Lu-ka 14
14
Pô Yê-su pajru dhit ka mưnuix rwak jiông
1Tha harei Sa-ƀat, Pô Yê-su tamư thang tha urang pan akok bha di kavôm Pha-ri-si piêh ƀang vār; mưnuix urang patom mat tui mong Bhô. 2Tuk nan, di anak Bhô hu tha urang libuh rwak jiông. 3Pô Yê-su đôm thong dôm gru adat thong mưnuix Pha-ri-si laic: “Dalam harei Sa-ƀat, bihu idin pajru rwak halei thoh?” 4Min khol nhu jang gađang krap, Bhô vơh urang rwak tagôk, pajru dhit bloh brei nao thang. 5#Mat 12:11.Bhô bican thong khol nhu: “Thei dalam khol hư hu anưk ngan limo lek tamư bingun dalam harei Sa-ƀat bloh ôh binhêt katung tagôk ô?” 6Khol nhu ôh mưda thuuk bihu.
Pato ka gruk aneh drei thong dhar phôl
7Tuk ƀôh dôm urang bihu daa jang rwah libik samkhan yatha, Bhô binô ka khol nhu tha arkatê: 8“Tuk mưnuix urang daa hư tamưbha đam likhah, jôi dok libik samkhan yatha, kaywa hu mưda dalam dôm tôi daa hu mưnuix samkhan hơl di hư. 9Mưnuix pô đam likhah mưca mưrai đôm thong hư: ‘Xang ưn libik ka urang ni dok,’ tuk nan mưca hư mưlau kaywa xang trun dok libik taluic. 10Min tuk hư bihu daa, xang dok libik luic, piêh tuk mưnuix pô đam likhah mưrai đôm thong hư: ‘Ayut lơy, likau daa tagôk dok libik glong hơl,’ yơ hư mưca bihu pôkja di anak dôm urang dok thubik paban thong hư. 11#Mat 23:12; Lu 18:14.Kaywa thei papôk drei tagôk mưca gok paglơh trun, dok thei êng aneh drei trun mưca bihu papôk tagôk.”
12Bhô lijang bican thong mưnuix daa Bhô laic: “Tuk hư payak ƀang tuk jala ngan ƀang tuk xup, jôi daa ayut côi, dei ai, gaup patian ngan mưnuix jek taphia ginup mưda, hôic lô khol nhu lijang daa gilaic bloh biyar karun ka hư. 13Min tuk hư payak đam, xang daa dôm urang kathot raƀah, jar jok, joh jo, tagloh taglit 14yơ mưca hư bihu phôl, kaywa khol nhu ôh mưda biyar karun ka hư; tal harei urang kahanôt diup vơk, mưca hư bihu biyar karun.”
Arkatê ka vār đam payak prong
(Ma-thi-ơ 22:1-10)
15Tha urang dok thubik paban thong Pô Yê-su pang dôm kabha ni, yơ pathau thong Bhô: “Phôl ka urang halei bihu ƀang tapei dalam Dit Biya Pô Lingik!” 16Min Bhô thuuk: “Hu tha urang thai đam payak prong, daa ralô urang mưrai tamưbha. 17Tal tuk ƀang, ong pachai halun drei nao akhan thong dôm urang bihu daa laic: ‘Xang mưrai, abih gruk krung hu thudia bloh.’ 18Min abih drei jang dhar mưk. Urang ya tha đôm: ‘Dahlak hu blei tha alok hamu, hajat xang nao iơk. Likau brei ka dahlak dhar mưk.’ 19Urang pakan đôm: ‘Dahlak hu blei limư yau limo hajat xang nao iơk. Likau brei dahlak dhar mưk.’ 20Urang pakan vơk laic: ‘Dahlak birau khing kamei, kaywa nan, dahlak ôh mưda nao bihu.’ 21Halun gilaic mai pathau bruk nan ka pô drei. Pô dangih mưkek, pađar halun: ‘Xang nao xamar tabiak lingiu jalan ding thong dôm plah vah dalam dhan ba dôm urang kathot raƀah, jar jok, tagloh taglit, joh jo tamư tak ni.’ 22Halun gilaic đôm: ‘Pathau pô, kabha pô pato, dahlak krung hu ngak bloh, nan min jang dok libik hwơng.’ 23Pô thang gilaic pađar halun: ‘Xang tabiak lingiu jalan thong rah paga daa ep mưnuix urang tamư ka bak thang ita. 24Kaywa ita đôm thong khol hư, dalam dôm urang krung bihu daa dahlau dêh, mưca ôh tha urang halei bihu tavan đam payak anưd ita.’”
Yom piêh gilaic hajiơng anưk xêh Pô Yê-su
(Ma-thi-ơ 10:37-38)
25Hu tapôr bôl nao thubik thong Pô Yê-su; Bhô yơng gaic bican thong khol nhu: 26#Mat 10:37.“Mưyah thei mưrai tom Ita bloh ôh limuk di amek amư, hadiup anưk, dei ai likei, dei ai kamei drei, thong limuk êng gruk diup drei tra yơ ôh mưda ngak anưk xêh Ita. 27#Mat 10:38; Mat 16:24; Mag 8:34; Lu 9:23.Thei ôh galam gai gan gak drei bloh tui Ita, lijang ôh mưda ngak anưk xêh Ita.
28Thei dalam khol hư ưng darap tha boh kurasi bloh dahlau yatha ôh dok kahria thiak tabiak piêh thau drei hu tal jiên tamat nhu kaic? 29Mưyah ôh, tuk krung hu darap canar var bloh, min gilaic ôh ngak bibloh bihu, yơ abih drei ƀôh, mưca klao bilei 30thong đôm laic: ‘Urang ni trun kong darap bloh ôh mưda ngak pathik bihu!’ 31Ngan nạn hu patao halei nao mưthuh kalin thong patao pakan, bloh dahlau yatha ôh dok xin biai iơk drei ba nao tha pluh ribau jabôl hu mưda jai nôi patao dêh thong dwa pluh ribau jabôl kaic? 32Mưyah ô jai nôi, tuk patao dêh dok atah, yơ ong pachai kaphwari nao likau kanư iman. 33Yau nan, mưyah thei dalam khol hư ôh klāk abih gruk drei hu, yơ ôh mưda ngak anưk xêh Ita.
Xara bih ƀak
(Ma-thi-ơ 5:13; Mag 9:50)
34Xara takrung nạn siam, min mưyah xara lihik licar ƀak yơ ngak habar ka nhu ƀak vơk bihu? 35Xara nan ôh mưda angui drāk hamu ngan thrau khak, mưnuix urang xang parah klāk nhu tabiak lingiu. Thei hu tangi piêh pang, xang pangik pang!”
Actualmente seleccionado:
Lu-ka 14: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 14
14
Pô Yê-su pajru dhit ka mưnuix rwak jiông
1Tha harei Sa-ƀat, Pô Yê-su tamư thang tha urang pan akok bha di kavôm Pha-ri-si piêh ƀang vār; mưnuix urang patom mat tui mong Bhô. 2Tuk nan, di anak Bhô hu tha urang libuh rwak jiông. 3Pô Yê-su đôm thong dôm gru adat thong mưnuix Pha-ri-si laic: “Dalam harei Sa-ƀat, bihu idin pajru rwak halei thoh?” 4Min khol nhu jang gađang krap, Bhô vơh urang rwak tagôk, pajru dhit bloh brei nao thang. 5#Mat 12:11.Bhô bican thong khol nhu: “Thei dalam khol hư hu anưk ngan limo lek tamư bingun dalam harei Sa-ƀat bloh ôh binhêt katung tagôk ô?” 6Khol nhu ôh mưda thuuk bihu.
Pato ka gruk aneh drei thong dhar phôl
7Tuk ƀôh dôm urang bihu daa jang rwah libik samkhan yatha, Bhô binô ka khol nhu tha arkatê: 8“Tuk mưnuix urang daa hư tamưbha đam likhah, jôi dok libik samkhan yatha, kaywa hu mưda dalam dôm tôi daa hu mưnuix samkhan hơl di hư. 9Mưnuix pô đam likhah mưca mưrai đôm thong hư: ‘Xang ưn libik ka urang ni dok,’ tuk nan mưca hư mưlau kaywa xang trun dok libik taluic. 10Min tuk hư bihu daa, xang dok libik luic, piêh tuk mưnuix pô đam likhah mưrai đôm thong hư: ‘Ayut lơy, likau daa tagôk dok libik glong hơl,’ yơ hư mưca bihu pôkja di anak dôm urang dok thubik paban thong hư. 11#Mat 23:12; Lu 18:14.Kaywa thei papôk drei tagôk mưca gok paglơh trun, dok thei êng aneh drei trun mưca bihu papôk tagôk.”
12Bhô lijang bican thong mưnuix daa Bhô laic: “Tuk hư payak ƀang tuk jala ngan ƀang tuk xup, jôi daa ayut côi, dei ai, gaup patian ngan mưnuix jek taphia ginup mưda, hôic lô khol nhu lijang daa gilaic bloh biyar karun ka hư. 13Min tuk hư payak đam, xang daa dôm urang kathot raƀah, jar jok, joh jo, tagloh taglit 14yơ mưca hư bihu phôl, kaywa khol nhu ôh mưda biyar karun ka hư; tal harei urang kahanôt diup vơk, mưca hư bihu biyar karun.”
Arkatê ka vār đam payak prong
(Ma-thi-ơ 22:1-10)
15Tha urang dok thubik paban thong Pô Yê-su pang dôm kabha ni, yơ pathau thong Bhô: “Phôl ka urang halei bihu ƀang tapei dalam Dit Biya Pô Lingik!” 16Min Bhô thuuk: “Hu tha urang thai đam payak prong, daa ralô urang mưrai tamưbha. 17Tal tuk ƀang, ong pachai halun drei nao akhan thong dôm urang bihu daa laic: ‘Xang mưrai, abih gruk krung hu thudia bloh.’ 18Min abih drei jang dhar mưk. Urang ya tha đôm: ‘Dahlak hu blei tha alok hamu, hajat xang nao iơk. Likau brei ka dahlak dhar mưk.’ 19Urang pakan đôm: ‘Dahlak hu blei limư yau limo hajat xang nao iơk. Likau brei dahlak dhar mưk.’ 20Urang pakan vơk laic: ‘Dahlak birau khing kamei, kaywa nan, dahlak ôh mưda nao bihu.’ 21Halun gilaic mai pathau bruk nan ka pô drei. Pô dangih mưkek, pađar halun: ‘Xang nao xamar tabiak lingiu jalan ding thong dôm plah vah dalam dhan ba dôm urang kathot raƀah, jar jok, tagloh taglit, joh jo tamư tak ni.’ 22Halun gilaic đôm: ‘Pathau pô, kabha pô pato, dahlak krung hu ngak bloh, nan min jang dok libik hwơng.’ 23Pô thang gilaic pađar halun: ‘Xang tabiak lingiu jalan thong rah paga daa ep mưnuix urang tamư ka bak thang ita. 24Kaywa ita đôm thong khol hư, dalam dôm urang krung bihu daa dahlau dêh, mưca ôh tha urang halei bihu tavan đam payak anưd ita.’”
Yom piêh gilaic hajiơng anưk xêh Pô Yê-su
(Ma-thi-ơ 10:37-38)
25Hu tapôr bôl nao thubik thong Pô Yê-su; Bhô yơng gaic bican thong khol nhu: 26#Mat 10:37.“Mưyah thei mưrai tom Ita bloh ôh limuk di amek amư, hadiup anưk, dei ai likei, dei ai kamei drei, thong limuk êng gruk diup drei tra yơ ôh mưda ngak anưk xêh Ita. 27#Mat 10:38; Mat 16:24; Mag 8:34; Lu 9:23.Thei ôh galam gai gan gak drei bloh tui Ita, lijang ôh mưda ngak anưk xêh Ita.
28Thei dalam khol hư ưng darap tha boh kurasi bloh dahlau yatha ôh dok kahria thiak tabiak piêh thau drei hu tal jiên tamat nhu kaic? 29Mưyah ôh, tuk krung hu darap canar var bloh, min gilaic ôh ngak bibloh bihu, yơ abih drei ƀôh, mưca klao bilei 30thong đôm laic: ‘Urang ni trun kong darap bloh ôh mưda ngak pathik bihu!’ 31Ngan nạn hu patao halei nao mưthuh kalin thong patao pakan, bloh dahlau yatha ôh dok xin biai iơk drei ba nao tha pluh ribau jabôl hu mưda jai nôi patao dêh thong dwa pluh ribau jabôl kaic? 32Mưyah ô jai nôi, tuk patao dêh dok atah, yơ ong pachai kaphwari nao likau kanư iman. 33Yau nan, mưyah thei dalam khol hư ôh klāk abih gruk drei hu, yơ ôh mưda ngak anưk xêh Ita.
Xara bih ƀak
(Ma-thi-ơ 5:13; Mag 9:50)
34Xara takrung nạn siam, min mưyah xara lihik licar ƀak yơ ngak habar ka nhu ƀak vơk bihu? 35Xara nan ôh mưda angui drāk hamu ngan thrau khak, mưnuix urang xang parah klāk nhu tabiak lingiu. Thei hu tangi piêh pang, xang pangik pang!”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.