Yâng 4
4
Pô Yê-su thong urang kamei Sa-ma-ri
1Tuk Pô Yê-su#4:1 Pô Yê-su: Dalam tha thanôn blah vak tangin nạn Pô. thau bihu mưnuix Pha-ri-si hu hamit đôm Bhô hu tôk thong ngak ƀap-tem ralô anưk xêh hơl di Yâng, 2(Biak nao ôh njaup êng Pô Yê-su ngak ƀap-tem, min nạn dôm anưk xêh Bhô), 3yơ Bhô niga nưgar Yu-đê gilaic mai nưgar Ga-li-lê. 4Min Bhô xang nao thrang tapa nưgar Sa-ma-ri. 5Yau nan, Bhô mưrai tha dhan anưd nưgar Sa-ma-ri, iêu nạn Si-kha, jek along hamu Ya-kôp krung hu brei ka anưk drei nạn Yô-sep. 6Tak nan hu bingun Ya-kôp. Kaywa nao di jalan ligah ligôi, nan ka Pô Yê-su dok ganak bingun. Kal nan nôic tha pluh dwa tuk krưh pađiak.
7Tha urang kamei Sa-ma-ri mưrai jhok ia. Pô Yê-su đôm thong muk: “Brei ka Ita likau ia mưnhum.” 8Tuk nan, dôm anưk xêh Bhô krung hu tabiak nao ding blei kaya ƀang. 9Urang kamei Sa-ma-ri đôm: “Habar ong nạn mưnuix Yo Thaic bloh gilaic likau di dahlak nạn tha urang kamei Sa-ma-ri, brei mưnhum ia?” (Kaywa mưnuix Yo Thaic takrung ôh nao mai thong mưnuix Sa-ma-ri).#4:9 (Kaywa... Sa-ma-ri): Dalam tha thanôn blah vak tangin ôh hu dôm akhar ni. 10Pô Yê-su thuuk: “Mưyah hư thau kaya alin anưd Pô Lingik, thong Mưnuix đôm thong hư: ‘Brei ka Ita likau ia mưnhum’ nạn thei yơ kardak mưca hư neh likau Mưnuix, thong mưca Mưnuix brei ka hư ia diup.” 11Urang kamei đôm: “Ong lơy, ong ôh hu mo jhok, bloh bingun yơ jalam, yau nan ong mưk pak halei hu ia diup nan? 12Muk kei khol dahlak nạn Ya-kôp krung hu brei ka khol dahlak bingun ni; êng Ya-kôp, dôm anưk bik thong tapôr athur thang Ya-kôp jang mưnhum tak bingun ni, yau nan ong prong hơl di Ya-kôp habar?” 13Pô Yê-su thuuk: “Thei mưnhum ia ni mưca dok mưhu hamiêt, 14min thei mưnhum ia mưca Ita brei yơ ôh tuk halei mưhu vơk. Ia Ita brei mưca gilaic jiơng tha arak ia dalam urang nan, hapwak tal luic gruk diup rit rai.” 15Urang kamei đôm: “Ong lơy, likau brei ka dahlak ia nan, piêh dahlak ôh dok mưhu thong klah di mưrai sani jhok ia vơk.”
16Bhô pađar: “Xang nao iêu pathang hư, bloh gilaic vơk sani.” 17Urang kamei pathau: “Dahlak ôh hu pathang.” Pô Yê-su đôm: “Hư đôm laic hư ôh hu pathang nạn njaup, 18kaywa hư krung hu limư urai pathang, dok urang urak ni yơ ôh njaup nạn pathang hư; kabha ni hư krung hu đôm biak.” 19Urang kamei đôm: “Ong lơy, dahlak krưn thau ong nạn tha pakat hôr. 20Muk kei khol dahlak bhuktik ngok cơk ni, dok dôm ong yơ đôm laic tak dhan Yê-ru-sa-lem mưng nạn libik đang bhuktik.” 21Pô Yê-su thuuk: “Mưni, urang kamei dêh, xang dial Ita, tuk vag thi tal, khol hư ôh dok bhuktik Amư ngok cơk ni ngan tak dhan Yê-ru-sa-lem vơk. 22Khol hư bhuktik Dê khol hư ôh thau, dok khol drei bhuktik Dê khol drei thau, kaywa gruk dong paklah mưrai mưng mưnuix Yo Thaic. 23Tuk vag thi mưrai thong krung hu mưrai pajơ, tuk dôm urang bhuktik tapak tape mưca bhuktik Amư mưng mat xwan thong tantu; êng nạn dôm urang bhuktik bloh Amư pachang dwah. 24Pô Lingik nạn yang libang, nan ka dôm urang bhuktik Bhô xang bhuktik mưng mat xwan thong tantu.”#4:24 tantu: Ngan nạn gruk tapak tape. 25Urang kamei pathau: “Dahlak thau laic Dê Mê-si-a (ar nạn Dê Krist) mưca mưrai. Tuk Bhô mưrai, Bhô mưca pablo ka khol dahlak abih kabha.” 26Pô Yê-su bican: “Êng Ita, mưnuix dok krưh đôm thong muk, nạn Dê nan.”
27Tuk nan, dôm anưk xêh mưrai. Khol nhu plơng kadơng, tuk ƀôh Bhô đôm pôic thong tha urang kamei; min ôh thei tanhi: “Gru hajat haget?” ngan nan: “Habar Gru đôm pôic thong urang kamei ni?” 28Urang kamei klāk buk ia drei vơk thong tamư dhan, đôm thong abih drei laic: 29“Xang nao iơk tha urang krung hu đôm njaup abih dôm haget dahlak krung hu ngak. Nan ôh njaup laic Dê Krist ô?” 30Khol nhu tabiak di dhan thong mưrai tom Pô Yê-su.
31Dalam tuk nan, dôm anưk xêh pôic neh thong Bhô: “Gru lơy, daa ƀang mek.” 32Min Bhô thuuk: “Ita hu kaya piêh ƀang bloh khol hư ôh thau.” 33Ywa nan ka dôm anưk xêh đôm thong gaup: “Hu thei krung hu ba haget ka Bhô ƀang kaic?” 34Pô Yê-su đôm thong khol nhu: “Kaya ƀang Ita nạn ngak tui jamal Dê krung hu pachai Ita, thong ngak pathik bruk Bhô. 35Ôh njaup khol hư đôm: ‘Dok pāk bilan tra nạn tal bal mưnik ô?’ Min Ita đôm thong khol hư: ‘Xang talāk mưta tagôk thong iơk dôm along hamu krung hu tathak thudia ka bal mưnik. 36Mưnuix ywak mưk jiên kong, thong rik patom nôk rabha ka gruk diup rit rai; piêh ka urang drāk gam urang ywak jang bui ôn.’ 37Dok tuk ni, kanen đôm: ‘Urang ni drāk, ra dêh ywak’, nạn biak njaup. 38Ita krung hu pađar khol hư ywak dôm haget drei ôh ngak gleh glar. Dôm urang pakan krung hu ngak gleh glar, dok khol hư yơ tamư klah rabha dhar mưk khol nhu.”
39Ralô mưnuix Sa-ma-ri pak dhan nan dial Bhô, kaywa urang kamei krung hu ngak kaxan laic: “Bhô krung hu đôm tabiak abih kabha dahlak krung hu ngak.” 40Ywa nan ka, tuk mưrai tom Bhô, dôm urang Sa-ma-ri likau Bhô dok vơk thong khol nhu, thong Bhô krung hu dok vơk tak nạn dwa harei. 41Tapa panôic Bhô, thanôn mưnuix dial bik ralô hơl vơk. 42Khol nhu đôm thong urang kamei laic: “Urak ni khol dahlak dial, ôh njaup kaywa dôm kabha muk đôm, min êng khol dahlak krung hu pang, thong thau laic Bhô biak nạn Dê Dong Paklah anưd dunya.”
Pô Yê-su pajru dhit ka anưk likei kar kwan
43Hadei di dwa harei, Pô Yê-su niga libik nan, nao mưrai nưgar Ga-li-lê. 44#Mat 13:57; Mag 6:4; Lu 4:24.(Kaywa êng Bhô krung hu pakrưn laic, pakat hôr ôh bihu pôkja dalam bhum mi drei). 45#Yâ 2:23.Tuk nao tal nưgar Ga-li-lê, Bhô bihu bôl Ga-li-lê rok daa, kaywa khol nhu krung hu ƀôh di mưta abih dôm haget Bhô krung hu ngak tak dhan Yê-ru-sa-lem dalam gôn rija, kaywa êng khol nhu lijang nao tamưbha rija.
46 #
Yâ 2:1-11. Bloh, Bhô gilaic vơk Ka-na dalam nưgar Ga-li-lê, libik Bhô krung hu thrơh ia jiơng alag. Tha kar kwan dalam rajeh patao tak Ka-ƀê-na-um hu anưk likei jalơh rwak. 47Tuk kar kwan ni hamit Pô Yê-su krung hu mưng Yu-đê mưrai Ga-li-lê yơ dwah Bhô thong likau kanư Bhô mưrai pajru ka anưk drei kaywa nhu mưtai. 48Pô Yê-su đôm thong kar kwan laic: “Mưyah ôh ƀôh nưm crih thong thunau ginrơh, yơ ghat khol hư ôh dial!” 49Kar kwan thuuk: “Pô lơy, likau mưrai dahlau di tuk anưk dahlak mưtai!” 50Pô Yê-su pađar: “Nao mek, anưk hư mưca diup.” Kar kwan dial panôic Pô Yê-su đôm thong drei bloh nao. 51Tuk ong krưh dok nao, dôm halun ong mưrai gōk ong thong đôm: “Anưk likei pô diup!” 52Kar kwan tanhi khol nhu laic anưk ong krung hu dhit dalam tuk halei. Khol nhu thuuk: “Harei kabrôi, dalam nôic tuk tha biêr harei, nhu abih pađiak.” 53Ong amư krưn thau nạn tuk vag Pô Yê-su krung hu đôm thong drei laic: “Anưk hư mưca diup”, nan ka êng ong, thong abih mưnga vôm jang dial. 54Sani nạn nưm crih ya dwa Pô Yê-su krung hu ngak, hadei di tuk Bhô mưng Yu-đê mưrai Ga-li-lê.
Actualmente seleccionado:
Yâng 4: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 4
4
Pô Yê-su thong urang kamei Sa-ma-ri
1Tuk Pô Yê-su#4:1 Pô Yê-su: Dalam tha thanôn blah vak tangin nạn Pô. thau bihu mưnuix Pha-ri-si hu hamit đôm Bhô hu tôk thong ngak ƀap-tem ralô anưk xêh hơl di Yâng, 2(Biak nao ôh njaup êng Pô Yê-su ngak ƀap-tem, min nạn dôm anưk xêh Bhô), 3yơ Bhô niga nưgar Yu-đê gilaic mai nưgar Ga-li-lê. 4Min Bhô xang nao thrang tapa nưgar Sa-ma-ri. 5Yau nan, Bhô mưrai tha dhan anưd nưgar Sa-ma-ri, iêu nạn Si-kha, jek along hamu Ya-kôp krung hu brei ka anưk drei nạn Yô-sep. 6Tak nan hu bingun Ya-kôp. Kaywa nao di jalan ligah ligôi, nan ka Pô Yê-su dok ganak bingun. Kal nan nôic tha pluh dwa tuk krưh pađiak.
7Tha urang kamei Sa-ma-ri mưrai jhok ia. Pô Yê-su đôm thong muk: “Brei ka Ita likau ia mưnhum.” 8Tuk nan, dôm anưk xêh Bhô krung hu tabiak nao ding blei kaya ƀang. 9Urang kamei Sa-ma-ri đôm: “Habar ong nạn mưnuix Yo Thaic bloh gilaic likau di dahlak nạn tha urang kamei Sa-ma-ri, brei mưnhum ia?” (Kaywa mưnuix Yo Thaic takrung ôh nao mai thong mưnuix Sa-ma-ri).#4:9 (Kaywa... Sa-ma-ri): Dalam tha thanôn blah vak tangin ôh hu dôm akhar ni. 10Pô Yê-su thuuk: “Mưyah hư thau kaya alin anưd Pô Lingik, thong Mưnuix đôm thong hư: ‘Brei ka Ita likau ia mưnhum’ nạn thei yơ kardak mưca hư neh likau Mưnuix, thong mưca Mưnuix brei ka hư ia diup.” 11Urang kamei đôm: “Ong lơy, ong ôh hu mo jhok, bloh bingun yơ jalam, yau nan ong mưk pak halei hu ia diup nan? 12Muk kei khol dahlak nạn Ya-kôp krung hu brei ka khol dahlak bingun ni; êng Ya-kôp, dôm anưk bik thong tapôr athur thang Ya-kôp jang mưnhum tak bingun ni, yau nan ong prong hơl di Ya-kôp habar?” 13Pô Yê-su thuuk: “Thei mưnhum ia ni mưca dok mưhu hamiêt, 14min thei mưnhum ia mưca Ita brei yơ ôh tuk halei mưhu vơk. Ia Ita brei mưca gilaic jiơng tha arak ia dalam urang nan, hapwak tal luic gruk diup rit rai.” 15Urang kamei đôm: “Ong lơy, likau brei ka dahlak ia nan, piêh dahlak ôh dok mưhu thong klah di mưrai sani jhok ia vơk.”
16Bhô pađar: “Xang nao iêu pathang hư, bloh gilaic vơk sani.” 17Urang kamei pathau: “Dahlak ôh hu pathang.” Pô Yê-su đôm: “Hư đôm laic hư ôh hu pathang nạn njaup, 18kaywa hư krung hu limư urai pathang, dok urang urak ni yơ ôh njaup nạn pathang hư; kabha ni hư krung hu đôm biak.” 19Urang kamei đôm: “Ong lơy, dahlak krưn thau ong nạn tha pakat hôr. 20Muk kei khol dahlak bhuktik ngok cơk ni, dok dôm ong yơ đôm laic tak dhan Yê-ru-sa-lem mưng nạn libik đang bhuktik.” 21Pô Yê-su thuuk: “Mưni, urang kamei dêh, xang dial Ita, tuk vag thi tal, khol hư ôh dok bhuktik Amư ngok cơk ni ngan tak dhan Yê-ru-sa-lem vơk. 22Khol hư bhuktik Dê khol hư ôh thau, dok khol drei bhuktik Dê khol drei thau, kaywa gruk dong paklah mưrai mưng mưnuix Yo Thaic. 23Tuk vag thi mưrai thong krung hu mưrai pajơ, tuk dôm urang bhuktik tapak tape mưca bhuktik Amư mưng mat xwan thong tantu; êng nạn dôm urang bhuktik bloh Amư pachang dwah. 24Pô Lingik nạn yang libang, nan ka dôm urang bhuktik Bhô xang bhuktik mưng mat xwan thong tantu.”#4:24 tantu: Ngan nạn gruk tapak tape. 25Urang kamei pathau: “Dahlak thau laic Dê Mê-si-a (ar nạn Dê Krist) mưca mưrai. Tuk Bhô mưrai, Bhô mưca pablo ka khol dahlak abih kabha.” 26Pô Yê-su bican: “Êng Ita, mưnuix dok krưh đôm thong muk, nạn Dê nan.”
27Tuk nan, dôm anưk xêh mưrai. Khol nhu plơng kadơng, tuk ƀôh Bhô đôm pôic thong tha urang kamei; min ôh thei tanhi: “Gru hajat haget?” ngan nan: “Habar Gru đôm pôic thong urang kamei ni?” 28Urang kamei klāk buk ia drei vơk thong tamư dhan, đôm thong abih drei laic: 29“Xang nao iơk tha urang krung hu đôm njaup abih dôm haget dahlak krung hu ngak. Nan ôh njaup laic Dê Krist ô?” 30Khol nhu tabiak di dhan thong mưrai tom Pô Yê-su.
31Dalam tuk nan, dôm anưk xêh pôic neh thong Bhô: “Gru lơy, daa ƀang mek.” 32Min Bhô thuuk: “Ita hu kaya piêh ƀang bloh khol hư ôh thau.” 33Ywa nan ka dôm anưk xêh đôm thong gaup: “Hu thei krung hu ba haget ka Bhô ƀang kaic?” 34Pô Yê-su đôm thong khol nhu: “Kaya ƀang Ita nạn ngak tui jamal Dê krung hu pachai Ita, thong ngak pathik bruk Bhô. 35Ôh njaup khol hư đôm: ‘Dok pāk bilan tra nạn tal bal mưnik ô?’ Min Ita đôm thong khol hư: ‘Xang talāk mưta tagôk thong iơk dôm along hamu krung hu tathak thudia ka bal mưnik. 36Mưnuix ywak mưk jiên kong, thong rik patom nôk rabha ka gruk diup rit rai; piêh ka urang drāk gam urang ywak jang bui ôn.’ 37Dok tuk ni, kanen đôm: ‘Urang ni drāk, ra dêh ywak’, nạn biak njaup. 38Ita krung hu pađar khol hư ywak dôm haget drei ôh ngak gleh glar. Dôm urang pakan krung hu ngak gleh glar, dok khol hư yơ tamư klah rabha dhar mưk khol nhu.”
39Ralô mưnuix Sa-ma-ri pak dhan nan dial Bhô, kaywa urang kamei krung hu ngak kaxan laic: “Bhô krung hu đôm tabiak abih kabha dahlak krung hu ngak.” 40Ywa nan ka, tuk mưrai tom Bhô, dôm urang Sa-ma-ri likau Bhô dok vơk thong khol nhu, thong Bhô krung hu dok vơk tak nạn dwa harei. 41Tapa panôic Bhô, thanôn mưnuix dial bik ralô hơl vơk. 42Khol nhu đôm thong urang kamei laic: “Urak ni khol dahlak dial, ôh njaup kaywa dôm kabha muk đôm, min êng khol dahlak krung hu pang, thong thau laic Bhô biak nạn Dê Dong Paklah anưd dunya.”
Pô Yê-su pajru dhit ka anưk likei kar kwan
43Hadei di dwa harei, Pô Yê-su niga libik nan, nao mưrai nưgar Ga-li-lê. 44#Mat 13:57; Mag 6:4; Lu 4:24.(Kaywa êng Bhô krung hu pakrưn laic, pakat hôr ôh bihu pôkja dalam bhum mi drei). 45#Yâ 2:23.Tuk nao tal nưgar Ga-li-lê, Bhô bihu bôl Ga-li-lê rok daa, kaywa khol nhu krung hu ƀôh di mưta abih dôm haget Bhô krung hu ngak tak dhan Yê-ru-sa-lem dalam gôn rija, kaywa êng khol nhu lijang nao tamưbha rija.
46 #
Yâ 2:1-11. Bloh, Bhô gilaic vơk Ka-na dalam nưgar Ga-li-lê, libik Bhô krung hu thrơh ia jiơng alag. Tha kar kwan dalam rajeh patao tak Ka-ƀê-na-um hu anưk likei jalơh rwak. 47Tuk kar kwan ni hamit Pô Yê-su krung hu mưng Yu-đê mưrai Ga-li-lê yơ dwah Bhô thong likau kanư Bhô mưrai pajru ka anưk drei kaywa nhu mưtai. 48Pô Yê-su đôm thong kar kwan laic: “Mưyah ôh ƀôh nưm crih thong thunau ginrơh, yơ ghat khol hư ôh dial!” 49Kar kwan thuuk: “Pô lơy, likau mưrai dahlau di tuk anưk dahlak mưtai!” 50Pô Yê-su pađar: “Nao mek, anưk hư mưca diup.” Kar kwan dial panôic Pô Yê-su đôm thong drei bloh nao. 51Tuk ong krưh dok nao, dôm halun ong mưrai gōk ong thong đôm: “Anưk likei pô diup!” 52Kar kwan tanhi khol nhu laic anưk ong krung hu dhit dalam tuk halei. Khol nhu thuuk: “Harei kabrôi, dalam nôic tuk tha biêr harei, nhu abih pađiak.” 53Ong amư krưn thau nạn tuk vag Pô Yê-su krung hu đôm thong drei laic: “Anưk hư mưca diup”, nan ka êng ong, thong abih mưnga vôm jang dial. 54Sani nạn nưm crih ya dwa Pô Yê-su krung hu ngak, hadei di tuk Bhô mưng Yu-đê mưrai Ga-li-lê.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.