Yâng 5
5
Pô Yê-su pajru dhit pak kavei Ƀê-têt-đa
1Hadei di nan, dalam harei rija bôl Yo Thaic, Pô Yê-su tagôk dhan Yê-ru-sa-lem. 2Tak Yê-ru-sa-lem, jek baƀang Pabo, hu tha kavei ia, xap Hê-ƀrơ iêu nạn Ƀê-têt-đa.#5:2 Ƀê-têt-đa: Dalam tha thanôn blah vak tangin nạn Ƀêt-xa-tha. Kavei hu limư baƀang caic. 3Ralô urang rwak hakik, tagloh, joh jo, mưtai arak đih tak nan. [Khol nhu cang tuk ia mưgei, 4kaywa brax xanư hu tha umat jrang trun kavei, ngak ka ia mưgei. Tuk ia mưgei, thei trun kavei dahlau, yơ kanê libuh rwak haget lijang bihu dhit.]#5:3-4 [Khol nhu... bihu dhit]: Dalam tha thanôn blah vak tangin ôh hu dôm akhar ni. 5Hu tha urang libuh rwak krung hu klau pluh dalipan thun. 6Pô Yê-su mong ƀôh urang ni đih tak nan, thong thau jalơh rwak krung hu livik yơ tanhi: “Hư ưng bihu pajru dhit halei?” 7Urang rwak thuuk: “Pathau ong, ôh thei pajup parah dahlak trun kavei tuk ia mưgei, tuk dahlak mưrai yơ urang pakan krung hu trun dahlau di dahlak pajơ.” 8Pô Yê-su pađar: “Xang dang tagôk, gilam katong hư thong nao.” 9Urang nan bihu dhit rwak binhêt, gilam katong thong nao. Vār nan nạn harei Sa-ƀat.
Bôl Yo Thaic palek palam Pô Yê-su tanrok harei Sa-ƀat
10Dôm urang Yo Thaic đôm thong urang bihu pajru dhit: “Harei ni nạn harei Sa-ƀat, hư ôh bihu idin gilam katong.” 11Min nhu thuuk: “Urang krung hu pajru dhit ka dahlak pađar dahlak: ‘Xang gilam katong hư thong nao.’” 12Khol nhu tanhi: “Thei nạn urang pađar hư: ‘Xang gilam katong thong nao’?” 13Min urang bihu pajru dhit ôh thau nạn thei, kaywa Pô Yê-su krung hu pleh tamư dalam tapôr ralô tak nan. 14Hadei di nan, Pô Yê-su gōk urang ni dalam huji yơ đôm thong nhu: “Mưni, hư krung bihu dhit, jôi tanrok glaic vơk, kađa hu kabha bik jhak hơl mưjiơng tabiak ka hư kaic.” 15Urang ni nao đôm thong dôm urang Yo Thaic laic Pô Yê-su nạn urang krung hu pajru rwak ka drei. 16Ywa nan ka, mưnuix Yo Thaic gơk tatơk Pô Yê-su, kaywa Bhô ngak dôm bruk ni dalam harei Sa-ƀat. 17Min Bhô bican thong khol nhu: “Amư Ita jang krưh dok ngak bruk ka tal urak ni, Ita lijang ngak bruk yau nan.” 18Ywa nan ka dôm urang Yo Thaic bik dwah ganap pamưtai Bhô, ywa Bhô ô kan phak adat harei Sa-ƀat, bloh dok iêu Pô Lingik nạn Amư, êng brei ka drei hatang thong Pô Lingik.
Aco gon anưd Anưk
19Ywa nan ka, Pô Yê-su đôm thong khol nhu: “Biak jơh, Ita đôm thong khol hư, êng Anưk ôh mưda ngak kabha haget, min ciêt ngak kabha Anưk ƀôh Amư ngak; kaywa pathar pathar kabha haget Amư ngak, Anưk lijang ngak yau nan. 20Kaywa Amư anit ranam Anưk thong sahadah ka Anưk abih kabha Amư ngak. Mưca Amư dok sahadah ka Anưk dôm bruk prong di prong hơl dôm bruk ni vơk piêh ka khol hư xang plơng kadơng. 21Yau Amư krung hu ngak ka dôm urang mưtai diup vơk yau halei yơ Anưk lijang ƀai brei gruk diup ka urang halei Anưk ưng yau nan. 22Amư lijang ôh bican inư thei trah, min jao abih gon bican inư ka Anưk, 23piêh abih drei lijang pôkja Anưk jang yau pôkja Amư rei. Thei ôh pôkja Anưk yơ lijang ôh pôkja Amư nạn Dê krung hu pachai Anưk mưrai. 24Biak jơh, Ita đôm thong khol hư, thei pang panôic Ita thong dial Dê krung hu pachai Ita yơ bihu gruk diup rit rai thong ôh gok bican inư, min tapa truh gruk mưtai bloh tamư gruk diup. 25Biak jơh, Ita đôm thong khol hư, tuk vag thi mưrai, thong krung hu mưrai pajơ, tuk dôm urang mưtai mưca hamit xap Anưk Pô Lingik, thong dôm urang hamit mưca diup. 26Kaywa yau Amư hu gruk diup dalam êng drei yau halei yơ Amư lijang ƀai brei ka Anưk gruk diup dalam êng drei yau nan. 27Amư krung hu jao aco gon pangak gruk bican inư ka Anưk, kaywa Anưk nạn Anưk Mưnuix. 28Jôi plơng kadơng ka kabha ni, kaywa tuk vag thi tal, tuk dôm urang dok dalam tanum mưca hamit xap Bhô thong yam tabiak; 29thei krung hu ngak kabha siam yơ diup vơk piêh bihu diup, thei krung hu ngak kabha ag yơ diup vơk piêh gok bican inư.
Dê ngak kaxan ka Pô Yê-su
30Ita ôh mưda êng drei ngak kabha haget; Ita bican inư tui kabha Ita pang, thong gruk bican inư anưd Ita nạn pahadah, kaywa Ita ôh dwah gimnit karei drei, min dwah tui gimnit anưd Dê krung hu pachai Ita.
31Mưyah Ita êng ngak kaxan ka drei yơ panôic kaxan Ita ôh đang dial. 32Hu Dê pakan ngak kaxan ka Ita, Ita thau panôic Dê nan ngak kaxan ka Ita nạn biak. 33#Yâ 1:19-27; Yâ 3:27-30.Khol hư pachai mưnuix mưrai tom Yâng, thong Yâng krung hu ngak kaxan ka tantu. 34Ôh njaup Ita hajat nhơ di panôic kaxan anưd mưrôxak, min Ita đôm dôm kabha ni piêh khol hư bihu dong. 35Yâng nạn hadah mưnhưk truic hadah, dok khol hư yơ ưng bui liêng tha kal dalam tanrak hadah nan. 36Min Ita hu tha panôic kaxan prong di prong hơl di Yâng; kaywa dôm bruk Amư jao ka Ita piêh pathik, êng dôm bruk Ita krưh dok klan sani, ngak kaxan laic Amư krung hu pachai Ita. 37#Mat 3:17; Mag 1:11; Lu 3:22.Êng Amư, Dê krung hu pachai Ita, lijang ngak kaxan ka Ita. Khol hư ôh mưda hamit xap Bhô, ngan ƀôh thek binguk Bhô, 38thong panôic Bhô lijang ôh dok dalam khol hư, kaywa khol hư ôh dial Dê Bhô krung hu pachai mưrai. 39Khol hư pachang dwah Agal Nưbi kaywa xanưng laic dalam nan hu gruk diup rit rai. Êng Agal Nưbi ngak kaxan ka Ita, 40yau nan bloh khol hư ôh ưng mưrai tom Ita piêh bihu gruk diup rit rai.
41Ita ôh likau kanư xêh mưlang mưng mưrôxak, 42min Ita thau khol hư ôh hu tiak anit ranam anưd Pô Lingik dok dalam êng drei. 43Ita krung hu nưmax angan Amư Ita bloh mưrai, min khol hư ôh takabal Ita, mưyah hu thei pakan nưmax angan êng drei bloh mưrai yơ mưca khol hư takabal. 44Khol hư jang tôk gruk xêh mưlang di gaup, ôh dwah kanư xêh mưlang mưrai mưng Pô Lingik ralai yơ ngak habar khol hư dial bihu? 45Jôi xanưng laic mưca Ita palek palam khol hư di anak Amư. Mô-se nạn urang khol hư padok pachôm, mưca palek palam khol hư. 46Mưyah khol hư dial Mô-se yơ lijang dial Ita, kaywa Mô-se vak ka Ita. 47Min mưyah khol hư ôh dial dôm panôic Mô-se vak yơ ngak habar khol hư dial panôic Ita bihu?”
Actualmente seleccionado:
Yâng 5: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 5
5
Pô Yê-su pajru dhit pak kavei Ƀê-têt-đa
1Hadei di nan, dalam harei rija bôl Yo Thaic, Pô Yê-su tagôk dhan Yê-ru-sa-lem. 2Tak Yê-ru-sa-lem, jek baƀang Pabo, hu tha kavei ia, xap Hê-ƀrơ iêu nạn Ƀê-têt-đa.#5:2 Ƀê-têt-đa: Dalam tha thanôn blah vak tangin nạn Ƀêt-xa-tha. Kavei hu limư baƀang caic. 3Ralô urang rwak hakik, tagloh, joh jo, mưtai arak đih tak nan. [Khol nhu cang tuk ia mưgei, 4kaywa brax xanư hu tha umat jrang trun kavei, ngak ka ia mưgei. Tuk ia mưgei, thei trun kavei dahlau, yơ kanê libuh rwak haget lijang bihu dhit.]#5:3-4 [Khol nhu... bihu dhit]: Dalam tha thanôn blah vak tangin ôh hu dôm akhar ni. 5Hu tha urang libuh rwak krung hu klau pluh dalipan thun. 6Pô Yê-su mong ƀôh urang ni đih tak nan, thong thau jalơh rwak krung hu livik yơ tanhi: “Hư ưng bihu pajru dhit halei?” 7Urang rwak thuuk: “Pathau ong, ôh thei pajup parah dahlak trun kavei tuk ia mưgei, tuk dahlak mưrai yơ urang pakan krung hu trun dahlau di dahlak pajơ.” 8Pô Yê-su pađar: “Xang dang tagôk, gilam katong hư thong nao.” 9Urang nan bihu dhit rwak binhêt, gilam katong thong nao. Vār nan nạn harei Sa-ƀat.
Bôl Yo Thaic palek palam Pô Yê-su tanrok harei Sa-ƀat
10Dôm urang Yo Thaic đôm thong urang bihu pajru dhit: “Harei ni nạn harei Sa-ƀat, hư ôh bihu idin gilam katong.” 11Min nhu thuuk: “Urang krung hu pajru dhit ka dahlak pađar dahlak: ‘Xang gilam katong hư thong nao.’” 12Khol nhu tanhi: “Thei nạn urang pađar hư: ‘Xang gilam katong thong nao’?” 13Min urang bihu pajru dhit ôh thau nạn thei, kaywa Pô Yê-su krung hu pleh tamư dalam tapôr ralô tak nan. 14Hadei di nan, Pô Yê-su gōk urang ni dalam huji yơ đôm thong nhu: “Mưni, hư krung bihu dhit, jôi tanrok glaic vơk, kađa hu kabha bik jhak hơl mưjiơng tabiak ka hư kaic.” 15Urang ni nao đôm thong dôm urang Yo Thaic laic Pô Yê-su nạn urang krung hu pajru rwak ka drei. 16Ywa nan ka, mưnuix Yo Thaic gơk tatơk Pô Yê-su, kaywa Bhô ngak dôm bruk ni dalam harei Sa-ƀat. 17Min Bhô bican thong khol nhu: “Amư Ita jang krưh dok ngak bruk ka tal urak ni, Ita lijang ngak bruk yau nan.” 18Ywa nan ka dôm urang Yo Thaic bik dwah ganap pamưtai Bhô, ywa Bhô ô kan phak adat harei Sa-ƀat, bloh dok iêu Pô Lingik nạn Amư, êng brei ka drei hatang thong Pô Lingik.
Aco gon anưd Anưk
19Ywa nan ka, Pô Yê-su đôm thong khol nhu: “Biak jơh, Ita đôm thong khol hư, êng Anưk ôh mưda ngak kabha haget, min ciêt ngak kabha Anưk ƀôh Amư ngak; kaywa pathar pathar kabha haget Amư ngak, Anưk lijang ngak yau nan. 20Kaywa Amư anit ranam Anưk thong sahadah ka Anưk abih kabha Amư ngak. Mưca Amư dok sahadah ka Anưk dôm bruk prong di prong hơl dôm bruk ni vơk piêh ka khol hư xang plơng kadơng. 21Yau Amư krung hu ngak ka dôm urang mưtai diup vơk yau halei yơ Anưk lijang ƀai brei gruk diup ka urang halei Anưk ưng yau nan. 22Amư lijang ôh bican inư thei trah, min jao abih gon bican inư ka Anưk, 23piêh abih drei lijang pôkja Anưk jang yau pôkja Amư rei. Thei ôh pôkja Anưk yơ lijang ôh pôkja Amư nạn Dê krung hu pachai Anưk mưrai. 24Biak jơh, Ita đôm thong khol hư, thei pang panôic Ita thong dial Dê krung hu pachai Ita yơ bihu gruk diup rit rai thong ôh gok bican inư, min tapa truh gruk mưtai bloh tamư gruk diup. 25Biak jơh, Ita đôm thong khol hư, tuk vag thi mưrai, thong krung hu mưrai pajơ, tuk dôm urang mưtai mưca hamit xap Anưk Pô Lingik, thong dôm urang hamit mưca diup. 26Kaywa yau Amư hu gruk diup dalam êng drei yau halei yơ Amư lijang ƀai brei ka Anưk gruk diup dalam êng drei yau nan. 27Amư krung hu jao aco gon pangak gruk bican inư ka Anưk, kaywa Anưk nạn Anưk Mưnuix. 28Jôi plơng kadơng ka kabha ni, kaywa tuk vag thi tal, tuk dôm urang dok dalam tanum mưca hamit xap Bhô thong yam tabiak; 29thei krung hu ngak kabha siam yơ diup vơk piêh bihu diup, thei krung hu ngak kabha ag yơ diup vơk piêh gok bican inư.
Dê ngak kaxan ka Pô Yê-su
30Ita ôh mưda êng drei ngak kabha haget; Ita bican inư tui kabha Ita pang, thong gruk bican inư anưd Ita nạn pahadah, kaywa Ita ôh dwah gimnit karei drei, min dwah tui gimnit anưd Dê krung hu pachai Ita.
31Mưyah Ita êng ngak kaxan ka drei yơ panôic kaxan Ita ôh đang dial. 32Hu Dê pakan ngak kaxan ka Ita, Ita thau panôic Dê nan ngak kaxan ka Ita nạn biak. 33#Yâ 1:19-27; Yâ 3:27-30.Khol hư pachai mưnuix mưrai tom Yâng, thong Yâng krung hu ngak kaxan ka tantu. 34Ôh njaup Ita hajat nhơ di panôic kaxan anưd mưrôxak, min Ita đôm dôm kabha ni piêh khol hư bihu dong. 35Yâng nạn hadah mưnhưk truic hadah, dok khol hư yơ ưng bui liêng tha kal dalam tanrak hadah nan. 36Min Ita hu tha panôic kaxan prong di prong hơl di Yâng; kaywa dôm bruk Amư jao ka Ita piêh pathik, êng dôm bruk Ita krưh dok klan sani, ngak kaxan laic Amư krung hu pachai Ita. 37#Mat 3:17; Mag 1:11; Lu 3:22.Êng Amư, Dê krung hu pachai Ita, lijang ngak kaxan ka Ita. Khol hư ôh mưda hamit xap Bhô, ngan ƀôh thek binguk Bhô, 38thong panôic Bhô lijang ôh dok dalam khol hư, kaywa khol hư ôh dial Dê Bhô krung hu pachai mưrai. 39Khol hư pachang dwah Agal Nưbi kaywa xanưng laic dalam nan hu gruk diup rit rai. Êng Agal Nưbi ngak kaxan ka Ita, 40yau nan bloh khol hư ôh ưng mưrai tom Ita piêh bihu gruk diup rit rai.
41Ita ôh likau kanư xêh mưlang mưng mưrôxak, 42min Ita thau khol hư ôh hu tiak anit ranam anưd Pô Lingik dok dalam êng drei. 43Ita krung hu nưmax angan Amư Ita bloh mưrai, min khol hư ôh takabal Ita, mưyah hu thei pakan nưmax angan êng drei bloh mưrai yơ mưca khol hư takabal. 44Khol hư jang tôk gruk xêh mưlang di gaup, ôh dwah kanư xêh mưlang mưrai mưng Pô Lingik ralai yơ ngak habar khol hư dial bihu? 45Jôi xanưng laic mưca Ita palek palam khol hư di anak Amư. Mô-se nạn urang khol hư padok pachôm, mưca palek palam khol hư. 46Mưyah khol hư dial Mô-se yơ lijang dial Ita, kaywa Mô-se vak ka Ita. 47Min mưyah khol hư ôh dial dôm panôic Mô-se vak yơ ngak habar khol hư dial panôic Ita bihu?”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.