Yâng 9
9
Pô Yê-su pajru dhit ka urang tagloh mưng tuk mưnưk tabiak mưnưk
1Tuk nao di jalan, Pô Yê-su ƀôh tha urang tagloh mưng tuk birau mưnưk. 2Dôm anưk xêh tanhi Bhô: “Pathau Gru, thei nạn mưnuix krung hu tanrok glaic, urang ni ngan amek amư nhu, ngak ka nhu birau mưnưk tabiak krung hu gok tagloh?” 3Pô Yê-su thuuk: “Ôh njaup kaywa di urang ni, ngan amek amư nhu krung hu tanrok glaic; min piêh bruk Pô Lingik bihu sahadah dalam nhu. 4Tuk dok harei, khol drei xang ngak dôm bruk Dê krung hu pachai Ita, mưlam tal, ôh thei hu mưda ngak bruk bihu. 5#Mat 5:14; Yâ 8:12.Dalam tuk Ita dok di dunya, Ita nạn tanrak hadah dunya.” 6Đôm bloh Bhô kacôic trun di tanưh, mưk ia pabah thrau jiơng gluh thong luk tamư mưta urang tagloh, 7bloh pađar nhu: “Xang nao rao pak kavei Si-lô-ê” (akhar ni ar nạn “bihu pachai nao”). Yau nan, nhu nao thong rao, bloh gilaic vơk yơ ƀôh hu. 8Mưnuix jek taphia thong dôm urang dahlau dêh krung hu ƀôh urang ni likau ƀang, đôm laic: “Sani hu njaup urang jang dok likau ƀang nan lei?” 9Mưnuix yơ đôm: “Njaup nạn nhu;” ra gilaic đôm: “Ôh njaup, min nạn tha urang halei nan drơh nhu.” Dok nhu đôm: “Êng dahlak sani.” 10Khol nhu tanhi nhu: “Ngak habar mưta hư gilaic pơh tabiak bihu?” 11Nhu thuuk: “Tha urang nạn angan Yê-su krung hu thrau gluh luk tamư mưta dahlak, thong pađar dahlak xang nao tal kavei Si-lô-ê bloh rao. Ywa nan ka dahlak krung hu nao, rao thong ƀôh bihu.” 12Khol nhu gilaic tanhi: “Ong nan dok pak halei?” Urang nan thuuk: “Dahlak ôh thau.”
Dôm urang Pha-ri-si athul gruk pajru dhit
13Khol nhu ba urang dahlau dêh tagloh mưrai tom dôm urang Pha-ri-si. 14Harei Pô Yê-su thrau gluh thong pơh mưta ka urang tagloh nạn harei Sa-ƀat. 15Dôm urang Pha-ri-si gilaic tanhi urang bihu hadah mưta ganap halei. Urang nan thuuk: “Ong nan luk gluh tamư mưta dahlak, dahlak rao, bloh ƀôh bihu.” 16Hadôm urang dalam kavôm Pha-ri-si đôm: “Urang ni ôh njaup mưrai mưng Pô Lingik, kaywa ôh khik harei Sa-ƀat.” Thanôn pakan yơ đôm: “Tha urang danuh glaic habar hu mưda ngak bihu dôm nưm crih yau nan?” Thong krưh khol nhu hu gruk klah nưh. 17Ywa nan ka, khol nhu gilaic tanhi urang tagloh: “Dok hư, hư đôm haget ka mưnuix krung hu ngak ka hư hadah mưta?” Nhu thuuk: “Ong nan nạn tha pakat hôr.”
18Min, dôm urang Yo Thaic ôh dial laic urang ni dahlau dêh krung hu tagloh urak ni gilaic ƀôh bihu, ka tal tuk khol nhu iêu amek amư nhu mưrai, 19thong tanhi laic: “Sani hu njaup anưk likei ong muk, mưnuix bloh ong muk laic nhu krung hu tagloh mưng tuk birau mưnưk halei? Habar urak ni nhu gilaic ƀôh bihu?” 20Amek amư nhu thuuk: “Khol dahlak thau sani êng nạn anưk likei khol dahlak, kamôn gok tagloh mưng tuk birau mưnưk. 21Min urak ni ngak habar kamôn ƀôh bihu yơ khol dahlak ôh thau. Khol dahlak lijang ôh thau thei krung hu pơh mưta ka kamôn. Dôm ong kưk tanhi kamôn, kamôn krung hu tal thun pajơ, mưca nhu êng đôm.” 22Amek amư urang tagloh đôm yau nan kaywa hôic di dôm urang Yo Thaic, kaywa dôm urang Yo Thaic krung hu he ho thong gaup laic mưyah thei tao Pô Yê-su nạn Dê Krist yơ gok pakleh truh thang nhom. 23Ywa nan ka, amek amư urang tagloh mưng đôm: “Kamôn tal thun pajơ, kưk tanhi nhu.”
24Tha ƀang tra, dôm urang Pha-ri-si gilaic iêu urang dahlau dêh krung hu tagloh, thong đôm: “Xang tahamid Pô Lingik! Khol dahlak thau urang ni nạn ra hu glaic.” 25Nhu thuuk: “Dahlak ôh thau ong nan hu njaup nạn ra hu glaic halei thoh. Min dahlak ciêt thau tha kabha, nan dahlau dêh dahlak krung hu tagloh min urak ni ƀôh bihu.” 26Khol nhu gilaic tanhi: “Ong nan krung hu ngak haget ka hư? Ong nan krung hu pơh mưta hư yau halei?” 27Nhu thuuk: “Dahlak krung hu đôm thong dôm ong pajơ bloh dôm ong ôh ciup pang. Ywa haget dôm ong gilaic ưng pang vơk? Hu njaup dôm ong lijang ưng gilaic jiơng anưk xêh ong nan halei?” 28Khol nhu pôic drak ka urang nan thong đôm: “Hư mưng nạn anưk xêh ong nan, mih khol drei nạn anưk xêh Mô-se. 29Khol drei thau Pô Lingik krung hu bican thong Mô-se, min ka ong ni yơ khol drei ôh thau mưng halei mưrai.” 30Urang tagloh thuuk: “Mưnuix krung hu pơh mưta ka dahlak bloh dôm ong ôh thau mưng halei mưrai yơ biak nạn tha bruk crih. 31Khol drei thau Pô Lingik ôh pang dôm ra hu glaic, min mưyah thei hôic taka di Bhô, thong ngak tui jamal Bhô, yơ Bhô pang urang nan. 32Mưng kal, ô ka mưda hamit đôm hu thei pơh mưta ka mưnuix tagloh mưng tuk birau mưnưk. 33Mưyah urang ni ôh mưrai mưng Pô Lingik yơ ôh mưda ngak bihu haget trah.” 34Khol nhu thuuk: “Hư takrung mưnưk tabiak dalam danuh glaic bloh dok ưng pato khol drei habar?” Bloh khol nhu tiaup nhu tabiak lingiu.
Gruk tagloh taglit xwan diup
35Pô Yê-su hamit khol nhu krung hu tiaup urang nan tabiak, nan yơ tuk gōk nhu, Bhô tanhi: “Hư hu dial Anưk Mưnuix#9:35 Anưk Mưnuix: Dalam tha thanôn blah vak tangin nạn Anưk Pô Lingik. lei?” 36Nhu thuuk: “Pô lơy, urang nan nạn thei, piêh dahlak hu mưda dial urang nan?” 37Pô Yê-su thuuk: “Hư krung hu ƀôh urang nan, thong nạn urang krưh dok đôm thong hư.” 38Urang nan đôm: “Pô lơy, dahlak dial,” bloh bhuktik Bhô. 39Pô Yê-su đôm: “Ita mưrai dunya ni piêh bican inư, ngak ka mưnuix tagloh bihu ƀôh, dok mưnuix ƀôh gilaic jiơng tagloh.”
40Dôm urang Pha-ri-si dok jek nan hamit yau nan yơ đôm thong Bhô: “Khol dahlak lijang tagloh bih habar?” 41Pô Yê-su thuuk: “Mưyah khol hư tagloh yơ ôh hu glaic haget, min kaywa khol hư đôm: ‘Khol dahlak ƀôh’ nan ka glaic khol hư jang dok.”
Actualmente seleccionado:
Yâng 9: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 9
9
Pô Yê-su pajru dhit ka urang tagloh mưng tuk mưnưk tabiak mưnưk
1Tuk nao di jalan, Pô Yê-su ƀôh tha urang tagloh mưng tuk birau mưnưk. 2Dôm anưk xêh tanhi Bhô: “Pathau Gru, thei nạn mưnuix krung hu tanrok glaic, urang ni ngan amek amư nhu, ngak ka nhu birau mưnưk tabiak krung hu gok tagloh?” 3Pô Yê-su thuuk: “Ôh njaup kaywa di urang ni, ngan amek amư nhu krung hu tanrok glaic; min piêh bruk Pô Lingik bihu sahadah dalam nhu. 4Tuk dok harei, khol drei xang ngak dôm bruk Dê krung hu pachai Ita, mưlam tal, ôh thei hu mưda ngak bruk bihu. 5#Mat 5:14; Yâ 8:12.Dalam tuk Ita dok di dunya, Ita nạn tanrak hadah dunya.” 6Đôm bloh Bhô kacôic trun di tanưh, mưk ia pabah thrau jiơng gluh thong luk tamư mưta urang tagloh, 7bloh pađar nhu: “Xang nao rao pak kavei Si-lô-ê” (akhar ni ar nạn “bihu pachai nao”). Yau nan, nhu nao thong rao, bloh gilaic vơk yơ ƀôh hu. 8Mưnuix jek taphia thong dôm urang dahlau dêh krung hu ƀôh urang ni likau ƀang, đôm laic: “Sani hu njaup urang jang dok likau ƀang nan lei?” 9Mưnuix yơ đôm: “Njaup nạn nhu;” ra gilaic đôm: “Ôh njaup, min nạn tha urang halei nan drơh nhu.” Dok nhu đôm: “Êng dahlak sani.” 10Khol nhu tanhi nhu: “Ngak habar mưta hư gilaic pơh tabiak bihu?” 11Nhu thuuk: “Tha urang nạn angan Yê-su krung hu thrau gluh luk tamư mưta dahlak, thong pađar dahlak xang nao tal kavei Si-lô-ê bloh rao. Ywa nan ka dahlak krung hu nao, rao thong ƀôh bihu.” 12Khol nhu gilaic tanhi: “Ong nan dok pak halei?” Urang nan thuuk: “Dahlak ôh thau.”
Dôm urang Pha-ri-si athul gruk pajru dhit
13Khol nhu ba urang dahlau dêh tagloh mưrai tom dôm urang Pha-ri-si. 14Harei Pô Yê-su thrau gluh thong pơh mưta ka urang tagloh nạn harei Sa-ƀat. 15Dôm urang Pha-ri-si gilaic tanhi urang bihu hadah mưta ganap halei. Urang nan thuuk: “Ong nan luk gluh tamư mưta dahlak, dahlak rao, bloh ƀôh bihu.” 16Hadôm urang dalam kavôm Pha-ri-si đôm: “Urang ni ôh njaup mưrai mưng Pô Lingik, kaywa ôh khik harei Sa-ƀat.” Thanôn pakan yơ đôm: “Tha urang danuh glaic habar hu mưda ngak bihu dôm nưm crih yau nan?” Thong krưh khol nhu hu gruk klah nưh. 17Ywa nan ka, khol nhu gilaic tanhi urang tagloh: “Dok hư, hư đôm haget ka mưnuix krung hu ngak ka hư hadah mưta?” Nhu thuuk: “Ong nan nạn tha pakat hôr.”
18Min, dôm urang Yo Thaic ôh dial laic urang ni dahlau dêh krung hu tagloh urak ni gilaic ƀôh bihu, ka tal tuk khol nhu iêu amek amư nhu mưrai, 19thong tanhi laic: “Sani hu njaup anưk likei ong muk, mưnuix bloh ong muk laic nhu krung hu tagloh mưng tuk birau mưnưk halei? Habar urak ni nhu gilaic ƀôh bihu?” 20Amek amư nhu thuuk: “Khol dahlak thau sani êng nạn anưk likei khol dahlak, kamôn gok tagloh mưng tuk birau mưnưk. 21Min urak ni ngak habar kamôn ƀôh bihu yơ khol dahlak ôh thau. Khol dahlak lijang ôh thau thei krung hu pơh mưta ka kamôn. Dôm ong kưk tanhi kamôn, kamôn krung hu tal thun pajơ, mưca nhu êng đôm.” 22Amek amư urang tagloh đôm yau nan kaywa hôic di dôm urang Yo Thaic, kaywa dôm urang Yo Thaic krung hu he ho thong gaup laic mưyah thei tao Pô Yê-su nạn Dê Krist yơ gok pakleh truh thang nhom. 23Ywa nan ka, amek amư urang tagloh mưng đôm: “Kamôn tal thun pajơ, kưk tanhi nhu.”
24Tha ƀang tra, dôm urang Pha-ri-si gilaic iêu urang dahlau dêh krung hu tagloh, thong đôm: “Xang tahamid Pô Lingik! Khol dahlak thau urang ni nạn ra hu glaic.” 25Nhu thuuk: “Dahlak ôh thau ong nan hu njaup nạn ra hu glaic halei thoh. Min dahlak ciêt thau tha kabha, nan dahlau dêh dahlak krung hu tagloh min urak ni ƀôh bihu.” 26Khol nhu gilaic tanhi: “Ong nan krung hu ngak haget ka hư? Ong nan krung hu pơh mưta hư yau halei?” 27Nhu thuuk: “Dahlak krung hu đôm thong dôm ong pajơ bloh dôm ong ôh ciup pang. Ywa haget dôm ong gilaic ưng pang vơk? Hu njaup dôm ong lijang ưng gilaic jiơng anưk xêh ong nan halei?” 28Khol nhu pôic drak ka urang nan thong đôm: “Hư mưng nạn anưk xêh ong nan, mih khol drei nạn anưk xêh Mô-se. 29Khol drei thau Pô Lingik krung hu bican thong Mô-se, min ka ong ni yơ khol drei ôh thau mưng halei mưrai.” 30Urang tagloh thuuk: “Mưnuix krung hu pơh mưta ka dahlak bloh dôm ong ôh thau mưng halei mưrai yơ biak nạn tha bruk crih. 31Khol drei thau Pô Lingik ôh pang dôm ra hu glaic, min mưyah thei hôic taka di Bhô, thong ngak tui jamal Bhô, yơ Bhô pang urang nan. 32Mưng kal, ô ka mưda hamit đôm hu thei pơh mưta ka mưnuix tagloh mưng tuk birau mưnưk. 33Mưyah urang ni ôh mưrai mưng Pô Lingik yơ ôh mưda ngak bihu haget trah.” 34Khol nhu thuuk: “Hư takrung mưnưk tabiak dalam danuh glaic bloh dok ưng pato khol drei habar?” Bloh khol nhu tiaup nhu tabiak lingiu.
Gruk tagloh taglit xwan diup
35Pô Yê-su hamit khol nhu krung hu tiaup urang nan tabiak, nan yơ tuk gōk nhu, Bhô tanhi: “Hư hu dial Anưk Mưnuix#9:35 Anưk Mưnuix: Dalam tha thanôn blah vak tangin nạn Anưk Pô Lingik. lei?” 36Nhu thuuk: “Pô lơy, urang nan nạn thei, piêh dahlak hu mưda dial urang nan?” 37Pô Yê-su thuuk: “Hư krung hu ƀôh urang nan, thong nạn urang krưh dok đôm thong hư.” 38Urang nan đôm: “Pô lơy, dahlak dial,” bloh bhuktik Bhô. 39Pô Yê-su đôm: “Ita mưrai dunya ni piêh bican inư, ngak ka mưnuix tagloh bihu ƀôh, dok mưnuix ƀôh gilaic jiơng tagloh.”
40Dôm urang Pha-ri-si dok jek nan hamit yau nan yơ đôm thong Bhô: “Khol dahlak lijang tagloh bih habar?” 41Pô Yê-su thuuk: “Mưyah khol hư tagloh yơ ôh hu glaic haget, min kaywa khol hư đôm: ‘Khol dahlak ƀôh’ nan ka glaic khol hư jang dok.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.