انجیلِ مَتی 20
20
مَثَلِ كارگَریا مُوئِسُو
1«پاتشائی آسمُو چی اربابِ یِه حُونَه‌آ کِه صُو زی دِ حُونَه کِرد وِ دَر تا سی مُوئِسُونِ خُوش کارگریائی بِئیرَه. 2او وا کارگریا قِرار نِئا کِه روزی یِه دینار کِه دِ او موقَع دَسمُزِ یِه روز بی، بابتِ کار دِ مُوئِسُو وِ هَر کُوم بِئَه. اوسِه وِنُو نِه کِل کِرد وِ مُوئِسُونِ خُوش. 3نِزیکِ ساعتِ نُه صُو، دُوارَه کِرد وِ دَر وَ قَری هَنی نِه دی کِه دِ مِیُونِ شهر بیكار اِیسانَه، 4وِ وِنُو هَم گُت: ”شِما هَم رُوئیت وِ مُوئِسُونِ مِه وَ چیئی کِه حَقِ شِمانَه وِ شِما مِی‌ئِم.“ 5وِنُو هَم رَتِن. دُوارَه نِزیکِ ساعت دُوازَه وَ ساعت سه بعدظهر کِرد وِ دَر وَ هَم چِنُو کِرد. 6نِزیکِ ساعت پنجِ بعدظهر هَم کِرد وِ دَر، هَنی چَن نفر دی کِه بیکار اِیسانَه. دِشُو پُرسی: ”سی چی تمُومِ روز دِ ایچِه بیكار اِیسایتَه؟“ 7وِنُو جُئُو دَن: ”سی یَکِه هیشکَه وِمُو کاری نَدَه.“ وِشُو گُت: ”شِما هَم وِ مُوئِسُونِ مِه رُوئیت.“ 8«دَمِ اِیوارَه، صِحُو مُوئِسُو وِ مباشرِ خُوش گُت: ”كارگَریا نِه هِنا کُو وَ دِ آخِری شروع کُو تا وِ اولی، مُزِشُو نِه بِه.“ 9کارگریائی کِه نِزیکِ ساعتِ پنج بعدظهر وِ سَرِ کار اُومایینی، هَر کُوم یِه دینار گِرِتِن. 10هِه کِه گِه وِ کَسُونی رَسِس كِه جِلوتِر دِ همَه اُومایینی، گِمُو کِردِن کِه دِ باقی بیشتِر مُز مِئی‌رَن. اما هَر کُوم دِ وِنُو هَم یِه دینار گِرِتِن. 11هِه کِه مُزِ خُوشُو نِه می‌گِرِتِن، وا غُرِغَر وِ صِحُو مُوئِسُو گُتِن: 12”یِنُو کِه آخِر اُومان، تَنیا یِه ساعت کار کِردِن وَ تو وِنُو نِه وا اِیما کِه تمُومِ روز زیرِ اَفتُوِ داغ زَمَت کَشیئیمُونَه، چی یَک کِردی!“ 13صِحُو مُوئِسُو ری کِرد وِ یَکی دِ او کارگریا وَ گُت: ”اِ رفیق، مِه وِ تو ظُلمی نَکِردِمَه. مَر قِرارِ اِیما یِه دینار نِوی؟ 14پس حَقِ خُوتِه بَسُو وَ رُو! مِه دِلِم می‌حا وِ آخِری چی تو مُز بِئِم. 15مَه ایی حَقِ نِه نارِم کِه وا پیلِ خُوم هَرچی باحام بَکِم؟ مَه چَشِ دیئِه‌نِ دَسِدلوازی مِه نِه ناری؟“ 16پس، آخِریا، اول موئَن وَ اولی‌یا آخِر موئَن!»
سِئِمین پیشگوئی عیسی دِبارَه مرگ وَ زِنَه‌بی‌یِه‌نِ خُوش
17هِه کِه عیسی مِی‌رَت والا اورشلیم، دِ مینِ رَه، دُوازَه شاگردِ خُوشِه بُرد وِ لائی وَ وِشُو گُت: 18«بِئینیت، اِیما هِیسِه مِی‌ریم وِ اورشلیم. دِ اوچِه کُرِ انسانِه تسلیم می‌کَن وِ سَرُونِ کاهِن‌یا وَ معلم‌یا تورات. وِنُو وَه نِه محكوم می‌کَن وِ مرگ. 19وَ او نِه مِی‌ئَن وِ دَسِ غیرِیهودیُو، تا مسخِرَه بوئَه وَ شَلاق بُوحُورَه وَ وِ صلیب با، اما دِ روزِ سِئِم زِنَه موئَه.»
درخواستِ یِه داآ
20اوسِه داآ کُریا زِبِدی وا دو کُرِش اُوما وِ تِه عیسی وَ دِ بِرُووَرِ او زُونی زَه وَ دِش چیئی حاس. 21عیسی پُرسی: «چی می‌حای؟» زَ وِ عیسی گُت: «بَفَرما كِه ایی دو کُرِ مِه دِ پاتشائی تو، یَکی وِلا راسِ تو وَ او یَکی وِلا چپِ تو بَنشینَن.» 22عیسی دِ جُئُو او گُت: «شِما نُئُونیت كِه چی می‌حایت! یعنی تُونیت دِ پیالِه‌ای کِه مِه قِرار اَ وِراشِنِم، وِراشِنیت؟» وِنُو جُئُو دَن: «بله، تُونیم.» 23عیسی وِشُو گُت: «دُرِس اَ، شِما دِ پیالَه مِه وِرمی‌راشنیت، اما وِ شِما مُوئِم کِه نِشِسِه وِ لا راس وَ چپِ مِه دِ اختیارِ مِه نی تا وَه نِه بِئِم وِ کَسی. ایی جایگا سی کَسُونی اَ كِه بُوَه‌م سیشُو آمادَه کِردَه.»
24هِه کِه او ده شاگردِ هَنی دِ ایی موضوع وا خَوَر بییِن، دِ دَسِ او دو بِرار تَش گِرِتِن. 25اما عیسی وِنُو نِه هِنا کِرد وَ گُت: «شِما دُونیت كِه حاکم‌یا غیرِیهودیُو وِ ریشُو آقائی می‌کَن وَ گَپُونِشُو وِ ریشُو اقتدار دارَن. 26اما دِ مینِ شِما چِنی نوئَه. هَر کَه باحا دِ مینِ شِما گَپ با، بایِس پاکارِ شِما بوئَه. 27وَ هَر کَه می‌حا دِ مینِ شِما اول با، بایِس غُلِمِ شِما بوئَه. 28حتی کُرِ انسان هَم نی‌اُوما تا خدمتِش بَکَن، بلكِم اُوما تا خدمت بَکَه وَ جُونِشِه سی خی‌باها سی خیلی‌یا بَنِیئَه.»
شفا دو كور
29هِه کِه عیسی وَ شاگردیاش دِ اَریحا می‌کِردِن وِ دَر، بُری‌وُشُری دِ دُمِش اُفتان وِ رَه. 30دِ لُوء جَدَه، دو پیا كور نِشِسین. هِه کِه اِشنَفتِن عیسی ها دِ او چِه رَد موئَه، هِنا کِردِن: «اِ آقا، اِ کُرِ داوود، وِ اِیما رَحم کُو!» 31جمعیت توپِسِن وِ وِنُو، وَ حاسِن کِه بی‌کِش بان؛ اما وِنُو بیشتِر می‌قارَنِن کِه: «اِ آقا، اِ کُرِ داوود، وِمُو رَحم کُو!» 32عیسی اِیسا وَ او دو پیا نِه هِنا کِرد وَ پُرسی: «می‌حایت چی سیتُو بَکِم؟» 33او دو کور جُئُو دَن: «اِ آقا، می‌حایم چَش‌یامُو واز بوئَن.» 34عیسی دِلِش وِ حالِشُو سُوخت وَ دَس نِئا وِ چَش‌یا وِنُو، وَ آزِعی چَش‌یاشُو واز بی وَ دِ دُمِ او رَتِن.
Actualmente seleccionado:
انجیلِ مَتی 20: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَتی 20
20
مَثَلِ كارگَریا مُوئِسُو
1«پاتشائی آسمُو چی اربابِ یِه حُونَه‌آ کِه صُو زی دِ حُونَه کِرد وِ دَر تا سی مُوئِسُونِ خُوش کارگریائی بِئیرَه. 2او وا کارگریا قِرار نِئا کِه روزی یِه دینار کِه دِ او موقَع دَسمُزِ یِه روز بی، بابتِ کار دِ مُوئِسُو وِ هَر کُوم بِئَه. اوسِه وِنُو نِه کِل کِرد وِ مُوئِسُونِ خُوش. 3نِزیکِ ساعتِ نُه صُو، دُوارَه کِرد وِ دَر وَ قَری هَنی نِه دی کِه دِ مِیُونِ شهر بیكار اِیسانَه، 4وِ وِنُو هَم گُت: ”شِما هَم رُوئیت وِ مُوئِسُونِ مِه وَ چیئی کِه حَقِ شِمانَه وِ شِما مِی‌ئِم.“ 5وِنُو هَم رَتِن. دُوارَه نِزیکِ ساعت دُوازَه وَ ساعت سه بعدظهر کِرد وِ دَر وَ هَم چِنُو کِرد. 6نِزیکِ ساعت پنجِ بعدظهر هَم کِرد وِ دَر، هَنی چَن نفر دی کِه بیکار اِیسانَه. دِشُو پُرسی: ”سی چی تمُومِ روز دِ ایچِه بیكار اِیسایتَه؟“ 7وِنُو جُئُو دَن: ”سی یَکِه هیشکَه وِمُو کاری نَدَه.“ وِشُو گُت: ”شِما هَم وِ مُوئِسُونِ مِه رُوئیت.“ 8«دَمِ اِیوارَه، صِحُو مُوئِسُو وِ مباشرِ خُوش گُت: ”كارگَریا نِه هِنا کُو وَ دِ آخِری شروع کُو تا وِ اولی، مُزِشُو نِه بِه.“ 9کارگریائی کِه نِزیکِ ساعتِ پنج بعدظهر وِ سَرِ کار اُومایینی، هَر کُوم یِه دینار گِرِتِن. 10هِه کِه گِه وِ کَسُونی رَسِس كِه جِلوتِر دِ همَه اُومایینی، گِمُو کِردِن کِه دِ باقی بیشتِر مُز مِئی‌رَن. اما هَر کُوم دِ وِنُو هَم یِه دینار گِرِتِن. 11هِه کِه مُزِ خُوشُو نِه می‌گِرِتِن، وا غُرِغَر وِ صِحُو مُوئِسُو گُتِن: 12”یِنُو کِه آخِر اُومان، تَنیا یِه ساعت کار کِردِن وَ تو وِنُو نِه وا اِیما کِه تمُومِ روز زیرِ اَفتُوِ داغ زَمَت کَشیئیمُونَه، چی یَک کِردی!“ 13صِحُو مُوئِسُو ری کِرد وِ یَکی دِ او کارگریا وَ گُت: ”اِ رفیق، مِه وِ تو ظُلمی نَکِردِمَه. مَر قِرارِ اِیما یِه دینار نِوی؟ 14پس حَقِ خُوتِه بَسُو وَ رُو! مِه دِلِم می‌حا وِ آخِری چی تو مُز بِئِم. 15مَه ایی حَقِ نِه نارِم کِه وا پیلِ خُوم هَرچی باحام بَکِم؟ مَه چَشِ دیئِه‌نِ دَسِدلوازی مِه نِه ناری؟“ 16پس، آخِریا، اول موئَن وَ اولی‌یا آخِر موئَن!»
سِئِمین پیشگوئی عیسی دِبارَه مرگ وَ زِنَه‌بی‌یِه‌نِ خُوش
17هِه کِه عیسی مِی‌رَت والا اورشلیم، دِ مینِ رَه، دُوازَه شاگردِ خُوشِه بُرد وِ لائی وَ وِشُو گُت: 18«بِئینیت، اِیما هِیسِه مِی‌ریم وِ اورشلیم. دِ اوچِه کُرِ انسانِه تسلیم می‌کَن وِ سَرُونِ کاهِن‌یا وَ معلم‌یا تورات. وِنُو وَه نِه محكوم می‌کَن وِ مرگ. 19وَ او نِه مِی‌ئَن وِ دَسِ غیرِیهودیُو، تا مسخِرَه بوئَه وَ شَلاق بُوحُورَه وَ وِ صلیب با، اما دِ روزِ سِئِم زِنَه موئَه.»
درخواستِ یِه داآ
20اوسِه داآ کُریا زِبِدی وا دو کُرِش اُوما وِ تِه عیسی وَ دِ بِرُووَرِ او زُونی زَه وَ دِش چیئی حاس. 21عیسی پُرسی: «چی می‌حای؟» زَ وِ عیسی گُت: «بَفَرما كِه ایی دو کُرِ مِه دِ پاتشائی تو، یَکی وِلا راسِ تو وَ او یَکی وِلا چپِ تو بَنشینَن.» 22عیسی دِ جُئُو او گُت: «شِما نُئُونیت كِه چی می‌حایت! یعنی تُونیت دِ پیالِه‌ای کِه مِه قِرار اَ وِراشِنِم، وِراشِنیت؟» وِنُو جُئُو دَن: «بله، تُونیم.» 23عیسی وِشُو گُت: «دُرِس اَ، شِما دِ پیالَه مِه وِرمی‌راشنیت، اما وِ شِما مُوئِم کِه نِشِسِه وِ لا راس وَ چپِ مِه دِ اختیارِ مِه نی تا وَه نِه بِئِم وِ کَسی. ایی جایگا سی کَسُونی اَ كِه بُوَه‌م سیشُو آمادَه کِردَه.»
24هِه کِه او ده شاگردِ هَنی دِ ایی موضوع وا خَوَر بییِن، دِ دَسِ او دو بِرار تَش گِرِتِن. 25اما عیسی وِنُو نِه هِنا کِرد وَ گُت: «شِما دُونیت كِه حاکم‌یا غیرِیهودیُو وِ ریشُو آقائی می‌کَن وَ گَپُونِشُو وِ ریشُو اقتدار دارَن. 26اما دِ مینِ شِما چِنی نوئَه. هَر کَه باحا دِ مینِ شِما گَپ با، بایِس پاکارِ شِما بوئَه. 27وَ هَر کَه می‌حا دِ مینِ شِما اول با، بایِس غُلِمِ شِما بوئَه. 28حتی کُرِ انسان هَم نی‌اُوما تا خدمتِش بَکَن، بلكِم اُوما تا خدمت بَکَه وَ جُونِشِه سی خی‌باها سی خیلی‌یا بَنِیئَه.»
شفا دو كور
29هِه کِه عیسی وَ شاگردیاش دِ اَریحا می‌کِردِن وِ دَر، بُری‌وُشُری دِ دُمِش اُفتان وِ رَه. 30دِ لُوء جَدَه، دو پیا كور نِشِسین. هِه کِه اِشنَفتِن عیسی ها دِ او چِه رَد موئَه، هِنا کِردِن: «اِ آقا، اِ کُرِ داوود، وِ اِیما رَحم کُو!» 31جمعیت توپِسِن وِ وِنُو، وَ حاسِن کِه بی‌کِش بان؛ اما وِنُو بیشتِر می‌قارَنِن کِه: «اِ آقا، اِ کُرِ داوود، وِمُو رَحم کُو!» 32عیسی اِیسا وَ او دو پیا نِه هِنا کِرد وَ پُرسی: «می‌حایت چی سیتُو بَکِم؟» 33او دو کور جُئُو دَن: «اِ آقا، می‌حایم چَش‌یامُو واز بوئَن.» 34عیسی دِلِش وِ حالِشُو سُوخت وَ دَس نِئا وِ چَش‌یا وِنُو، وَ آزِعی چَش‌یاشُو واز بی وَ دِ دُمِ او رَتِن.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company