انجیلِ مَرقُس 10
10
تعلیم دِبارَه طِلاق
1عیسی او مَلَه نِه نِئا وَ رَت وِ منطقَه یهودیَه وِ اولانِ گِلالِ اُردُن. گِلی هَنی جماعت‌یا جمع بییِن وِ تِه‌ش، وَ او بِنا وِ رِوالِ همیشِه‌ئیش، وِشُو تعلیم می‌دَه.
2علما فِرقَه فَریسی اُومان وِ تِه‌ش وَ سی اِمتحُو دِش پُرسیئِن: «یعنی جایز اَ کِه پیا زِئنَه خُوشِه طِلاق بِئَه؟» 3عیسی دِ جُئُوشُو گُت: «موسی چه هُدی وِتُو کِردَه؟» 4گُتِن: «موسی اِجازَه دِئَه کِه پیا طِلاقنُومِه‌ای بَنِیسنَه وَ زِئنَه خُوشِه رِ بَکَه رُوئَه.» 5عیسی وِشُو گُت: «موسی وِ سُنَه سنگدلی شِما ایی هُدِ نه سیتُو نیسَن. 6اما هِه دِ او شروع آفرینش، خدا ”وِنُو نِه پیا وَ زَ آفَری.“ 7وَ ”زوتا پیا دِ بُوَه وَ داآ خُوش جِگا موئَه، وَ وِ زِئنَه خُوش می‌چَسبَه، 8وَ او دو، یَک موئَن.“ بنابرایی، دِ اوسِه وادِما دَ دو نیسِن، بَلکم یِه تَن اَن. 9پس اوچیئی کِه خدا وِ یَک وَنَه، انسان جِگا نِمی‌کَه.»
10هِه کِه عیسی وَ شاگردیا دِ حُونَه بییِن، شاگردیا گِلی هَنی دِبارَه ایی موضوع دِ عیسی پُرسیئِن. 11عیسی وِشُو گُت: «هَر کَه زِئنَه‌شِه طِلاق بِئَه وَ زَنی هَنی باحا، نِسوَت وِ زِئنَه خُوش زِنا کِردَه. 12وَ اَر زَنی دِ مِیرَه‌ش طِلاق بِئیرَه وَ شی بَکَه، زِنا کِردَه.»
عیسی وَ بَچُو
13مردِم بَچُو نِه اُوِردِن وِ تِه عیسی تا دَسِ خیر بَنِیئَه وِ ری سَرِشُو. شاگردیا مردِمِ نِه سی ایی کارشُو مِنا کِردِن. 14اما عیسی هِه کِه یَه نِه دی، تَش گِرِت وَ وِ شاگردیاش گُت: «بِئیلیت بَچُو بیان وِ تِه مِه؛ نِهاشُو نِه نِئیریت، سی یَکِه پاتشائی خدا هینِ چِنی کَسُونی اَ. 15وِ راسی وِتُو مُوئِم، هَر کَه پاتشائی خدا نِه هِه چی بچه‌ای قبول نَکَه، وِ وَه رَه پیا نِمی‌کَه.» 16اوسِه بَچُو نِه گِرِت دِ بَغَل، دَسِ نِئا وِ ری سَرِشُو وَ برکتشُو دَه.
جِوُونِ دُولَه‌مَن
17هِه کِه عیسی اُفتا وِ رَه، پیائی وادُو اُوما وَ دِ بِرُووَرِش زُونی زَه وَ پُرسی: «اُستادِ خو، چی بَکِم تا حیاتِ ابَدی نِه بُورِم وِ ارث؟» 18عیسی وِش جُئُو دَه: «سی چی مِه نِه خو هِنا می‌کی؟ هیشکَه خو نی مَر تَنیا خدا. 19هُدیا نِه دُونی: ”قتل نَکُو، زِنا نَکُو، دُوزی نَکُو، شاهادَتی دِرو نِه، حُقَه‌بازی نَکُو، قُرپِ بُوَه وَ داآتِه داشتو.“ 20او پیا دِ جُئُو عیسی گُت: «اُستاد، گِردِ یِنُو نِه دِ جِوُونی وِجا اُوِردِمَه.» 21عیسی گِز بُری وِش، وا محبت وِش گُت: «تو یِه چی کَم داری؛ رُو هَر چی کِه داری بَفِروش وَ پیلِشِه بِه وِ ژاریا کِه دِ آسمُو گنجی داشتوئی. اوسِه بیا وَ مُریدِ مِه بو.» 22پیاکَه دِ ایی قِصَه نااُمید بی، وَ وا ناراحتی دِ اوچِه رَت، سی یَکه مال‌ِمِنالِ زیادی داشت.
23عیسی سِیلی کِرد وِ دُورِوَر، وِ شاگردیاش گُت: «چَنی رَه پیا کِردِه‌نِ دُولَه‌مَن‌یا وِ پاتشائی خدا سخت اَ!» 24شاگردیا دِ قِصَه‌یا عیسی بِلاجیشُو اُوما. اما عیسی گِلِ هَنی وِشُو گُت: «رولَه‌یا، رَه پیا کِردِه وِ پاتشائی خدا چَنی سخت اَ! 25رَد بی‌یِه‌نِ شُتُر دِ سیلا سیزِه آسُوتِر اَ تا رَه پیا کِردِه‌نِ آیِمِ دُولَه‌مَن وِ پاتشائی خدا.» 26شاگردیا کِه خیلی بِلاجیشُو اُومایی، وا یَک می‌گُتِن: «پس کی تُونَه نجات پیا بَکَه؟» 27عیسی گِز بُری وِشُو وَ گُت: «سی آیِم ممکن نی، اما سی خدا چِنی نی؛ سی یَکِه همَه چی سی خدا ممکن اَ.»
28اوسِه پطرس نِئا وِ قِصَه کِردِه وَ گُت: «اِیمدال اِیما همَه چی نِه نِئاییمَه وَ اُوماییمَه دِ دُمِه تُو.» 29عیسی گُت: «وِ راسی وِتُو مُوئِم، کسی نی کِه وِ سُنَه مِه وَ وِ سُنَه انجیل، حُونَه، بِراریا، خُووَریا، داآ، بُوَه یا اُولادیا وَ املاکِ خُوشِه وِل کِردوئَه 30وَ دِ مینِ ایی دُورَه صد بِرُووَر بیشتِر حُونَه‌یا، بِراریا، خُووَریا، داآیا، اُولادیا وَ املاک، وَ واردِشُو آزار وُ عَذُو وِ دَس نیارَه وَ دِ مینِ دورَه آیندَه هَم حیاتِ ابدی نِصیوِش نوئَه. 31اما خیلی‌یا کِه اول هیسِن آخِر موئَن، وَ آخِریا اول!»
عیسی سی گِلِ سِئِم مُردِه وَ زِنَه بی‌یِه‌نِ خُوشِه پیشگوئی می‌کَه
32وِنُو دِ رَه اورشلیم بییِن وَ عیسی دِ نِهاشُو رَه می‌رَت. مِلاق دِ گُپِ شاگردیا بُرِسی وَ وِنُو کِه دِ دِما سَرِشُو می‌اُومان، هِراسُو بییِن. عیسی گِلی هَنی او دُوازَه نفرِ نِه بُرد والائی وَ اوچیئی کِه بایِس وِ سَرِش بیا، سیشُو گُت. 33گُت: «ایمدال مِی‌ریم وِ اورشلیم. دِ اوچِه کُرِ انسانِه وِ سَرُونِ کاهِن‌یا وَ معلم‌یا تورات تسلیم می‌کَن. وِنُو او نِه محکومِش می‌کَن وِ مرگ وَ مِی‌ئَنِش وِ دَسِ غیرِیهودیُو. 34وِنُو لُغُز وِش مُونَن، وِش تُفکَه مُونَن وَ شَلاقِش می‌زنَن، وَ مِی‌کُشَنِش. دِما سه رو زِنَه موئَه.»
درخواسِ یعقوب وَ یوحنا
35یعقوب وَ یوحنا کُریا زِبِدی اُومان وِ تِه‌ش وَ گُتِن: «اُستاد، تَمَنا داریم اوچیئی کِه دِت می‌حایم، سیمُو بَکی!» 36عیسی وِشُو گُت: «می‌حایت چی سیتُو بَکِم؟» 37گُتِن: «لطفی بَکُو وِمُو کِه دِ جِلالِ تو، یَکی دِمُو وِ لا راس وَ یَکی هَنی دِمُو وِ لا چپِ تو بَنشینیم.» 38عیسی وِشُو گُت: «شِما نُئُونیت چی می‌حایت. یعنی تُونیت دِ پیالِه‌ای کِه مِه وِرمیراشنِم، وِراشِنیت وَ تعمیدی کِه مِه مِئی‌رِم، بِئیریت؟» 39گُتِن: «بله، تُونیم.» عیسی گُت: «اَلوَت کِه دِ پیالِه‌ای کِه مِه وِرمیراشنِم، وِرمی‌راشنیت وَ تعمیدی کِه مِه مِئی‌رِم، مِئی‌ریت. 40اما دُونِسوئیت کِه نشِسِه وِ لا راس وَ چپِ مِه، دِ اختیارِ مِه نی تا وَه نِه وِ کَسی عطا بَکِم. ایی جایگا هینِ کَسُونی اَ کِه سیشُو آمادَه بی‌یَه.»
41هِه کِه دَه شاگردِ هَنی یَه نِه اِشنَفتِن دِ دَسِ یعقوب وَ یوحنا تَش گِرِتِن. 42عیسی وِنُو نِه هِنا کِرد وَ گُت: «شِما دُونیت وِنُو کِه حاکم‌یا باقی قُوم‌یا وِ شِمار میان وِشُو سَروَری می‌کَن وَ گپُونِشُو وِشُو فِرمُو مِی‌ئَن. 43اما دِ مینِ شِما چِنی نوئَه. هَر کَه می‌حا دِ مینِ شِما گَپ با، بایِس پاکارِ شِما با. 44وَ هَر کَه می‌حا دِ مینِ شِما اول با، بایِس غُلِمِ همَه با. 45چِنُوکِه کُرِ انسان هَم نیُومایَه تا خدمتِش بَکَن، بلکِم اُومایَه تا خدمت بَکَه وَ جُونِشِه سی خی‌باها دِ رَه خیلی‌یا بِئَه.»
شفا بارتیمائوسِ کور
46اوسِه اُومان وِ اَریحا. وَ هِه کِه عیسی واردِ شاگردیاش وَ جِمجِماقی دِ مردِم دِ اَریحا می‌کِردِن وِ دَر، گدا کوری وِ نُومِ بارتیمائوس، کُرِ تیمائوس، نِشِسی دِ رُونَه جَدَه. 47هِه کِه اِشنَفت کِه عیسی ناصری اَ، قارَن کِه: «عیسی، کُرِ داوودِ پاتشا، رَحمِت بیا وِم!» 48خیلی دِ مردِم او نِه مِنا کِردِن کِه کِش نَکُو، اما او بیشتِر می‌قارَن: «کُرِ داوودِ پاتشا، رَحمِت بیا وِم!» 49عیسی اِیسا وَ گُت: «وَه نِه هِنا بَکیت.» پس او پیا کورِ نِه هِنا کِردِن، وَ وِش گُتِن: «دِلِت قُرص با! وِری کِه ها هِنات می‌کَه.» 50او آزِعی سِتِرَه‌شِه وَن والائی، دِ جاش هیز گِرِت وَ اُوما وِ تِه عیسی. 51عیسی دِش پُرسی: «می‌حای چی سیت بَکِم؟» جُئُو دَه: «اُستاد، می‌حام چَش‌یام بِئینَه.» 52عیسی وِش گُـت: «رُو کِه ایمِونِت تو نِه شفا دِئَه.» او پیا، دَر جا چَش‌یاش واز بی وَ دِ دُمِ عیسی اُفتا وِ رَه.
Actualmente seleccionado:
انجیلِ مَرقُس 10: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَرقُس 10
10
تعلیم دِبارَه طِلاق
1عیسی او مَلَه نِه نِئا وَ رَت وِ منطقَه یهودیَه وِ اولانِ گِلالِ اُردُن. گِلی هَنی جماعت‌یا جمع بییِن وِ تِه‌ش، وَ او بِنا وِ رِوالِ همیشِه‌ئیش، وِشُو تعلیم می‌دَه.
2علما فِرقَه فَریسی اُومان وِ تِه‌ش وَ سی اِمتحُو دِش پُرسیئِن: «یعنی جایز اَ کِه پیا زِئنَه خُوشِه طِلاق بِئَه؟» 3عیسی دِ جُئُوشُو گُت: «موسی چه هُدی وِتُو کِردَه؟» 4گُتِن: «موسی اِجازَه دِئَه کِه پیا طِلاقنُومِه‌ای بَنِیسنَه وَ زِئنَه خُوشِه رِ بَکَه رُوئَه.» 5عیسی وِشُو گُت: «موسی وِ سُنَه سنگدلی شِما ایی هُدِ نه سیتُو نیسَن. 6اما هِه دِ او شروع آفرینش، خدا ”وِنُو نِه پیا وَ زَ آفَری.“ 7وَ ”زوتا پیا دِ بُوَه وَ داآ خُوش جِگا موئَه، وَ وِ زِئنَه خُوش می‌چَسبَه، 8وَ او دو، یَک موئَن.“ بنابرایی، دِ اوسِه وادِما دَ دو نیسِن، بَلکم یِه تَن اَن. 9پس اوچیئی کِه خدا وِ یَک وَنَه، انسان جِگا نِمی‌کَه.»
10هِه کِه عیسی وَ شاگردیا دِ حُونَه بییِن، شاگردیا گِلی هَنی دِبارَه ایی موضوع دِ عیسی پُرسیئِن. 11عیسی وِشُو گُت: «هَر کَه زِئنَه‌شِه طِلاق بِئَه وَ زَنی هَنی باحا، نِسوَت وِ زِئنَه خُوش زِنا کِردَه. 12وَ اَر زَنی دِ مِیرَه‌ش طِلاق بِئیرَه وَ شی بَکَه، زِنا کِردَه.»
عیسی وَ بَچُو
13مردِم بَچُو نِه اُوِردِن وِ تِه عیسی تا دَسِ خیر بَنِیئَه وِ ری سَرِشُو. شاگردیا مردِمِ نِه سی ایی کارشُو مِنا کِردِن. 14اما عیسی هِه کِه یَه نِه دی، تَش گِرِت وَ وِ شاگردیاش گُت: «بِئیلیت بَچُو بیان وِ تِه مِه؛ نِهاشُو نِه نِئیریت، سی یَکِه پاتشائی خدا هینِ چِنی کَسُونی اَ. 15وِ راسی وِتُو مُوئِم، هَر کَه پاتشائی خدا نِه هِه چی بچه‌ای قبول نَکَه، وِ وَه رَه پیا نِمی‌کَه.» 16اوسِه بَچُو نِه گِرِت دِ بَغَل، دَسِ نِئا وِ ری سَرِشُو وَ برکتشُو دَه.
جِوُونِ دُولَه‌مَن
17هِه کِه عیسی اُفتا وِ رَه، پیائی وادُو اُوما وَ دِ بِرُووَرِش زُونی زَه وَ پُرسی: «اُستادِ خو، چی بَکِم تا حیاتِ ابَدی نِه بُورِم وِ ارث؟» 18عیسی وِش جُئُو دَه: «سی چی مِه نِه خو هِنا می‌کی؟ هیشکَه خو نی مَر تَنیا خدا. 19هُدیا نِه دُونی: ”قتل نَکُو، زِنا نَکُو، دُوزی نَکُو، شاهادَتی دِرو نِه، حُقَه‌بازی نَکُو، قُرپِ بُوَه وَ داآتِه داشتو.“ 20او پیا دِ جُئُو عیسی گُت: «اُستاد، گِردِ یِنُو نِه دِ جِوُونی وِجا اُوِردِمَه.» 21عیسی گِز بُری وِش، وا محبت وِش گُت: «تو یِه چی کَم داری؛ رُو هَر چی کِه داری بَفِروش وَ پیلِشِه بِه وِ ژاریا کِه دِ آسمُو گنجی داشتوئی. اوسِه بیا وَ مُریدِ مِه بو.» 22پیاکَه دِ ایی قِصَه نااُمید بی، وَ وا ناراحتی دِ اوچِه رَت، سی یَکه مال‌ِمِنالِ زیادی داشت.
23عیسی سِیلی کِرد وِ دُورِوَر، وِ شاگردیاش گُت: «چَنی رَه پیا کِردِه‌نِ دُولَه‌مَن‌یا وِ پاتشائی خدا سخت اَ!» 24شاگردیا دِ قِصَه‌یا عیسی بِلاجیشُو اُوما. اما عیسی گِلِ هَنی وِشُو گُت: «رولَه‌یا، رَه پیا کِردِه وِ پاتشائی خدا چَنی سخت اَ! 25رَد بی‌یِه‌نِ شُتُر دِ سیلا سیزِه آسُوتِر اَ تا رَه پیا کِردِه‌نِ آیِمِ دُولَه‌مَن وِ پاتشائی خدا.» 26شاگردیا کِه خیلی بِلاجیشُو اُومایی، وا یَک می‌گُتِن: «پس کی تُونَه نجات پیا بَکَه؟» 27عیسی گِز بُری وِشُو وَ گُت: «سی آیِم ممکن نی، اما سی خدا چِنی نی؛ سی یَکِه همَه چی سی خدا ممکن اَ.»
28اوسِه پطرس نِئا وِ قِصَه کِردِه وَ گُت: «اِیمدال اِیما همَه چی نِه نِئاییمَه وَ اُوماییمَه دِ دُمِه تُو.» 29عیسی گُت: «وِ راسی وِتُو مُوئِم، کسی نی کِه وِ سُنَه مِه وَ وِ سُنَه انجیل، حُونَه، بِراریا، خُووَریا، داآ، بُوَه یا اُولادیا وَ املاکِ خُوشِه وِل کِردوئَه 30وَ دِ مینِ ایی دُورَه صد بِرُووَر بیشتِر حُونَه‌یا، بِراریا، خُووَریا، داآیا، اُولادیا وَ املاک، وَ واردِشُو آزار وُ عَذُو وِ دَس نیارَه وَ دِ مینِ دورَه آیندَه هَم حیاتِ ابدی نِصیوِش نوئَه. 31اما خیلی‌یا کِه اول هیسِن آخِر موئَن، وَ آخِریا اول!»
عیسی سی گِلِ سِئِم مُردِه وَ زِنَه بی‌یِه‌نِ خُوشِه پیشگوئی می‌کَه
32وِنُو دِ رَه اورشلیم بییِن وَ عیسی دِ نِهاشُو رَه می‌رَت. مِلاق دِ گُپِ شاگردیا بُرِسی وَ وِنُو کِه دِ دِما سَرِشُو می‌اُومان، هِراسُو بییِن. عیسی گِلی هَنی او دُوازَه نفرِ نِه بُرد والائی وَ اوچیئی کِه بایِس وِ سَرِش بیا، سیشُو گُت. 33گُت: «ایمدال مِی‌ریم وِ اورشلیم. دِ اوچِه کُرِ انسانِه وِ سَرُونِ کاهِن‌یا وَ معلم‌یا تورات تسلیم می‌کَن. وِنُو او نِه محکومِش می‌کَن وِ مرگ وَ مِی‌ئَنِش وِ دَسِ غیرِیهودیُو. 34وِنُو لُغُز وِش مُونَن، وِش تُفکَه مُونَن وَ شَلاقِش می‌زنَن، وَ مِی‌کُشَنِش. دِما سه رو زِنَه موئَه.»
درخواسِ یعقوب وَ یوحنا
35یعقوب وَ یوحنا کُریا زِبِدی اُومان وِ تِه‌ش وَ گُتِن: «اُستاد، تَمَنا داریم اوچیئی کِه دِت می‌حایم، سیمُو بَکی!» 36عیسی وِشُو گُت: «می‌حایت چی سیتُو بَکِم؟» 37گُتِن: «لطفی بَکُو وِمُو کِه دِ جِلالِ تو، یَکی دِمُو وِ لا راس وَ یَکی هَنی دِمُو وِ لا چپِ تو بَنشینیم.» 38عیسی وِشُو گُت: «شِما نُئُونیت چی می‌حایت. یعنی تُونیت دِ پیالِه‌ای کِه مِه وِرمیراشنِم، وِراشِنیت وَ تعمیدی کِه مِه مِئی‌رِم، بِئیریت؟» 39گُتِن: «بله، تُونیم.» عیسی گُت: «اَلوَت کِه دِ پیالِه‌ای کِه مِه وِرمیراشنِم، وِرمی‌راشنیت وَ تعمیدی کِه مِه مِئی‌رِم، مِئی‌ریت. 40اما دُونِسوئیت کِه نشِسِه وِ لا راس وَ چپِ مِه، دِ اختیارِ مِه نی تا وَه نِه وِ کَسی عطا بَکِم. ایی جایگا هینِ کَسُونی اَ کِه سیشُو آمادَه بی‌یَه.»
41هِه کِه دَه شاگردِ هَنی یَه نِه اِشنَفتِن دِ دَسِ یعقوب وَ یوحنا تَش گِرِتِن. 42عیسی وِنُو نِه هِنا کِرد وَ گُت: «شِما دُونیت وِنُو کِه حاکم‌یا باقی قُوم‌یا وِ شِمار میان وِشُو سَروَری می‌کَن وَ گپُونِشُو وِشُو فِرمُو مِی‌ئَن. 43اما دِ مینِ شِما چِنی نوئَه. هَر کَه می‌حا دِ مینِ شِما گَپ با، بایِس پاکارِ شِما با. 44وَ هَر کَه می‌حا دِ مینِ شِما اول با، بایِس غُلِمِ همَه با. 45چِنُوکِه کُرِ انسان هَم نیُومایَه تا خدمتِش بَکَن، بلکِم اُومایَه تا خدمت بَکَه وَ جُونِشِه سی خی‌باها دِ رَه خیلی‌یا بِئَه.»
شفا بارتیمائوسِ کور
46اوسِه اُومان وِ اَریحا. وَ هِه کِه عیسی واردِ شاگردیاش وَ جِمجِماقی دِ مردِم دِ اَریحا می‌کِردِن وِ دَر، گدا کوری وِ نُومِ بارتیمائوس، کُرِ تیمائوس، نِشِسی دِ رُونَه جَدَه. 47هِه کِه اِشنَفت کِه عیسی ناصری اَ، قارَن کِه: «عیسی، کُرِ داوودِ پاتشا، رَحمِت بیا وِم!» 48خیلی دِ مردِم او نِه مِنا کِردِن کِه کِش نَکُو، اما او بیشتِر می‌قارَن: «کُرِ داوودِ پاتشا، رَحمِت بیا وِم!» 49عیسی اِیسا وَ گُت: «وَه نِه هِنا بَکیت.» پس او پیا کورِ نِه هِنا کِردِن، وَ وِش گُتِن: «دِلِت قُرص با! وِری کِه ها هِنات می‌کَه.» 50او آزِعی سِتِرَه‌شِه وَن والائی، دِ جاش هیز گِرِت وَ اُوما وِ تِه عیسی. 51عیسی دِش پُرسی: «می‌حای چی سیت بَکِم؟» جُئُو دَه: «اُستاد، می‌حام چَش‌یام بِئینَه.» 52عیسی وِش گُـت: «رُو کِه ایمِونِت تو نِه شفا دِئَه.» او پیا، دَر جا چَش‌یاش واز بی وَ دِ دُمِ عیسی اُفتا وِ رَه.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company