انجیلِ مَرقُس 9
9
1وَ هَم عیسی وِ جماعت وَ شاگردیا گُت: «وِ راسی وِتُو مُوئِم، قَری ایچِه اِیسایان، تا پاتشائی خدا نِه کِه وا قدرت اُومایَه، نِئینَن، طُومِ مرگِ نِه نِمی‌چَشَن.»
عِوَض بی‌یِه‌نِ نِما ری عیسی
2دِما شَش رو، عیسی، پطرس وَ یعقوب وَ یوحنا نِه وِرداشت وَ وِنُو نِه تَنیا واردِ خُوش بُرد وِ سَرِ کُوء بُلِنی تا وا یَک تَنیا بان. دوچِه، دِ وَرِ وِنُو، نِما ریش عِوَض بی. 3بِرچَه جُومَه‌ش اُوما وَ اُوقَه اِسبی بی، چِنُو کِه دِ مینِ دنیا هیچ چیئی نَتُونَه جُومِه‌ای نِه وِ چِنی اِسبی بَکَه. 4هِه دِ او موقَع، ایلیا نبی واردِ موسی دِ وَرِ چَش‌یاشُو ظاهر بییِن وَ واردِ عیسی نِئان وِ دَم‌تَقَه‌کِردِه. 5پطرس وِ عیسی گُت: «اُستاد، خو اَ اِیما هایم ویچِه. بِئیل سِه تا کولا بَسازیم، یَکی سی تو، یَکی سی موسی وَ یَکی هَم سی ایلیا.» 6پطرس نُئُونِس چی بُوئَه، سی یَکِه زَرتِلاق بیئینی. 7اوسِه اُوری وِنُو نِه گِرِت دِ وَر وَ دَنگی دِ اُور رَسِس کِه: «یِنَه‌آ کُرِ عزیزِم، وِش گوش بِئیریت.» 8یِگِلی، هِه کِه سِیلِ دُورِوَرشُو کِردِن، هیشکَه نِه غیرِ عیسی وِ تِه خُوشُو نِئییِن، وَ بَس.
9هِه یَکِه دِ کُوء سِرازیر بییِن وِ هار، عیسی وِشُو قَدِغَن کِرد کِه دِ چیئی کِه دینَه سی کَس نُوئَن تا زِمُونی کِه کُرِ انسان دِ مُردَه‌یا زِنَه با. 10وِنُو ایی جریانِه دِ مابِینِ خُوشُو نِئَه داشتِن، اما دِ یَک می‌پُرسیئِن کِه ’زِنَه‌بی‌یِه‌نِ دِ مُردَه‌یا‘ دَ چینَه. 11اوسِه دِ عیسی پُرسیئِن: «سی چی معلم‌یا تورات مُوئَن اول بایِس ایلیا نبی بیا؟» 12عیسی جُئُو دَه: «اَلوَت کِه اول ایلیا میا تا همَه چی نِه راسِ‌ریس بَکَه. اما سی چی دِبارَه کُرِ انسان دِ نیسَنَه‌یا مقدس اُومایَه بایِس عَذُوِ زیادی بَکَشَه وَ بی‌قُرپِش بَکَن؟ 13اما، مِه وِتُو مُوئِم کِه ایلیا، هِه چِنُو کِه دِبارَه‌ش نیسَنَه بی‌یَه، اُوما وَ وِنُو هَر چیئی کِه حاسِن واش کِردِن.»
شفا کُری کِه روحِ گَن داشت
14هِه کِه رَسِسِن وِ تِه باقی شاگردیا، دیئِن بُری‌وُشُری دِ مردِم دُورِشُو نِه گِرِتِنَه وَ معلم‌یا تورات هَم ها واشُو بحث می‌کَن. 15گِردِ جماعت تا عیسی نِه دیئِن بِلاجیشُو اُوما وَ وِدُو اُومان، وِش سِلام کِردِن. 16عیسی دِشُو پُرسی: «دِبارَه چی ها وا شاگردیا بحث می‌کیت؟» 17پیائی دِ مینِ جمعیت جُئُو دَه: «اُستاد، کُرِمِه اُوِردِمَه وِ تِه تو. سی یَکِه گرفتارِ روحی بی‌یَه کِه دَمِشِه چِفت کِردَه نِمِئیلَه قِصَه بَکَه. 18هِه کِه او نِه مِئی‌رَه، می‌کوئَش وِ زِمی، چِنُو کِه دَمِش کف می‌کَه، دِنُونیاش چِفت موئَن وِ یَک وَ بَدَنِش حُشک موئَه. دِ شاگردیات حاسِم او روحِ نِه بَکَن وِ دَر، اما نَتُونِسِن.» 19عیسی دِ جُئُو گُت: «اِ نسلِ بی‌ایمُو، تا وِ کی واردِتُو بام وَ تحملتُو بَکِم؟ وه نِه بیاریت وِ تِه‌م.» 20کُرِ نِه اُوِردِن وِ تِه‌ش. روحِ گَن هِه‌‌کِه عیسی نِه دی، آزِعی کُرِ نِه وَن وِ پِرِپیت وِ جوری کِه کُفتِس وِ زِمی وَ هِه چِنُو کِه دَمِش کف کِردی، پِلکِس دِ خاک. 21عیسی دِ بُوَه کُرِکَه پُرسی: «دِ کِی اُفتایَه وِ ایی حالِ روز؟» جُئُو دَه: «دِ بچِه‌‌ئی. 22ایی روح، بیشتِر موقَع‌یا هِه او نِه وَنَه دِ مینِ اُو وَ تَش تا هِلاکِش بَکَه. اَر تُونی وِمُو رَحم کُو وَ شَفاش بِه.» 23عیسی گُت: «اَر تُونی! سی وَه کِه ایمُو دارَه همَه چی موئَه.» 24بُوَه او کُر جَلدی وا دَنگِ بُلِن گُت: «ایمُو دارِم؛ کمکِم کُو تا وِ بی‌ایمُونیم غالُو بام!» 25هِه کِه عیسی دی کِه قَری وِدُو وِ اولا میان، توپِس وِ روحِ گَن وَ گُت: «اِ روحِ کَر وُ لال، وِ تو هُد می‌کِم دِش بَک وِ دَر وَ دَ هیچ نَرُوئی دِ مینِش!» 26روح نَعرِه‌ای کَشی وَ کُرِ نِه سخت وَن وِ پِرِپیت، دِش کِرد وِ دَر. کُرِکَه چی لَشی اُفتا، چِنُو کِه بُری گُتِن: «مُردَه.» 27اما عیسی دَسِ کُرِ نِه گِرِت، او نِه بُلِن کِرد، وَ کُر اِیسا وِ سَرِ پا. 28هِه کِه عیسی رَت وِ حُونَه، شاگردیاش دِ تَنیائی دِش پُرسیئِن: «اَ سی اِیما نَتُونِسیم او روحِ نِه بَکیم وِ دَر؟» 29عیسی جُئُو دَه: «ایی جنس، غیرِ دعا نِمی‌کَه وِ دَر.»
عیسی دُوارَه، مُردِه وَ زِنَه‌بی‌یِه‌نِ خُوشِه پیشگوئی می‌کَه
30وِنُو دِ اوچِه رَتِن وَ دِ مینِ وِلاتِ جلیل رَد بییِن. عیسی نِمی‌حاس کَسی دُونِسوئَه او ها کجا، 31سی یَکِه شاگردیاشِه تعلیم مِی‌دَه وَ دِ ایی بارَه واشُو صُبَت می‌کِرد کِه: «کُرِ انسان وِ دَسِ مردِم تسلیم موئَه وَ او نِه مِی‌کُشَن. اما سه رو دِما کُشِسِه‌نِش، زِنَه موئَه.» 32اما وِنُو او چیئی نِه کِه عیسی وِشُو گُت نَفَمِسِن وَ زَلَه‌شُو مِی‌رَت دِش بَپُرسَن.
کی دِ همَه گَپتِر اَ؟
33وِنُو اُومان وِ شهرِ کَفَرناحوم. هِه کِه دِ حُونَه بییِن، عیسی دِ شاگردیا پُرسی: «دِ مینِ رَه دِبارَه چِه چیئی هَچایَه می‌کِردیت؟» 34وِنُو بی‌کِش مَنِن، سی یَکِه دِ مینِ رَه دِ بارَه یَه دَم‌رِگَه می‌کِردِن کِه کُومِشُو دِ همَه گَپتِر اَ. 35عیسی نِشِس وَ او دُوازَه نفر نِه هِنا کِرد وَ گُت: «هر کَه می‌حا اول با، بایِس آخِری وَ پاکارِ همَه با.» 36اوسِه بچه‌ای نِه وِرداشت نِئا دِ مینجاشُو، بعد گِرِتِش دِ مینِ بغل، وَ وِشُو گُت: 37«هَر کَه یِه چِنی بچه‌ای نِه وِ نُومِ مِه قبول بَکَه، مِه نِه قبول کِردَه؛ وَ هَر کَه مِه نِه قبول بَکَه، نَه یَکِه مِه نِه، بلکِم وَه کِه مِه نِه کِل کِردَه نِه قبول کِردَه.»
هَر کَه وِ تیشکِ اِیما نی، ها وا اِیما
38یوحنا گُت: «اُستاد، یَکی نِه دیئیمُو کِه وِ نُومِ تو دیویا نِه می‌کِرد وِ دَر، نِهاشِه گِرِتیم سی یَکِه دِ اِیما نِوی.» 39اما عیسی گُت: «نِهاشِه نِئیریت، سی یَکِه کَسی نَتُونَه وِ نُومِ مِه معجزَه بَکَه وَ گِری هَنی، دِ مِه گَن بُوئَه. 40سی یَه هَر کَه وِ تیشکِ اِیما نی، ها وا اِیما. 41وِ راسی وِتُو مُوئِم، هَر کَه حتی جُومی اُوِ حَردِه وِ نُومِ مِه بِئَه وِتُو، سی یَکِه هینِ مسیح هیسیت بی‌گِمُو بی مُز نِمی‌مُونَه.
وسوسَه گُنَه
42«هَر کَه باعث با یَکی دِ ایی کُچِک‌یا کِه وِ مِه ایمُو دارَن گُنَه بَکه، سی او بیتِر مِوی کِه سنگِ اَسیُو گَپی دُر بَکَن وِ مِلِش وَ بُونَنِش دِ دریا! 43اَر دَسِت تو نِه وِ گُنَه مُونَه، او نِه قطع کُو. سی یَکِه سی تو بیتِر اَ کِه علیل وِ حیاتِ ابدی رَه پیا بَکی تا یَکه وا دو دَس وِ جَهنِم، وِ تَشی کِه هرگز کور نِموئَه، بِفتی. 44[وِ جائی کِه نَه کِرم دِش می‌میرَه نَه تَشِش کور موئَه.] 45وَ اَر پات تو نِه وِ گُنَه می‌کَشَه، او نِه قطع کُو. سی تو بیتِر اَ کِه شَل وِ حیاتِ ابدی رَه پیا بَکی، تا یَکه وا دو پا وِ جَهنِم وَنَه بای. 46[وِ جائی کِه نَه کِرم دِش می‌میرَه نَه تَشِش کور موئَه.] 47وَ اَر چَشِت تو نِه وِ گُنَه مُونَه، او نِه دِر‌آر، سی تو بیتِر اَ کِه وا یِه چَش وِ پاتشائی خدا رَه پیا بَکی، تا یَکه وا دو چَش وِ جَهنِم وَنَه بای، 48جائی کِه
«”نَه کِرم دِش می‌میرَه
وَ نَه تَشِش کور موئَه.“
49«هَر چیئی وا تَش نِمَکدار موئَه. 50نِمَک خو اَ، اما اَر خاصیتِشِه دِ دَس بِئَه، چطور موئَه او نِه دِ سَر نِمَکدار کِرد؟ شِما هَم دِ خُوتُو نِمَک داشتوئیت وَ وا یَک دِ صُول‌وصفا وِ سَر بُوریت.»
Actualmente seleccionado:
انجیلِ مَرقُس 9: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَرقُس 9
9
1وَ هَم عیسی وِ جماعت وَ شاگردیا گُت: «وِ راسی وِتُو مُوئِم، قَری ایچِه اِیسایان، تا پاتشائی خدا نِه کِه وا قدرت اُومایَه، نِئینَن، طُومِ مرگِ نِه نِمی‌چَشَن.»
عِوَض بی‌یِه‌نِ نِما ری عیسی
2دِما شَش رو، عیسی، پطرس وَ یعقوب وَ یوحنا نِه وِرداشت وَ وِنُو نِه تَنیا واردِ خُوش بُرد وِ سَرِ کُوء بُلِنی تا وا یَک تَنیا بان. دوچِه، دِ وَرِ وِنُو، نِما ریش عِوَض بی. 3بِرچَه جُومَه‌ش اُوما وَ اُوقَه اِسبی بی، چِنُو کِه دِ مینِ دنیا هیچ چیئی نَتُونَه جُومِه‌ای نِه وِ چِنی اِسبی بَکَه. 4هِه دِ او موقَع، ایلیا نبی واردِ موسی دِ وَرِ چَش‌یاشُو ظاهر بییِن وَ واردِ عیسی نِئان وِ دَم‌تَقَه‌کِردِه. 5پطرس وِ عیسی گُت: «اُستاد، خو اَ اِیما هایم ویچِه. بِئیل سِه تا کولا بَسازیم، یَکی سی تو، یَکی سی موسی وَ یَکی هَم سی ایلیا.» 6پطرس نُئُونِس چی بُوئَه، سی یَکِه زَرتِلاق بیئینی. 7اوسِه اُوری وِنُو نِه گِرِت دِ وَر وَ دَنگی دِ اُور رَسِس کِه: «یِنَه‌آ کُرِ عزیزِم، وِش گوش بِئیریت.» 8یِگِلی، هِه کِه سِیلِ دُورِوَرشُو کِردِن، هیشکَه نِه غیرِ عیسی وِ تِه خُوشُو نِئییِن، وَ بَس.
9هِه یَکِه دِ کُوء سِرازیر بییِن وِ هار، عیسی وِشُو قَدِغَن کِرد کِه دِ چیئی کِه دینَه سی کَس نُوئَن تا زِمُونی کِه کُرِ انسان دِ مُردَه‌یا زِنَه با. 10وِنُو ایی جریانِه دِ مابِینِ خُوشُو نِئَه داشتِن، اما دِ یَک می‌پُرسیئِن کِه ’زِنَه‌بی‌یِه‌نِ دِ مُردَه‌یا‘ دَ چینَه. 11اوسِه دِ عیسی پُرسیئِن: «سی چی معلم‌یا تورات مُوئَن اول بایِس ایلیا نبی بیا؟» 12عیسی جُئُو دَه: «اَلوَت کِه اول ایلیا میا تا همَه چی نِه راسِ‌ریس بَکَه. اما سی چی دِبارَه کُرِ انسان دِ نیسَنَه‌یا مقدس اُومایَه بایِس عَذُوِ زیادی بَکَشَه وَ بی‌قُرپِش بَکَن؟ 13اما، مِه وِتُو مُوئِم کِه ایلیا، هِه چِنُو کِه دِبارَه‌ش نیسَنَه بی‌یَه، اُوما وَ وِنُو هَر چیئی کِه حاسِن واش کِردِن.»
شفا کُری کِه روحِ گَن داشت
14هِه کِه رَسِسِن وِ تِه باقی شاگردیا، دیئِن بُری‌وُشُری دِ مردِم دُورِشُو نِه گِرِتِنَه وَ معلم‌یا تورات هَم ها واشُو بحث می‌کَن. 15گِردِ جماعت تا عیسی نِه دیئِن بِلاجیشُو اُوما وَ وِدُو اُومان، وِش سِلام کِردِن. 16عیسی دِشُو پُرسی: «دِبارَه چی ها وا شاگردیا بحث می‌کیت؟» 17پیائی دِ مینِ جمعیت جُئُو دَه: «اُستاد، کُرِمِه اُوِردِمَه وِ تِه تو. سی یَکِه گرفتارِ روحی بی‌یَه کِه دَمِشِه چِفت کِردَه نِمِئیلَه قِصَه بَکَه. 18هِه کِه او نِه مِئی‌رَه، می‌کوئَش وِ زِمی، چِنُو کِه دَمِش کف می‌کَه، دِنُونیاش چِفت موئَن وِ یَک وَ بَدَنِش حُشک موئَه. دِ شاگردیات حاسِم او روحِ نِه بَکَن وِ دَر، اما نَتُونِسِن.» 19عیسی دِ جُئُو گُت: «اِ نسلِ بی‌ایمُو، تا وِ کی واردِتُو بام وَ تحملتُو بَکِم؟ وه نِه بیاریت وِ تِه‌م.» 20کُرِ نِه اُوِردِن وِ تِه‌ش. روحِ گَن هِه‌‌کِه عیسی نِه دی، آزِعی کُرِ نِه وَن وِ پِرِپیت وِ جوری کِه کُفتِس وِ زِمی وَ هِه چِنُو کِه دَمِش کف کِردی، پِلکِس دِ خاک. 21عیسی دِ بُوَه کُرِکَه پُرسی: «دِ کِی اُفتایَه وِ ایی حالِ روز؟» جُئُو دَه: «دِ بچِه‌‌ئی. 22ایی روح، بیشتِر موقَع‌یا هِه او نِه وَنَه دِ مینِ اُو وَ تَش تا هِلاکِش بَکَه. اَر تُونی وِمُو رَحم کُو وَ شَفاش بِه.» 23عیسی گُت: «اَر تُونی! سی وَه کِه ایمُو دارَه همَه چی موئَه.» 24بُوَه او کُر جَلدی وا دَنگِ بُلِن گُت: «ایمُو دارِم؛ کمکِم کُو تا وِ بی‌ایمُونیم غالُو بام!» 25هِه کِه عیسی دی کِه قَری وِدُو وِ اولا میان، توپِس وِ روحِ گَن وَ گُت: «اِ روحِ کَر وُ لال، وِ تو هُد می‌کِم دِش بَک وِ دَر وَ دَ هیچ نَرُوئی دِ مینِش!» 26روح نَعرِه‌ای کَشی وَ کُرِ نِه سخت وَن وِ پِرِپیت، دِش کِرد وِ دَر. کُرِکَه چی لَشی اُفتا، چِنُو کِه بُری گُتِن: «مُردَه.» 27اما عیسی دَسِ کُرِ نِه گِرِت، او نِه بُلِن کِرد، وَ کُر اِیسا وِ سَرِ پا. 28هِه کِه عیسی رَت وِ حُونَه، شاگردیاش دِ تَنیائی دِش پُرسیئِن: «اَ سی اِیما نَتُونِسیم او روحِ نِه بَکیم وِ دَر؟» 29عیسی جُئُو دَه: «ایی جنس، غیرِ دعا نِمی‌کَه وِ دَر.»
عیسی دُوارَه، مُردِه وَ زِنَه‌بی‌یِه‌نِ خُوشِه پیشگوئی می‌کَه
30وِنُو دِ اوچِه رَتِن وَ دِ مینِ وِلاتِ جلیل رَد بییِن. عیسی نِمی‌حاس کَسی دُونِسوئَه او ها کجا، 31سی یَکِه شاگردیاشِه تعلیم مِی‌دَه وَ دِ ایی بارَه واشُو صُبَت می‌کِرد کِه: «کُرِ انسان وِ دَسِ مردِم تسلیم موئَه وَ او نِه مِی‌کُشَن. اما سه رو دِما کُشِسِه‌نِش، زِنَه موئَه.» 32اما وِنُو او چیئی نِه کِه عیسی وِشُو گُت نَفَمِسِن وَ زَلَه‌شُو مِی‌رَت دِش بَپُرسَن.
کی دِ همَه گَپتِر اَ؟
33وِنُو اُومان وِ شهرِ کَفَرناحوم. هِه کِه دِ حُونَه بییِن، عیسی دِ شاگردیا پُرسی: «دِ مینِ رَه دِبارَه چِه چیئی هَچایَه می‌کِردیت؟» 34وِنُو بی‌کِش مَنِن، سی یَکِه دِ مینِ رَه دِ بارَه یَه دَم‌رِگَه می‌کِردِن کِه کُومِشُو دِ همَه گَپتِر اَ. 35عیسی نِشِس وَ او دُوازَه نفر نِه هِنا کِرد وَ گُت: «هر کَه می‌حا اول با، بایِس آخِری وَ پاکارِ همَه با.» 36اوسِه بچه‌ای نِه وِرداشت نِئا دِ مینجاشُو، بعد گِرِتِش دِ مینِ بغل، وَ وِشُو گُت: 37«هَر کَه یِه چِنی بچه‌ای نِه وِ نُومِ مِه قبول بَکَه، مِه نِه قبول کِردَه؛ وَ هَر کَه مِه نِه قبول بَکَه، نَه یَکِه مِه نِه، بلکِم وَه کِه مِه نِه کِل کِردَه نِه قبول کِردَه.»
هَر کَه وِ تیشکِ اِیما نی، ها وا اِیما
38یوحنا گُت: «اُستاد، یَکی نِه دیئیمُو کِه وِ نُومِ تو دیویا نِه می‌کِرد وِ دَر، نِهاشِه گِرِتیم سی یَکِه دِ اِیما نِوی.» 39اما عیسی گُت: «نِهاشِه نِئیریت، سی یَکِه کَسی نَتُونَه وِ نُومِ مِه معجزَه بَکَه وَ گِری هَنی، دِ مِه گَن بُوئَه. 40سی یَه هَر کَه وِ تیشکِ اِیما نی، ها وا اِیما. 41وِ راسی وِتُو مُوئِم، هَر کَه حتی جُومی اُوِ حَردِه وِ نُومِ مِه بِئَه وِتُو، سی یَکِه هینِ مسیح هیسیت بی‌گِمُو بی مُز نِمی‌مُونَه.
وسوسَه گُنَه
42«هَر کَه باعث با یَکی دِ ایی کُچِک‌یا کِه وِ مِه ایمُو دارَن گُنَه بَکه، سی او بیتِر مِوی کِه سنگِ اَسیُو گَپی دُر بَکَن وِ مِلِش وَ بُونَنِش دِ دریا! 43اَر دَسِت تو نِه وِ گُنَه مُونَه، او نِه قطع کُو. سی یَکِه سی تو بیتِر اَ کِه علیل وِ حیاتِ ابدی رَه پیا بَکی تا یَکه وا دو دَس وِ جَهنِم، وِ تَشی کِه هرگز کور نِموئَه، بِفتی. 44[وِ جائی کِه نَه کِرم دِش می‌میرَه نَه تَشِش کور موئَه.] 45وَ اَر پات تو نِه وِ گُنَه می‌کَشَه، او نِه قطع کُو. سی تو بیتِر اَ کِه شَل وِ حیاتِ ابدی رَه پیا بَکی، تا یَکه وا دو پا وِ جَهنِم وَنَه بای. 46[وِ جائی کِه نَه کِرم دِش می‌میرَه نَه تَشِش کور موئَه.] 47وَ اَر چَشِت تو نِه وِ گُنَه مُونَه، او نِه دِر‌آر، سی تو بیتِر اَ کِه وا یِه چَش وِ پاتشائی خدا رَه پیا بَکی، تا یَکه وا دو چَش وِ جَهنِم وَنَه بای، 48جائی کِه
«”نَه کِرم دِش می‌میرَه
وَ نَه تَشِش کور موئَه.“
49«هَر چیئی وا تَش نِمَکدار موئَه. 50نِمَک خو اَ، اما اَر خاصیتِشِه دِ دَس بِئَه، چطور موئَه او نِه دِ سَر نِمَکدار کِرد؟ شِما هَم دِ خُوتُو نِمَک داشتوئیت وَ وا یَک دِ صُول‌وصفا وِ سَر بُوریت.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company