Yâng 11
11
Gruk La-xa-rơ diup vơk
1 #
Lu 10:38,39. Hu tha urang rwak angan La-xa-rơ, palei pak Ƀêt-tha-ni, palei Ma-ri thong xaai kamei nạn Ma-thê. 2#Yâ 12:3.Ma-ri nạn mưnuix krung hu luk ia mưnhưk hangau ka Pô thong angui ƀuk drei wak takai Bhô; êng xaai nai nạn La-xa-rơ krưh dok jalơh rwak. 3Yau nan, dwa dei ai kamei nhu pađar mưnuix nao pathau thong Pô Yê-su laic: “Pathau Pô, urang Pô anit ranam dok rwak.” 4Min tuk Pô Yê-su hamit kabha ni yơ đôm laic: “Rwak ni ôh thangak mưtai nôi, min nạn kaywa xêh mưlang Pô Lingik, piêh Anưk Pô Lingik nhơ di nan bihu tahamid.” 5Pô Yê-su anit ranam Ma-thê, adei nai nan, thong La-xa-rơ. 6Tuk hamit La-xa-rơ rwak yơ Bhô dok vơk dwa harei tra tak libik Bhô mưdok. 7Hadei di nan, Bhô đôm thong dôm anưk xêh: “Khol drei xang gilaic mai nưgar Yu-đê.” 8Dôm anưk xêh pathau: “Gru lơy, mưnuix Yo Thaic dok dwah Gru piêh glam patau bloh habar urak ni Gru đôk gilaic vơk pak nan?” 9Pô Yê-su thuuk: “Ôh njaup yāup harei hu tha pluh dwa tuk ô? Mưyah thei nao dalam harei yơ ôh hanek, kaywa ƀôh tanrak hadah nưrah ni. 10Min mưyah thei nao dalam mưlam yơ gok hanek, kaywa ôh hu tanrak hadah.” 11Hadei di tuk đôm kabha ni, Pô Yê-su gilaic đôm: “La-xa-rơ, ayut khol drei, krưh dok đih min Ita nao pamưdơh nhu tagôk.” 12Dôm anưk xêh pathau: “Pô lơy, mưyah xaai nan đih, yơ mưca bih rwak.” 13Pô Yê-su đôm ka gruk mưtai La-xa-rơ, min dôm anưk xêh gilaic đaka Bhô đôm ka mưnik đih gahêh bhian. 14Ywa nan ka, Pô Yê-su đôm jalang jalôi thong khol nhu: “La-xa-rơ mưtai pajơ. 15Min kaywa khol hư, Ita ôn kaywa ôh hu Ita tak nạn piêh khol hư dial. Urak ni, khol drei xang mưrai tom xaai nan.” 16Ywa nan ka, Thô-ma dok iêu nạn Đi-đim#11:16 Đi-đim: Dalam xap Hi-lap ar nan pajung. đôm thong dôm anưk xêh pakan laic: “Khol drei xang nao tal nan thubik mưtai thong Bhô.”
Pô Yê-su nạn gruk diup vơk thong gruk diup
17Tuk mưrai tal, Pô Yê-su ƀôh La-xa-rơ krung bihu dar dalam tanum pāk harei. 18Palei Ƀêt-tha-ni hađoh di dhan Yê-ru-sa-lem nôic klau gai angka, 19nan ka hu ralô urang Yo Thaic mưrai pajiông Ma-thê thong Ma-ri ka xaai khol nhu. 20Tuk Ma-thê hamit Pô Yê-su mưrai yơ nao rok Bhô, dok Ma-ri jang dok pak thang. 21Ma-thê pathau thong Pô Yê-su: “Pô lơy, mưyah Pô hu dok sani yơ xaai dahlak ôh mưtai. 22Min dahlak thau, bahkan urak ni, pathar pathar kabha haget Gru likau di Pô Lingik yơ mưca Pô Lingik ƀai brei ka Gru.” 23Pô Yê-su đôm: “Xaai hư mưca diup vơk.” 24Ma-thê thuuk: “Dahlak thau laic xaai dahlak mưca diup vơk dalam gôn diup vơk dalam harei taluic.” 25Pô Yê-su đôm thong Ma-thê: “Ita nạn gruk diup vơk thong gruk diup. Urang halei dial Ita yơ mưca diup, kanê krung hu mưtai bloh. 26Dok thei diup bloh dial Ita yơ mưca ôh tuk halei mưtai. Hư dial kabha nan halei?” 27Ma-thê thuuk: “Pô lơy, hu, dahlak dial laic Pô nạn Dê Krist, Anưk Pô Lingik, Dê xang mưrai dunya.”
Pô Yê-su hia
28Đôm bloh, Ma-thê nao thang, iêu karei adei kamei nạn Ma-ri thong đôm: “Gru krung hu dok sani pajơ, thong pađar iêu adei.” 29Tuk hamit kabha ni, Ma-ri bhưng bhưng dang tagôk mưrai gōk Bhô. 30Tuk nan, Pô Yê-su ô ka tamư palei bloh jang dang tak libik Ma-thê krung hu rok Bhô. 31Tuk dôm urang Yo Thaic dok dalam thang thong Ma-ri, piêh pajiông nai, ƀôh nai bhưng bhưng dang tagôk tabiak nao yơ nao tui, kaywa xanưng laic nai nao mưrai tanum piêh hia. 32Tuk tal libik Pô Yê-su, birau ƀôh Bhô yơ Ma-ri pam rup di takai Bhô bloh đôm: “Pô lơy, mưyah hu Pô pak ni yơ xaai dahlak ôh mưtai.” 33Pô Yê-su ƀôh Ma-ri hia, thong dôm urang Yo Thaic nao thong nai lijang hia, yơ padrut dalam tian thong tanhi: “Khol hư krung hu dar xaai nan pak halei?” 34Khol nhu thuuk: “Pô lơy, xang mưrai iơk.” 35Pô Yê-su hia. 36Ywa nan ka, dôm urang Yo Thaic đôm: “Mong dêh, ong nan anit ranam La-xa-rơ thau kađơ!” 37Min hadôm urang dalam thanôn khol nhu đôm: “Ong nan krung hu pơh mưta ka mưnuix tagloh, gilaic ôh mưda ngak ka urang ni klah di mưtai ô?”
Pô Yê-su ngak ka La-xa-rơ diup vơk
38Pô Yê-su gilaic padrut hơl vơk, nao vêt tal tanum. Nan nạn tha gôk hu tha can patau tatơk vơk. 39Pô Yê-su pađar: “Xang galung can patau tabiak.” Ma-thê, adei kamei urang mưtai, pathau laic: “Pô lơy, krung hu ƀau, kaywa xaai nan đih pak sani krung hu pāk harei bloh.” 40Pô Yê-su gilaic đôm: “Ita krung hu ôh đôm thong hư laic, mưyah hư dial yơ mưca ƀôh xêh mưlang Pô Lingik ô?” 41Yau nan, khol nhu galung can patau tabiak. Pô Yê-su talāk mưta tagôk bloh đôm: “Amư lơy, Anưk đwa karun Amư, kaywa krung hu tôk panôic Anưk. 42Anưk thau Amư takung pang panôic Anưk likau kanư, min Anưk đôm kabha ni kaywa dôm urang dang yơng sani, piêh khol nhu dial laic Amư krung hu pachai Anưk mưrai.” 43Đôm bloh, Bhô iêu katang: “La-xa-rơ, xang tabiak!” 44Mưnuix mưtai nao tabiak, tangin takai ikak khan bai paangui, ƀok jam tha blah xiêup. Pô Yê-su pađar khol nhu: “Xang taleh ka ong nan, bloh lôi ka ong nan nao.”
45Ralô mưnuix Yo Thaic mưrai ravang Ma-ri, ƀôh kabha Pô Yê-su ngak yơ dial Bhô. 46Min hu hadôm urang dalam thanôn nan nao mưrai thong mưnuix Pha-ri-si, binô ka khol nhu dôm haget Pô Yê-su krung hu ngak.
Anngak pamưtai Pô Yê-su
(Ma-thi-ơ 26:1-5; Mag 14:1-2; Lu-ka 22:1-2)
47Ywa nan ka, dôm gru mưliêng prong thong mưnuix Pha-ri-si nhom Ginum Biai Mưdhir An, thong đôm laic: “Khol drei xang ngak haget ni? Urang ni ngak biak ralô nưm crih. 48Mưyah khol drei kưk lôi ka ong nạn kakal ngak yau ni yơ mưca abih drei dial ong, bloh bôl Rô-ma mưca mưrai tong mưblah abih libik ni thong diya khol drei.” 49Min tha urang dalam thanôn khol nhu nạn Kai-phe, gru mưliêng glong yatha dalam thun nan, đôm thong khol nhu: “Dôm ong ôh thau haget trah! 50Dôm ong ôh thau laic, dak lôi tha urang mưtai kala ka bôl, dok hơl di bih paran xang gok thubang.” 51Kai-phe ôh êng đôm kabha nan, min kaywa nạn gru mưliêng glong yatha dalam thun nan, nan ka ong đôm hôr ka Pô Yê-su mưca kaywa bôl ciup mưtai, 52Ôh njaup kaywa ciêt kaywa paran ni, min lijang piêh harui patom dôm anưk bik Pô Lingik calah blah gilaic ngak jiơng tha. 53Mưng harei nan, khol nhu padang anngak piêh pamưtai Bhô.
54Ywa nan ka, Pô Yê-su ôh nao mai tha ganap pabiđang krưh dôm bôl Yo Thaic, min nao dalam bhum jek bhum kamrang, mưrai tha dhan iêu nạn Ep-ra-im, thong dok vơk tak nan thong dôm anưk xêh. 55Rija Gan Tapa anưd bôl Yo Thaic jek tal, ralô urang mưng dôm bhum palei tagôk dhan Yê-ru-sa-lem piêh jamưah dahlau gôn rija. 56Kal nan, khol nhu dwah Pô Yê-su thong dang xin biai thong gaup dalam huji: “Dei ai xanưng yau halei? Ong nan ôh mưrai tamưbha rija ô?” 57Dok dôm gru mưliêng prong thong mưnuix Pha-ri-si thurah: Mưyah thei thau Pô Yê-su dok pak halei, yơ xang akhan ka khol nhu thau, piêh khol nhu mưk Bhô.
Actualmente seleccionado:
Yâng 11: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 11
11
Gruk La-xa-rơ diup vơk
1 #
Lu 10:38,39. Hu tha urang rwak angan La-xa-rơ, palei pak Ƀêt-tha-ni, palei Ma-ri thong xaai kamei nạn Ma-thê. 2#Yâ 12:3.Ma-ri nạn mưnuix krung hu luk ia mưnhưk hangau ka Pô thong angui ƀuk drei wak takai Bhô; êng xaai nai nạn La-xa-rơ krưh dok jalơh rwak. 3Yau nan, dwa dei ai kamei nhu pađar mưnuix nao pathau thong Pô Yê-su laic: “Pathau Pô, urang Pô anit ranam dok rwak.” 4Min tuk Pô Yê-su hamit kabha ni yơ đôm laic: “Rwak ni ôh thangak mưtai nôi, min nạn kaywa xêh mưlang Pô Lingik, piêh Anưk Pô Lingik nhơ di nan bihu tahamid.” 5Pô Yê-su anit ranam Ma-thê, adei nai nan, thong La-xa-rơ. 6Tuk hamit La-xa-rơ rwak yơ Bhô dok vơk dwa harei tra tak libik Bhô mưdok. 7Hadei di nan, Bhô đôm thong dôm anưk xêh: “Khol drei xang gilaic mai nưgar Yu-đê.” 8Dôm anưk xêh pathau: “Gru lơy, mưnuix Yo Thaic dok dwah Gru piêh glam patau bloh habar urak ni Gru đôk gilaic vơk pak nan?” 9Pô Yê-su thuuk: “Ôh njaup yāup harei hu tha pluh dwa tuk ô? Mưyah thei nao dalam harei yơ ôh hanek, kaywa ƀôh tanrak hadah nưrah ni. 10Min mưyah thei nao dalam mưlam yơ gok hanek, kaywa ôh hu tanrak hadah.” 11Hadei di tuk đôm kabha ni, Pô Yê-su gilaic đôm: “La-xa-rơ, ayut khol drei, krưh dok đih min Ita nao pamưdơh nhu tagôk.” 12Dôm anưk xêh pathau: “Pô lơy, mưyah xaai nan đih, yơ mưca bih rwak.” 13Pô Yê-su đôm ka gruk mưtai La-xa-rơ, min dôm anưk xêh gilaic đaka Bhô đôm ka mưnik đih gahêh bhian. 14Ywa nan ka, Pô Yê-su đôm jalang jalôi thong khol nhu: “La-xa-rơ mưtai pajơ. 15Min kaywa khol hư, Ita ôn kaywa ôh hu Ita tak nạn piêh khol hư dial. Urak ni, khol drei xang mưrai tom xaai nan.” 16Ywa nan ka, Thô-ma dok iêu nạn Đi-đim#11:16 Đi-đim: Dalam xap Hi-lap ar nan pajung. đôm thong dôm anưk xêh pakan laic: “Khol drei xang nao tal nan thubik mưtai thong Bhô.”
Pô Yê-su nạn gruk diup vơk thong gruk diup
17Tuk mưrai tal, Pô Yê-su ƀôh La-xa-rơ krung bihu dar dalam tanum pāk harei. 18Palei Ƀêt-tha-ni hađoh di dhan Yê-ru-sa-lem nôic klau gai angka, 19nan ka hu ralô urang Yo Thaic mưrai pajiông Ma-thê thong Ma-ri ka xaai khol nhu. 20Tuk Ma-thê hamit Pô Yê-su mưrai yơ nao rok Bhô, dok Ma-ri jang dok pak thang. 21Ma-thê pathau thong Pô Yê-su: “Pô lơy, mưyah Pô hu dok sani yơ xaai dahlak ôh mưtai. 22Min dahlak thau, bahkan urak ni, pathar pathar kabha haget Gru likau di Pô Lingik yơ mưca Pô Lingik ƀai brei ka Gru.” 23Pô Yê-su đôm: “Xaai hư mưca diup vơk.” 24Ma-thê thuuk: “Dahlak thau laic xaai dahlak mưca diup vơk dalam gôn diup vơk dalam harei taluic.” 25Pô Yê-su đôm thong Ma-thê: “Ita nạn gruk diup vơk thong gruk diup. Urang halei dial Ita yơ mưca diup, kanê krung hu mưtai bloh. 26Dok thei diup bloh dial Ita yơ mưca ôh tuk halei mưtai. Hư dial kabha nan halei?” 27Ma-thê thuuk: “Pô lơy, hu, dahlak dial laic Pô nạn Dê Krist, Anưk Pô Lingik, Dê xang mưrai dunya.”
Pô Yê-su hia
28Đôm bloh, Ma-thê nao thang, iêu karei adei kamei nạn Ma-ri thong đôm: “Gru krung hu dok sani pajơ, thong pađar iêu adei.” 29Tuk hamit kabha ni, Ma-ri bhưng bhưng dang tagôk mưrai gōk Bhô. 30Tuk nan, Pô Yê-su ô ka tamư palei bloh jang dang tak libik Ma-thê krung hu rok Bhô. 31Tuk dôm urang Yo Thaic dok dalam thang thong Ma-ri, piêh pajiông nai, ƀôh nai bhưng bhưng dang tagôk tabiak nao yơ nao tui, kaywa xanưng laic nai nao mưrai tanum piêh hia. 32Tuk tal libik Pô Yê-su, birau ƀôh Bhô yơ Ma-ri pam rup di takai Bhô bloh đôm: “Pô lơy, mưyah hu Pô pak ni yơ xaai dahlak ôh mưtai.” 33Pô Yê-su ƀôh Ma-ri hia, thong dôm urang Yo Thaic nao thong nai lijang hia, yơ padrut dalam tian thong tanhi: “Khol hư krung hu dar xaai nan pak halei?” 34Khol nhu thuuk: “Pô lơy, xang mưrai iơk.” 35Pô Yê-su hia. 36Ywa nan ka, dôm urang Yo Thaic đôm: “Mong dêh, ong nan anit ranam La-xa-rơ thau kađơ!” 37Min hadôm urang dalam thanôn khol nhu đôm: “Ong nan krung hu pơh mưta ka mưnuix tagloh, gilaic ôh mưda ngak ka urang ni klah di mưtai ô?”
Pô Yê-su ngak ka La-xa-rơ diup vơk
38Pô Yê-su gilaic padrut hơl vơk, nao vêt tal tanum. Nan nạn tha gôk hu tha can patau tatơk vơk. 39Pô Yê-su pađar: “Xang galung can patau tabiak.” Ma-thê, adei kamei urang mưtai, pathau laic: “Pô lơy, krung hu ƀau, kaywa xaai nan đih pak sani krung hu pāk harei bloh.” 40Pô Yê-su gilaic đôm: “Ita krung hu ôh đôm thong hư laic, mưyah hư dial yơ mưca ƀôh xêh mưlang Pô Lingik ô?” 41Yau nan, khol nhu galung can patau tabiak. Pô Yê-su talāk mưta tagôk bloh đôm: “Amư lơy, Anưk đwa karun Amư, kaywa krung hu tôk panôic Anưk. 42Anưk thau Amư takung pang panôic Anưk likau kanư, min Anưk đôm kabha ni kaywa dôm urang dang yơng sani, piêh khol nhu dial laic Amư krung hu pachai Anưk mưrai.” 43Đôm bloh, Bhô iêu katang: “La-xa-rơ, xang tabiak!” 44Mưnuix mưtai nao tabiak, tangin takai ikak khan bai paangui, ƀok jam tha blah xiêup. Pô Yê-su pađar khol nhu: “Xang taleh ka ong nan, bloh lôi ka ong nan nao.”
45Ralô mưnuix Yo Thaic mưrai ravang Ma-ri, ƀôh kabha Pô Yê-su ngak yơ dial Bhô. 46Min hu hadôm urang dalam thanôn nan nao mưrai thong mưnuix Pha-ri-si, binô ka khol nhu dôm haget Pô Yê-su krung hu ngak.
Anngak pamưtai Pô Yê-su
(Ma-thi-ơ 26:1-5; Mag 14:1-2; Lu-ka 22:1-2)
47Ywa nan ka, dôm gru mưliêng prong thong mưnuix Pha-ri-si nhom Ginum Biai Mưdhir An, thong đôm laic: “Khol drei xang ngak haget ni? Urang ni ngak biak ralô nưm crih. 48Mưyah khol drei kưk lôi ka ong nạn kakal ngak yau ni yơ mưca abih drei dial ong, bloh bôl Rô-ma mưca mưrai tong mưblah abih libik ni thong diya khol drei.” 49Min tha urang dalam thanôn khol nhu nạn Kai-phe, gru mưliêng glong yatha dalam thun nan, đôm thong khol nhu: “Dôm ong ôh thau haget trah! 50Dôm ong ôh thau laic, dak lôi tha urang mưtai kala ka bôl, dok hơl di bih paran xang gok thubang.” 51Kai-phe ôh êng đôm kabha nan, min kaywa nạn gru mưliêng glong yatha dalam thun nan, nan ka ong đôm hôr ka Pô Yê-su mưca kaywa bôl ciup mưtai, 52Ôh njaup kaywa ciêt kaywa paran ni, min lijang piêh harui patom dôm anưk bik Pô Lingik calah blah gilaic ngak jiơng tha. 53Mưng harei nan, khol nhu padang anngak piêh pamưtai Bhô.
54Ywa nan ka, Pô Yê-su ôh nao mai tha ganap pabiđang krưh dôm bôl Yo Thaic, min nao dalam bhum jek bhum kamrang, mưrai tha dhan iêu nạn Ep-ra-im, thong dok vơk tak nan thong dôm anưk xêh. 55Rija Gan Tapa anưd bôl Yo Thaic jek tal, ralô urang mưng dôm bhum palei tagôk dhan Yê-ru-sa-lem piêh jamưah dahlau gôn rija. 56Kal nan, khol nhu dwah Pô Yê-su thong dang xin biai thong gaup dalam huji: “Dei ai xanưng yau halei? Ong nan ôh mưrai tamưbha rija ô?” 57Dok dôm gru mưliêng prong thong mưnuix Pha-ri-si thurah: Mưyah thei thau Pô Yê-su dok pak halei, yơ xang akhan ka khol nhu thau, piêh khol nhu mưk Bhô.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.