انجیلِ مَرقُس 7
7
چِه چیئی آیِمِ نِه نجس می‌کَه
1ایمدال، هِه‌‌کِه علما فِرقَه فَریسی واردِ قَری د معلم‌یا تورات کِه دِ اورشلیم اُومایینی، جمع بییِن وِ تِه عیسی، 2دیئِن قَری دِ شاگردیا عیسی وا دَس‌یا نِجِس، یعنی نَشُشتَه، نُو مُوحُورَن. 3سی یَکه فَریسی‌یا وَ گِردِ یهودیُو، وِ مُریدی دِ مشایخ، وِ طبقِ آیین‌دایینِ تطهیر تا دَس‌یاشُو نِه نَشورَن، خوراک نِمُوحُورَن. 4هِه کِه دِ بازار میان، تا خُوشُو نِه خو شِفتِشور نَکَن چیئی نِمُوحُورَن. وَ خیلی دِ آیین‌دایینِ هَنی نِه هَم وِجا میارَن، چی شُشتِه‌نِ پیالَه‌یا، پاتیل‌یا، ظرف‌یا مِسی وَ میز وُ صَندلی‌یا. 5پس فَریسی‌یا وَ معلم‌یا تورات دِ عیسی پُرسیئِن: «سی چی شاگردیا تو وِ رَسمِ مشایخ رفتار نِمی‌کَن، وَ وا دَس‌یا نِجِس نُو مُوحُورَن؟» 6عیسی وِشُو جُئُو دَه: «اِشعَیا نبی دِبارَه شِما ریاکاریا چَنی خو گُتَه! چِنُو کِه نیسَنَه بی‌یَه،
«”ایی قُوم وا لُویاشُو قُرپِمِه دارَن،
اما دِلِشُو دِ مِه دیر اَ.
7وِنُو بیخُودی مِه نِه عبادت می‌کَن،
وَ تَعلیمِشُو چیئی بِغیرِ احکامِ بشری نی.“
8شِما هُدیا خدا نِه نِئاییتَه وا لائی وَ آیین‌دایینِ بشری نِه وِجا میاریت.»
9اوسِه وِشُو گُت: «شِما وا زِرِنگی هُدِ خدا نِه می‌نیت وا لائی تا آیین‌دایینِ خُوتُو نِه پایار بَکیت! 10سی یَکِه موسی گُت، ”قُرپ وَ عزتِ بُوَه وُ داآ خُوتِه نِئَه‌دار،“ وَ هَم ”هَر کَه وِ بُوَه یا داآ خُوش گَن‌ِفاش بَکَه، اَلوَت بایِس بَکُشیئَه.“ 11اما شِما مُوئیت آیِم تُونَه وِ بُوَه یا داآش بُوئَه: ”هَر چیئی کِه قِرار اَ دِ مِه وِ شِما بَرَسَه، وَخم اَ، یعنی وِ خدا دِئَه بی‌یَه“ 12اوسِه دَ نِمِئیلیت هیچ کاری سی بُوَه یا داآش بَکَه. 13شِما هِه چِنی وا آیین‌دایینِ خُوتُو، کِه وِنُو نِه وِ باقی هَم یای مِئیت، کلُومِ خدا نِه باطل می‌کیت وَ دِ ایی جور کاریا زیاد می‌کیت.»
14عیسی گِلی هَنی او جِماعتِ نِه هِنا کِرد وِ تِه خُوش وَ گُت: «گِردِتُو وِ مِه گوش بِئیت وَ یَه نِه بَفَمیت: 15هیچ چیئی وِ دَر دِ آیِم نی کِه بَتُونَه وا رَتِه وِ مینِ او، او نِه نِجِس بَکَه، بَلکِم او چیائی کِه دِ مینِ آیِم میا وِ دَر، وِنَه‌آ کِه آیِمِه نِجِس می‌کَه. 16[هَر کَه گوشِ شِنَوا دارَه، بَشنُوئَه!]»
17دِما یَکِه عیسی دِ مردِم سَوا بی وَ رَت وِ حُونَه، شاگردیاش معنی مَثَلِ نِه دِش پُرسیِئِن. 18عیسی وِشُو گُت: «پس شِما هَم نِمی‌فَمیت؟ مَه نُئُونیت کِه او چیئی کِه مُوحُوریت نَتُونَه آیِمِ نِه نِجِس بَکَه 19سی یَکه خوراک وا قلب وُ جُونِتُو کاری نارَه، بلکِم مِی‌رَه وِ مینِ گیَه وَ اوسِه دَفع موئَه.» هِه وِ چِنی عیسی وا ایی قِصَه، گِردِ خوراک‌یا نِه پاک اِعلُوم کِرد. 20او دِ دِماش گُت: «او چیئی کِه دِ دِل وِرمِی‌سَه، وِنَه‌آ کِه، آیِمِه نِجِس می‌کَه. 21سی یَکِه یِنُونَه او چیئی کِه دِ وجودِش، دِ دِلِ آیِم وِرمِی‌سَه: فکریا گَن، بی‌عفتی، دُوزی، قتل، زِنا، 22طمع، شِرارَت، حُقَه، هَرزِه‌ئی، حَسیدی، بُختُوم، غورتی وَ حماقت. 23گِردِ ایی گَنی‌یا دِ دِلِ آیِم می‌کَه وِ دَر وَ او نِه نِجِس می‌کَه.»
ایمُونِ زِئنِه‌ای کِه یهودی نِوی
24عیسی او چِه نِه نِئا وَ رَت وِ منطقَه صُور وُ صِیدون. رَت وِ حُونِه‌ای؛ اما نِمی‌حاس کَس واخَوَر با. وا ایی حال نَتُونِس خُوشِه قائِم بَکَه. 25زِئنِه‌ای کِه دختِرِ کُچکَه‌ش روحِ گَن داشت، هِه کِه اِشنَفت او ها اوچِه، جَلدی اُوما اُفتا وِ پایاش. 26او زَ کِه یهودی نِوی وَ دِ مردِمُونِ فینیقیَه سوریَه بی، لالکِس وِ عیسی دیوِ نِه دِ دختِرِش بَکَه وِ دَر. 27عیسی وِش گُت: «بِئیل اول بَچُو سیر بان، سی یَکِه رَوا نی کِه نُونِ بَچُو نِه بِئیری وَ بُنیش وِ تِه سِی‌یا.» 28اما زَ جُئُو دَه: «اَ، آقا، وا ایی حال حتی سِی‌یا هَم دِ پا سِفرَه دِ حیردَه نُونیا بَچُو مُوحُورَن.» 29عیسی وِش گُت: «وِ سُنَه ایی قِصَه‌ت، رُو کِه دیو دِ دختِرِت کِرد وِ دَر!» 30او زَ هِه کِه رَسِس وِ حُونَه، دی کِه دُختِرِش دِراز کِردَه‌آ دِ رَختِخُو وَ دیو دِش کِردَه وِ دَر.
عیسی یِه پیا کَرِ نِه شفا مِی‌ئَه
31عیسی دِ منطقَه صور وِرگَشت وَ دِ رَه صِیدون رَت والا دریاچَه جلیل، دِ مینِ منطقَه دِکاپولیس رَد مِئی. 32دِ اوچِه پیائی نِه اُوِردِن وِ تِه‌ش کِه هَم کَر بی وَ هَم بِروال بی. لالکِسِن وِ عیسی تا دَسِشِه بَنِیئَه وِ ری او. 33عیسی او پیا نِه دِ مینِ جِماعت اُوِرد وِ دَر، بُرد وِ لائی وَ کِلِک‌یاشِه نِئا دِ گوش‌یا او پیا. اوسِه تُفکَه وَن زِوُونِ او پیا نِه لمس کِرد. 34اوسِه گِز بُری وِ آسمُو، هِناسِه‌ای کَشی وَ گُت: «اِفاتاح!» - یعنی «بَگُش!» 35گوش‌یا او پیا گُشِس وَ بِری زِوُونِش آزا بی وَ تُونِس وِ راحتی قِصَه بَکَه. 36عیسی وِنُو نِه مِنا کِرد کِه ایی جریانِه وِ کَس نُوئَن. اما هَر چی بیشتِر مِناشُو می‌کِرد، بیشتِر چُوِ ایی جَریانِه می‌وَنِن. 37مردِم خیلی بِلاجیشُو مِی‌ما وَ می‌گُتِن: «هَر چی او کِردَه، خو اَ؛ کاری کِردَه حتی کَریا مِی‌شنُوئَن وَ لال‌یا قِصَه‌می‌کَن!»
Actualmente seleccionado:
انجیلِ مَرقُس 7: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَرقُس 7
7
چِه چیئی آیِمِ نِه نجس می‌کَه
1ایمدال، هِه‌‌کِه علما فِرقَه فَریسی واردِ قَری د معلم‌یا تورات کِه دِ اورشلیم اُومایینی، جمع بییِن وِ تِه عیسی، 2دیئِن قَری دِ شاگردیا عیسی وا دَس‌یا نِجِس، یعنی نَشُشتَه، نُو مُوحُورَن. 3سی یَکه فَریسی‌یا وَ گِردِ یهودیُو، وِ مُریدی دِ مشایخ، وِ طبقِ آیین‌دایینِ تطهیر تا دَس‌یاشُو نِه نَشورَن، خوراک نِمُوحُورَن. 4هِه کِه دِ بازار میان، تا خُوشُو نِه خو شِفتِشور نَکَن چیئی نِمُوحُورَن. وَ خیلی دِ آیین‌دایینِ هَنی نِه هَم وِجا میارَن، چی شُشتِه‌نِ پیالَه‌یا، پاتیل‌یا، ظرف‌یا مِسی وَ میز وُ صَندلی‌یا. 5پس فَریسی‌یا وَ معلم‌یا تورات دِ عیسی پُرسیئِن: «سی چی شاگردیا تو وِ رَسمِ مشایخ رفتار نِمی‌کَن، وَ وا دَس‌یا نِجِس نُو مُوحُورَن؟» 6عیسی وِشُو جُئُو دَه: «اِشعَیا نبی دِبارَه شِما ریاکاریا چَنی خو گُتَه! چِنُو کِه نیسَنَه بی‌یَه،
«”ایی قُوم وا لُویاشُو قُرپِمِه دارَن،
اما دِلِشُو دِ مِه دیر اَ.
7وِنُو بیخُودی مِه نِه عبادت می‌کَن،
وَ تَعلیمِشُو چیئی بِغیرِ احکامِ بشری نی.“
8شِما هُدیا خدا نِه نِئاییتَه وا لائی وَ آیین‌دایینِ بشری نِه وِجا میاریت.»
9اوسِه وِشُو گُت: «شِما وا زِرِنگی هُدِ خدا نِه می‌نیت وا لائی تا آیین‌دایینِ خُوتُو نِه پایار بَکیت! 10سی یَکِه موسی گُت، ”قُرپ وَ عزتِ بُوَه وُ داآ خُوتِه نِئَه‌دار،“ وَ هَم ”هَر کَه وِ بُوَه یا داآ خُوش گَن‌ِفاش بَکَه، اَلوَت بایِس بَکُشیئَه.“ 11اما شِما مُوئیت آیِم تُونَه وِ بُوَه یا داآش بُوئَه: ”هَر چیئی کِه قِرار اَ دِ مِه وِ شِما بَرَسَه، وَخم اَ، یعنی وِ خدا دِئَه بی‌یَه“ 12اوسِه دَ نِمِئیلیت هیچ کاری سی بُوَه یا داآش بَکَه. 13شِما هِه چِنی وا آیین‌دایینِ خُوتُو، کِه وِنُو نِه وِ باقی هَم یای مِئیت، کلُومِ خدا نِه باطل می‌کیت وَ دِ ایی جور کاریا زیاد می‌کیت.»
14عیسی گِلی هَنی او جِماعتِ نِه هِنا کِرد وِ تِه خُوش وَ گُت: «گِردِتُو وِ مِه گوش بِئیت وَ یَه نِه بَفَمیت: 15هیچ چیئی وِ دَر دِ آیِم نی کِه بَتُونَه وا رَتِه وِ مینِ او، او نِه نِجِس بَکَه، بَلکِم او چیائی کِه دِ مینِ آیِم میا وِ دَر، وِنَه‌آ کِه آیِمِه نِجِس می‌کَه. 16[هَر کَه گوشِ شِنَوا دارَه، بَشنُوئَه!]»
17دِما یَکِه عیسی دِ مردِم سَوا بی وَ رَت وِ حُونَه، شاگردیاش معنی مَثَلِ نِه دِش پُرسیِئِن. 18عیسی وِشُو گُت: «پس شِما هَم نِمی‌فَمیت؟ مَه نُئُونیت کِه او چیئی کِه مُوحُوریت نَتُونَه آیِمِ نِه نِجِس بَکَه 19سی یَکه خوراک وا قلب وُ جُونِتُو کاری نارَه، بلکِم مِی‌رَه وِ مینِ گیَه وَ اوسِه دَفع موئَه.» هِه وِ چِنی عیسی وا ایی قِصَه، گِردِ خوراک‌یا نِه پاک اِعلُوم کِرد. 20او دِ دِماش گُت: «او چیئی کِه دِ دِل وِرمِی‌سَه، وِنَه‌آ کِه، آیِمِه نِجِس می‌کَه. 21سی یَکِه یِنُونَه او چیئی کِه دِ وجودِش، دِ دِلِ آیِم وِرمِی‌سَه: فکریا گَن، بی‌عفتی، دُوزی، قتل، زِنا، 22طمع، شِرارَت، حُقَه، هَرزِه‌ئی، حَسیدی، بُختُوم، غورتی وَ حماقت. 23گِردِ ایی گَنی‌یا دِ دِلِ آیِم می‌کَه وِ دَر وَ او نِه نِجِس می‌کَه.»
ایمُونِ زِئنِه‌ای کِه یهودی نِوی
24عیسی او چِه نِه نِئا وَ رَت وِ منطقَه صُور وُ صِیدون. رَت وِ حُونِه‌ای؛ اما نِمی‌حاس کَس واخَوَر با. وا ایی حال نَتُونِس خُوشِه قائِم بَکَه. 25زِئنِه‌ای کِه دختِرِ کُچکَه‌ش روحِ گَن داشت، هِه کِه اِشنَفت او ها اوچِه، جَلدی اُوما اُفتا وِ پایاش. 26او زَ کِه یهودی نِوی وَ دِ مردِمُونِ فینیقیَه سوریَه بی، لالکِس وِ عیسی دیوِ نِه دِ دختِرِش بَکَه وِ دَر. 27عیسی وِش گُت: «بِئیل اول بَچُو سیر بان، سی یَکِه رَوا نی کِه نُونِ بَچُو نِه بِئیری وَ بُنیش وِ تِه سِی‌یا.» 28اما زَ جُئُو دَه: «اَ، آقا، وا ایی حال حتی سِی‌یا هَم دِ پا سِفرَه دِ حیردَه نُونیا بَچُو مُوحُورَن.» 29عیسی وِش گُت: «وِ سُنَه ایی قِصَه‌ت، رُو کِه دیو دِ دختِرِت کِرد وِ دَر!» 30او زَ هِه کِه رَسِس وِ حُونَه، دی کِه دُختِرِش دِراز کِردَه‌آ دِ رَختِخُو وَ دیو دِش کِردَه وِ دَر.
عیسی یِه پیا کَرِ نِه شفا مِی‌ئَه
31عیسی دِ منطقَه صور وِرگَشت وَ دِ رَه صِیدون رَت والا دریاچَه جلیل، دِ مینِ منطقَه دِکاپولیس رَد مِئی. 32دِ اوچِه پیائی نِه اُوِردِن وِ تِه‌ش کِه هَم کَر بی وَ هَم بِروال بی. لالکِسِن وِ عیسی تا دَسِشِه بَنِیئَه وِ ری او. 33عیسی او پیا نِه دِ مینِ جِماعت اُوِرد وِ دَر، بُرد وِ لائی وَ کِلِک‌یاشِه نِئا دِ گوش‌یا او پیا. اوسِه تُفکَه وَن زِوُونِ او پیا نِه لمس کِرد. 34اوسِه گِز بُری وِ آسمُو، هِناسِه‌ای کَشی وَ گُت: «اِفاتاح!» - یعنی «بَگُش!» 35گوش‌یا او پیا گُشِس وَ بِری زِوُونِش آزا بی وَ تُونِس وِ راحتی قِصَه بَکَه. 36عیسی وِنُو نِه مِنا کِرد کِه ایی جریانِه وِ کَس نُوئَن. اما هَر چی بیشتِر مِناشُو می‌کِرد، بیشتِر چُوِ ایی جَریانِه می‌وَنِن. 37مردِم خیلی بِلاجیشُو مِی‌ما وَ می‌گُتِن: «هَر چی او کِردَه، خو اَ؛ کاری کِردَه حتی کَریا مِی‌شنُوئَن وَ لال‌یا قِصَه‌می‌کَن!»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company