Yâng 8
8
1Dok Pô Yê-su tagôk cơk Ô-liu.
Urang kamei ƀang glai mưtah
2Tal bram guh, Bhô gilaic vơk huji. Bih tapôr bôl jang mưrai tom Bhô; Bhô dok dala lang pato ka khol nhu.
3Dôm gru pato adat thong mưnuix Pha-ri-si ba tha urang kamei gok mưk krưh dok ƀang glai mưtah, bloh ba urang ni dang pak krưh 4thong đôm thong Bhô: “Gru lơy, urang kamei ni gok mưk di tangin krưh dok ƀang glai mưtah. 5Dalam hakum jakar, Mô-se tathit ka khol drei xang glam patau di dôm urang yau nan. Dok Gru yơ đôm yau halei?” 6Khol nhu đôm yau nan piêh long Bhô, thong hu mưda gađi palek palam Bhô. Pô Yê-su kuk trun, angui inư tangin vak di tanưh. 7Kaywa khol nhu kưk tanhi hamiêt nan ka Bhô talāk tagôk bloh đôm: “Thei dalam khol hư nạn mưnuix ôh hu glaic, xang mưk patau glam di nai nan dahlau mek.” 8Bloh Bhô gilaic kuk trun vak di tanưh. 9Tuk khol nhu hamit kabha ni yơ dak rah klāk nao, dôm urang taha nao dahlau. Pô Yê-su dok tha drei thong urang kamei jang dang tak nan. 10Pô Yê-su talāk tagôk đôm thong urang kamei: “Mưni nai dêh, khol nhu nao tao abih? Ôh thei padok an nai ô?” 11Urang kamei thuuk: “Pô lơy, ôh thei trah.” Pô Yê-su bican: “Ita lijang ôh padok an di nai, nao mek, jôi tanrok glaic vơk.”]#7:53 – 8:11 Bloh abih drei... tanrok glaic vơk: Dalam tha thanôn blah vak tangin ôh hu dôm akhar ni (7:53 – 8:11).
Pô Yê-su nạn tanrak hadah anưd dunya
12 #
Mat 5:14; Yâ 9:5. Pô Yê-su gilaic đôm thong bôl bhap laic: “Ita nạn tanrak hadah dunya, urang halei tui Ita mưca ôh nao dalam bhôlir, min hu tanrak hadah gruk diup.” 13#Yâ 5:31.Dôm urang Pha-ri-si đôm: “Gru êng ngak kaxan ka drei yơ panôic kaxan Gru ôh đang dial.” 14Pô Yê-su thuuk: “Kanê Ita êng ngak kaxan ka drei yơ panôic kaxan Ita jang đang dial, kaywa Ita thau drei mưng halei mưrai thong krưh dok nao tao. Min khol hư ôh thau Ita mưrai mưng halei thong krưh dok nao tao. 15Khol hư jamrah tui rilo darah, dok Ita ôh bican inư thei trah. 16Yau nan min, mưyah Ita bican inư yơ gruk bican inư Ita jang njaup kaywa Ita ôh njaup ciêt hu tha drei, min Ita thubik Amư nạn Dê krung hu pachai Ita. 17Dalam hakum jakar khol hư hu vak laic panôic kaxan anưd dwa urang nạn biak. 18Ita êng ngak kaxan ka drei, thong Amư nạn Dê krung hu pachai Ita lijang ngak kaxan ka Ita.” 19Yau nan, khol nhu tanhi Bhô: “Amư Gru dok pak halei?” Pô Yê-su thuuk: “Khol hư ôh thau Ita, lijang ôh thau Amư Ita. Mưyah khol hư thau Ita lijang thau Amư Ita rei.”
20Pô Yê-su bican dôm panôic ni tak libik cek dôm dhung limah jiên, tuk dok lang pato dalam huji. Min ôh thei mưk Bhô kaywa tuk Bhô ô ka mưrai.
Pô Yê-su brei thau dahlau gruk mưtai anưd Bhô
21Bhô gilaic đôm thong khol nhu: “Ita nao, mưca khol hư dwah Ita, thong mưca khol hư mưtai dalam danuh glaic drei. Libik Ita nao, khol hư ôh mưda mưrai bihu.” 22Dôm urang Yo Thaic đôm: “Mưca ong nan pabinax drei kaic, tuk đôm laic: ‘Libik Ita nao, khol hư ôh mưrai bihu’?” 23Pô Yê-su thuuk: “Khol hư tabiak mưng ala, dok Ita mưrai mưng ngok. Khol hư tabiak mưng dunya ni, dok Ita ôh tabiak mưng dunya ni. 24Yau nan, Ita krung hu đôm thong khol hư laic mưca khol hư mưtai dalam danuh glaic drei; mưyah khol hư ôh dial Ita nạn Dê Bhian Hu, yơ mưca khol hư mưtai dalam danuh glaic drei.” 25Khol nhu tanhi Bhô: “Gru nạn thei?” Pô Yê-su thuuk: “Yau Ita krung hu đôm thong khol hư mưng dahlau#8:25 Yau Ita krung hu đôm thong khol hư mưng dahlau: Dalam tha thanôn vak tangin, kanen ni ôh tal thong ôh pajip ar. Mưda hu dul yau kanen tanhi “Habar Ita xang đôm thong khol hư mưng tamưrơp?” ngan nan kanen sahadah ganơh “Ita xang đôm thong khol hư mưng tamưrơp!” . 26Ita hu ralô kabha piêh đôm thong bican inư khol hư, min Dê pachai Ita mưrai nạn biak, thong Ita pablo ka dunya dôm haget Ita krung hu pang pak Bhô.” 27Khol nhu ôh thau Bhô krưh dok đôm ka Amư ka khol nhu. 28Ywa nan ka, Pô Yê-su đôm: “Tuk khol hư tôr Anưk Mưnuix tagôk, tuk nan mưca khol hư thau laic Ita nạn Dê Bhian Hu, thong thau laic Ita ôh êng drei ngak kabha haget, min ciêt pablo dôm kabha haget Amư pato Ita. 29Dê krung hu pachai Ita jang dok thong Ita, ôh lôi Ita tha drei, kaywa Ita ngak dôm kabha bui tian Bhô miêt miêt.” 30Tuk Bhô đôm dôm kabha ni yơ ralô urang dial Bhô.
Tantu ngak ka salalah
31Yau nan, Pô Yê-su đôm thong dôm urang Yo Thaic krung hu dial Bhô laic: “Mưyah khol hư kưk dok dalam panôic Ita, yơ khol hư biak nạn anưk xêh Ita. 32Khol hư mưca thau tantu, thong tantu mưca lơh taleh ka khol hư.” 33#Mat 3:9; Lu 3:8.Dôm urang Yo Thaic đôm: “Khol dahlak nạn talei pajeh Ap-ra-ham, ka ôh bhian ngak halun kloh thei, habar Gru gilaic tanhi: ‘Mưca khol hư bihu salalah’?” 34Pô Yê-su thuuk: “Biak jơh Ita đôm thong khol hư, thei tanrok glaic nạn halun kloh ka danuh glaic. 35Halun kloh yơ ôh dok hamiêt dalam mưnga vôm, min anưk bik yơ dok tak nan miêt miêt. 36Yau nan, mưyah Anưk lơh taleh ka khol hư yơ khol hư biak biai bihu salalah. 37Ita thau ka khol hư nạn talei pajeh Ap-ra-ham, min khol hư gilaic dwah ganap pamưtai Ita, kaywa panôic Ita ôh hu libik dalam khol hư. 38Ita đôm dôm kabha Ita ƀôh pak Amư Ita, dok khol hư ngak dôm kabha khol hư pang pak amư drei.”
39Khol nhu thuuk: “Amư khol dahlak nạn Ap-ra-ham.” Pô Yê-su laic: “Mưyah khol hư nạn anưk Ap-ra-ham yơ xang ngak dôm kabha Ap-ra-ham krung hu ngak. 40Min urak ni khol hư dwah pamưtai Ita, nạn mưnuix krung hu đôm ka khol hư tantu bihu pang mưng Pô Lingik. Ap-ra-ham krung hu ôh ngak dôm bruk yau nan. 41Khol hư ngak dôm bruk anưd amư drei.” Khol nhu đôm: “Khol dahlak ôh njaup nạn anưk ƀang glai mưtah, khol dahlak ciêt hu tha Amư, nạn Pô Lingik.” 42Bhô đôm thong khol nhu: “Mưyah Pô Lingik nạn Amư khol hư, yơ khol hư xang anit ranam Ita; kaywa Ita tabiak mưng Pô Lingik thong mưng Bhô bloh mưrai, kaywa Ita ôh êng drei mưrai, min êng Bhô krung hu pachai Ita. 43Ywa haget khol hư ôh mưda thau kabha Ita đôm? Kaywa khol hư ôh mưda pang bihu panôic Ita. 44Khol hư tabiak mưng amư drei nạn Abilêh, thong ưng ngak tui ragơh tathrưg anưd amư drei. Mưng tamưrơp nhu krung hu nạn ra pamưtai mưnuix pajơ, thong ôh dang dalam tantu kaywa tantu ôh dok dalam nhu. Tuk nhu đôm lor yơ đôm tui athar drei, kaywa nhu nạn ra đôm lor, thong nạn amư gruk đôm lor. 45Min kaywa Ita đôm tantu nan ka khol hư ôh dial Ita. 46Hu thei dalam khol hư padok glaic di Ita bihu halei? Mưyah Ita đôm tantu, habar khol hư ôh dial Ita? 47Thei tabiak mưng Pô Lingik yơ pang Panôic Pô Lingik. Min khol hư ôh pang, kaywa khol hư ôh bha di Pô Lingik.”
48Dôm urang Yo Thaic thuuk: “Khol dahlak đôm Gru nạn mưnuix Sa-ma-ri thong gok ajin mưk, ôh njaup ô?” 49Pô Yê-su thuuk: “Ita ôh gok ajin mưk, min Ita tahamid Amư Ita, dok khol hư yơ ngak tachaup Ita. 50Ita ôh dwah xêh mưlang karei ka drei; krung hu Dê dwah kabha nan thong bican inư. 51Biak jơh, Ita đôm thong khol hư, mưyah urang halei khik panôic Ita yơ mưca ôh tuk halei ƀôh gruk mưtai.” 52Dôm urang Yo Thaic đôm: “Urak ni, khol dahlak thau pajip Gru gok ajin mưk. Ap-ra-ham krung hu mưtai, dôm pakat hôr lijang yau nan; min Gru đôm: ‘Mưyah urang halei khik panôic Ita, mưca ôh tuk halei tavan tapa gruk mưtai.’ 53Hu njaup Gru prong di prong hơl di Ap-ra-ham, muk kei khol dahlak, nạn mưnuix mưtai bloh ô? Dôm pakat hôr lijang krung hu mưtai! Gru êng brei ka drei nạn thei?” 54Pô Yê-su thuuk: “Mưyah Ita êng tahamid drei yơ xêh mưlang Ita ôh tabiak haget trah. Êng Amư tahamid Ita, Bhô nạn Dê khol hư iêu nạn Pô Lingik drei. 55Khol hư ôh thau Bhô, min Ita thau Bhô. Mưyah Ita đôm Ita ôh thau Bhô yơ Ita lijang đôm lor yau khol hư. Min Ita biak thau Bhô thong khik panôic Bhô. 56Amư khol hư nạn Ap-ra-ham bui ôn cong bihu ƀôh harei Ita; urang krung hu ƀôh thong ôn tabôn.” 57Dôm urang Yo Thaic đôm: “Gru ô ka tal limư pluh thun, bloh krung hu ƀôh Ap-ra-ham?” 58Pô Yê-su thuuk: “Biak jơh, Ita đôm thong khol hư, dahlau di tuk Ap-ra-ham utxul, Ita bhian hu.” 59Khol nhu binhêt dôn patau piêh glam Bhô, min Pô Yê-su pleh nao, thong tabiak truh huji.
Actualmente seleccionado:
Yâng 8: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 8
8
1Dok Pô Yê-su tagôk cơk Ô-liu.
Urang kamei ƀang glai mưtah
2Tal bram guh, Bhô gilaic vơk huji. Bih tapôr bôl jang mưrai tom Bhô; Bhô dok dala lang pato ka khol nhu.
3Dôm gru pato adat thong mưnuix Pha-ri-si ba tha urang kamei gok mưk krưh dok ƀang glai mưtah, bloh ba urang ni dang pak krưh 4thong đôm thong Bhô: “Gru lơy, urang kamei ni gok mưk di tangin krưh dok ƀang glai mưtah. 5Dalam hakum jakar, Mô-se tathit ka khol drei xang glam patau di dôm urang yau nan. Dok Gru yơ đôm yau halei?” 6Khol nhu đôm yau nan piêh long Bhô, thong hu mưda gađi palek palam Bhô. Pô Yê-su kuk trun, angui inư tangin vak di tanưh. 7Kaywa khol nhu kưk tanhi hamiêt nan ka Bhô talāk tagôk bloh đôm: “Thei dalam khol hư nạn mưnuix ôh hu glaic, xang mưk patau glam di nai nan dahlau mek.” 8Bloh Bhô gilaic kuk trun vak di tanưh. 9Tuk khol nhu hamit kabha ni yơ dak rah klāk nao, dôm urang taha nao dahlau. Pô Yê-su dok tha drei thong urang kamei jang dang tak nan. 10Pô Yê-su talāk tagôk đôm thong urang kamei: “Mưni nai dêh, khol nhu nao tao abih? Ôh thei padok an nai ô?” 11Urang kamei thuuk: “Pô lơy, ôh thei trah.” Pô Yê-su bican: “Ita lijang ôh padok an di nai, nao mek, jôi tanrok glaic vơk.”]#7:53 – 8:11 Bloh abih drei... tanrok glaic vơk: Dalam tha thanôn blah vak tangin ôh hu dôm akhar ni (7:53 – 8:11).
Pô Yê-su nạn tanrak hadah anưd dunya
12 #
Mat 5:14; Yâ 9:5. Pô Yê-su gilaic đôm thong bôl bhap laic: “Ita nạn tanrak hadah dunya, urang halei tui Ita mưca ôh nao dalam bhôlir, min hu tanrak hadah gruk diup.” 13#Yâ 5:31.Dôm urang Pha-ri-si đôm: “Gru êng ngak kaxan ka drei yơ panôic kaxan Gru ôh đang dial.” 14Pô Yê-su thuuk: “Kanê Ita êng ngak kaxan ka drei yơ panôic kaxan Ita jang đang dial, kaywa Ita thau drei mưng halei mưrai thong krưh dok nao tao. Min khol hư ôh thau Ita mưrai mưng halei thong krưh dok nao tao. 15Khol hư jamrah tui rilo darah, dok Ita ôh bican inư thei trah. 16Yau nan min, mưyah Ita bican inư yơ gruk bican inư Ita jang njaup kaywa Ita ôh njaup ciêt hu tha drei, min Ita thubik Amư nạn Dê krung hu pachai Ita. 17Dalam hakum jakar khol hư hu vak laic panôic kaxan anưd dwa urang nạn biak. 18Ita êng ngak kaxan ka drei, thong Amư nạn Dê krung hu pachai Ita lijang ngak kaxan ka Ita.” 19Yau nan, khol nhu tanhi Bhô: “Amư Gru dok pak halei?” Pô Yê-su thuuk: “Khol hư ôh thau Ita, lijang ôh thau Amư Ita. Mưyah khol hư thau Ita lijang thau Amư Ita rei.”
20Pô Yê-su bican dôm panôic ni tak libik cek dôm dhung limah jiên, tuk dok lang pato dalam huji. Min ôh thei mưk Bhô kaywa tuk Bhô ô ka mưrai.
Pô Yê-su brei thau dahlau gruk mưtai anưd Bhô
21Bhô gilaic đôm thong khol nhu: “Ita nao, mưca khol hư dwah Ita, thong mưca khol hư mưtai dalam danuh glaic drei. Libik Ita nao, khol hư ôh mưda mưrai bihu.” 22Dôm urang Yo Thaic đôm: “Mưca ong nan pabinax drei kaic, tuk đôm laic: ‘Libik Ita nao, khol hư ôh mưrai bihu’?” 23Pô Yê-su thuuk: “Khol hư tabiak mưng ala, dok Ita mưrai mưng ngok. Khol hư tabiak mưng dunya ni, dok Ita ôh tabiak mưng dunya ni. 24Yau nan, Ita krung hu đôm thong khol hư laic mưca khol hư mưtai dalam danuh glaic drei; mưyah khol hư ôh dial Ita nạn Dê Bhian Hu, yơ mưca khol hư mưtai dalam danuh glaic drei.” 25Khol nhu tanhi Bhô: “Gru nạn thei?” Pô Yê-su thuuk: “Yau Ita krung hu đôm thong khol hư mưng dahlau#8:25 Yau Ita krung hu đôm thong khol hư mưng dahlau: Dalam tha thanôn vak tangin, kanen ni ôh tal thong ôh pajip ar. Mưda hu dul yau kanen tanhi “Habar Ita xang đôm thong khol hư mưng tamưrơp?” ngan nan kanen sahadah ganơh “Ita xang đôm thong khol hư mưng tamưrơp!” . 26Ita hu ralô kabha piêh đôm thong bican inư khol hư, min Dê pachai Ita mưrai nạn biak, thong Ita pablo ka dunya dôm haget Ita krung hu pang pak Bhô.” 27Khol nhu ôh thau Bhô krưh dok đôm ka Amư ka khol nhu. 28Ywa nan ka, Pô Yê-su đôm: “Tuk khol hư tôr Anưk Mưnuix tagôk, tuk nan mưca khol hư thau laic Ita nạn Dê Bhian Hu, thong thau laic Ita ôh êng drei ngak kabha haget, min ciêt pablo dôm kabha haget Amư pato Ita. 29Dê krung hu pachai Ita jang dok thong Ita, ôh lôi Ita tha drei, kaywa Ita ngak dôm kabha bui tian Bhô miêt miêt.” 30Tuk Bhô đôm dôm kabha ni yơ ralô urang dial Bhô.
Tantu ngak ka salalah
31Yau nan, Pô Yê-su đôm thong dôm urang Yo Thaic krung hu dial Bhô laic: “Mưyah khol hư kưk dok dalam panôic Ita, yơ khol hư biak nạn anưk xêh Ita. 32Khol hư mưca thau tantu, thong tantu mưca lơh taleh ka khol hư.” 33#Mat 3:9; Lu 3:8.Dôm urang Yo Thaic đôm: “Khol dahlak nạn talei pajeh Ap-ra-ham, ka ôh bhian ngak halun kloh thei, habar Gru gilaic tanhi: ‘Mưca khol hư bihu salalah’?” 34Pô Yê-su thuuk: “Biak jơh Ita đôm thong khol hư, thei tanrok glaic nạn halun kloh ka danuh glaic. 35Halun kloh yơ ôh dok hamiêt dalam mưnga vôm, min anưk bik yơ dok tak nan miêt miêt. 36Yau nan, mưyah Anưk lơh taleh ka khol hư yơ khol hư biak biai bihu salalah. 37Ita thau ka khol hư nạn talei pajeh Ap-ra-ham, min khol hư gilaic dwah ganap pamưtai Ita, kaywa panôic Ita ôh hu libik dalam khol hư. 38Ita đôm dôm kabha Ita ƀôh pak Amư Ita, dok khol hư ngak dôm kabha khol hư pang pak amư drei.”
39Khol nhu thuuk: “Amư khol dahlak nạn Ap-ra-ham.” Pô Yê-su laic: “Mưyah khol hư nạn anưk Ap-ra-ham yơ xang ngak dôm kabha Ap-ra-ham krung hu ngak. 40Min urak ni khol hư dwah pamưtai Ita, nạn mưnuix krung hu đôm ka khol hư tantu bihu pang mưng Pô Lingik. Ap-ra-ham krung hu ôh ngak dôm bruk yau nan. 41Khol hư ngak dôm bruk anưd amư drei.” Khol nhu đôm: “Khol dahlak ôh njaup nạn anưk ƀang glai mưtah, khol dahlak ciêt hu tha Amư, nạn Pô Lingik.” 42Bhô đôm thong khol nhu: “Mưyah Pô Lingik nạn Amư khol hư, yơ khol hư xang anit ranam Ita; kaywa Ita tabiak mưng Pô Lingik thong mưng Bhô bloh mưrai, kaywa Ita ôh êng drei mưrai, min êng Bhô krung hu pachai Ita. 43Ywa haget khol hư ôh mưda thau kabha Ita đôm? Kaywa khol hư ôh mưda pang bihu panôic Ita. 44Khol hư tabiak mưng amư drei nạn Abilêh, thong ưng ngak tui ragơh tathrưg anưd amư drei. Mưng tamưrơp nhu krung hu nạn ra pamưtai mưnuix pajơ, thong ôh dang dalam tantu kaywa tantu ôh dok dalam nhu. Tuk nhu đôm lor yơ đôm tui athar drei, kaywa nhu nạn ra đôm lor, thong nạn amư gruk đôm lor. 45Min kaywa Ita đôm tantu nan ka khol hư ôh dial Ita. 46Hu thei dalam khol hư padok glaic di Ita bihu halei? Mưyah Ita đôm tantu, habar khol hư ôh dial Ita? 47Thei tabiak mưng Pô Lingik yơ pang Panôic Pô Lingik. Min khol hư ôh pang, kaywa khol hư ôh bha di Pô Lingik.”
48Dôm urang Yo Thaic thuuk: “Khol dahlak đôm Gru nạn mưnuix Sa-ma-ri thong gok ajin mưk, ôh njaup ô?” 49Pô Yê-su thuuk: “Ita ôh gok ajin mưk, min Ita tahamid Amư Ita, dok khol hư yơ ngak tachaup Ita. 50Ita ôh dwah xêh mưlang karei ka drei; krung hu Dê dwah kabha nan thong bican inư. 51Biak jơh, Ita đôm thong khol hư, mưyah urang halei khik panôic Ita yơ mưca ôh tuk halei ƀôh gruk mưtai.” 52Dôm urang Yo Thaic đôm: “Urak ni, khol dahlak thau pajip Gru gok ajin mưk. Ap-ra-ham krung hu mưtai, dôm pakat hôr lijang yau nan; min Gru đôm: ‘Mưyah urang halei khik panôic Ita, mưca ôh tuk halei tavan tapa gruk mưtai.’ 53Hu njaup Gru prong di prong hơl di Ap-ra-ham, muk kei khol dahlak, nạn mưnuix mưtai bloh ô? Dôm pakat hôr lijang krung hu mưtai! Gru êng brei ka drei nạn thei?” 54Pô Yê-su thuuk: “Mưyah Ita êng tahamid drei yơ xêh mưlang Ita ôh tabiak haget trah. Êng Amư tahamid Ita, Bhô nạn Dê khol hư iêu nạn Pô Lingik drei. 55Khol hư ôh thau Bhô, min Ita thau Bhô. Mưyah Ita đôm Ita ôh thau Bhô yơ Ita lijang đôm lor yau khol hư. Min Ita biak thau Bhô thong khik panôic Bhô. 56Amư khol hư nạn Ap-ra-ham bui ôn cong bihu ƀôh harei Ita; urang krung hu ƀôh thong ôn tabôn.” 57Dôm urang Yo Thaic đôm: “Gru ô ka tal limư pluh thun, bloh krung hu ƀôh Ap-ra-ham?” 58Pô Yê-su thuuk: “Biak jơh, Ita đôm thong khol hư, dahlau di tuk Ap-ra-ham utxul, Ita bhian hu.” 59Khol nhu binhêt dôn patau piêh glam Bhô, min Pô Yê-su pleh nao, thong tabiak truh huji.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.