Yâng 10
10
Pô Yê-su nạn mưnuix glang pabo siam phôl
1“Biak jơh, Ita đôm thong khol hư, urang halei ôh tamư val pabo mưng baƀang, min kajān tamư mưng gilong pakan yơ urang nan nạn ra klek xavah. 2Min thei tapa baƀang bloh tamư nạn mưnuix glang pabo. 3Mưnuix khik mong pơh baƀang thong pabo hamit xap mưnuix glang. Mưnuix glang iêu angan pabo drei, thong ba tabiak lingiu. 4Tuk krung hu ba pabo tabiak abih bloh yơ mưnuix glang nao dahlau, pabo tui hadei, kaywa pabo rađap xap mưnuix glang. 5Pabo ôh tui urang crih, gilaic vơk, tapôr nhu klāk đôic kaywa pabo ôh rađap xap urang crih.” 6Pô Yê-su binô arkatê ni ka khol nhu, min khol nhu ôh thau Bhô ưng đôm haget.
7Ywa nan ka, Pô Yê-su gilaic đôm: “Biak jơh, Ita đôm thong khol hư, Ita nạn baƀang anưd pabo. 8Abih mưnuix mưrai dahlau Ita jang nạn tapôr klek xavah, min pabo ôh pang khol nhu. 9Ita nạn baƀang, mưyah thei ywa Ita bloh tamư yơ mưca bihu dong paklah. Mưca khol nhu tamư bloh tabiak thong gōk ƀlang harơk. 10Ra klek ciêt mưrai piêh poh blah, pamưtai thong thubang; dok Ita krung hu mưrai piêh pabo bihu gruk diup thong gruk diup mưhê xarai. 11Ita nạn mưnuix glang siam phôl, mưnuix glang siam phôl kaywa tapôr pabo bloh klāk xwan diup drei. 12Ra glang apah ôh njaup nạn mưnuix glang; pabo ôh bha di nhu nan ka tuk ƀôh athau thing mưrai, nhu klāk pabo đôic daup. Athau thing pah mưk pabo thong ngak ka calah blah. 13Kaywa ra glang apah nan ka nhu ôh angat haget tal pabo. 14#Mat 11:27; Lu 10:22.Ita nạn mưnuix glang siam phôl. Ita thau pabo Ita, thong pabo Ita thau Ita; 15lijang yau Amư thau Ita, thong Ita thau Amư rei. Ita kaywa tapôr pabo bloh klāk xwan diup drei. 16Ita dok hu dôm pabo pakan ôh bha di val ni; Ita hajat xang ba tapôr nhu mưrai vơk. Mưca pabo nan hamit xap Ita, bloh mưnok nhu mưca gilaic hajiơng tha tapôr#10:16 mưnok nhu mưca gilaic hajiơng tha tapôr: Dalam tha thanôn blah vak tangin nạn mưca ciêt hu tha tapôr. thong tha urang glang min. 17Amư anit ranam Ita, nạn kaywa Ita klāk xwan diup drei piêh bihu tôk vơk. 18Ôh thei mưk xwan diup Ita bihu, min Ita êng gimnit klāk rup. Ita hu gon klāk xwan diup thong hu gon mưk vơk. Ita krung hu tôk panưđar ni mưng Amư Ita.”
19Kaywa dôm panôic ni, dôm urang Yo Thaic gilaic hu gruk klah nưh. 20Ralô urang dalam khol nhu đôm: “Ong nạn gok ajin mưk, ong nan hanrôi; habar dok pang ong nan?” 21Tha thanôn pakan đôm: “Sani ôh njaup dôm panôic đôm anưd tha urang gok ajin mưk. Ngak habar ajin hu mưda pơh mưta ka mưnuix tagloh?”
Pô Yê-su tak Yê-ru-sa-lem dalam tuk Rija nưm krung hu Ƀai Limah Huji
22Tuk nan tak dhan Yê-ru-sa-lem hu Rija Ƀai Limah Huji. Kal nan nạn bal birak, 23Pô Yê-su dok nao dalam canar huji, ala caic Sa-lô-môn yơ 24dôm urang Yo Thaic vang yơng Bhô thong tanhi: “Gru lôi ka khol dahlak cang tal tuk halei? Mưyah Gru nạn Dê Krist yơ xang đôm pajip ka khol dahlak mek.” 25Pô Yê-su thuuk: “Ita krung hu đôm ka khol hư pajơ min khol hư ôh dial, dôm bruk Ita ngak dalam angan Amư jang ngak kaxan ka Ita. 26Min khol hư ôh dial, kaywa khol hư ôh njaup nạn pabo Ita. 27Pabo Ita hamit xap Ita, Ita thau tapôr nhu, thong tapôr nhu tui Ita. 28Ita ƀai brei ka tapôr nhu gruk diup rit rai, tapôr nhu ôh tuk halei pao lihik, thong ôh thei poh blah bihu khol nhu truh di tangin Ita. 29Kabha bloh Amư Ita krung hu ƀai brei ka Ita nạn prong hơl abih, thong ôh thei poh blah nhu truh di tangin Amư bihu.#10:29 Kabha bloh Amư Ita... poh blah nhu truh di tangin Amư bihu: Dalam tha thanôn blah vak tangin nạn Amư Ita, Dê prong hơl abih, krung hu ƀai brei nhu ka ita, thong ôh urang halei poh blah bihu nhu truh di tangin Amư. 30Ita thong Amư nạn tha.”
31Dôm urang Yo Thaic gilaic dôn patau piêh glam Bhô. 32Pô Yê-su đôm thong khol nhu: “Ita krung hu sahadah ka khol hư ralô bruk siam mưkrư mưng Amư. Yau nan, kaywa di haget khol hư glam patau di Ita?” 33Dôm urang Yo Thaic thuuk: “Khol dahlak ôh glam patau di ong kaywa tha bruk siam mưkrư, min kaywa panôic hanoh niêm; kaywa ong nạn mưnuix bloh êng brei ka drei nạn Pô Lingik.” 34Pô Yê-su thuuk: “Ôh njaup dalam hakum jakar anưd khol hư hu vak: ‘Ita krung hu đôm khol hư nạn yang,’ ôh habar? 35Mưyah hakum jakar iêu dôm urang tôk bihu Panôic Pô Lingik nạn yang, thong panôic Agal Nưbi ôh mưda palai klāk bihu 36yơ Ita ni, Dê bihu Amư rwah cek karei thong pachai mưrai dunya, habar khol hư gilaic đôm Ita hanoh niêm, tuk Ita đôm: ‘Ita nạn Anưk Pô Lingik’? 37Mưyah Ita ôh ngak dôm bruk anưd Amư Ita yơ khol hư jôi dial Ita. 38Dok mưyah Ita ngak yơ kanê khol hư ôh dial Ita, xang dial dôm bruk hit Ita, piêh khol hư hu mưda thau thong dul laic Amư dok dalam Ita thong Ita dok dalam Amư.” 39Khol nhu gilaic dwah ganap mưk Bhô, min Bhô klah truh di tangin khol nhu.
40 #
Yâ 1:28. Pô Yê-su gilaic nao tapa gah dêh krong Yô-đar, tal libik Yâng krung hu ngak ƀap-tem tamưrơp, thong dok vơk tak nan. 41Ralô urang mưrai tom Bhô, khol nhu đôm laic: “Yâng ôh ngak nưm crih halei, min abih kabha Yâng đôm ka urang ni jang nạn biak.” 42Tak nan hu ralô urang dial Bhô.
Actualmente seleccionado:
Yâng 10: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 10
10
Pô Yê-su nạn mưnuix glang pabo siam phôl
1“Biak jơh, Ita đôm thong khol hư, urang halei ôh tamư val pabo mưng baƀang, min kajān tamư mưng gilong pakan yơ urang nan nạn ra klek xavah. 2Min thei tapa baƀang bloh tamư nạn mưnuix glang pabo. 3Mưnuix khik mong pơh baƀang thong pabo hamit xap mưnuix glang. Mưnuix glang iêu angan pabo drei, thong ba tabiak lingiu. 4Tuk krung hu ba pabo tabiak abih bloh yơ mưnuix glang nao dahlau, pabo tui hadei, kaywa pabo rađap xap mưnuix glang. 5Pabo ôh tui urang crih, gilaic vơk, tapôr nhu klāk đôic kaywa pabo ôh rađap xap urang crih.” 6Pô Yê-su binô arkatê ni ka khol nhu, min khol nhu ôh thau Bhô ưng đôm haget.
7Ywa nan ka, Pô Yê-su gilaic đôm: “Biak jơh, Ita đôm thong khol hư, Ita nạn baƀang anưd pabo. 8Abih mưnuix mưrai dahlau Ita jang nạn tapôr klek xavah, min pabo ôh pang khol nhu. 9Ita nạn baƀang, mưyah thei ywa Ita bloh tamư yơ mưca bihu dong paklah. Mưca khol nhu tamư bloh tabiak thong gōk ƀlang harơk. 10Ra klek ciêt mưrai piêh poh blah, pamưtai thong thubang; dok Ita krung hu mưrai piêh pabo bihu gruk diup thong gruk diup mưhê xarai. 11Ita nạn mưnuix glang siam phôl, mưnuix glang siam phôl kaywa tapôr pabo bloh klāk xwan diup drei. 12Ra glang apah ôh njaup nạn mưnuix glang; pabo ôh bha di nhu nan ka tuk ƀôh athau thing mưrai, nhu klāk pabo đôic daup. Athau thing pah mưk pabo thong ngak ka calah blah. 13Kaywa ra glang apah nan ka nhu ôh angat haget tal pabo. 14#Mat 11:27; Lu 10:22.Ita nạn mưnuix glang siam phôl. Ita thau pabo Ita, thong pabo Ita thau Ita; 15lijang yau Amư thau Ita, thong Ita thau Amư rei. Ita kaywa tapôr pabo bloh klāk xwan diup drei. 16Ita dok hu dôm pabo pakan ôh bha di val ni; Ita hajat xang ba tapôr nhu mưrai vơk. Mưca pabo nan hamit xap Ita, bloh mưnok nhu mưca gilaic hajiơng tha tapôr#10:16 mưnok nhu mưca gilaic hajiơng tha tapôr: Dalam tha thanôn blah vak tangin nạn mưca ciêt hu tha tapôr. thong tha urang glang min. 17Amư anit ranam Ita, nạn kaywa Ita klāk xwan diup drei piêh bihu tôk vơk. 18Ôh thei mưk xwan diup Ita bihu, min Ita êng gimnit klāk rup. Ita hu gon klāk xwan diup thong hu gon mưk vơk. Ita krung hu tôk panưđar ni mưng Amư Ita.”
19Kaywa dôm panôic ni, dôm urang Yo Thaic gilaic hu gruk klah nưh. 20Ralô urang dalam khol nhu đôm: “Ong nạn gok ajin mưk, ong nan hanrôi; habar dok pang ong nan?” 21Tha thanôn pakan đôm: “Sani ôh njaup dôm panôic đôm anưd tha urang gok ajin mưk. Ngak habar ajin hu mưda pơh mưta ka mưnuix tagloh?”
Pô Yê-su tak Yê-ru-sa-lem dalam tuk Rija nưm krung hu Ƀai Limah Huji
22Tuk nan tak dhan Yê-ru-sa-lem hu Rija Ƀai Limah Huji. Kal nan nạn bal birak, 23Pô Yê-su dok nao dalam canar huji, ala caic Sa-lô-môn yơ 24dôm urang Yo Thaic vang yơng Bhô thong tanhi: “Gru lôi ka khol dahlak cang tal tuk halei? Mưyah Gru nạn Dê Krist yơ xang đôm pajip ka khol dahlak mek.” 25Pô Yê-su thuuk: “Ita krung hu đôm ka khol hư pajơ min khol hư ôh dial, dôm bruk Ita ngak dalam angan Amư jang ngak kaxan ka Ita. 26Min khol hư ôh dial, kaywa khol hư ôh njaup nạn pabo Ita. 27Pabo Ita hamit xap Ita, Ita thau tapôr nhu, thong tapôr nhu tui Ita. 28Ita ƀai brei ka tapôr nhu gruk diup rit rai, tapôr nhu ôh tuk halei pao lihik, thong ôh thei poh blah bihu khol nhu truh di tangin Ita. 29Kabha bloh Amư Ita krung hu ƀai brei ka Ita nạn prong hơl abih, thong ôh thei poh blah nhu truh di tangin Amư bihu.#10:29 Kabha bloh Amư Ita... poh blah nhu truh di tangin Amư bihu: Dalam tha thanôn blah vak tangin nạn Amư Ita, Dê prong hơl abih, krung hu ƀai brei nhu ka ita, thong ôh urang halei poh blah bihu nhu truh di tangin Amư. 30Ita thong Amư nạn tha.”
31Dôm urang Yo Thaic gilaic dôn patau piêh glam Bhô. 32Pô Yê-su đôm thong khol nhu: “Ita krung hu sahadah ka khol hư ralô bruk siam mưkrư mưng Amư. Yau nan, kaywa di haget khol hư glam patau di Ita?” 33Dôm urang Yo Thaic thuuk: “Khol dahlak ôh glam patau di ong kaywa tha bruk siam mưkrư, min kaywa panôic hanoh niêm; kaywa ong nạn mưnuix bloh êng brei ka drei nạn Pô Lingik.” 34Pô Yê-su thuuk: “Ôh njaup dalam hakum jakar anưd khol hư hu vak: ‘Ita krung hu đôm khol hư nạn yang,’ ôh habar? 35Mưyah hakum jakar iêu dôm urang tôk bihu Panôic Pô Lingik nạn yang, thong panôic Agal Nưbi ôh mưda palai klāk bihu 36yơ Ita ni, Dê bihu Amư rwah cek karei thong pachai mưrai dunya, habar khol hư gilaic đôm Ita hanoh niêm, tuk Ita đôm: ‘Ita nạn Anưk Pô Lingik’? 37Mưyah Ita ôh ngak dôm bruk anưd Amư Ita yơ khol hư jôi dial Ita. 38Dok mưyah Ita ngak yơ kanê khol hư ôh dial Ita, xang dial dôm bruk hit Ita, piêh khol hư hu mưda thau thong dul laic Amư dok dalam Ita thong Ita dok dalam Amư.” 39Khol nhu gilaic dwah ganap mưk Bhô, min Bhô klah truh di tangin khol nhu.
40 #
Yâ 1:28. Pô Yê-su gilaic nao tapa gah dêh krong Yô-đar, tal libik Yâng krung hu ngak ƀap-tem tamưrơp, thong dok vơk tak nan. 41Ralô urang mưrai tom Bhô, khol nhu đôm laic: “Yâng ôh ngak nưm crih halei, min abih kabha Yâng đôm ka urang ni jang nạn biak.” 42Tak nan hu ralô urang dial Bhô.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.