انجیلِ مَرقُس 11
11
عیسی شاهُونَه میا وِ مینِ اورشلیم
1هِه کِه رَسِسِن وِ آبادی‌یا بِیت‌فاجی وَ بِیت‌عَنیا کِه دِ نِزیکی اورشلیم دِ پا کُوء زیتُو بی، عیسی دو نفر دِ شاگردیاشِه کِل کِرد، 2وَ وِشُو گُـت: «رِیت، وِ آبادی‌ای کِه ها دِ نِها ریتُو. هِه یَکه رَسِسیت، کُرَه‌خَری نِه بَستِسَه مِئینیت کِه تا ایسِه کَسی سُوارِش نِویَه. وَه نِه واز بَکیت وَ بیاریتِش. 3اَر یکی دِتُو پُرسی: ”سی چی چِنی می‌کیت؟“ بُوئیت: ”خداوند وَه نِه لازم دارَه وَ آزِعی کِلِش می‌کَه وا دِما.“» 4او دو تا کِردِن وِ دَر، دِ کیچِه‌ای کُرَه‌خَرِ نِه جُستِن کِه بَستِسی دِ جِلو دَری. پس وَه نِه واز کِردِن. 5هه دِ او موقَع، قَری دِ وِنُو کِه دوچِه اِیسایینی، پُرسیئِن: «اَ سی کُرَه‌خَرِ نِه واز می‌کیت؟» 6هَر دِکِشُو هِه چِنُو کِه عیسی وِشُو گُتی، جُئُو دَن؛ پس هِشتِن بُورَنِش. 7اوسِه کُرَه‌خرِ نِه اُوِردِن وِ تِه عیسی، سِتِرَه‌یاشُو نِه وَنِن وِ ری وَه، وَ عیسی سُوار بی. 8بُری دِ مردِم هَم سِتِرَه‌یاشُو نِه وِلَه کِردِن وِ سَرِ رَه وَ قَری هَم پَل‌یائی کِه دِ مینِ زِمی‌نیا بُریئنی، وِلَه می‌کِردِن دِ رَه. 9وِنُونی کِه دِ نِها عیسی مِی‌رَتِن وَ وِنُو کِه دِ دِما او می‌اُومان، می‌قارَنِن می‌گُتِن:
«نجات بِه!»
«هورِم اَ وَه کِه وِ نُومِ خداوند می‌آیَه!»
10«هُورِم اَ پاتشائی بُوَه اِیما داوود کِه ها دِ رَه!»
«نجات بِه دِ عرشِ برین!»
11پس عیسی اُوما وِ اورشلیم وَ رَت وِ معبد. دِ اوچِه همَه چی نِه خو سِیل کِرد، اما سی یَکه دیروَخت بی، واردِ او دُوازَه نفر رَت وِ بِیت‌عَنیا.
عیسی دار انجیرِ نِه نُفری می‌کَه
12وا صُوش، هِه کِه دِ بِیت‌عَنیا کِردِن وِ دَر، عیسی گُسنَه‌ش بی. 13دِ دیر دارِ انجیری دی کِه بَلگ داشت؛ پس رَت وِ نِزیک تا بِئینَه تُونَه وِ قِی‌ش میوَه پیا بَکَه. هِه کِه نِزیک بی، غیرِ بَلگ چیئی وِ ریش پیا نَکِرد، سی یَکه هَنی مُوسِمِ انجیر نِوی. 14پس وِ دارِ انجیر گُت: «نَکَه کِه دَ هرگز کَس دِ تو میوَه بُحُورَه!» شاگردیاش یَه نِه اِشنَفتِن.
15هِه کِه رَسِسِن وِ اورشلیم، عیسی رَت وِ مینِ معبد وَ وِنُو کِه دِ اوچِه کسبِ‌کار می‌کِردِن کِردِشُو وِ دَر. او میزیا صراف‌یا وَ بِساطِ کَموتَر فِروش‌یا نِه چُووِرشَه کِرد. 16وَ اِجازَه نَدَه کَس سی جُوواز کِردِه‌نِ جنسی دِ مینِ صحنِ معبد رَد بوئَه. 17اوسِه وِشُو تعلیم دَه وَ گُت: «مَر دِ کِتُوِ انبیا نیسَنَه نِویَه کِه،
«”حُونَه مِه حُونَه دعا سی گِردِ ملت‌یا حَنَه موئَه“
اما شِما وَه نِه کِردیتَه ”لُونَه دُوزیا“.
18سَرُونِ کاهِن‌یا وَ معلم‌یا تورات هِه‌‌کِه یَه نِه اِشنَفتِن، دِ دُمِ رَئی سی کُشتِه‌نِش بییِن، سی یَکه دِش زَلَه‌شُو مِی‌رَت، سی یَه گِردِ مردِم دِ تعلیم‌یا او ماقِشُو بُردی. 19سَرِ اِیوارَه، عیسی وَ شاگردیا دِ شهر کِردِن وِ دَر.
حُشک بی‌یِه‌نِ دارِ انجیر
20شُوصُو، دِ رَه، دارِکَه انجیرِ دیئِن کِه دِ بُن حُشک بیئی. 21پِطرُس اُوما وِ ویرِش وَ وِ عیسی گُت: «اُستاد، سِیل کُو! دارِکَه انجیر کِه نُفری وِش کِردی، حُشک بی‌یَه.» 22عیسی جُئُو دَه: «وِ خدا اِیمُو داشتوئیت. 23وِ راسی وِتُو مُوئِم، اَر یَکی وِ ایی کُوء بُوئَه، ”دِ جا کَنَه با، بِفت وِ دریا،“ وَ شِک نُورَه وِ دِلِش بلکِم ایمُو داشتوئَه کِه او چیئی کِه مُوئَه موئَه، سیش اَنجُوم موئَه. 24پس وِتُو مُوئِم، هَر چیئی کِه دِ دعا باحایت وَ ایمُو داشتوئیت کِه وَه نِه وِ دَس اُوِردیتَه، سیتُو اَنجُوم موئَه.
25«پس هِه کِه مِسیت وِ دعا، اَر دِ یَکی چیئی وِ دِل داریت، او نِه بَوَخشیت تا بُوَه شِما هَم کِه ها دِ آسمُو، تصقیریا شِما نِه بَوَخشَه. 26[اما اَر شِما نَوَخشیت، بُوَه شِما هَم کِه ها دِ آسمُو، تصقیریا شِما نِه نِمی‌وَخشَه]».
سؤال دِبارَه اقتدارِ عیسی
27وِنُو گِلی هَنی اُومان وِ اورشلیم. هِه‌‌کِه عیسی دِ معبد قِدَم می‌زَه، سَرُونِ کاهِن‌یا وَ معلم‌یا تورات وَ مشایخ اُومان وِ تِه‌ش، 28پُرسیئِن: «وِ چِه اقتداری ایی کاریا نِه می‌کی؟ کی اقتدارِ اَنجُومِ ایی کاریا نِه وِتُو دِئَه؟» 29عیسی دِ جُئُوشُو گُت: «مِه هَم می‌حام چیئی دِتُو بپُرسِم. جُئُومِه بِئیت تا مِه هَم وِتُو بُوئِم وا چِه اقتداری ایی کاریا نِه می‌کِم. 30تعمیدِ یحیی دِ لا خدا بی یا دِ لا انسان؟ جُئُو بِئیت.» 31وِنُو دِ مینِ خُوشُو شُور کِردِن، گُتِن: «اَر بُوئیم، ”دِ لا خدا بی“، مُوئَه، ”اَ سی وِش ایمُو نیُووِردیت؟“ 32اَر بُوئیم، ”دِ انسان....“» وِنُو دِ مردِم زِلَه‌شُو مِی‌رَت، سی یَکِه گِردِ مردِم یحیی نِه یِه پِیغَمَر دُونِسِن. 33پس وِ عیسی جُئُو دَن: «نُئُونیم.» عیسی گُت: «مِه هَم وِتُو نِمُوئِم وا چه اقتداری ایی کاریا نِه می‌کِم.»
Actualmente seleccionado:
انجیلِ مَرقُس 11: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَرقُس 11
11
عیسی شاهُونَه میا وِ مینِ اورشلیم
1هِه کِه رَسِسِن وِ آبادی‌یا بِیت‌فاجی وَ بِیت‌عَنیا کِه دِ نِزیکی اورشلیم دِ پا کُوء زیتُو بی، عیسی دو نفر دِ شاگردیاشِه کِل کِرد، 2وَ وِشُو گُـت: «رِیت، وِ آبادی‌ای کِه ها دِ نِها ریتُو. هِه یَکه رَسِسیت، کُرَه‌خَری نِه بَستِسَه مِئینیت کِه تا ایسِه کَسی سُوارِش نِویَه. وَه نِه واز بَکیت وَ بیاریتِش. 3اَر یکی دِتُو پُرسی: ”سی چی چِنی می‌کیت؟“ بُوئیت: ”خداوند وَه نِه لازم دارَه وَ آزِعی کِلِش می‌کَه وا دِما.“» 4او دو تا کِردِن وِ دَر، دِ کیچِه‌ای کُرَه‌خَرِ نِه جُستِن کِه بَستِسی دِ جِلو دَری. پس وَه نِه واز کِردِن. 5هه دِ او موقَع، قَری دِ وِنُو کِه دوچِه اِیسایینی، پُرسیئِن: «اَ سی کُرَه‌خَرِ نِه واز می‌کیت؟» 6هَر دِکِشُو هِه چِنُو کِه عیسی وِشُو گُتی، جُئُو دَن؛ پس هِشتِن بُورَنِش. 7اوسِه کُرَه‌خرِ نِه اُوِردِن وِ تِه عیسی، سِتِرَه‌یاشُو نِه وَنِن وِ ری وَه، وَ عیسی سُوار بی. 8بُری دِ مردِم هَم سِتِرَه‌یاشُو نِه وِلَه کِردِن وِ سَرِ رَه وَ قَری هَم پَل‌یائی کِه دِ مینِ زِمی‌نیا بُریئنی، وِلَه می‌کِردِن دِ رَه. 9وِنُونی کِه دِ نِها عیسی مِی‌رَتِن وَ وِنُو کِه دِ دِما او می‌اُومان، می‌قارَنِن می‌گُتِن:
«نجات بِه!»
«هورِم اَ وَه کِه وِ نُومِ خداوند می‌آیَه!»
10«هُورِم اَ پاتشائی بُوَه اِیما داوود کِه ها دِ رَه!»
«نجات بِه دِ عرشِ برین!»
11پس عیسی اُوما وِ اورشلیم وَ رَت وِ معبد. دِ اوچِه همَه چی نِه خو سِیل کِرد، اما سی یَکه دیروَخت بی، واردِ او دُوازَه نفر رَت وِ بِیت‌عَنیا.
عیسی دار انجیرِ نِه نُفری می‌کَه
12وا صُوش، هِه کِه دِ بِیت‌عَنیا کِردِن وِ دَر، عیسی گُسنَه‌ش بی. 13دِ دیر دارِ انجیری دی کِه بَلگ داشت؛ پس رَت وِ نِزیک تا بِئینَه تُونَه وِ قِی‌ش میوَه پیا بَکَه. هِه کِه نِزیک بی، غیرِ بَلگ چیئی وِ ریش پیا نَکِرد، سی یَکه هَنی مُوسِمِ انجیر نِوی. 14پس وِ دارِ انجیر گُت: «نَکَه کِه دَ هرگز کَس دِ تو میوَه بُحُورَه!» شاگردیاش یَه نِه اِشنَفتِن.
15هِه کِه رَسِسِن وِ اورشلیم، عیسی رَت وِ مینِ معبد وَ وِنُو کِه دِ اوچِه کسبِ‌کار می‌کِردِن کِردِشُو وِ دَر. او میزیا صراف‌یا وَ بِساطِ کَموتَر فِروش‌یا نِه چُووِرشَه کِرد. 16وَ اِجازَه نَدَه کَس سی جُوواز کِردِه‌نِ جنسی دِ مینِ صحنِ معبد رَد بوئَه. 17اوسِه وِشُو تعلیم دَه وَ گُت: «مَر دِ کِتُوِ انبیا نیسَنَه نِویَه کِه،
«”حُونَه مِه حُونَه دعا سی گِردِ ملت‌یا حَنَه موئَه“
اما شِما وَه نِه کِردیتَه ”لُونَه دُوزیا“.
18سَرُونِ کاهِن‌یا وَ معلم‌یا تورات هِه‌‌کِه یَه نِه اِشنَفتِن، دِ دُمِ رَئی سی کُشتِه‌نِش بییِن، سی یَکه دِش زَلَه‌شُو مِی‌رَت، سی یَه گِردِ مردِم دِ تعلیم‌یا او ماقِشُو بُردی. 19سَرِ اِیوارَه، عیسی وَ شاگردیا دِ شهر کِردِن وِ دَر.
حُشک بی‌یِه‌نِ دارِ انجیر
20شُوصُو، دِ رَه، دارِکَه انجیرِ دیئِن کِه دِ بُن حُشک بیئی. 21پِطرُس اُوما وِ ویرِش وَ وِ عیسی گُت: «اُستاد، سِیل کُو! دارِکَه انجیر کِه نُفری وِش کِردی، حُشک بی‌یَه.» 22عیسی جُئُو دَه: «وِ خدا اِیمُو داشتوئیت. 23وِ راسی وِتُو مُوئِم، اَر یَکی وِ ایی کُوء بُوئَه، ”دِ جا کَنَه با، بِفت وِ دریا،“ وَ شِک نُورَه وِ دِلِش بلکِم ایمُو داشتوئَه کِه او چیئی کِه مُوئَه موئَه، سیش اَنجُوم موئَه. 24پس وِتُو مُوئِم، هَر چیئی کِه دِ دعا باحایت وَ ایمُو داشتوئیت کِه وَه نِه وِ دَس اُوِردیتَه، سیتُو اَنجُوم موئَه.
25«پس هِه کِه مِسیت وِ دعا، اَر دِ یَکی چیئی وِ دِل داریت، او نِه بَوَخشیت تا بُوَه شِما هَم کِه ها دِ آسمُو، تصقیریا شِما نِه بَوَخشَه. 26[اما اَر شِما نَوَخشیت، بُوَه شِما هَم کِه ها دِ آسمُو، تصقیریا شِما نِه نِمی‌وَخشَه]».
سؤال دِبارَه اقتدارِ عیسی
27وِنُو گِلی هَنی اُومان وِ اورشلیم. هِه‌‌کِه عیسی دِ معبد قِدَم می‌زَه، سَرُونِ کاهِن‌یا وَ معلم‌یا تورات وَ مشایخ اُومان وِ تِه‌ش، 28پُرسیئِن: «وِ چِه اقتداری ایی کاریا نِه می‌کی؟ کی اقتدارِ اَنجُومِ ایی کاریا نِه وِتُو دِئَه؟» 29عیسی دِ جُئُوشُو گُت: «مِه هَم می‌حام چیئی دِتُو بپُرسِم. جُئُومِه بِئیت تا مِه هَم وِتُو بُوئِم وا چِه اقتداری ایی کاریا نِه می‌کِم. 30تعمیدِ یحیی دِ لا خدا بی یا دِ لا انسان؟ جُئُو بِئیت.» 31وِنُو دِ مینِ خُوشُو شُور کِردِن، گُتِن: «اَر بُوئیم، ”دِ لا خدا بی“، مُوئَه، ”اَ سی وِش ایمُو نیُووِردیت؟“ 32اَر بُوئیم، ”دِ انسان....“» وِنُو دِ مردِم زِلَه‌شُو مِی‌رَت، سی یَکِه گِردِ مردِم یحیی نِه یِه پِیغَمَر دُونِسِن. 33پس وِ عیسی جُئُو دَن: «نُئُونیم.» عیسی گُت: «مِه هَم وِتُو نِمُوئِم وا چه اقتداری ایی کاریا نِه می‌کِم.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company