrơp mưca jiơng taluic.”
Patao Hê-rôt ưng pamưtai Pô Yê-su
31Êng tuk nan, hu hadôm mưnuix Pha-ri-si mưrai pathau thong Pô Yê-su: “Gru nao truh libik ni mek, kaywa Hê-rôt ưng pamưtai Gru.” 32Bhô thuuk: “Xang nao đôm thong mưja nan laic: ‘Harei ni, harei paguh, Ita tiaup ajin pajru rwak, tal harei ya klau, mưca Ita pathik gruk hit Ita. 33Yau nan min, harei ni, harei paguh thong harei patui, Ita xang kakal binhôr adhwan, kaywa tha dê hôr ôh mưda mưtai di lingiu Yê-ru-sa-lem.’”
Pô Yê-su hia patak parai ka dhan Yê-ru-sa-lem
(Ma-thi-ơ 23:37-39)
34“Hơic Yê-ru-sa-lem, Yê-ru-sa-lem! Hư pamưtai dôm pakat hôr thong glam patau di dôm urang bihu pachai mưrai tom hư! Krung hu ralô ƀang, Ita ưng patom nhom anưk bik hư yau mưnuk inư iêu anưk drei mai piêh papeh papôn ala thraup bloh khol hư ôh ưng! 35Mưni, thang khol hư mưca gok klāk bhao. Ita đôm thong khol hư, mưca khol hư ôh dok ƀôh Ita ka tal tuk khol hư đôm laic: ‘Đang pôk mưyom Dê nưmax angan Pô bloh mưrai!’”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.