انجیلِ مَرقُس 3
3
شفا پیائی کِه دَسِش حُشک بیئی
1عیسی گِلی هَنی رَت وِ کنیسَه. دِ اوچِه پیائی بی که یِه دَسِش حُشک بیئی. 2وِنُو عیسی نِه دِ زیرِ نَظَر داشتِن که بِئینَن دِ روزِ شَبات او پیا نِه شفا مِی‌ئَه تا دَس‌پیچَکی سی محکوم کِردِه‌نِش پیا بَکَن. 3عیسی وِ پیائی کِه دَسِش حُشک بیئی گُت: «بیا ویچِه.» 4اوسِه دِشُو پُرسی: «دِ مینِ روز شَبات خوئی‌کِردِه رَوا اَ، یا گَنی کِردِه؟ جُونِ یکی نِه نجات دِئِه یا کُشتِه؟» اما وِنُو هیچ کِش نَکِردِن. 5عیسی، وا چَش‌پیلَه، گِز بُری وِ وِنُو کِه دِ دُورِش بییِن وَ غَم‌دِبار دِ بی‌رَحمیشُو، وِ او پیا گُت: «دَسِتِه دِراز کُو.» او دَسِشِه دِراز کِرد وَ هِه جورِ اولش دَسِش آزا بی. 6اوسِه آزِعی فَریسی‌یا کِردِن وِ دَر وَ وا هَواداریا هیرودیس نَشخَه کَشیئِن کِه چطور عیسی نِه دِ مینَه وِردارَن.
جِمجِماقی دِ دُمِ عیسی بییِن
7عیسی واردِ شاگردیاش رَت والا دریا. بُری هَم دِ مردِمُونِ جَلیل دِ دُمِش اُفتان وِ رَه. 8وَ هَم، بُری‌وُشُری دِ مردِمُونِ یهودیَه وَ اورشلیم وُ اَدومیَه وُ هورَه اولانِ گِلالِ اُردُن وَ دُورِ وَرِ صور وُ صیدون، هِه کِه خَوَرِ گِردِ کاریا عیسی نه اِشنَفتِن، اُومان وِ تِه‌ش. 9دِ زورِ جمعیت، عیسی وِ شاگردیاش گُت قایقی سیش آمادَه بَکَن، تا مردِم وِش زور نیارَن. 10سی یَکه دوچِه کِه بُری نِه شفا دِئی، درددِباریا وِش رِمال می‌اُوِردِن تا دَسِشُو نِه بَنیئَن وِ قِی‌ش. 11هِه‌یَکِه روح‌یا گَن او نِه مِئی‌یِن، دِ بِرُووَرِش مِی‌فتان وِ خاک وَ می‌قارَنِن: «تو کُرِ خدائی!» 12اما او سخت مِناشُو می‌کِرد وِ کَسی نُوئَن کِه او کیَه.
جِگا کِردِه‌نِ دُوازَه رسول
13عیسی دِ بِناری کُوئی رَت بالا وَ وِنُونی نِه که وَرِ نَظَرِش بییِن، هِناشُو کِرد وَ وِنُو اُومان وِ تِه‌ش. 14او دُوازَه نفرِ نِه جِگا کِرد وَ وِنُو نِه رسول حَن، تا واردِش بان وَ رِشُو بَکَه سی موعظَه کِردِه، 15وَ ایی اقتدارِ نِه داشتوئَن کِه دیویا نِه بَکَن وِ دَر. 16او دُوازَه نفری کِه جِگا کِرد یِنُو بییِن: شَمعون هِه وَه کِه نُومِشِه نِئا پِطرُس؛ 17یعقوب کُرِ زِبِدی وَ بِرارِش یوحنا یعنی هِه وِنُو کِه نُومِشُو نِه نِئا «بوآنِرجِس»، یعنی «کُریا تَش‌بِریق»؛ 18آندریاس، فیلیپُس، بَرتولْما، مَتی، توما، یعقوب کُرِ حَلفای، تَدای، شَمعونِ غیور، 19وَ یهودا اَسخَریوطی کِه عیسی نِه تسلیمِ دُشمِه کِرد.
20یِه رو هَنی، عیسی رَت وِ حُونَه وَ دُوارَه بُری جمع بییِن، چِنُو کِه او وَ شاگردیاش حتی گِی نُوحَردِه نائاشتِن. 21هِه کِه کَسِ‌کارِ عیسی یَه نِه اِشنَفتِن، اُفتان وِ رَه تا او نِه وِردارَن وا خُوشُو بُورَن، سی یَکه می‌گُتِن: «یَه وِ سَرِ خُوش نی.»
کِفِر وِ روح‌القدس
22معلم‌یا تورات هَم که دِ اورشلیم اُومایینی می‌گُتِن: «یَه بَعَلزَبول کِه رِئیسِ دیویا اَ او نِه گِرِتَه، وَ دیویا نِه وِ کمکِ وَه می‌کَه وِ دَر.» 23پس عیسی هِناشُو کِرد وَ مَثَل‌یائی سیشُو اُوِرد وَ گُت: «چطور موئَه شِیطُو، شیطُو نِه بَکَه وِ دَر؟ 24اَر مملکتی وِ تیشکِ خُوش تَرفِه‌تین با، نَتُونَه پایار بَمُونَه. 25وَ هَم اَر حُونِه‌ای وِ تیشکِ خُوش تَرفِه‌تین با، او حُونَه پایار نِمی‌مُونَه. 26شِیطُو هَم اَر وِ تیشکِ خُوش وِریسَه وَ تَرفِه‌تین با، نَتُونَه دَوام بیارَه، بلکِم دَ رَسِسَه وِ آخِرِش. 27راسیکَه‌ش، هیشکَه نَتُونَه رُوئَه وِ مینِ حُونَه پیا زورداری وَ مالِ‌مِنالِشِه غارت بَکَه، مَر یَکِه اول او پیا زوردارِ نِه بَوَنَه. دِما وَه تُونَه حُونَه‌شِه غارت بَکَه.
28«وِ راسی وِ شِما مُوئِم کِه گِردِ گُنَه‌یا بَنی‌بَشَر وَ هَر کِفری کِه بَکیت آمُرزیَه موئَه؛ 29اما هَر کَه وِ روح‌القدس کِفِر بَکَه، هرگز آمُرزیَه نِموئَه، بلکِم خطاکار وِ یِه گُنَه ابدی اَ.» 30ایی قِصَه عیسی وِ سُنَه وَه بی، کِه می‌گُتِن: «روحِ گَن دارَه.»
داآ و بِرارُونِ عیسی
31اوسِه داآ وَ بِرارُونِ عیسی اُومان، اِیسان وِ دَر، یَکی نِه رِ کِردِن تا عیسی نِه هِنا بَکَه. 32جِماعتی کِه نِشِسینی وِ دُورِ عیسی، وِش گُتِن: «داآ وَ بِرارُونِت اِیسانَه وِ دَر، ها مِنیت می‌کَن.» 33عیسی جُئُو دَه: «داآ وَ بِرارُونِم کی اَن؟» 34اوسِه وِ وِنُو کِه نِشِسینی وِ دُورِش، سِیلی کِرد وَ گُت: «یِنُونَن داآ وَ بِرارُونِم! 35سی یَکِه هَر کَه اِرادَه خدا نِه وِجا بیارَه، بِرار وَ خُووَر وَ داآ مِنَه.»
Actualmente seleccionado:
انجیلِ مَرقُس 3: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَرقُس 3
3
شفا پیائی کِه دَسِش حُشک بیئی
1عیسی گِلی هَنی رَت وِ کنیسَه. دِ اوچِه پیائی بی که یِه دَسِش حُشک بیئی. 2وِنُو عیسی نِه دِ زیرِ نَظَر داشتِن که بِئینَن دِ روزِ شَبات او پیا نِه شفا مِی‌ئَه تا دَس‌پیچَکی سی محکوم کِردِه‌نِش پیا بَکَن. 3عیسی وِ پیائی کِه دَسِش حُشک بیئی گُت: «بیا ویچِه.» 4اوسِه دِشُو پُرسی: «دِ مینِ روز شَبات خوئی‌کِردِه رَوا اَ، یا گَنی کِردِه؟ جُونِ یکی نِه نجات دِئِه یا کُشتِه؟» اما وِنُو هیچ کِش نَکِردِن. 5عیسی، وا چَش‌پیلَه، گِز بُری وِ وِنُو کِه دِ دُورِش بییِن وَ غَم‌دِبار دِ بی‌رَحمیشُو، وِ او پیا گُت: «دَسِتِه دِراز کُو.» او دَسِشِه دِراز کِرد وَ هِه جورِ اولش دَسِش آزا بی. 6اوسِه آزِعی فَریسی‌یا کِردِن وِ دَر وَ وا هَواداریا هیرودیس نَشخَه کَشیئِن کِه چطور عیسی نِه دِ مینَه وِردارَن.
جِمجِماقی دِ دُمِ عیسی بییِن
7عیسی واردِ شاگردیاش رَت والا دریا. بُری هَم دِ مردِمُونِ جَلیل دِ دُمِش اُفتان وِ رَه. 8وَ هَم، بُری‌وُشُری دِ مردِمُونِ یهودیَه وَ اورشلیم وُ اَدومیَه وُ هورَه اولانِ گِلالِ اُردُن وَ دُورِ وَرِ صور وُ صیدون، هِه کِه خَوَرِ گِردِ کاریا عیسی نه اِشنَفتِن، اُومان وِ تِه‌ش. 9دِ زورِ جمعیت، عیسی وِ شاگردیاش گُت قایقی سیش آمادَه بَکَن، تا مردِم وِش زور نیارَن. 10سی یَکه دوچِه کِه بُری نِه شفا دِئی، درددِباریا وِش رِمال می‌اُوِردِن تا دَسِشُو نِه بَنیئَن وِ قِی‌ش. 11هِه‌یَکِه روح‌یا گَن او نِه مِئی‌یِن، دِ بِرُووَرِش مِی‌فتان وِ خاک وَ می‌قارَنِن: «تو کُرِ خدائی!» 12اما او سخت مِناشُو می‌کِرد وِ کَسی نُوئَن کِه او کیَه.
جِگا کِردِه‌نِ دُوازَه رسول
13عیسی دِ بِناری کُوئی رَت بالا وَ وِنُونی نِه که وَرِ نَظَرِش بییِن، هِناشُو کِرد وَ وِنُو اُومان وِ تِه‌ش. 14او دُوازَه نفرِ نِه جِگا کِرد وَ وِنُو نِه رسول حَن، تا واردِش بان وَ رِشُو بَکَه سی موعظَه کِردِه، 15وَ ایی اقتدارِ نِه داشتوئَن کِه دیویا نِه بَکَن وِ دَر. 16او دُوازَه نفری کِه جِگا کِرد یِنُو بییِن: شَمعون هِه وَه کِه نُومِشِه نِئا پِطرُس؛ 17یعقوب کُرِ زِبِدی وَ بِرارِش یوحنا یعنی هِه وِنُو کِه نُومِشُو نِه نِئا «بوآنِرجِس»، یعنی «کُریا تَش‌بِریق»؛ 18آندریاس، فیلیپُس، بَرتولْما، مَتی، توما، یعقوب کُرِ حَلفای، تَدای، شَمعونِ غیور، 19وَ یهودا اَسخَریوطی کِه عیسی نِه تسلیمِ دُشمِه کِرد.
20یِه رو هَنی، عیسی رَت وِ حُونَه وَ دُوارَه بُری جمع بییِن، چِنُو کِه او وَ شاگردیاش حتی گِی نُوحَردِه نائاشتِن. 21هِه کِه کَسِ‌کارِ عیسی یَه نِه اِشنَفتِن، اُفتان وِ رَه تا او نِه وِردارَن وا خُوشُو بُورَن، سی یَکه می‌گُتِن: «یَه وِ سَرِ خُوش نی.»
کِفِر وِ روح‌القدس
22معلم‌یا تورات هَم که دِ اورشلیم اُومایینی می‌گُتِن: «یَه بَعَلزَبول کِه رِئیسِ دیویا اَ او نِه گِرِتَه، وَ دیویا نِه وِ کمکِ وَه می‌کَه وِ دَر.» 23پس عیسی هِناشُو کِرد وَ مَثَل‌یائی سیشُو اُوِرد وَ گُت: «چطور موئَه شِیطُو، شیطُو نِه بَکَه وِ دَر؟ 24اَر مملکتی وِ تیشکِ خُوش تَرفِه‌تین با، نَتُونَه پایار بَمُونَه. 25وَ هَم اَر حُونِه‌ای وِ تیشکِ خُوش تَرفِه‌تین با، او حُونَه پایار نِمی‌مُونَه. 26شِیطُو هَم اَر وِ تیشکِ خُوش وِریسَه وَ تَرفِه‌تین با، نَتُونَه دَوام بیارَه، بلکِم دَ رَسِسَه وِ آخِرِش. 27راسیکَه‌ش، هیشکَه نَتُونَه رُوئَه وِ مینِ حُونَه پیا زورداری وَ مالِ‌مِنالِشِه غارت بَکَه، مَر یَکِه اول او پیا زوردارِ نِه بَوَنَه. دِما وَه تُونَه حُونَه‌شِه غارت بَکَه.
28«وِ راسی وِ شِما مُوئِم کِه گِردِ گُنَه‌یا بَنی‌بَشَر وَ هَر کِفری کِه بَکیت آمُرزیَه موئَه؛ 29اما هَر کَه وِ روح‌القدس کِفِر بَکَه، هرگز آمُرزیَه نِموئَه، بلکِم خطاکار وِ یِه گُنَه ابدی اَ.» 30ایی قِصَه عیسی وِ سُنَه وَه بی، کِه می‌گُتِن: «روحِ گَن دارَه.»
داآ و بِرارُونِ عیسی
31اوسِه داآ وَ بِرارُونِ عیسی اُومان، اِیسان وِ دَر، یَکی نِه رِ کِردِن تا عیسی نِه هِنا بَکَه. 32جِماعتی کِه نِشِسینی وِ دُورِ عیسی، وِش گُتِن: «داآ وَ بِرارُونِت اِیسانَه وِ دَر، ها مِنیت می‌کَن.» 33عیسی جُئُو دَه: «داآ وَ بِرارُونِم کی اَن؟» 34اوسِه وِ وِنُو کِه نِشِسینی وِ دُورِش، سِیلی کِرد وَ گُت: «یِنُونَن داآ وَ بِرارُونِم! 35سی یَکِه هَر کَه اِرادَه خدا نِه وِجا بیارَه، بِرار وَ خُووَر وَ داآ مِنَه.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company