Lu-ka 11
11
Gruk lang kar
(Ma-thi-ơ 6:9-13; 7:7-11)
1Pô Yê-su dok lang kar pak tha libik dêh. Tuk lang kar bloh, tha anưk xêh pathau thong Bhô: “Pô lơy, likau pato khol dahlak lang kar drơh Yâng krung hu pato dôm anưk xêh ong.” 2Bhô bican thong khol nhu: “Tuk khol hư lang kar, xang đôm:
‘Amư lơy! Likau kanư Angan Amư bihu papôk nưbi.
Dit biya Amư bihu mưrai.
3Likau brei ka khol dahlak kaya ƀang harei halei truh hanuk harei nan.
4Likau ampun glaic khol dahlak,
Kaywa khol dahlak lijang ampun ka ra ngak xwel thong khol dahlak.
Likau jôi lôi khol dahlak lek tamư gruk palwô ngal!’”
5Bloh Bhô bican thong khol nhu: “Thei dalam khol hư hu tha urang ayut thong krưh mưlam mưrai đôm thong urang laic: ‘Ayut lơy, brei ka dahlak nhim klau kleh tapei, 6kaywa ayut dahlak birau mưrai bloh dahlak ôh hu haget piêh payak xaai nan.’ 7Mưyah urang nan mưng dalam thang thuuk: ‘Jôi ngak binhôl dahlak, baƀang karơk pajơ, anưk bik thong dahlak krung hu đih bloh, ôh tagôk mưk tapei ka hư bihu!’ 8Ita đôm thong khol hư, kanê urang nan ôh kaywa tiak ayut, bloh tagôk mưk tapei brei, min kaywa urang ayut kưk pôic neh hamiêt hajiơng urang nan bruh tagôk thong brei ka urang ayut tal gruk hajat angui. 9Yau nan, Ita đôm thong khol hư: Xang likau, mưca bihu; xang dwah, mưca gōk; xang papoh, mưca baƀang pơh ka khol hư. 10Kaywa phak thei likau yơ bihu, thei dwah yơ gōk, thong thei papoh, yơ mưca baƀang bihu pơh.#11:10 mưca baƀang bihu pơh: Dalam tha thanôn blah vak tangin nạn baƀang bihu pơh. 11Dalam khol hư hu thei ngak amư, tuk anưk drei likau ikan#11:11tuk anưk drei likau ikan: Dalam tha thanôn blah vak tangin nạn tuk anưk drei likau tapei bloh brei patau kaic? Hai nan likau ikan. bloh brei ula kaic? 12Hai nạn likau boh mưnuk gilaic brei diêng kaic? 13Yau nan, mưyah khol hư nạn mưnuix jhak, dok thau ƀai brei ka anưk bik drei dôm pakar siam, laic haget Amư dok ngok thôr riga gilaic ôh ƀai brei Pô Nưbi Ginrơh ka mưnuix likau di Bhô ô!”
Pô Yê-su thong Ƀê-ên-xê-ƀun
(Ma-thi-ơ 12:22-30,38-45; Mag 3:20-27)
14Pô Yê-su tiaup tha ajin kamlo; tuk ajin tabiak truh, mưnuix kamlo binhêt đôm bihu. Bôl bhap jang plơng kadơng. 15#Mat 9:34; Mat 10:25.Min hu hadôm urang dalam khol nhu đôm: “Urang ni nhơ di Ƀê-ên-xê-ƀun nạn ajin patao bloh tiaup ajin.” 16#Mat 12:38; Mat 16:1; Mag 8:11.Tha thanôn urang pakan ưng long Bhô, likau Bhô brei tha nưm crih mưng thôr riga.
17Pô Yê-su thau thangka khol nhu hajiơng bican: “Dit biya halei êng klah nưh yơ mưca drup jalơh, thang halei êng klah nưh yơ mưca libwah. 18Yau nan, mưyah Sa-tan êng klah nưh yơ dit biya nhu ngak habar dok kađong bihu? Kaywa khol hư laic Ita nhơ di Ƀê-ên-xê-ƀun bloh tiaup dôm ajin. 19Mưyah Ita nhơ di Ƀê-ên-xê-ƀun bloh tiaup dôm ajin yơ anưk bik khol hư nhơ di thei bloh tiaup ajin? Ywa nan ka êng khol nhu mưca nạn mưnuix pachang bican khol hư. 20Min mưyah Ita nhơ di inư tangin Pô Lingik bloh tiaup dôm ajin yơ Dit Biya Pô Lingik krung hu mưrai tom khol hư pajơ. 21Tuk tha urang hu ritdhi, akha tal abih, khik thang drei yơ drap ar bihu throng iman. 22Min tuk hu urang khang hơl mưrai balin, jaiyak bihu yơ mưk akha urang dêh taka, bloh ba rabha takhat drap ar krung hu blah bihu.
23 #
Mag 9:40. Thei ôh mưdok thong Ita yơ mưradhag vơk Ita, thei ôh atadha thong Ita yơ cah côt.
Gok tan ok yang tamư vơk
(Ma-thi-ơ 12:43-45)
24Tuk tan ok yang tabiak truh di tha urang, nhu nao tapa dôm libik thu thang piêh dwah libik padei, min ôh dwah bihu, nhu đôm: ‘Mưca ita gilaic mai thang ita, libik ita birau tabiak truh.’ 25Tuk mai tal, ƀôh thang bihu bah ramik thong danôp nôk nang 26yơ nhu nao jāk tajuh ajin pakan xag mưjưy hơl thubik tamư mưdok dalam nan. Yau nan, canưk hadei anưd urang nan dok utan jhak hơl dahlau.”
Hanim phôl biak
27Dalam tuk Pô Yê-su bican dôm kabha nan, hu tha urang kamei dalam tapôr bôl pôk xap pathau: “Phôl ka tian krung hu đung ba Bhô thong tathau krung hu brei Bhô mum!” 28Min Bhô thuuk: “Dôm urang pang thong khik Panôic Pô Lingik dok hu phôl hơl!”
Nưm crih Yô-na
(Ma-thi-ơ 12:38-42)
29 #
Mat 16:4; Mag 8:12. Tuk bôl bhap patom nhom ralô hơl, Bhô raup bican: “Rai rak ni nạn rai rak xag mưjưy. Khol nhu dwah tha nưm crih, min mưca ôh hu tha nưm crih halei bihu ƀai brei ka khol nhu, klāk nưm crih Yô-na tabiak. 30Kaywa Yô-na gilaic jiơng nưm crih ka bôl Ni-ni-ve yau halei yơ Anưk Mưnuix lijang mưca nạn nưm crih ka rai rak ni yau nan. 31Dalam harei bican inư, patao kamei adih mưrong mưca brôk tagôk mưradhag dôm urang anưd rai rak ni padok an khol nhu; kaywa mưng libik luic boh tanưh, muk mưrai pang panôic jag karag Sa-lô-môn, thong mưni, tak ni hu Dê dok prong di prong hơl di Sa-lô-môn! 32Dalam harei bican inư, bôl Ni-ni-ve mưca brôk tagôk thubik thong rai rak ni bloh padok an khol nhu, kaywa bôl nan krung hu pang panôic Yô-na rao lang thong tumal; thong mưni, tak ni hu Dê prong di prong hơl di Yô-na!
Tanrak hadah anưd rup pabhap
(Ma-thi-ơ 5:15; 6:22-23)
33 #
Mat 5:15; Mag 4:21; Lu 8:16. Ôh thei truic mưnhưk bloh cek di libik kavơk ngan tak ala jāk,#11:33 ngan tak ala jāk: Dalam tha thanôn blah vak tangin ôh hu dôm akhar ni. min cek ngok kapuk mưnhưk piêh thei yam tamư thang hu mưda ƀôh tanrak hadah. 34Mưta hư nạn mưnhưk anưd rup pabhap. Tuk mưta hư siam yơ abih rup pabhap hư lijang hadah, min mưta gok pao yơ abih rup pabhap hư lijang xup. 35Yau nan, xang ajut, ô mưca tanrak hadah dalam hư gilaic hajiơng bhôlir. 36Mưyah abih rup pabhap hư bak tanrak hadah, ôh hu nôk halei xup palup, yơ mưca bihu hadah purmưta, lijang yau hadah mưnhưk pachang hadah ka hư rei.”
Pô Yê-su lang ka mưnuix Pha-ri-si thong gru pato adat
(Ma-thi-ơ 23:1-36; Mag 12:38-40)
37Tuk Pô Yê-su bican bloh, hu tha urang Pha-ri-si daa Bhô mai thang ƀang vār. Bhô yam tamư bloh dok di paban ƀang. 38Mưnuix Pha-ri-si ni plơng kadơng ƀôh Bhô ôh rao tangin dahlau vār ƀang. 39Ywa nan ka, Pô bican: “Mưnuix Pha-ri-si khol hư rao hacih gah lingiu pangin pareng, min gah dalam yơ bak lamak gruk tathrưg lagơh thong xag mưjưy. 40Hơic ra gila! Dê krung hu padak padang gah lingiu gilaic ôh padak padang gah dalam vơk ô? 41Min xang lanưng hatai dakhah dakhat dôm haget drei hu, yơ abih gruk mưca hu ngak hacih ka khol hư. 42Lihin din ka khol hư, mưnuix Pha-ri-si! Kaywa khol hư hakak tha bhan tha pluh njam gwa, hala dang mưthong rim paka njam, min gilaic var adil thong gruk anit ranam Pô Lingik! Khol hư xang ngak dôm kabha ni, min lijang ôh bihu ngak langoh dôm kabha dêh. 43Lihin din ka khol hư, mưnuix Pha-ri-si! Kaywa khol hư takrư libik samkhan yatha dalam thang nhom, thong ưng bihu mưnuix urang xalam drei krưh darak! 44Lihin din ka khol hư! Kaywa khol hư drơh yau tanum bhao, thong mưnuix urang yam tagôk ngok bloh ôh thau!” 45Tha gru adat đôm vêt: “Pathau Gru, Gru đôm kabha ni nạn pôic drak ka abih khol dahlak gêk.” 46Pô Yê-su thuuk: “Lihin din ka khol hư vơk, nạn dôm gru adat! Kaywa khol hư dak ka mưnuix urang anong trak kar thi ba, dok êng drei yơ ôh gok tal akok inư tangin! 47Lihin din ka khol hư! Kaywa khol hư darap tanum anưd dôm pakat hôr bloh muk kei drei krung hu pamưtai! 48Yau nan, khol hư ngak kaxan thong bak yom bruk ngak anưd muk kei drei; kaywa khol nhu krung hu pamưtai dôm pakat hôr, dok khol hư gilaic darap tanum ka dôm pakat nan. 49Ywa nan ka, gruk jag karag Pô Lingik krung hu bican: ‘Mưca Ita pachai dôm pakat hôr thong Xêh Pachai mưrai tom khol nhu. Mưca khol nhu pamưtai urang ni, pagui mưk mưnuix dêh.’ 50Yau nan, rai rak ni mưca gok đôk thre darah abih pakat hôr krung hu tuh tabiak mưng vār padak padang dunya, 51ar nạn mưng darah A-bên ka tal darah Xa-ca-ri, urang krung hu gok pamưtai di krưh nôic jaban thong libik likam. Njaup, Ita đôm thong khol hư, rai rak ni mưca gok đôk thre darah nan. 52Lihin din ka khol hư, nạn dôm gru adat! Kaywa khol hư krung hu khik anưk kiêr anưd dul thau, êng khol hư ôh tamư min gilaic pakak dôm urang pakan ưng tamư!” 53Tuk Pô Yê-su tabiak truh di nan, dôm gru pato adat thong mưnuix Pha-ri-si raup pagan gađi Bhô danưh thong pađao Bhô ralô kabha, 54pađik ge piêh mưk takai yāup panôic Bhô đôm.
Actualmente seleccionado:
Lu-ka 11: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 11
11
Gruk lang kar
(Ma-thi-ơ 6:9-13; 7:7-11)
1Pô Yê-su dok lang kar pak tha libik dêh. Tuk lang kar bloh, tha anưk xêh pathau thong Bhô: “Pô lơy, likau pato khol dahlak lang kar drơh Yâng krung hu pato dôm anưk xêh ong.” 2Bhô bican thong khol nhu: “Tuk khol hư lang kar, xang đôm:
‘Amư lơy! Likau kanư Angan Amư bihu papôk nưbi.
Dit biya Amư bihu mưrai.
3Likau brei ka khol dahlak kaya ƀang harei halei truh hanuk harei nan.
4Likau ampun glaic khol dahlak,
Kaywa khol dahlak lijang ampun ka ra ngak xwel thong khol dahlak.
Likau jôi lôi khol dahlak lek tamư gruk palwô ngal!’”
5Bloh Bhô bican thong khol nhu: “Thei dalam khol hư hu tha urang ayut thong krưh mưlam mưrai đôm thong urang laic: ‘Ayut lơy, brei ka dahlak nhim klau kleh tapei, 6kaywa ayut dahlak birau mưrai bloh dahlak ôh hu haget piêh payak xaai nan.’ 7Mưyah urang nan mưng dalam thang thuuk: ‘Jôi ngak binhôl dahlak, baƀang karơk pajơ, anưk bik thong dahlak krung hu đih bloh, ôh tagôk mưk tapei ka hư bihu!’ 8Ita đôm thong khol hư, kanê urang nan ôh kaywa tiak ayut, bloh tagôk mưk tapei brei, min kaywa urang ayut kưk pôic neh hamiêt hajiơng urang nan bruh tagôk thong brei ka urang ayut tal gruk hajat angui. 9Yau nan, Ita đôm thong khol hư: Xang likau, mưca bihu; xang dwah, mưca gōk; xang papoh, mưca baƀang pơh ka khol hư. 10Kaywa phak thei likau yơ bihu, thei dwah yơ gōk, thong thei papoh, yơ mưca baƀang bihu pơh.#11:10 mưca baƀang bihu pơh: Dalam tha thanôn blah vak tangin nạn baƀang bihu pơh. 11Dalam khol hư hu thei ngak amư, tuk anưk drei likau ikan#11:11tuk anưk drei likau ikan: Dalam tha thanôn blah vak tangin nạn tuk anưk drei likau tapei bloh brei patau kaic? Hai nan likau ikan. bloh brei ula kaic? 12Hai nạn likau boh mưnuk gilaic brei diêng kaic? 13Yau nan, mưyah khol hư nạn mưnuix jhak, dok thau ƀai brei ka anưk bik drei dôm pakar siam, laic haget Amư dok ngok thôr riga gilaic ôh ƀai brei Pô Nưbi Ginrơh ka mưnuix likau di Bhô ô!”
Pô Yê-su thong Ƀê-ên-xê-ƀun
(Ma-thi-ơ 12:22-30,38-45; Mag 3:20-27)
14Pô Yê-su tiaup tha ajin kamlo; tuk ajin tabiak truh, mưnuix kamlo binhêt đôm bihu. Bôl bhap jang plơng kadơng. 15#Mat 9:34; Mat 10:25.Min hu hadôm urang dalam khol nhu đôm: “Urang ni nhơ di Ƀê-ên-xê-ƀun nạn ajin patao bloh tiaup ajin.” 16#Mat 12:38; Mat 16:1; Mag 8:11.Tha thanôn urang pakan ưng long Bhô, likau Bhô brei tha nưm crih mưng thôr riga.
17Pô Yê-su thau thangka khol nhu hajiơng bican: “Dit biya halei êng klah nưh yơ mưca drup jalơh, thang halei êng klah nưh yơ mưca libwah. 18Yau nan, mưyah Sa-tan êng klah nưh yơ dit biya nhu ngak habar dok kađong bihu? Kaywa khol hư laic Ita nhơ di Ƀê-ên-xê-ƀun bloh tiaup dôm ajin. 19Mưyah Ita nhơ di Ƀê-ên-xê-ƀun bloh tiaup dôm ajin yơ anưk bik khol hư nhơ di thei bloh tiaup ajin? Ywa nan ka êng khol nhu mưca nạn mưnuix pachang bican khol hư. 20Min mưyah Ita nhơ di inư tangin Pô Lingik bloh tiaup dôm ajin yơ Dit Biya Pô Lingik krung hu mưrai tom khol hư pajơ. 21Tuk tha urang hu ritdhi, akha tal abih, khik thang drei yơ drap ar bihu throng iman. 22Min tuk hu urang khang hơl mưrai balin, jaiyak bihu yơ mưk akha urang dêh taka, bloh ba rabha takhat drap ar krung hu blah bihu.
23 #
Mag 9:40. Thei ôh mưdok thong Ita yơ mưradhag vơk Ita, thei ôh atadha thong Ita yơ cah côt.
Gok tan ok yang tamư vơk
(Ma-thi-ơ 12:43-45)
24Tuk tan ok yang tabiak truh di tha urang, nhu nao tapa dôm libik thu thang piêh dwah libik padei, min ôh dwah bihu, nhu đôm: ‘Mưca ita gilaic mai thang ita, libik ita birau tabiak truh.’ 25Tuk mai tal, ƀôh thang bihu bah ramik thong danôp nôk nang 26yơ nhu nao jāk tajuh ajin pakan xag mưjưy hơl thubik tamư mưdok dalam nan. Yau nan, canưk hadei anưd urang nan dok utan jhak hơl dahlau.”
Hanim phôl biak
27Dalam tuk Pô Yê-su bican dôm kabha nan, hu tha urang kamei dalam tapôr bôl pôk xap pathau: “Phôl ka tian krung hu đung ba Bhô thong tathau krung hu brei Bhô mum!” 28Min Bhô thuuk: “Dôm urang pang thong khik Panôic Pô Lingik dok hu phôl hơl!”
Nưm crih Yô-na
(Ma-thi-ơ 12:38-42)
29 #
Mat 16:4; Mag 8:12. Tuk bôl bhap patom nhom ralô hơl, Bhô raup bican: “Rai rak ni nạn rai rak xag mưjưy. Khol nhu dwah tha nưm crih, min mưca ôh hu tha nưm crih halei bihu ƀai brei ka khol nhu, klāk nưm crih Yô-na tabiak. 30Kaywa Yô-na gilaic jiơng nưm crih ka bôl Ni-ni-ve yau halei yơ Anưk Mưnuix lijang mưca nạn nưm crih ka rai rak ni yau nan. 31Dalam harei bican inư, patao kamei adih mưrong mưca brôk tagôk mưradhag dôm urang anưd rai rak ni padok an khol nhu; kaywa mưng libik luic boh tanưh, muk mưrai pang panôic jag karag Sa-lô-môn, thong mưni, tak ni hu Dê dok prong di prong hơl di Sa-lô-môn! 32Dalam harei bican inư, bôl Ni-ni-ve mưca brôk tagôk thubik thong rai rak ni bloh padok an khol nhu, kaywa bôl nan krung hu pang panôic Yô-na rao lang thong tumal; thong mưni, tak ni hu Dê prong di prong hơl di Yô-na!
Tanrak hadah anưd rup pabhap
(Ma-thi-ơ 5:15; 6:22-23)
33 #
Mat 5:15; Mag 4:21; Lu 8:16. Ôh thei truic mưnhưk bloh cek di libik kavơk ngan tak ala jāk,#11:33 ngan tak ala jāk: Dalam tha thanôn blah vak tangin ôh hu dôm akhar ni. min cek ngok kapuk mưnhưk piêh thei yam tamư thang hu mưda ƀôh tanrak hadah. 34Mưta hư nạn mưnhưk anưd rup pabhap. Tuk mưta hư siam yơ abih rup pabhap hư lijang hadah, min mưta gok pao yơ abih rup pabhap hư lijang xup. 35Yau nan, xang ajut, ô mưca tanrak hadah dalam hư gilaic hajiơng bhôlir. 36Mưyah abih rup pabhap hư bak tanrak hadah, ôh hu nôk halei xup palup, yơ mưca bihu hadah purmưta, lijang yau hadah mưnhưk pachang hadah ka hư rei.”
Pô Yê-su lang ka mưnuix Pha-ri-si thong gru pato adat
(Ma-thi-ơ 23:1-36; Mag 12:38-40)
37Tuk Pô Yê-su bican bloh, hu tha urang Pha-ri-si daa Bhô mai thang ƀang vār. Bhô yam tamư bloh dok di paban ƀang. 38Mưnuix Pha-ri-si ni plơng kadơng ƀôh Bhô ôh rao tangin dahlau vār ƀang. 39Ywa nan ka, Pô bican: “Mưnuix Pha-ri-si khol hư rao hacih gah lingiu pangin pareng, min gah dalam yơ bak lamak gruk tathrưg lagơh thong xag mưjưy. 40Hơic ra gila! Dê krung hu padak padang gah lingiu gilaic ôh padak padang gah dalam vơk ô? 41Min xang lanưng hatai dakhah dakhat dôm haget drei hu, yơ abih gruk mưca hu ngak hacih ka khol hư. 42Lihin din ka khol hư, mưnuix Pha-ri-si! Kaywa khol hư hakak tha bhan tha pluh njam gwa, hala dang mưthong rim paka njam, min gilaic var adil thong gruk anit ranam Pô Lingik! Khol hư xang ngak dôm kabha ni, min lijang ôh bihu ngak langoh dôm kabha dêh. 43Lihin din ka khol hư, mưnuix Pha-ri-si! Kaywa khol hư takrư libik samkhan yatha dalam thang nhom, thong ưng bihu mưnuix urang xalam drei krưh darak! 44Lihin din ka khol hư! Kaywa khol hư drơh yau tanum bhao, thong mưnuix urang yam tagôk ngok bloh ôh thau!” 45Tha gru adat đôm vêt: “Pathau Gru, Gru đôm kabha ni nạn pôic drak ka abih khol dahlak gêk.” 46Pô Yê-su thuuk: “Lihin din ka khol hư vơk, nạn dôm gru adat! Kaywa khol hư dak ka mưnuix urang anong trak kar thi ba, dok êng drei yơ ôh gok tal akok inư tangin! 47Lihin din ka khol hư! Kaywa khol hư darap tanum anưd dôm pakat hôr bloh muk kei drei krung hu pamưtai! 48Yau nan, khol hư ngak kaxan thong bak yom bruk ngak anưd muk kei drei; kaywa khol nhu krung hu pamưtai dôm pakat hôr, dok khol hư gilaic darap tanum ka dôm pakat nan. 49Ywa nan ka, gruk jag karag Pô Lingik krung hu bican: ‘Mưca Ita pachai dôm pakat hôr thong Xêh Pachai mưrai tom khol nhu. Mưca khol nhu pamưtai urang ni, pagui mưk mưnuix dêh.’ 50Yau nan, rai rak ni mưca gok đôk thre darah abih pakat hôr krung hu tuh tabiak mưng vār padak padang dunya, 51ar nạn mưng darah A-bên ka tal darah Xa-ca-ri, urang krung hu gok pamưtai di krưh nôic jaban thong libik likam. Njaup, Ita đôm thong khol hư, rai rak ni mưca gok đôk thre darah nan. 52Lihin din ka khol hư, nạn dôm gru adat! Kaywa khol hư krung hu khik anưk kiêr anưd dul thau, êng khol hư ôh tamư min gilaic pakak dôm urang pakan ưng tamư!” 53Tuk Pô Yê-su tabiak truh di nan, dôm gru pato adat thong mưnuix Pha-ri-si raup pagan gađi Bhô danưh thong pađao Bhô ralô kabha, 54pađik ge piêh mưk takai yāup panôic Bhô đôm.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.