Yâng 7
7
Pô Yê-su tak dhan Yê-ru-sa-lem
1Hadei dôm bruk nan, Pô Yê-su nao graup nưgar Ga-li-lê; Bhô ôh ưng nao tapa nưgar Yu-đê kaywa dôm urang Yo Thaic dok dwah pamưtai Bhô. 2Rija Dôm Hadai Ywa anưd bôl Yo Thaic krung hu mưrai jek. 3Ywa nan ka, dôm adei Pô Yê-su đôm thong Bhô laic: “Xaai xang niga libik ni bloh nao tapa nưgar Yu-đê piêh ka dôm anưk xêh xaai bihu ƀôh bruk xaai ngak. 4Kaywa ôh thei ưng bihu abih drei thau tal, bloh gilaic ngak bruk tha drei. Mưyah xaai ngak dôm bruk nan yơ xang sahadah êng drei ka dunya thau mek.” 5Bahkan dôm adei Bhô lijang ôh dial Bhô. 6Pô Yê-su đôm thong khol nhu: “Tuk vag xaai ô ka mưrai; min tuk vag dôm adei yơ takung hu thudia. 7Dunya ôh mưda limuk dôm adei, min limuk di xaai, kaywa xaai krung hu paxakrưn ka dunya thau laic bruk khol nhu nạn jhak rumưk. 8Dôm adei xang tagôk tamưbha rija, dok xaai ôh tagôk#7:8 ôh tagôk: Dalam tha thanôn blah vak tangin nạn ô ka tagôk. tamưbha rija mưni kaywa tuk vag anưd xaai ô ka tal.” 9Đôm bloh, Bhô kưk dok vơk nưgar Ga-li-lê.
Pô Yê-su tak Rija Dôm Hadai Ywa
10Min hadei di tuk dôm adei Bhô krung hu nao tamưbha rija yơ Bhô lijang nao, min nao ganap jwa mih ôh pabiđang. 11Dôm urang Yo Thaic dwah Bhô dalam binhôr rija, thong đôm: “Ong ni dok pak halei?” 12Hu ralô xap xi xao Bhô krưh tapôr ralô. Ra yơ đôm: “Ong ni nạn mưnuix siam;” mưnuix pakan gilaic đôm: “Ôh, ong ni nạn ra palwô pagat bôl bhap.” 13Min kaywa hôic di dôm urang Yo Thaic nan ka ôh thei khin đôm ka Bhô ganap pabiđang.
Pô Yê-su lang pato dalam huji
14Tal krưh gôn rija, Pô Yê-su nao tagôk huji, thong pato pakai. 15Dôm urang Yo Thaic biak plơng kadơng đôm laic: “Ong ni ô ka bhian baic, ngak habar thau bihu Agal Nưbi?” 16Pô Yê-su thuuk: “Gruk lang pato Ita ôh njaup anưd karei Ita, min anưd Dê krung hu pachai Ita mưrai. 17Mưyah thei thudia ngak tui jamal Pô Lingik yơ mưca thau panôic Ita pato mưrai mưng Pô Lingik ngan Ita êng đôm tui jamal drei. 18Urang halei êng đôm tui jamal drei yơ dwah xêh mưlang karei ka drei, dok thei dwah xêh mưlang ka Dê krung hu pachai drei, nạn mưnuix tapak tape, dalam urang nạn ôh hu kabha haget tidak adil. 19Ôh njaup Mô-se krung hu brei hakum jakar ka khol hư ô? Min ôh tha urang halei dalam khol hư ngak tui hakum jakar. Kaywa haget khol hư gilaic dwah pamưtai Ita?” 20Bôl bhap thuuk: “Ong gok ajin mưk pajơ! Ôh thei dwah pamưtai ong ô?” 21Pô Yê-su thuuk: “Ita krung hu ngak tha bruk bloh abih khol hư jang plơng kadơng. 22Mô-se krung hu padok adat khao tan ka khol hư (biak nao adat nan ôh njaup kaywa Mô-se min kaywa di muk kei), thong khol hư khao tan ka anưk likei dalam harei Sa-ƀat. 23#Yâ 5:9.Mưyah urang likei xang ciup khao tan dalam harei Sa-ƀat piêh klah di tanrok hakum jakar Mô-se yơ habar khol hư gilaic dangih tuk Ita pajru dhit bih rup pabhap ka tha urang dalam harei Sa-ƀat? 24Jôi jamrah mưng gah lingiu, min xang jamrah tui gađi kahanôt.”
Bôl Yo Thaic đôm ka Pô Yê-su
25Hu hadôm bôl dhan Yê-ru-sa-lem đôm laic: “Sani ôh njaup nạn mưnuix bloh mưnuix urang dwah pamưtai ô? 26Mong dêh, ong nan đôm tha ganap pabiđang bloh khol nhu ôh đôm haget ka ong trah! Hu njaup dôm urang hu aco gon krung hu biak thau ong nạn Dê Krist? 27Min tuk Dê Krist mưrai yơ ôh thei thau Bhô mưng halei mưrai, dok ong ni yơ khol drei thau mưrai mưng halei.”
28Tuk krưh dok pato pakai dalam huji, Pô Yê-su pablo: “Khol hư thau Ita thong lijang thau Ita mưrai mưng halei! Ita ôh êng drei mưrai, min Dê krung hu pachai Ita mưrai nạn biak bloh khol hư ôh thau Bhô. 29Min Ita yơ thau Bhô kaywa Ita mưng Bhô mưrai, thong Bhô nạn Dê krung hu pachai Ita.” 30Yau nan khol nhu dwah ganap mưk Bhô, min ôh thei khin cek tangin di Bhô bihu kaywa tuk vag Bhô ô ka mưrai. 31Min hu ralô urang dalam bôl bhap dial Bhô thong đôm laic: “Tuk Dê Krist mưrai, mưca Bhô ngak ralô nưm crih hơl di ong ni krung hu ngak halei?”
Anngak mưk Pô Yê-su
32Mưnuix Pha-ri-si hamit dôm kabha bôl bhap xi xao ka Pô Yê-su nan ka khol nhu thong dôm gru mưliêng prong pachai dôm kar janưng pacang khik huji nao mưk Bhô. 33Ywa nan ka, Pô Yê-su đôm laic: “Ita dok thong khol hư takik tuk vag tra, bloh Ita gilaic mai tom Dê krung hu pachai Ita. 34Mưca khol hư dwah Ita min ôh gōk; libik Ita dok, khol hư ôh mưda mưrai bihu.” 35Dôm urang Yo Thaic đôm thong gaup: “Ong ni jarô nao tao bloh khol drei ôh dwah bihu? Hu njaup ong nan jarô mưrai tom dôm bhap paran calah blah diup krưh dôm mưnuix Bôl-Lingiu thong pato mưnuix Bôl-Lingiu kaic?#7:35 diup krưh... thong pato... kaic? Ngan nạn diup krưh dôm mưnuix đôm xap đôm xap Hi-lap thong pato dôm mưnuix Hi-lap kaic? 36Ong nan đôm hu gimnit haget: ‘Mưca khol hư dwah Ita min ôh gōk,’ thong ‘libik Ita dok, khol hư ôh mưda mưrai bihu?’”
Dôm ghol krong gruk diup
37Harei taluic nạn harei biak samkhan anưd gôn rija, Pô Yê-su dang tagôk thong pablo laic: “Mưyah urang halei mưhu, xang mưrai tom Ita bloh mưnhum. 38Urang halei dial Ita nạn dôm ghol krong gruk diup mưca hapwak mưng tian drei, njaup yau Agal Nưbi krung hu đôm.”#7:37-38 Mưyah urang halei... krung hu đôm: Ngan nạn “Mưyah urang halei mưhu, xang mưrai tom Ita! Urang halei dial Ita xang mưnhum! Njaup yau Agal Nưbi krung hu đôm, ‘yơ dôm ghol krong gruk diup mưca hapwak mưng tian drei.’” 39Bhô đôm kabha ni đôm ka Pô Nưbi Ginrơh bloh dôm urang dial Bhô mưca tôk bihu; kaywa Pô Nưbi Ginrơh ô ka jrang trun, kaywa Pô Yê-su ôh ka bihu tahamid.
Gruk klah nưh dalam bôl bhap
40Tuk tapôr bôl pang panôic ni, tha thanôn urang đôm: “Sani biak nạn tha pakat hôr.” 41Tha thanôn pakan laic: “Sani nạn Dê Krist.” Min tha thanôn pakan vơk gilaic đôm: “Dê Krist bloh mưrai mưng nưgar Ga-li-lê habar? 42Hu njaup Agal Nưbi đôm laic Dê Krist tabiak mai mưng talei pajeh Đa-vit thong mưrai mưng Ƀêt-lê-hem, nạn bhum mi Đa-vit ô?” 43Yau nan, bôl bhap klah nưh gaup kaywa di Bhô. 44Tha thanôn dalam bôl bhap ưng mưk Pô, min ôh thei khin gok tal Bhô.
Dôm mưnuix hu aco gon bôl Yo Thaic ôh dial
45Ywa nan ka, dôm kar janưng pacang khik huji gilaic mai tom dôm gru mưliêng prong thong mưnuix Pha-ri-si. Dôm urang ni tanhi khol nhu: “Habar dôm xaai ôh ba ong nan mưrai sani?” 46Dôm kar janưng ni thuuk: “Ô ka tuk halei hu thei krung hu đôm yau ong ni.” 47Dôm urang Pha-ri-si đôm thong khol nhu: “Dôm xaai lijang gok palwô pagat habar? 48Hu thei dalam thanôn dôm kwan pakrang ngan dôm urang Pha-ri-si dial ong nan kaic? 49Dok tapôr bôl bhap ni ôh thau hakum jakar haget trah, biak đang gok hatam xap!” 50#Yâ 3:1,2.Ni-kô-đem, mưnuix mưng dahlau krung hu mưrai tom Pô Yê-su, nạn tha urang dalam kavôm Pha-ri-si, đôm thong khol nhu: 51“Hakum jakar khol drei hu padok glaic tha urang bloh dahlau di nan ô ka pang panôic khai thong ô ka thau urang nan ngak haget halei?” 52Khol nhu thuuk: “Ong lijang nạn mưnuix Ga-li-lê ô? Ong xang rôh dwah yơ mưca ƀôh laic ôh hu tha pakat hôr halei tabiak mưng nưgar Ga-li-lê ô.” [53Bloh abih drei jang gilaic mai thang drei.
Actualmente seleccionado:
Yâng 7: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 7
7
Pô Yê-su tak dhan Yê-ru-sa-lem
1Hadei dôm bruk nan, Pô Yê-su nao graup nưgar Ga-li-lê; Bhô ôh ưng nao tapa nưgar Yu-đê kaywa dôm urang Yo Thaic dok dwah pamưtai Bhô. 2Rija Dôm Hadai Ywa anưd bôl Yo Thaic krung hu mưrai jek. 3Ywa nan ka, dôm adei Pô Yê-su đôm thong Bhô laic: “Xaai xang niga libik ni bloh nao tapa nưgar Yu-đê piêh ka dôm anưk xêh xaai bihu ƀôh bruk xaai ngak. 4Kaywa ôh thei ưng bihu abih drei thau tal, bloh gilaic ngak bruk tha drei. Mưyah xaai ngak dôm bruk nan yơ xang sahadah êng drei ka dunya thau mek.” 5Bahkan dôm adei Bhô lijang ôh dial Bhô. 6Pô Yê-su đôm thong khol nhu: “Tuk vag xaai ô ka mưrai; min tuk vag dôm adei yơ takung hu thudia. 7Dunya ôh mưda limuk dôm adei, min limuk di xaai, kaywa xaai krung hu paxakrưn ka dunya thau laic bruk khol nhu nạn jhak rumưk. 8Dôm adei xang tagôk tamưbha rija, dok xaai ôh tagôk#7:8 ôh tagôk: Dalam tha thanôn blah vak tangin nạn ô ka tagôk. tamưbha rija mưni kaywa tuk vag anưd xaai ô ka tal.” 9Đôm bloh, Bhô kưk dok vơk nưgar Ga-li-lê.
Pô Yê-su tak Rija Dôm Hadai Ywa
10Min hadei di tuk dôm adei Bhô krung hu nao tamưbha rija yơ Bhô lijang nao, min nao ganap jwa mih ôh pabiđang. 11Dôm urang Yo Thaic dwah Bhô dalam binhôr rija, thong đôm: “Ong ni dok pak halei?” 12Hu ralô xap xi xao Bhô krưh tapôr ralô. Ra yơ đôm: “Ong ni nạn mưnuix siam;” mưnuix pakan gilaic đôm: “Ôh, ong ni nạn ra palwô pagat bôl bhap.” 13Min kaywa hôic di dôm urang Yo Thaic nan ka ôh thei khin đôm ka Bhô ganap pabiđang.
Pô Yê-su lang pato dalam huji
14Tal krưh gôn rija, Pô Yê-su nao tagôk huji, thong pato pakai. 15Dôm urang Yo Thaic biak plơng kadơng đôm laic: “Ong ni ô ka bhian baic, ngak habar thau bihu Agal Nưbi?” 16Pô Yê-su thuuk: “Gruk lang pato Ita ôh njaup anưd karei Ita, min anưd Dê krung hu pachai Ita mưrai. 17Mưyah thei thudia ngak tui jamal Pô Lingik yơ mưca thau panôic Ita pato mưrai mưng Pô Lingik ngan Ita êng đôm tui jamal drei. 18Urang halei êng đôm tui jamal drei yơ dwah xêh mưlang karei ka drei, dok thei dwah xêh mưlang ka Dê krung hu pachai drei, nạn mưnuix tapak tape, dalam urang nạn ôh hu kabha haget tidak adil. 19Ôh njaup Mô-se krung hu brei hakum jakar ka khol hư ô? Min ôh tha urang halei dalam khol hư ngak tui hakum jakar. Kaywa haget khol hư gilaic dwah pamưtai Ita?” 20Bôl bhap thuuk: “Ong gok ajin mưk pajơ! Ôh thei dwah pamưtai ong ô?” 21Pô Yê-su thuuk: “Ita krung hu ngak tha bruk bloh abih khol hư jang plơng kadơng. 22Mô-se krung hu padok adat khao tan ka khol hư (biak nao adat nan ôh njaup kaywa Mô-se min kaywa di muk kei), thong khol hư khao tan ka anưk likei dalam harei Sa-ƀat. 23#Yâ 5:9.Mưyah urang likei xang ciup khao tan dalam harei Sa-ƀat piêh klah di tanrok hakum jakar Mô-se yơ habar khol hư gilaic dangih tuk Ita pajru dhit bih rup pabhap ka tha urang dalam harei Sa-ƀat? 24Jôi jamrah mưng gah lingiu, min xang jamrah tui gađi kahanôt.”
Bôl Yo Thaic đôm ka Pô Yê-su
25Hu hadôm bôl dhan Yê-ru-sa-lem đôm laic: “Sani ôh njaup nạn mưnuix bloh mưnuix urang dwah pamưtai ô? 26Mong dêh, ong nan đôm tha ganap pabiđang bloh khol nhu ôh đôm haget ka ong trah! Hu njaup dôm urang hu aco gon krung hu biak thau ong nạn Dê Krist? 27Min tuk Dê Krist mưrai yơ ôh thei thau Bhô mưng halei mưrai, dok ong ni yơ khol drei thau mưrai mưng halei.”
28Tuk krưh dok pato pakai dalam huji, Pô Yê-su pablo: “Khol hư thau Ita thong lijang thau Ita mưrai mưng halei! Ita ôh êng drei mưrai, min Dê krung hu pachai Ita mưrai nạn biak bloh khol hư ôh thau Bhô. 29Min Ita yơ thau Bhô kaywa Ita mưng Bhô mưrai, thong Bhô nạn Dê krung hu pachai Ita.” 30Yau nan khol nhu dwah ganap mưk Bhô, min ôh thei khin cek tangin di Bhô bihu kaywa tuk vag Bhô ô ka mưrai. 31Min hu ralô urang dalam bôl bhap dial Bhô thong đôm laic: “Tuk Dê Krist mưrai, mưca Bhô ngak ralô nưm crih hơl di ong ni krung hu ngak halei?”
Anngak mưk Pô Yê-su
32Mưnuix Pha-ri-si hamit dôm kabha bôl bhap xi xao ka Pô Yê-su nan ka khol nhu thong dôm gru mưliêng prong pachai dôm kar janưng pacang khik huji nao mưk Bhô. 33Ywa nan ka, Pô Yê-su đôm laic: “Ita dok thong khol hư takik tuk vag tra, bloh Ita gilaic mai tom Dê krung hu pachai Ita. 34Mưca khol hư dwah Ita min ôh gōk; libik Ita dok, khol hư ôh mưda mưrai bihu.” 35Dôm urang Yo Thaic đôm thong gaup: “Ong ni jarô nao tao bloh khol drei ôh dwah bihu? Hu njaup ong nan jarô mưrai tom dôm bhap paran calah blah diup krưh dôm mưnuix Bôl-Lingiu thong pato mưnuix Bôl-Lingiu kaic?#7:35 diup krưh... thong pato... kaic? Ngan nạn diup krưh dôm mưnuix đôm xap đôm xap Hi-lap thong pato dôm mưnuix Hi-lap kaic? 36Ong nan đôm hu gimnit haget: ‘Mưca khol hư dwah Ita min ôh gōk,’ thong ‘libik Ita dok, khol hư ôh mưda mưrai bihu?’”
Dôm ghol krong gruk diup
37Harei taluic nạn harei biak samkhan anưd gôn rija, Pô Yê-su dang tagôk thong pablo laic: “Mưyah urang halei mưhu, xang mưrai tom Ita bloh mưnhum. 38Urang halei dial Ita nạn dôm ghol krong gruk diup mưca hapwak mưng tian drei, njaup yau Agal Nưbi krung hu đôm.”#7:37-38 Mưyah urang halei... krung hu đôm: Ngan nạn “Mưyah urang halei mưhu, xang mưrai tom Ita! Urang halei dial Ita xang mưnhum! Njaup yau Agal Nưbi krung hu đôm, ‘yơ dôm ghol krong gruk diup mưca hapwak mưng tian drei.’” 39Bhô đôm kabha ni đôm ka Pô Nưbi Ginrơh bloh dôm urang dial Bhô mưca tôk bihu; kaywa Pô Nưbi Ginrơh ô ka jrang trun, kaywa Pô Yê-su ôh ka bihu tahamid.
Gruk klah nưh dalam bôl bhap
40Tuk tapôr bôl pang panôic ni, tha thanôn urang đôm: “Sani biak nạn tha pakat hôr.” 41Tha thanôn pakan laic: “Sani nạn Dê Krist.” Min tha thanôn pakan vơk gilaic đôm: “Dê Krist bloh mưrai mưng nưgar Ga-li-lê habar? 42Hu njaup Agal Nưbi đôm laic Dê Krist tabiak mai mưng talei pajeh Đa-vit thong mưrai mưng Ƀêt-lê-hem, nạn bhum mi Đa-vit ô?” 43Yau nan, bôl bhap klah nưh gaup kaywa di Bhô. 44Tha thanôn dalam bôl bhap ưng mưk Pô, min ôh thei khin gok tal Bhô.
Dôm mưnuix hu aco gon bôl Yo Thaic ôh dial
45Ywa nan ka, dôm kar janưng pacang khik huji gilaic mai tom dôm gru mưliêng prong thong mưnuix Pha-ri-si. Dôm urang ni tanhi khol nhu: “Habar dôm xaai ôh ba ong nan mưrai sani?” 46Dôm kar janưng ni thuuk: “Ô ka tuk halei hu thei krung hu đôm yau ong ni.” 47Dôm urang Pha-ri-si đôm thong khol nhu: “Dôm xaai lijang gok palwô pagat habar? 48Hu thei dalam thanôn dôm kwan pakrang ngan dôm urang Pha-ri-si dial ong nan kaic? 49Dok tapôr bôl bhap ni ôh thau hakum jakar haget trah, biak đang gok hatam xap!” 50#Yâ 3:1,2.Ni-kô-đem, mưnuix mưng dahlau krung hu mưrai tom Pô Yê-su, nạn tha urang dalam kavôm Pha-ri-si, đôm thong khol nhu: 51“Hakum jakar khol drei hu padok glaic tha urang bloh dahlau di nan ô ka pang panôic khai thong ô ka thau urang nan ngak haget halei?” 52Khol nhu thuuk: “Ong lijang nạn mưnuix Ga-li-lê ô? Ong xang rôh dwah yơ mưca ƀôh laic ôh hu tha pakat hôr halei tabiak mưng nưgar Ga-li-lê ô.” [53Bloh abih drei jang gilaic mai thang drei.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.