Yâng 6
6
Pô Yê-su thrơh tapei ka limư ribau urang ƀang
(Ma-thi-ơ 14:13-21; Mag 6:30-44; Lu-ka 9:14-17)
1Hadei di nan, Pô Yê-su nao tapa takai tathik gah dêh tathik Ga-li-lê, ar nạn tathik Ti-ƀê-ri-at. 2Tha tapôr mưnuix biak ralô nao tui Bhô, kaywa khol nhu tapôr mưnuix krung hu bhian ƀôh dôm nưm crih Bhô ngak ka dôm urang rwak. 3Pô Yê-su tagôk cơk thong dok tak nan thong dôm anưk xêh drei. 4Tuk nan, thi tal Rija Gan Tapa, nạn rija prong anưd bôl Yo Thaic. 5Pô Yê-su talāk mưta tagôk, ƀôh tha tapôr mưnuix biak ralô mưrai tom Bhô, Bhô đôm thong Phi-lip: “Khol drei xang blei tapei pak halei piêh ka dôm bôl ni ƀang?” 6Bhô đôm yau nan piêh long Phi-lip mih Bhô krung hu thau kabha drei mưca ngak pajơ. 7Phi-lip thuuk: “Dwa rituh đơ-ni-ê tapei lijang ôh tal ka yāup urang tha xit.” 8Ar-rê adei Si-môn Phi-e-rơ, tha dalam dôm anưk xêh, pathau laic: 9“Hu tha kei xit hu limư kleh tapei padai abei thong dwa ikan, min bôl ralô yau ni yơ ngak habar ƀang tal?” 10Pô Yê-su pađar: “Xang tathit ka abih drei dok dala.” Libik ni hu ralô harơk. Bôl bhap dok dala, nôic limư ribau. 11Pô Yê-su pan tapei, ƀai panôic đwa karun, bloh rabha takhat ka dôm urang krung hu dok dala, ikan lijang bihu rabha takhat yau nan rei, thei ưng hadôm patui gimnit. 12Tuk khol nhu krung hu ƀang trei, Bhô pađar dôm anưk xêh: “Xang dôn patom vơk dôm kleh tapei libeh jôi lôi lihik tha kleh halei.” 13Yau nan, khol nhu dôn patom vơk dôm kleh rong anưd limư kleh tapei padai abei bloh khol nhu ƀang dok libeh, padang bak tha pluh dwa habai. 14Dôm urang ƀôh nưm crih Pô Yê-su krung hu ngak yơ đôm: “Sani êng nạn Dê hôr xang mưrai dunya.” 15Pô Yê-su krưn thau laic khol nhu thi mưrai mưk ep Bhô ngak patao nan ka Bhô pleh tagôk cơk tha drei.
Pô Yê-su yam nao di ngok ia tathik
(Ma-thi-ơ 14:22-32; Mag 6:45-52)
16Tal biêr harei xup, dôm anưk xêh tabiak tathik, 17đik tha thruh gilai, vah tapa takai tathik gah dêh, adih dhan Ka-ƀê-na-um. Lingik krung hu xup, min Pô Yê-su jang ô ka mưrai tom khol nhu. 18Tathik mưgei kaywa angin giloh katang. 19Tuk khol nhu vah gilai nôic limư ngan nam gai angka yơ ƀôh Pô Yê-su nao ngok ia mưrai jek gilai. Khol nhu tatơk drei. 20Min Bhô đôm laic: “Ita sani, jôi hôic!” 21Khol nhu ưng daa Bhô tamư gilai yơ binhêt gilai tamư lanưh, nạn libik khol nhu jarô nao.
Tapei gruk diup
22Harei hadei, bôl bhap dok gah dêh takai tathik krưn bihu laic pak nan ciêt hu tha thruh gilai, thong Pô Yê-su ôh trun gilai thong dôm anưk xêh, ciêt dôm anưk xêh nao min. 23Min hu dôm thruh gilai pakan mưng Ti-ƀê-ri-at mưrai padơh jek libik khol nhu krung hu ƀang tapei hadei di tuk Pô đwa karun.#6:23 hadei di tuk Pô đwa karun: Dalam tha thanôn blah vak tangin ôh hu dôm akhar ni. 24Yau nan, tuk tapôr bôl ôh ƀôh Pô Yê-su thong dôm anưk xêh Bhô tak nan, yơ khol nhu đik gilai nao mưrai dhan Ka-ƀê-na-um piêh dwah Pô Yê-su. 25Tuk gōk Bhô dok pak takai tathik gah dêh, khol nhu pathau laic: “Gru lơy, Gru mưrai sani habiên?” 26Pô Yê-su thuuk: “Biak jơh, Ita đôm biak thong khol hư, khol hư dwah Ita ôh njaup kaywa krung hu ƀôh dôm nưm crih, min kaywa khol hư krung bihu ƀang tapei trei laơh. 27Jôi ngak bruk kaywa di kaya ƀang bhian pao tayah, min kaywa kaya ƀang dok hamiêt tal gruk diup rit rai, sani nạn kaya ƀang mưca Anưk Mưnuix ƀai brei ka khol hư; kaywa nạn Dê bloh Pô Lingik, nạn Amư, krung hu twak tamtra.” 28Khol nhu thuuk: “Khol dahlak xang ngak haget piêh bihu ngak bruk hit Pô Lingik?” 29Pô Yê-su thuuk: “Bruk hit Pô Lingik nạn khol hư dial Dê krung bihu Bhô pachai mưrai.” 30Khol nhu gilaic đôm: “Yau nan, Gru ngak nưm crih haget piêh khol dahlak ƀôh bloh dial? Gru hu mưda ngak bruk haget? 31Muk kei khol drei krung hu ƀang mana dalam bhum kamrang, yau panôic krung hu vak: ‘Bhô brei ka khol nhu ƀang tapei mưng thôr riga.’” 32Pô Yê-su thuuk: “Biak jơh, Ita đôm thong khol hư, ôh njaup Mô-se krung hu ƀai brei ka khol hư tapei mưng thôr riga ô; min êng Amư Ita bihu ƀai brei ka khol hư tapei biak mưng thôr riga. 33Kaywa tapei anưd Pô Lingik nạn tapei mưng thôr riga trun, ƀai brei gruk diup ka dunya.” 34Khol nhu đôm: “Pô lơy, likau brei tapei nan ka khol dahlak miêt miêt.” 35Pô Yê-su thuuk: “Ita nạn tapei gruk diup. Thei mưrai tom Ita ôh bik lipa, thei dial Ita ôh bik mưhu. 36Min Ita krung hu đôm thong khol hư laic: Khol hư krung hu ƀôh Ita, bloh jang ôh dial. 37Abih mưnuix Amư Ita ƀai brei ka Ita jang mưrai tom Ita; thei mưrai tom Ita, mưca Ita ôh klāk tabiak lingiu ô. 38Kaywa Ita mưng thôr riga trun, ôh njaup piêh ngak tui jamal Ita, min ngak tui jamal Dê krung hu pachai Ita. 39Sani nạn jamal anưd Dê krung hu pachai Ita: Abih mưnuix Bhô krung hu ƀai brei ka Ita, yơ mưca Ita ôh lôi lihik thei, min Ita xang ngak ka diup vơk dalam harei taluic. 40Kaywa sani nạn jamal anưd Amư Ita: Abih urang ƀôh Anưk thong dial Anưk yơ bihu gruk diup rit rai, mưca Ita ngak ka urang nan diup vơk dalam harei taluic.”
41Min dôm urang Yo Thaic ih oh ka Bhô, kaywa Bhô đôm: “Ita nạn tapei mưng thôr riga trun.” 42Khol nhu đôm: “Ôh njaup urang ni nạn Yê-su, anưk Yô-sep ô? Amek amư nhu, khol drei thau abih, habar urak ni nhu gilaic đôm: ‘Ita mưng thôr riga trun’?” 43Pô Yê-su đôm thong khol nhu: “Khol hư jôi xi xao thong gaup jôi. 44Mưyah Amư nạn Dê krung hu pachai Ita, ôh katung mưrai yơ ôh thei hu mưda mưrai tom Ita, thong mưca Ita ngak ka urang nan diup vơk dalam harei taluic. 45Dôm tapuk hôr hu vak: ‘Abih jang mưca bihu Pô Lingik pato pakai.’ Pathar pathar thei krung hu pang thong baic pak Amư yơ mưrai tom Ita. 46Ôh hu mưda thei ƀôh Amư, klāk tabiak Dê mưng Pô Lingik mưrai, êng Dê nan krung hu ƀôh Amư. 47Biak jơh, Ita đôm thong khol hư, thei dial yơ bihu gruk diup rit rai. 48Ita nạn tapei gruk diup. 49Muk kei khol hư krung hu ƀang mana dalam bhum kamrang bloh lijang mưtai. 50Sani nạn tapei mưng thôr riga trun; piêh thei ƀang yơ ôh mưtai. 51Ita nạn tapei gruk diup mưng thôr riga trun; mưyah thei ƀang tapei ni yơ mưca diup rit rai. Tapei mưca Ita ƀai brei kaywa gruk diup anưd dunya êng nạn rilo Ita.”
52Ywa nan ka, hu gruk kamlah cah di dôm urang Yo Thaic thong gaup. Khol nhu đôm: “Ngak habar ong nan hu mưda mưk rilo drei brei ka khol drei ƀang bihu?” 53Pô Yê-su đôm thong khol nhu: “Biak jơh, Ita đôm thong khol hư, mưyah khol hư ôh ƀang rilo thong mưnhum darah Anưk Mưnuix yơ ôh hu gruk diup rit rai dalam khol hư. 54Thei ƀang rilo thong mưnhum darah Ita yơ bihu gruk diup rit rai; mưca Ita ngak ka urang nan diup vơk dalam harei taluic. 55Kaywa rilo Ita biak nạn kaya ƀang, darah Ita biak nạn kaya mưnhum. 56Thei ƀang rilo Ita thong mưnhum darah Ita yơ dok dalam Ita, thong Ita dok dalam urang nan. 57Yau Amư bhian diup krung hu pachai Ita, thong Ita nhơ di Bhô bloh diup yau halei yơ mưnuix ƀang Ita mưca lijang nhơ di Ita bloh diup yau nan. 58Sani nạn tapei mưng thôr riga trun, ôh drơh tapei muk kei khol hư ƀang bloh mưtai, urang halei ƀang tapei ni mưca diup rit rai.” 59Pô Yê-su đôm dôm kabha ni tuk dok pato pakai dalam thang nhom tak dhan Ka-ƀê-na-um.
Panôic ƀai brei gruk diup
60Ralô anưk xêh Bhô pang kabha ni yơ đôm: “Panôic ni biak kar, thei bloh pang bihu?” 61Min Pô Yê-su êng thau dôm anưk xêh dok xi xao ka kabha ni nạn ka đôm laic: “Kabha ni ngak ka khol hư kan thi pang habar? 62Yau nan, mưyah khol hư ƀôh Anưk Mưnuix tagôk libik Bhô takrung dok mưng dahlau dêh yơ habar? 63Nưbi Ginrơh Pô Lingik ƀai brei gruk diup, rilo darah ôh hu hanim haget. Dôm panôic Ita đôm thong khol hư ƀai brei gruk diup mưng Nưbi Ginrơh Pô Lingik. 64Min hu hadôm urang dalam khol hư ôh dial.” Kaywa mưng tamưrơp, Pô Yê-su krung hu thau thei nạn mưnuix ôh dial thong thei nạn ra lambil Bhô. 65Bhô gilaic đôm: “Ywa nan ka, Ita krung hu đôm thong khol hư laic mưyah Amư ôh ƀai brei yơ ôh thei hu mưda mưrai tom Ita bihu.”
Phi-e-rơ tao tôk
66Mưng tuk nan ralô anưk xêh kadun, ôh tui Bhô vơk. 67Pô Yê-su đôm thong tha pluh dwa anưk xêh: “Dok khol hư lijang ưng kadun kaic?” 68#Mat 16:16; Mag 8:29; Lu 9:20.Si-môn Phi-e-rơ thuuk: “Pô lơy, mưca khol dahlak tui thei? Pô hu panôic anưd gruk diup rit rai. 69Khol dahlak krung hu dial thong krưn thau laic Pô nạn Dê Nưbi anưd Pô Lingik.” 70Pô Yê-su thuuk: “Ôh njaup Ita krung hu rwah khol hư nạn tha pluh dwa anưk xêh ô? Yau nan min tha urang dalam khol hư yơ drơh Abilêh!” 71Pô Yê-su đôm ka Yu-đa, anưk Si-môn Ic-ka-ri-ôt nạn tha dalam tha pluh dwa anưk xêh; êng urang ni mưca lambil Bhô hadei ni.
Actualmente seleccionado:
Yâng 6: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 6
6
Pô Yê-su thrơh tapei ka limư ribau urang ƀang
(Ma-thi-ơ 14:13-21; Mag 6:30-44; Lu-ka 9:14-17)
1Hadei di nan, Pô Yê-su nao tapa takai tathik gah dêh tathik Ga-li-lê, ar nạn tathik Ti-ƀê-ri-at. 2Tha tapôr mưnuix biak ralô nao tui Bhô, kaywa khol nhu tapôr mưnuix krung hu bhian ƀôh dôm nưm crih Bhô ngak ka dôm urang rwak. 3Pô Yê-su tagôk cơk thong dok tak nan thong dôm anưk xêh drei. 4Tuk nan, thi tal Rija Gan Tapa, nạn rija prong anưd bôl Yo Thaic. 5Pô Yê-su talāk mưta tagôk, ƀôh tha tapôr mưnuix biak ralô mưrai tom Bhô, Bhô đôm thong Phi-lip: “Khol drei xang blei tapei pak halei piêh ka dôm bôl ni ƀang?” 6Bhô đôm yau nan piêh long Phi-lip mih Bhô krung hu thau kabha drei mưca ngak pajơ. 7Phi-lip thuuk: “Dwa rituh đơ-ni-ê tapei lijang ôh tal ka yāup urang tha xit.” 8Ar-rê adei Si-môn Phi-e-rơ, tha dalam dôm anưk xêh, pathau laic: 9“Hu tha kei xit hu limư kleh tapei padai abei thong dwa ikan, min bôl ralô yau ni yơ ngak habar ƀang tal?” 10Pô Yê-su pađar: “Xang tathit ka abih drei dok dala.” Libik ni hu ralô harơk. Bôl bhap dok dala, nôic limư ribau. 11Pô Yê-su pan tapei, ƀai panôic đwa karun, bloh rabha takhat ka dôm urang krung hu dok dala, ikan lijang bihu rabha takhat yau nan rei, thei ưng hadôm patui gimnit. 12Tuk khol nhu krung hu ƀang trei, Bhô pađar dôm anưk xêh: “Xang dôn patom vơk dôm kleh tapei libeh jôi lôi lihik tha kleh halei.” 13Yau nan, khol nhu dôn patom vơk dôm kleh rong anưd limư kleh tapei padai abei bloh khol nhu ƀang dok libeh, padang bak tha pluh dwa habai. 14Dôm urang ƀôh nưm crih Pô Yê-su krung hu ngak yơ đôm: “Sani êng nạn Dê hôr xang mưrai dunya.” 15Pô Yê-su krưn thau laic khol nhu thi mưrai mưk ep Bhô ngak patao nan ka Bhô pleh tagôk cơk tha drei.
Pô Yê-su yam nao di ngok ia tathik
(Ma-thi-ơ 14:22-32; Mag 6:45-52)
16Tal biêr harei xup, dôm anưk xêh tabiak tathik, 17đik tha thruh gilai, vah tapa takai tathik gah dêh, adih dhan Ka-ƀê-na-um. Lingik krung hu xup, min Pô Yê-su jang ô ka mưrai tom khol nhu. 18Tathik mưgei kaywa angin giloh katang. 19Tuk khol nhu vah gilai nôic limư ngan nam gai angka yơ ƀôh Pô Yê-su nao ngok ia mưrai jek gilai. Khol nhu tatơk drei. 20Min Bhô đôm laic: “Ita sani, jôi hôic!” 21Khol nhu ưng daa Bhô tamư gilai yơ binhêt gilai tamư lanưh, nạn libik khol nhu jarô nao.
Tapei gruk diup
22Harei hadei, bôl bhap dok gah dêh takai tathik krưn bihu laic pak nan ciêt hu tha thruh gilai, thong Pô Yê-su ôh trun gilai thong dôm anưk xêh, ciêt dôm anưk xêh nao min. 23Min hu dôm thruh gilai pakan mưng Ti-ƀê-ri-at mưrai padơh jek libik khol nhu krung hu ƀang tapei hadei di tuk Pô đwa karun.#6:23 hadei di tuk Pô đwa karun: Dalam tha thanôn blah vak tangin ôh hu dôm akhar ni. 24Yau nan, tuk tapôr bôl ôh ƀôh Pô Yê-su thong dôm anưk xêh Bhô tak nan, yơ khol nhu đik gilai nao mưrai dhan Ka-ƀê-na-um piêh dwah Pô Yê-su. 25Tuk gōk Bhô dok pak takai tathik gah dêh, khol nhu pathau laic: “Gru lơy, Gru mưrai sani habiên?” 26Pô Yê-su thuuk: “Biak jơh, Ita đôm biak thong khol hư, khol hư dwah Ita ôh njaup kaywa krung hu ƀôh dôm nưm crih, min kaywa khol hư krung bihu ƀang tapei trei laơh. 27Jôi ngak bruk kaywa di kaya ƀang bhian pao tayah, min kaywa kaya ƀang dok hamiêt tal gruk diup rit rai, sani nạn kaya ƀang mưca Anưk Mưnuix ƀai brei ka khol hư; kaywa nạn Dê bloh Pô Lingik, nạn Amư, krung hu twak tamtra.” 28Khol nhu thuuk: “Khol dahlak xang ngak haget piêh bihu ngak bruk hit Pô Lingik?” 29Pô Yê-su thuuk: “Bruk hit Pô Lingik nạn khol hư dial Dê krung bihu Bhô pachai mưrai.” 30Khol nhu gilaic đôm: “Yau nan, Gru ngak nưm crih haget piêh khol dahlak ƀôh bloh dial? Gru hu mưda ngak bruk haget? 31Muk kei khol drei krung hu ƀang mana dalam bhum kamrang, yau panôic krung hu vak: ‘Bhô brei ka khol nhu ƀang tapei mưng thôr riga.’” 32Pô Yê-su thuuk: “Biak jơh, Ita đôm thong khol hư, ôh njaup Mô-se krung hu ƀai brei ka khol hư tapei mưng thôr riga ô; min êng Amư Ita bihu ƀai brei ka khol hư tapei biak mưng thôr riga. 33Kaywa tapei anưd Pô Lingik nạn tapei mưng thôr riga trun, ƀai brei gruk diup ka dunya.” 34Khol nhu đôm: “Pô lơy, likau brei tapei nan ka khol dahlak miêt miêt.” 35Pô Yê-su thuuk: “Ita nạn tapei gruk diup. Thei mưrai tom Ita ôh bik lipa, thei dial Ita ôh bik mưhu. 36Min Ita krung hu đôm thong khol hư laic: Khol hư krung hu ƀôh Ita, bloh jang ôh dial. 37Abih mưnuix Amư Ita ƀai brei ka Ita jang mưrai tom Ita; thei mưrai tom Ita, mưca Ita ôh klāk tabiak lingiu ô. 38Kaywa Ita mưng thôr riga trun, ôh njaup piêh ngak tui jamal Ita, min ngak tui jamal Dê krung hu pachai Ita. 39Sani nạn jamal anưd Dê krung hu pachai Ita: Abih mưnuix Bhô krung hu ƀai brei ka Ita, yơ mưca Ita ôh lôi lihik thei, min Ita xang ngak ka diup vơk dalam harei taluic. 40Kaywa sani nạn jamal anưd Amư Ita: Abih urang ƀôh Anưk thong dial Anưk yơ bihu gruk diup rit rai, mưca Ita ngak ka urang nan diup vơk dalam harei taluic.”
41Min dôm urang Yo Thaic ih oh ka Bhô, kaywa Bhô đôm: “Ita nạn tapei mưng thôr riga trun.” 42Khol nhu đôm: “Ôh njaup urang ni nạn Yê-su, anưk Yô-sep ô? Amek amư nhu, khol drei thau abih, habar urak ni nhu gilaic đôm: ‘Ita mưng thôr riga trun’?” 43Pô Yê-su đôm thong khol nhu: “Khol hư jôi xi xao thong gaup jôi. 44Mưyah Amư nạn Dê krung hu pachai Ita, ôh katung mưrai yơ ôh thei hu mưda mưrai tom Ita, thong mưca Ita ngak ka urang nan diup vơk dalam harei taluic. 45Dôm tapuk hôr hu vak: ‘Abih jang mưca bihu Pô Lingik pato pakai.’ Pathar pathar thei krung hu pang thong baic pak Amư yơ mưrai tom Ita. 46Ôh hu mưda thei ƀôh Amư, klāk tabiak Dê mưng Pô Lingik mưrai, êng Dê nan krung hu ƀôh Amư. 47Biak jơh, Ita đôm thong khol hư, thei dial yơ bihu gruk diup rit rai. 48Ita nạn tapei gruk diup. 49Muk kei khol hư krung hu ƀang mana dalam bhum kamrang bloh lijang mưtai. 50Sani nạn tapei mưng thôr riga trun; piêh thei ƀang yơ ôh mưtai. 51Ita nạn tapei gruk diup mưng thôr riga trun; mưyah thei ƀang tapei ni yơ mưca diup rit rai. Tapei mưca Ita ƀai brei kaywa gruk diup anưd dunya êng nạn rilo Ita.”
52Ywa nan ka, hu gruk kamlah cah di dôm urang Yo Thaic thong gaup. Khol nhu đôm: “Ngak habar ong nan hu mưda mưk rilo drei brei ka khol drei ƀang bihu?” 53Pô Yê-su đôm thong khol nhu: “Biak jơh, Ita đôm thong khol hư, mưyah khol hư ôh ƀang rilo thong mưnhum darah Anưk Mưnuix yơ ôh hu gruk diup rit rai dalam khol hư. 54Thei ƀang rilo thong mưnhum darah Ita yơ bihu gruk diup rit rai; mưca Ita ngak ka urang nan diup vơk dalam harei taluic. 55Kaywa rilo Ita biak nạn kaya ƀang, darah Ita biak nạn kaya mưnhum. 56Thei ƀang rilo Ita thong mưnhum darah Ita yơ dok dalam Ita, thong Ita dok dalam urang nan. 57Yau Amư bhian diup krung hu pachai Ita, thong Ita nhơ di Bhô bloh diup yau halei yơ mưnuix ƀang Ita mưca lijang nhơ di Ita bloh diup yau nan. 58Sani nạn tapei mưng thôr riga trun, ôh drơh tapei muk kei khol hư ƀang bloh mưtai, urang halei ƀang tapei ni mưca diup rit rai.” 59Pô Yê-su đôm dôm kabha ni tuk dok pato pakai dalam thang nhom tak dhan Ka-ƀê-na-um.
Panôic ƀai brei gruk diup
60Ralô anưk xêh Bhô pang kabha ni yơ đôm: “Panôic ni biak kar, thei bloh pang bihu?” 61Min Pô Yê-su êng thau dôm anưk xêh dok xi xao ka kabha ni nạn ka đôm laic: “Kabha ni ngak ka khol hư kan thi pang habar? 62Yau nan, mưyah khol hư ƀôh Anưk Mưnuix tagôk libik Bhô takrung dok mưng dahlau dêh yơ habar? 63Nưbi Ginrơh Pô Lingik ƀai brei gruk diup, rilo darah ôh hu hanim haget. Dôm panôic Ita đôm thong khol hư ƀai brei gruk diup mưng Nưbi Ginrơh Pô Lingik. 64Min hu hadôm urang dalam khol hư ôh dial.” Kaywa mưng tamưrơp, Pô Yê-su krung hu thau thei nạn mưnuix ôh dial thong thei nạn ra lambil Bhô. 65Bhô gilaic đôm: “Ywa nan ka, Ita krung hu đôm thong khol hư laic mưyah Amư ôh ƀai brei yơ ôh thei hu mưda mưrai tom Ita bihu.”
Phi-e-rơ tao tôk
66Mưng tuk nan ralô anưk xêh kadun, ôh tui Bhô vơk. 67Pô Yê-su đôm thong tha pluh dwa anưk xêh: “Dok khol hư lijang ưng kadun kaic?” 68#Mat 16:16; Mag 8:29; Lu 9:20.Si-môn Phi-e-rơ thuuk: “Pô lơy, mưca khol dahlak tui thei? Pô hu panôic anưd gruk diup rit rai. 69Khol dahlak krung hu dial thong krưn thau laic Pô nạn Dê Nưbi anưd Pô Lingik.” 70Pô Yê-su thuuk: “Ôh njaup Ita krung hu rwah khol hư nạn tha pluh dwa anưk xêh ô? Yau nan min tha urang dalam khol hư yơ drơh Abilêh!” 71Pô Yê-su đôm ka Yu-đa, anưk Si-môn Ic-ka-ri-ôt nạn tha dalam tha pluh dwa anưk xêh; êng urang ni mưca lambil Bhô hadei ni.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.