Lu-ka 12
12
Patayơt ra jalan adat baniai
(Ma-thi-ơ 10:26-27)
1 #
Mat 16:6; Mag 8:15. Tuk nan, bôl bhap patom nhom ribau tamưn mưnuix, thangak jwak jek ngok gaup. Dahlau yatha Pô Yê-su raup bican thong dôm anưk xêh Bhô laic: “Xang caga di boh tapei mưnuix Pha-ri-si, nạn tana jalan adat baniai. 2#Mag 4:22; Lu 8:17.Ôh hu kabha haget padaup bloh ôh gok parang tabiak thong ôh hu kabha haget dađaup kavơk bloh ôh gok pabiđang. 3Nan yơ dôm kabha khol hư krung hu đôm dalam libik xup mưca bihu hamit dalam libik hadah; dôm kabha khol hư krung hu đôm dalam kati dađaup mưca bihu pablo ngok pabung thang.
Xang hôic taka di Pô Lingik
(Ma-thi-ơ 10:28-31)
4Ita đôm thong khol hư nạn ayut côi Ita: Jôi hôic dôm ra pamưtai rup pabhap bloh hadei di nan ôh ngak haget bihu vơk. 5Min Ita brei khol hư thau xang hôic di thei: Xang hôic di Dê hadei di tuk krung hu pamưtai bloh, dok hu gon parah trun nôriga. Njaup rei, Ita đôm thong khol hư, xang hôic di Dê nan! 6Ôh njaup limư drei cim ngik bihu pablei thong yom dwa boh jiên ô? Yau nan min, Pô Lingik ôh klāk var tha drei halei trah. 7Bahkan ƀuk ngok akok khol hư lijang bihu yaup abih pajơ. Jôi hôic, kaywa khol hư hu lingai hơl di ralô cim ngik.
Tao Pô Yê-su di anak dunya
(Ma-thi-ơ 10:32-33)
8Ita đôm thong khol hư, thei tao tôk Ita di anak dunya yơ Anưk Mưnuix lijang mưca tao tôk urang nan di anak dôm umat Pô Lingik. 9Min thei kamlah klāk Ita pak anak dunya yơ urang nan lijang mưca gok kamlah klāk di anak dôm umat Pô Lingik. 10#Mat 12:32; Mag 3:29.Thei đôm pagan gađi thong Anưk Mưnuix yơ mưca bihu ampun; min thei đôm hanoh niêm tal Pô Nưbi Ginrơh yơ mưca ôh bihu ampun. 11#Mat 10:19,20; Mag 13:11; Lu 21:14,15.Tuk mưnuix urang ba khol hư tal anak thang nhom, di anak dôm mưnuix pakrang thong dôm kar pan gon jôi uh tarak xang đôm yau halei ngan đôm dôm haget piêh kar dađaup drei, 12kaywa êng di tuk nan, Pô Nưbi Ginrơh mưca pato khol hư dôm kabha hajat xang đôm.”
Urang ginup mưda gila gilit
13Kal nan, tha urang dalam tapôr bôl đôm thong Pô Yê-su: “Pathau gru, likau pađar xaai dahlak rabha ƀang angui ka dahlak.” 14Bhô thuuk: “Mưni urang dêh, thei padok Ita ngak mưnuix bican inư ngan nạn mưnuix rabha ƀang angui ka khol hư?” 15Bhô đôm thong khol nhu: “Xang tani tanat, caga rim paka tathrưg lagơh, kaywa gruk diup mưnuix ôh njaup kaywa di drap ar drei dalah dalai ô.” 16Bhô gilaic binô ka khol nhu tha arkatê: “Hamu tha urang ginup mưda dêh biak apho. 17Urang nan mưnưgxa: ‘Ita xang ngak haget ni, kaywa ôh dok libik piêh padang nôk rabha.’ 18Nhu đôm: ‘Mưca ita ngak yau ni: Mưca ita yah dôm gilang ni bloh darap dôm boh pakan prong hơl, bloh mưca ita patak patom brah padai thong drap ar ita tamư dalam nan. 19Mưca ita đôm thong thap xwan drei laic: Xwan diup lơy, hư krung bihu ralô drap ar piêh caga ka ralô thun. Xang padei gleh, ƀang mưnhum, thong bui be.’ 20Min Pô Lingik bican thong nhu: ‘Hơic ra gila! Êng mưlam ni thap xwan hư mưca gok đôk vơk; yau nan drap ar hư krung hu cek caga mưca bha di thei?’ 21Thei patak patom drap ar ka drei bloh ôh ginup mưda pak Pô Lingik yơ lijang yau nan rei.”
Gruk uh tarak
(Ma-thi-ơ 6:24-34)
22Pô Yê-su bican thong dôm anưk xêh: “Yau nan ka, Ita đôm thong khol hư, jôi kaywa di gruk diup bloh uh tarak ka kaya ƀang, lijang jôi kaywa di rup pabhap bloh uh tarak ka kaya cuk. 23Kaywa gruk diup banrik hơl di kaya ƀang thong rup pabhap banrik hơl di kaya cuk. 24Xang iơk pukar ak: Nhu ôh drāk, ôh ywak lijang ôh hu tông ngan kamnat, yau nan min Pô Lingik dok rong tapôr nhu. Khol hư dok puja banrik hơl di pukar cim biak ralô! 25Hơl vơk, hu thei dalam khol hư kaywa di uh tarak bloh ngak ka rai diup drei atah paƀlwak tha vakak#12:25 atah paƀlwak tha vakak: Ngan nạn glong paƀlwak. lei? 26Yau nan, mưyah khol hư ôh mưda ngak bihu tha bruk xit yau nan, habar khol hư gilaic uh tarak dôm bruk pakan? 27Xang iơk bingu ceng tamuh tagôk yau halei: Nhu ôh ngak bruk gleh glar, lijang ôh tasuh mrai; min Ita đôm thong khol hư, kanê patao Sa-lô-môn ghwơh ghang tal halei, lijang ôh bihu cuk mưlang bimi yau tha dalam dôm bingu ni. 28Yau nan, hơic dôm ra takik sagar dêh, mưyah bingu harơk lingiu hamu vār ni dok diup, harei paguh gok parah tamư cakran bloh Pô Lingik dok brei cuk mưlang bimi yau nan, laic haget khol hư! 29Ywa nan ka, jôi pachang dwah kaya ƀang, ia mưnhum, lijang jôi tapa di uh tarak. 30Kaywa abih kabha nan, dôm paran ngok dunya jang bhian pachang dwah, thong Amư khol hư krung hu thau abih hanư jat khol hư pajơ. 31Min xang pachang dwah dit biya anưd Bhô,#12:31 anưd Bhô: Dalam tha thanôn blah vak tangin nạn anưd Pô Lingik yơ mưca Bhô ƀai brei ka khol hư abih kabha nan vơk. 32Hơic tapôr xit, jôi hôic, kaywa Amư khol hư krung hu bui tian ƀai brei dit biya ka khol hư pajơ. 33Xang pablei drap ar drei bloh ngak bruk hanim phôl. Xang blei ka drei dôm kadung jiên ôh pao klak thong gilang banrik ôh karang ngok thôr riga, libik ra klek ôh mưrai jek bihu, mu mok ôh ngak pao bang bihu. 34Kaywa drap ar khol hư pak halei, yơ tian khol hư lijang pak nan.”
Gruk pamưdơh
35 #
Mat 25:1-13. “Kaing khol hư xang girak vơk, mưnhưk khol hư xang truic tagôk. 36#Mag 13:34-36.Khol hư xang ngak yau ka dôm urang dok cang pô drei pak đam likhah mưrai, piêh tuk pô mai tal, papoh baƀang yơ pơh vêt. 37Phôl ka dôm halun nan, tuk pô mưrai ƀôh khol nhu dok mưdơh khik! Biak jơh, Ita đôm thong khol hư, mưca pô girak kaing drei bloh daa dôm halun dok di paban đam payak thong mưrai ragxa khol nhu. 38Mưyah pô gilaic mai, tuk krưh mưlam hai jek hadah,#12:38 tuk krưh mưlam hai jek hadah: Nôic tuk thalipan mưlam tal tuk klau hadah. ƀôh dôm halun yau nan yơ biak nạn hanim siam ka khol nhu! 39#Mat 24:43,44.Xang thau kabha ni: Mưyah pô thang thau bihu ra klek mưrai tuk halei yơ mưca ôh lôi#12:39 mưca ôh lôi: Dalam tha thanôn blah vak tangin nạn mưca mong iơk thong ôh lôi. ka nhu tamư thang drei. 40Khol hư lijang xang thudia, kaywa Anưk Mưnuix mưrai dalam tuk khol hư ôh xanưng hu.”
Halun kloh hatai thong halun ôh kloh hatai
(Ma-thi-ơ 24:45-51)
41Phi-e-rơ pathau: “Pô lơy, Bhô bican arkatê ni ka khol dahlak ngan lijang ka abih drei?” 42Pô thuuk: “Urang halei nạn mưnuix mong iơk thang jag karag thong kloh hatai, bihu pô jao mong iơk dôm halun drei piêh brei jao kaya ƀang njaup tuk? 43Phôl ka halun nan tuk pô mưrai ƀôh ngak yau nan! 44Biak jơh, Ita đôm thong khol hư, mưca pô jao ka halun nan mong iơk abih ƀang angui drei. 45Min mưyah halun nan êng xanưng: ‘Pô ita ô ka mai drah ô,’ nan ka raup tong poh halun likei, halun kamei, bloh ƀang mưnhum mưbuk. 46Mưca pô nhu mưrai dalam harei nhu ôh xanưng tal, dalam tuk nhu ôh thau, mưca pô dan dun nhu trak damak#12:46 dan dun nhu trak damak: Ngan nạn cakak nhu tabiak yāup kleh. thong brei ka nhu ciup harung thô vag thong ra ôh kloh hatai. 47Halun halei krung hu thau jamal pô drei bloh ôh thrap gap thudia thong ôh ngak tui jamal pô yơ mưca gok ƀang havei trak. 48Min halun halei ôh thau jamal pô bloh ngak bruk đang tamar yơ mưca gok ƀang havei njôl. Kaywa thei krung bihu ƀai brei ralô; yơ mưca gok đôk vơk ralô; thei krung bihu jao brei ralô hơl, yơ mưca gok đôk vơk ralô hơl.”
Dôm panôic kakei pato pakan
49“Ita krung hu mưrai piêh parah apui trun di tanưh. Mưyah apui blau tagôk bloh, Ita dok cong takrư haget vơk! 50#Mag 10:38.Hu tha ƀap-tem bloh Ita xang ciup, Ita pađik pađwa thau ka hadôm, ka tal habiên halei bruk nan bihu pathik! 51Khol hư xanưng laic Ita mưrai piêh ba thug siam ka dunya habar? Ita đôm thong khol hư, ôh njaup, min ba gruk klah nưh yơ njaup hơl. 52Kaywa mưng ni, limư urang mưdok harung tha boh thang mưca klah nưh gaup: klau urang pagan gađi thong dwa, dwa urang pagan gađi thong klau. 53Mưca khol nhu klah nưh gaup: Amư pagan gađi thong anưk likei, anưk likei pagan gađi thong amư; amek pagan gađi thong anưk kamei, anưk kamei pagan gađi thong amek; thuma kamei pagan gađi thong mưtau kamei, mưtau kamei pagan gađi thong thuma kamei.”
Krưn bangyau
(Ma-thi-ơ 16:2-3)
54Bhô gilaic bican thong tapôr bôl: “Tuk ƀôh halong taganum brôk tagôk pak adih pai, khol hư đôm vêt: ‘Mưca hu hajān’; yơ hu yau nan. 55Gilaic tuk angin mưrong yuk, khol hư đôm: ‘Mưca pađiak blau’; yơ hu yau nan. 56Hơic mưnok jalan adat baniai! Khol hư thau krưn xar mưlingiu anưd lingik tanưh, min habar ôh thau krưn tanut vagtu urak ni?
Ba pathiam thong ra palek palam
(Ma-thi-ơ 5:25-26)
57Ywa haget khol hư lijang ôh êng drei xanưng iơk kabha haget nạn njaup? 58Tuk hư nao thong ra palek palam drei mưrai di anak mưnuix pakrang, thôi jalan xang ran ba pathiam thong khol nhu, jôi lôi khol nhu hwa hư nao di anak gru kayamat, gru kayamat jao hư ka kar khik thang danuh piêh jam karơk hư. 59Ita đôm thong hư, mưca hư ôh tuk halei tabiak truh di thang danuh bihu ka tal tuk biyar bih boh jiên taluic.”
Actualmente seleccionado:
Lu-ka 12: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 12
12
Patayơt ra jalan adat baniai
(Ma-thi-ơ 10:26-27)
1 #
Mat 16:6; Mag 8:15. Tuk nan, bôl bhap patom nhom ribau tamưn mưnuix, thangak jwak jek ngok gaup. Dahlau yatha Pô Yê-su raup bican thong dôm anưk xêh Bhô laic: “Xang caga di boh tapei mưnuix Pha-ri-si, nạn tana jalan adat baniai. 2#Mag 4:22; Lu 8:17.Ôh hu kabha haget padaup bloh ôh gok parang tabiak thong ôh hu kabha haget dađaup kavơk bloh ôh gok pabiđang. 3Nan yơ dôm kabha khol hư krung hu đôm dalam libik xup mưca bihu hamit dalam libik hadah; dôm kabha khol hư krung hu đôm dalam kati dađaup mưca bihu pablo ngok pabung thang.
Xang hôic taka di Pô Lingik
(Ma-thi-ơ 10:28-31)
4Ita đôm thong khol hư nạn ayut côi Ita: Jôi hôic dôm ra pamưtai rup pabhap bloh hadei di nan ôh ngak haget bihu vơk. 5Min Ita brei khol hư thau xang hôic di thei: Xang hôic di Dê hadei di tuk krung hu pamưtai bloh, dok hu gon parah trun nôriga. Njaup rei, Ita đôm thong khol hư, xang hôic di Dê nan! 6Ôh njaup limư drei cim ngik bihu pablei thong yom dwa boh jiên ô? Yau nan min, Pô Lingik ôh klāk var tha drei halei trah. 7Bahkan ƀuk ngok akok khol hư lijang bihu yaup abih pajơ. Jôi hôic, kaywa khol hư hu lingai hơl di ralô cim ngik.
Tao Pô Yê-su di anak dunya
(Ma-thi-ơ 10:32-33)
8Ita đôm thong khol hư, thei tao tôk Ita di anak dunya yơ Anưk Mưnuix lijang mưca tao tôk urang nan di anak dôm umat Pô Lingik. 9Min thei kamlah klāk Ita pak anak dunya yơ urang nan lijang mưca gok kamlah klāk di anak dôm umat Pô Lingik. 10#Mat 12:32; Mag 3:29.Thei đôm pagan gađi thong Anưk Mưnuix yơ mưca bihu ampun; min thei đôm hanoh niêm tal Pô Nưbi Ginrơh yơ mưca ôh bihu ampun. 11#Mat 10:19,20; Mag 13:11; Lu 21:14,15.Tuk mưnuix urang ba khol hư tal anak thang nhom, di anak dôm mưnuix pakrang thong dôm kar pan gon jôi uh tarak xang đôm yau halei ngan đôm dôm haget piêh kar dađaup drei, 12kaywa êng di tuk nan, Pô Nưbi Ginrơh mưca pato khol hư dôm kabha hajat xang đôm.”
Urang ginup mưda gila gilit
13Kal nan, tha urang dalam tapôr bôl đôm thong Pô Yê-su: “Pathau gru, likau pađar xaai dahlak rabha ƀang angui ka dahlak.” 14Bhô thuuk: “Mưni urang dêh, thei padok Ita ngak mưnuix bican inư ngan nạn mưnuix rabha ƀang angui ka khol hư?” 15Bhô đôm thong khol nhu: “Xang tani tanat, caga rim paka tathrưg lagơh, kaywa gruk diup mưnuix ôh njaup kaywa di drap ar drei dalah dalai ô.” 16Bhô gilaic binô ka khol nhu tha arkatê: “Hamu tha urang ginup mưda dêh biak apho. 17Urang nan mưnưgxa: ‘Ita xang ngak haget ni, kaywa ôh dok libik piêh padang nôk rabha.’ 18Nhu đôm: ‘Mưca ita ngak yau ni: Mưca ita yah dôm gilang ni bloh darap dôm boh pakan prong hơl, bloh mưca ita patak patom brah padai thong drap ar ita tamư dalam nan. 19Mưca ita đôm thong thap xwan drei laic: Xwan diup lơy, hư krung bihu ralô drap ar piêh caga ka ralô thun. Xang padei gleh, ƀang mưnhum, thong bui be.’ 20Min Pô Lingik bican thong nhu: ‘Hơic ra gila! Êng mưlam ni thap xwan hư mưca gok đôk vơk; yau nan drap ar hư krung hu cek caga mưca bha di thei?’ 21Thei patak patom drap ar ka drei bloh ôh ginup mưda pak Pô Lingik yơ lijang yau nan rei.”
Gruk uh tarak
(Ma-thi-ơ 6:24-34)
22Pô Yê-su bican thong dôm anưk xêh: “Yau nan ka, Ita đôm thong khol hư, jôi kaywa di gruk diup bloh uh tarak ka kaya ƀang, lijang jôi kaywa di rup pabhap bloh uh tarak ka kaya cuk. 23Kaywa gruk diup banrik hơl di kaya ƀang thong rup pabhap banrik hơl di kaya cuk. 24Xang iơk pukar ak: Nhu ôh drāk, ôh ywak lijang ôh hu tông ngan kamnat, yau nan min Pô Lingik dok rong tapôr nhu. Khol hư dok puja banrik hơl di pukar cim biak ralô! 25Hơl vơk, hu thei dalam khol hư kaywa di uh tarak bloh ngak ka rai diup drei atah paƀlwak tha vakak#12:25 atah paƀlwak tha vakak: Ngan nạn glong paƀlwak. lei? 26Yau nan, mưyah khol hư ôh mưda ngak bihu tha bruk xit yau nan, habar khol hư gilaic uh tarak dôm bruk pakan? 27Xang iơk bingu ceng tamuh tagôk yau halei: Nhu ôh ngak bruk gleh glar, lijang ôh tasuh mrai; min Ita đôm thong khol hư, kanê patao Sa-lô-môn ghwơh ghang tal halei, lijang ôh bihu cuk mưlang bimi yau tha dalam dôm bingu ni. 28Yau nan, hơic dôm ra takik sagar dêh, mưyah bingu harơk lingiu hamu vār ni dok diup, harei paguh gok parah tamư cakran bloh Pô Lingik dok brei cuk mưlang bimi yau nan, laic haget khol hư! 29Ywa nan ka, jôi pachang dwah kaya ƀang, ia mưnhum, lijang jôi tapa di uh tarak. 30Kaywa abih kabha nan, dôm paran ngok dunya jang bhian pachang dwah, thong Amư khol hư krung hu thau abih hanư jat khol hư pajơ. 31Min xang pachang dwah dit biya anưd Bhô,#12:31 anưd Bhô: Dalam tha thanôn blah vak tangin nạn anưd Pô Lingik yơ mưca Bhô ƀai brei ka khol hư abih kabha nan vơk. 32Hơic tapôr xit, jôi hôic, kaywa Amư khol hư krung hu bui tian ƀai brei dit biya ka khol hư pajơ. 33Xang pablei drap ar drei bloh ngak bruk hanim phôl. Xang blei ka drei dôm kadung jiên ôh pao klak thong gilang banrik ôh karang ngok thôr riga, libik ra klek ôh mưrai jek bihu, mu mok ôh ngak pao bang bihu. 34Kaywa drap ar khol hư pak halei, yơ tian khol hư lijang pak nan.”
Gruk pamưdơh
35 #
Mat 25:1-13. “Kaing khol hư xang girak vơk, mưnhưk khol hư xang truic tagôk. 36#Mag 13:34-36.Khol hư xang ngak yau ka dôm urang dok cang pô drei pak đam likhah mưrai, piêh tuk pô mai tal, papoh baƀang yơ pơh vêt. 37Phôl ka dôm halun nan, tuk pô mưrai ƀôh khol nhu dok mưdơh khik! Biak jơh, Ita đôm thong khol hư, mưca pô girak kaing drei bloh daa dôm halun dok di paban đam payak thong mưrai ragxa khol nhu. 38Mưyah pô gilaic mai, tuk krưh mưlam hai jek hadah,#12:38 tuk krưh mưlam hai jek hadah: Nôic tuk thalipan mưlam tal tuk klau hadah. ƀôh dôm halun yau nan yơ biak nạn hanim siam ka khol nhu! 39#Mat 24:43,44.Xang thau kabha ni: Mưyah pô thang thau bihu ra klek mưrai tuk halei yơ mưca ôh lôi#12:39 mưca ôh lôi: Dalam tha thanôn blah vak tangin nạn mưca mong iơk thong ôh lôi. ka nhu tamư thang drei. 40Khol hư lijang xang thudia, kaywa Anưk Mưnuix mưrai dalam tuk khol hư ôh xanưng hu.”
Halun kloh hatai thong halun ôh kloh hatai
(Ma-thi-ơ 24:45-51)
41Phi-e-rơ pathau: “Pô lơy, Bhô bican arkatê ni ka khol dahlak ngan lijang ka abih drei?” 42Pô thuuk: “Urang halei nạn mưnuix mong iơk thang jag karag thong kloh hatai, bihu pô jao mong iơk dôm halun drei piêh brei jao kaya ƀang njaup tuk? 43Phôl ka halun nan tuk pô mưrai ƀôh ngak yau nan! 44Biak jơh, Ita đôm thong khol hư, mưca pô jao ka halun nan mong iơk abih ƀang angui drei. 45Min mưyah halun nan êng xanưng: ‘Pô ita ô ka mai drah ô,’ nan ka raup tong poh halun likei, halun kamei, bloh ƀang mưnhum mưbuk. 46Mưca pô nhu mưrai dalam harei nhu ôh xanưng tal, dalam tuk nhu ôh thau, mưca pô dan dun nhu trak damak#12:46 dan dun nhu trak damak: Ngan nạn cakak nhu tabiak yāup kleh. thong brei ka nhu ciup harung thô vag thong ra ôh kloh hatai. 47Halun halei krung hu thau jamal pô drei bloh ôh thrap gap thudia thong ôh ngak tui jamal pô yơ mưca gok ƀang havei trak. 48Min halun halei ôh thau jamal pô bloh ngak bruk đang tamar yơ mưca gok ƀang havei njôl. Kaywa thei krung bihu ƀai brei ralô; yơ mưca gok đôk vơk ralô; thei krung bihu jao brei ralô hơl, yơ mưca gok đôk vơk ralô hơl.”
Dôm panôic kakei pato pakan
49“Ita krung hu mưrai piêh parah apui trun di tanưh. Mưyah apui blau tagôk bloh, Ita dok cong takrư haget vơk! 50#Mag 10:38.Hu tha ƀap-tem bloh Ita xang ciup, Ita pađik pađwa thau ka hadôm, ka tal habiên halei bruk nan bihu pathik! 51Khol hư xanưng laic Ita mưrai piêh ba thug siam ka dunya habar? Ita đôm thong khol hư, ôh njaup, min ba gruk klah nưh yơ njaup hơl. 52Kaywa mưng ni, limư urang mưdok harung tha boh thang mưca klah nưh gaup: klau urang pagan gađi thong dwa, dwa urang pagan gađi thong klau. 53Mưca khol nhu klah nưh gaup: Amư pagan gađi thong anưk likei, anưk likei pagan gađi thong amư; amek pagan gađi thong anưk kamei, anưk kamei pagan gađi thong amek; thuma kamei pagan gađi thong mưtau kamei, mưtau kamei pagan gađi thong thuma kamei.”
Krưn bangyau
(Ma-thi-ơ 16:2-3)
54Bhô gilaic bican thong tapôr bôl: “Tuk ƀôh halong taganum brôk tagôk pak adih pai, khol hư đôm vêt: ‘Mưca hu hajān’; yơ hu yau nan. 55Gilaic tuk angin mưrong yuk, khol hư đôm: ‘Mưca pađiak blau’; yơ hu yau nan. 56Hơic mưnok jalan adat baniai! Khol hư thau krưn xar mưlingiu anưd lingik tanưh, min habar ôh thau krưn tanut vagtu urak ni?
Ba pathiam thong ra palek palam
(Ma-thi-ơ 5:25-26)
57Ywa haget khol hư lijang ôh êng drei xanưng iơk kabha haget nạn njaup? 58Tuk hư nao thong ra palek palam drei mưrai di anak mưnuix pakrang, thôi jalan xang ran ba pathiam thong khol nhu, jôi lôi khol nhu hwa hư nao di anak gru kayamat, gru kayamat jao hư ka kar khik thang danuh piêh jam karơk hư. 59Ita đôm thong hư, mưca hư ôh tuk halei tabiak truh di thang danuh bihu ka tal tuk biyar bih boh jiên taluic.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.