Yâng 12
12
Pô Yê-su bihu luk mưnhưk tak Ƀêt-tha-ni
(Ma-thi-ơ 26:6-13; Mag 14:3-9)
1Nam harei dahlau Rija Gan Tapa, Pô Yê-su mưrai palei Ƀêt-tha-ni nạn libik La-xa-rơ dok, urang bloh Bhô krung hu ngak ka mưng lôg mưtai diup vơk. 2Khol nhu thai đam payak Bhô tak nan. Ma-thê ragxa, dok La-xa-rơ nạn tha dalam thanôn dôm urang dok thubik paban thong Bhô. 3#Lu 7:37,38.Ma-ri mưk tha kar#12:3 kar: Tha kar Rô-ma trak nôic 326g. mưnhưk hangau tamo athal biak banrik luk di takai Pô Yê-su, bloh mưk ƀuk drei wak takai Bhô. Haup mưnhưk hangau hamaic bak thang. 4Min tha dalam dôm anưk xêh Pô Yê-su nạn Yu-đa Ic-ka-ri-ôt, ra hadei ni lambil Bhô, dôm laic: 5“Habar ôh pablei mưnhưk hangau ni mưk klau rituh đơ-ni-ê piêh brei mưnuix kathot ô?” 6Nhu đôm yau nan ôh njaup kaywa angat tal mưnuix kathot, min nhu takrung nạn tha ra klek xavah, gilaic khik kadung jiên, nan yơ nhu bhian mưk klek jiên bloh abih drei buh tamư di nan. 7Pô Yê-su pađar: “Xang lôi nai nan thug, kaywa nai nan krung hu piêh caga mưnhưk hangau ni ka harei dar ramik Ita. 8Khol hư takung hu mưnuix kathot dok thong drei, min khol hư ôh hu Ita hamiêt ô.”
Anngak pamưtai La-xa-rơ
9Tha tapôr ralô mưnuix Yo Thaic thau Pô Yê-su dok pak nan yơ katung gaup mưrai, ôh njaup ciêt kaywa Bhô, min lijang piêh iơk La-xa-rơ, urang bloh Bhô krung hu ngak ka mưng lôg mưtai diup vơk. 10Nan yơ dôm gru mưliêng prong lijang jarô pamưtai takung La-xa-rơ gêk, 11kaywa ong bloh ralô urang Yo Thaic krung hu klāk khol nhu thong dial Pô Yê-su.
Pô Yê-su tamư dhan Yê-ru-sa-lem
(Ma-thi-ơ 21:1-11; Mag 11:1-11; Lu-ka 19:28-40)
12Harei hadei, hu tapôr mưnuix biak ralô mưrai tamưbha rija. Tuk hamit laic Pô Yê-su krưh dok mưrai dhan Yê-ru-sa-lem 13yơ khol nhu mưk dhān hamên, tabiak nao rok Bhô thong ahei laic: “Hô-sa-na! Pôk mưyom Dê nưmax angan Pô bloh mưrai, nạn Patao I-sra-ên.” 14Pô Yê-su gōk tha atheh mrek dam yơ đik tagôk, yau panôic krung hu vak:
15“Hơic anưk kamei Si-ôn jôi hôic!
Dêh, patao hư mưrai, đik ngok atheh mrek dam!”
16Tuk nan, dôm anưk xêh ôh thau dôm kabha nan, min tuk Pô Yê-su krung bihu tahamid, khol nhu mưng kanal vơk dôm kabha nan bihu vak ka Bhô, thong krung bihu ngak ka Bhô. 17Tapôr mưnuix krung hu mưdok thong Pô Yê-su tuk Bhô iêu La-xa-rơ tabiak truh di tanum, thong ngak ka ong mưng lôg mưtai diup vơk, jang ngak kaxan ka Bhô. 18Tapôr mưnuix krung hu hamit đôm Bhô ngak nưm crih nan, nạn kaywa khol nhu nao rok Bhô. 19Yau nan, dôm urang Pha-ri-si đôm thong gaup: “Dôm ong ƀôh halei, dôm ong ôh ngak haget bihu trah. Iơk dêh, bih dunya jang tui ong nan.”
Mưnuix Bôl-Lingiu dwah Pô Yê-su
20Tuk nan, dalam thanôn dôm urang tagôk nao bhuktik dalam gôn rija hu hadôm mưnuix Bôl-Lingiu. 21Dôm urang ni mưrai tom Phi-lip, mưnuix dok tak dhan Ƀêt-sai-đa bha nưgar Ga-li-lê, thong đôm laic: “Ong lơy, khol dahlak ưng gōk Pô Yê-su.” 22Phi-lip nao đôm thong Ar-rê, bloh Ar-rê thubik Phi-lip mưrai pathau thong Pô Yê-su. 23Pô Yê-su thuuk: “Tuk vag Anưk Mưnuix bihu tahamid krung hu mưrai. 24Biak jơh, Ita đôm thong khol hư: Mưyah athar padai abei ôh lek trun di tanưh bloh mưtai nao, nhu jang ciêt nạn tha athar; min mưyah mưtai nao, nhu bihu athal jiơng ralô. 25#Mat 10:39; Mat 16:25; Mag 8:35; Lu 9:24; Lu 17:33.Thei anit xwan diup drei yơ mưca lihik, dok thei limuk xwan diup drei dalam lôg ni yơ mưca khik vơk bihu ka gruk diup rit rai. 26Mưyah thei ragxa Ita yơ xang tui Ita; thong Ita dok pak halei, urang ragxa Ita mưca lijang dok tak nan. Mưyah thei ragxa Ita yơ Amư Ita mưca pôkja urang nan.
Pô Yê-su đôm ka gruk Bhô mưtai
27Urak ni thap xwan Ita rau ri. Mưca Ita đôm haget ni? ‘Amư lơy, likau dong Anưk truh di tuk ni! Min lijang kaywa êng di tuk ni bloh Anưk krung hu mưrai. 28Amư lơy, likau xang tahamid angan Amư!’” Tuk nan hu xap mưng thôr riga bican laic: “Ita krung hu tahamid pajơ, mưca dok tahamid vơk.” 29Tapôr mưnuix dang tak nan hamit bihu xap nan yơ đôm: “Nan nạn danưy grum.” Tha thanôn pakan gilaic laic: “Ywa nan ka tha umat đôm pôic thong Bhô.” 30Pô Yê-su đôm: “Ôh njaup kaywa Ita bloh hu xap ni danưy tabiak ô, min kaywa khol hư. 31Urak ni nạn tuk dunya gok bican inư, thong ra pakrang dunya ni mưca gok toh klāk. 32Dok Ita, tuk Ita bihu tôr tagôk truh di tanưh, mưca Ita katung abih drei mưrai tom Ita.” 33Bhô đôm yau nan piêh brei thau Bhô mưca mưtai ganap halei. 34Tapôr bôl pathau laic: “Khol dahlak hu hamit hakum jakar đôm Dê Krist dok rit rai. Habar Gru đôm Anưk Mưnuix xang bihu tôr tagôk? Ywa nan ka Anưk Mưnuix ni nạn thei?” 35Pô Yê-su thuuk: “Tanrak hadah dok thong khol hư takik tuk vag tra. Xang yam nao dalam tuk khol hư dok hu tanrak hadah, piêh bhôlir ôh vang mưtham khol hư. Urang halei nao dalam bhôlir yơ ôh thau drei nao tao. 36Dalam tuk dok hu tanrak hadah, xang dial di tanrak hadah piêh khol hư gilaic jiơng anưk tanrak hadah.”
Hadei di tuk đôm yau nan, Pô Yê-su nao, thong pleh truh di khol nhu.
Bôl Yo Thaic ôh dial
37Kanê Bhô krung hu ngak biak ralô nưm crih di anak khol nhu, min khol nhu jang ôh dial Bhô, 38piêh panôic pakat hôr Ê-sai krung hu đôm bihu thit:
“Pô lơy, thei krung hu dial kabha khol dahlak rao lang,
Thong ƀoh hapal Pô krung bihu sahadah tabiak ka thei?”
39Ywa nan ka, khol nhu ôh mưda dial, kaywa Ê-sai dok đôm:
40“Pô krung hu ngak ka mưta khol nhu tagloh taglit,
Tian khol nhu kapal mal,
Ô mưca mưta khol nhu ƀôh bihu,
Tian khol nhu thau bihu thong tumal
Piêh Ita pajru dhit.”
41Ê-sai đôm kabha ni, kaywa krung hu ƀôh xêh mưlang Bhô thong đôm ka Bhô. 42Yau nan min, hu ralô urang dalam nhom pan akok dial Bhô, min kaywa mưnuix Pha-ri-si, nan ka khol nhu ôh khin tao tôk Bhô, hôic gok tiaup tabiak truh di thang nhom. 43Kaywa khol nhu hag takrư xêh mưlang mưrôxak hơl di xêh mưlang Pô Lingik.
Paharung gruk lang pato anưd Pô Yê-su
44Pô Yê-su pablo laic: “Urang halei dial Ita, ôh njaup ciêt dial Ita, min dial Dê krung hu pachai Ita. 45Dok urang halei ƀôh Ita nạn ƀôh Dê krung hu pachai Ita. 46Ita nạn tanrak hadah krung hu mưrai dunya, piêh urang halei dial Ita ôh dok dalam bhôlir. 47Mưyah urang halei pang panôic Ita min ôh pang khik yơ ôh njaup Ita bican inư urang nan. Kaywa Ita mưrai ôh njaup piêh bican inư dunya, min piêh dong tabuh dunya. 48Urang halei kamlah klāk Ita, ôh ciup takabal panôic Ita, yơ krung hu tha kwan an pachang bican, êng panôic Ita krung hu đôm mưca pachang bican khol nhu dalam harei taluic. 49Ita ôh đôm tui gimnit êng drei, min êng Amư nạn Dê krung hu pachai Ita thurah ka Ita xang đôm kabha haget thong pablo kabha haget. 50Ita thau laic panưđar Bhô nạn gruk diup rit rai. Ywa nan ka dôm kabha Ita đôm yơ Ita đôm njaup yau Amư krung hu tathit kakei.”
Actualmente seleccionado:
Yâng 12: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 12
12
Pô Yê-su bihu luk mưnhưk tak Ƀêt-tha-ni
(Ma-thi-ơ 26:6-13; Mag 14:3-9)
1Nam harei dahlau Rija Gan Tapa, Pô Yê-su mưrai palei Ƀêt-tha-ni nạn libik La-xa-rơ dok, urang bloh Bhô krung hu ngak ka mưng lôg mưtai diup vơk. 2Khol nhu thai đam payak Bhô tak nan. Ma-thê ragxa, dok La-xa-rơ nạn tha dalam thanôn dôm urang dok thubik paban thong Bhô. 3#Lu 7:37,38.Ma-ri mưk tha kar#12:3 kar: Tha kar Rô-ma trak nôic 326g. mưnhưk hangau tamo athal biak banrik luk di takai Pô Yê-su, bloh mưk ƀuk drei wak takai Bhô. Haup mưnhưk hangau hamaic bak thang. 4Min tha dalam dôm anưk xêh Pô Yê-su nạn Yu-đa Ic-ka-ri-ôt, ra hadei ni lambil Bhô, dôm laic: 5“Habar ôh pablei mưnhưk hangau ni mưk klau rituh đơ-ni-ê piêh brei mưnuix kathot ô?” 6Nhu đôm yau nan ôh njaup kaywa angat tal mưnuix kathot, min nhu takrung nạn tha ra klek xavah, gilaic khik kadung jiên, nan yơ nhu bhian mưk klek jiên bloh abih drei buh tamư di nan. 7Pô Yê-su pađar: “Xang lôi nai nan thug, kaywa nai nan krung hu piêh caga mưnhưk hangau ni ka harei dar ramik Ita. 8Khol hư takung hu mưnuix kathot dok thong drei, min khol hư ôh hu Ita hamiêt ô.”
Anngak pamưtai La-xa-rơ
9Tha tapôr ralô mưnuix Yo Thaic thau Pô Yê-su dok pak nan yơ katung gaup mưrai, ôh njaup ciêt kaywa Bhô, min lijang piêh iơk La-xa-rơ, urang bloh Bhô krung hu ngak ka mưng lôg mưtai diup vơk. 10Nan yơ dôm gru mưliêng prong lijang jarô pamưtai takung La-xa-rơ gêk, 11kaywa ong bloh ralô urang Yo Thaic krung hu klāk khol nhu thong dial Pô Yê-su.
Pô Yê-su tamư dhan Yê-ru-sa-lem
(Ma-thi-ơ 21:1-11; Mag 11:1-11; Lu-ka 19:28-40)
12Harei hadei, hu tapôr mưnuix biak ralô mưrai tamưbha rija. Tuk hamit laic Pô Yê-su krưh dok mưrai dhan Yê-ru-sa-lem 13yơ khol nhu mưk dhān hamên, tabiak nao rok Bhô thong ahei laic: “Hô-sa-na! Pôk mưyom Dê nưmax angan Pô bloh mưrai, nạn Patao I-sra-ên.” 14Pô Yê-su gōk tha atheh mrek dam yơ đik tagôk, yau panôic krung hu vak:
15“Hơic anưk kamei Si-ôn jôi hôic!
Dêh, patao hư mưrai, đik ngok atheh mrek dam!”
16Tuk nan, dôm anưk xêh ôh thau dôm kabha nan, min tuk Pô Yê-su krung bihu tahamid, khol nhu mưng kanal vơk dôm kabha nan bihu vak ka Bhô, thong krung bihu ngak ka Bhô. 17Tapôr mưnuix krung hu mưdok thong Pô Yê-su tuk Bhô iêu La-xa-rơ tabiak truh di tanum, thong ngak ka ong mưng lôg mưtai diup vơk, jang ngak kaxan ka Bhô. 18Tapôr mưnuix krung hu hamit đôm Bhô ngak nưm crih nan, nạn kaywa khol nhu nao rok Bhô. 19Yau nan, dôm urang Pha-ri-si đôm thong gaup: “Dôm ong ƀôh halei, dôm ong ôh ngak haget bihu trah. Iơk dêh, bih dunya jang tui ong nan.”
Mưnuix Bôl-Lingiu dwah Pô Yê-su
20Tuk nan, dalam thanôn dôm urang tagôk nao bhuktik dalam gôn rija hu hadôm mưnuix Bôl-Lingiu. 21Dôm urang ni mưrai tom Phi-lip, mưnuix dok tak dhan Ƀêt-sai-đa bha nưgar Ga-li-lê, thong đôm laic: “Ong lơy, khol dahlak ưng gōk Pô Yê-su.” 22Phi-lip nao đôm thong Ar-rê, bloh Ar-rê thubik Phi-lip mưrai pathau thong Pô Yê-su. 23Pô Yê-su thuuk: “Tuk vag Anưk Mưnuix bihu tahamid krung hu mưrai. 24Biak jơh, Ita đôm thong khol hư: Mưyah athar padai abei ôh lek trun di tanưh bloh mưtai nao, nhu jang ciêt nạn tha athar; min mưyah mưtai nao, nhu bihu athal jiơng ralô. 25#Mat 10:39; Mat 16:25; Mag 8:35; Lu 9:24; Lu 17:33.Thei anit xwan diup drei yơ mưca lihik, dok thei limuk xwan diup drei dalam lôg ni yơ mưca khik vơk bihu ka gruk diup rit rai. 26Mưyah thei ragxa Ita yơ xang tui Ita; thong Ita dok pak halei, urang ragxa Ita mưca lijang dok tak nan. Mưyah thei ragxa Ita yơ Amư Ita mưca pôkja urang nan.
Pô Yê-su đôm ka gruk Bhô mưtai
27Urak ni thap xwan Ita rau ri. Mưca Ita đôm haget ni? ‘Amư lơy, likau dong Anưk truh di tuk ni! Min lijang kaywa êng di tuk ni bloh Anưk krung hu mưrai. 28Amư lơy, likau xang tahamid angan Amư!’” Tuk nan hu xap mưng thôr riga bican laic: “Ita krung hu tahamid pajơ, mưca dok tahamid vơk.” 29Tapôr mưnuix dang tak nan hamit bihu xap nan yơ đôm: “Nan nạn danưy grum.” Tha thanôn pakan gilaic laic: “Ywa nan ka tha umat đôm pôic thong Bhô.” 30Pô Yê-su đôm: “Ôh njaup kaywa Ita bloh hu xap ni danưy tabiak ô, min kaywa khol hư. 31Urak ni nạn tuk dunya gok bican inư, thong ra pakrang dunya ni mưca gok toh klāk. 32Dok Ita, tuk Ita bihu tôr tagôk truh di tanưh, mưca Ita katung abih drei mưrai tom Ita.” 33Bhô đôm yau nan piêh brei thau Bhô mưca mưtai ganap halei. 34Tapôr bôl pathau laic: “Khol dahlak hu hamit hakum jakar đôm Dê Krist dok rit rai. Habar Gru đôm Anưk Mưnuix xang bihu tôr tagôk? Ywa nan ka Anưk Mưnuix ni nạn thei?” 35Pô Yê-su thuuk: “Tanrak hadah dok thong khol hư takik tuk vag tra. Xang yam nao dalam tuk khol hư dok hu tanrak hadah, piêh bhôlir ôh vang mưtham khol hư. Urang halei nao dalam bhôlir yơ ôh thau drei nao tao. 36Dalam tuk dok hu tanrak hadah, xang dial di tanrak hadah piêh khol hư gilaic jiơng anưk tanrak hadah.”
Hadei di tuk đôm yau nan, Pô Yê-su nao, thong pleh truh di khol nhu.
Bôl Yo Thaic ôh dial
37Kanê Bhô krung hu ngak biak ralô nưm crih di anak khol nhu, min khol nhu jang ôh dial Bhô, 38piêh panôic pakat hôr Ê-sai krung hu đôm bihu thit:
“Pô lơy, thei krung hu dial kabha khol dahlak rao lang,
Thong ƀoh hapal Pô krung bihu sahadah tabiak ka thei?”
39Ywa nan ka, khol nhu ôh mưda dial, kaywa Ê-sai dok đôm:
40“Pô krung hu ngak ka mưta khol nhu tagloh taglit,
Tian khol nhu kapal mal,
Ô mưca mưta khol nhu ƀôh bihu,
Tian khol nhu thau bihu thong tumal
Piêh Ita pajru dhit.”
41Ê-sai đôm kabha ni, kaywa krung hu ƀôh xêh mưlang Bhô thong đôm ka Bhô. 42Yau nan min, hu ralô urang dalam nhom pan akok dial Bhô, min kaywa mưnuix Pha-ri-si, nan ka khol nhu ôh khin tao tôk Bhô, hôic gok tiaup tabiak truh di thang nhom. 43Kaywa khol nhu hag takrư xêh mưlang mưrôxak hơl di xêh mưlang Pô Lingik.
Paharung gruk lang pato anưd Pô Yê-su
44Pô Yê-su pablo laic: “Urang halei dial Ita, ôh njaup ciêt dial Ita, min dial Dê krung hu pachai Ita. 45Dok urang halei ƀôh Ita nạn ƀôh Dê krung hu pachai Ita. 46Ita nạn tanrak hadah krung hu mưrai dunya, piêh urang halei dial Ita ôh dok dalam bhôlir. 47Mưyah urang halei pang panôic Ita min ôh pang khik yơ ôh njaup Ita bican inư urang nan. Kaywa Ita mưrai ôh njaup piêh bican inư dunya, min piêh dong tabuh dunya. 48Urang halei kamlah klāk Ita, ôh ciup takabal panôic Ita, yơ krung hu tha kwan an pachang bican, êng panôic Ita krung hu đôm mưca pachang bican khol nhu dalam harei taluic. 49Ita ôh đôm tui gimnit êng drei, min êng Amư nạn Dê krung hu pachai Ita thurah ka Ita xang đôm kabha haget thong pablo kabha haget. 50Ita thau laic panưđar Bhô nạn gruk diup rit rai. Ywa nan ka dôm kabha Ita đôm yơ Ita đôm njaup yau Amư krung hu tathit kakei.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.