انجیلِ مَتی 19
19
تعلیمِ عیسی دِبارَه طِلاق
1هِه کِه عیسی ایی قِصَه‌یا نِه وِ آخِر رَسَن، جلیلِ نِه ترک کِرد وَ دِ اولانِ گِلالِ اُردُن اُوما وِ منطقَه یهودیَه. 2جمعیتِ زیادی دِ دُمِ او رائی بییِن وَ عیسی وِنُو نِه دِ اوچِه شفا دَه.
3علما فِرقَه فَریسی اُومان وِ تِه او تا اِمتحُونِش بَکَن. وِنُو پُرسیئِن: «یعنی جایز اَ کِه پیا زِئنَه خُوشِه وِ هَر علتی کِه باحا طِلاق بِئَه؟» 4عیسی دِ جُئُو وِنُو گُت: «مَر دِ تورات نَحَنیتَه كِه آفرینندَه انسان دِ اول”وِنُو نِه پیا وَ زَ آفَری“، 5وَ گُت: «زوتا پیا دِ بُوَه وَ داآش جِگا موئَه وَ می‌چَسبَه وِ زِئنَه‌ش وَ هَر‌دِک، یِه بدن موئَن.» 6پس، دِ اوسِه وا دِما دَ دو نیسِن بلكِم یِه تَن هیسِن. پس او چیئی کِه خدا وِ یَک وصل کِردَه، انسان نَبایِس جِگا بَکَه.» 7وِنُو وِ عیسی گُتِن: «پس سی چی موسی هُد کِرد كِه پیا وِ زِئنَه خُوش طِلاقنُومِه‌ای بِئَه وَ وَه نِه راها بَکَه؟» 8عیسی وِشُو گُت: «موسی وِ سُنَه سنگدلی شِما اِجازَه دَه کِه زِئنَه خُوتُو نِه طِلاق بِئیت، اما دِ اول چِنی نِوی. 9وِ شِما مُوئِم، هَر کَه زِئنَه خُوشِه وِ هَر علتی غیرِ زِنا طِلاق بِئَه وَ زَنی هَنی نِکاح بَکَه، زِنا کِردَه.»
10شاگردیا وِش گُتِن: «اَر وضعِ پیا دِ قبالِ زِئنَه خُوش، چِنینَه، پس بیتِر اَ زَ ناحا!» 11عیسی گُت: «همَه نَتُونَن ایی تعلیمِ نِه قبول بَکَن، مَر کَسُونی کِه وِشُو عطا بیوئَه. 12سی یَکِه قَری خواجَه‌آن، سی یَکه دِ گیَه داآشُو چِنی وِ دی اُومانَه؛ قَری هَنی وِ دَسِ مردِم خواجَه بینَه؛ وَ قَری هَم وِ سُنَه پاتشائی آسمُو خُوشُو خُوشُو نِه خواجَه فرض می‌کَن وَ زَ نِمی‌حان. هَر کَه تُونه یَه نِه قبول بَکَه، بِئیلیت چِنی بَکَه.»
عیسی وَ بَچُو
13اوسِه مردِم بَچُو نِه اُوِردِن وِ تِه عیسی، تا دَس بَنِیئَه وِ ریشُو وَ دعا بَکَه. شاگردیا مردِمِ نِه مِنا کِردِن. 14اما عیسی وِشُو گُـت: «بِئیلیت بَچُو بیایَن وِ تِه مِه وَ نِهاشُو نِه نِئیریت، سی یَکِه پاتشائی آسمُو سی چِنی کَسُونی اَ.» 15وَ دَس نِئا ریشُو وَ اوسِه دِ اوچِه رَت.
جِوُونِ دُولَه‌مَن
16یِه روز پیائی اُوما وِ تِه عیسی وَ پُرسی: «استاد، چِه كارِ خوئی بَکِم تا حیاتِ ابدی داشتوئِم؟» 17عیسی وِش گُت: «سی چی دِبارَه یَه کِه، چِه چیئی خو اَ، دِ مِه سؤال می‌کی؟ تَنیا یَکی اَ کِه خو اَ. اَر می‌حای وِ حیاتِ ابدی رَه پیا بَکی، هُدیا شریعتِ نِه وِ جا بیار.» 18او پیا پُرسی: «کُوم دِ هُدیا؟» عیسی گُت: «”قتل نَکُو، زِنا نَکُو، دُوزی نَکُو، شاهادَتی دِرو نِه، 19وِ بُوَه وَ داآت قُرپ بَنی،“ وَ ”هُمساتِه چی خُوت محبت کُو.“» 20او پیا دِ جُئُو وِ عیسی گُت: «گِردِ ایی هُدیا نِه وِ جا اُوِردِمَه؛ دَ چِه چیئی كَم دارِم؟» 21عیسی جُئُو دَه: «اَر می‌حای کامل بوئی، رُو وَ هَر چی کِه داری بَفِروش وَ بِه وِ ژاریا، کِه دِ آسمُو گنج داری. اوسِه بیا وَ مُریدِ مِه بو.» 22هِه کِه او جِوُو یَه نِه اِشنَفت، غَم‌دِبار بی وَ دِ اوچِه رَت، سی یَکه مال‌وُمِنالِ زیادی داشت.
23اوسِه عیسی وِ شاگردیاش گُت: «وِ راسی وِ شِما مُوئِم، یِه آیِمِ دُولَه‌مَن خیلی سخت وِ پاتشائی آسمُو رَه پیا می‌کَه. 24هَنی وِتُو مُوئِم كِه رَدبی‌یِه‌نِ شتر دِ سیلا سیزِه آسُوتِر اَ دِ رَه پیاکِردِه‌نِ یِه آیِمِ پیلدار وِ پاتشائی خدا.» 25شاگردیا وا اِشنَفتِه‌نِ یَه بِلاجیشُو اُوما و پُرسیئِن: «پس کی تُونَه نجات پیا بَکَه؟» 26عیسی وِشُو سِیل کِرد وَ گُت: «یَه سی انسان ممکن نی، اما سی خدا همَه چی ممكن اَ.»
27پطرس گُت: «سِیل کُو، اِیما همَه چی نِه نِئایمَه وَ دِ دُمِ تو می‌آیم. پس اِیما چی وِ دَس میاریم؟» 28عیسی وِش جُئُو دَه: «وِ راسی وِ شِما مُوئِم، دِ دنیای جدید، هِه کِه کُرِ انسان بَنشینَه وِ ری تختِ پُرجِلالِ خُوش، شِما هَم كِه مُریدِ مِه بیئیتَه، می‌نشینیت وِ ری دُوازَه تخت، وَ وِ ری دُوازَه طایفَه اسرائیل داوَری می‌کیت. 29وَ هَر کَه وِ سُنَه نُومِ مِه حُونَه، یا بِرار وَ یا خُووَر یا بُوَه وَ یا داآ وَ یا بچَه وَ یا املاکِ خُوشِه ترک کِردوئَه، صد بِرُووَر وِ دَس میارَه، وَ حیاتِ ابدی نِه هَم وِ ارث مُورَه. 30اما خیلی دِ کَسُونی کِه الان اول هیسِن، آخِر موئَن، وَ کَسُونی کِه آخِر اَن، اول موئَن!
Actualmente seleccionado:
انجیلِ مَتی 19: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَتی 19
19
تعلیمِ عیسی دِبارَه طِلاق
1هِه کِه عیسی ایی قِصَه‌یا نِه وِ آخِر رَسَن، جلیلِ نِه ترک کِرد وَ دِ اولانِ گِلالِ اُردُن اُوما وِ منطقَه یهودیَه. 2جمعیتِ زیادی دِ دُمِ او رائی بییِن وَ عیسی وِنُو نِه دِ اوچِه شفا دَه.
3علما فِرقَه فَریسی اُومان وِ تِه او تا اِمتحُونِش بَکَن. وِنُو پُرسیئِن: «یعنی جایز اَ کِه پیا زِئنَه خُوشِه وِ هَر علتی کِه باحا طِلاق بِئَه؟» 4عیسی دِ جُئُو وِنُو گُت: «مَر دِ تورات نَحَنیتَه كِه آفرینندَه انسان دِ اول”وِنُو نِه پیا وَ زَ آفَری“، 5وَ گُت: «زوتا پیا دِ بُوَه وَ داآش جِگا موئَه وَ می‌چَسبَه وِ زِئنَه‌ش وَ هَر‌دِک، یِه بدن موئَن.» 6پس، دِ اوسِه وا دِما دَ دو نیسِن بلكِم یِه تَن هیسِن. پس او چیئی کِه خدا وِ یَک وصل کِردَه، انسان نَبایِس جِگا بَکَه.» 7وِنُو وِ عیسی گُتِن: «پس سی چی موسی هُد کِرد كِه پیا وِ زِئنَه خُوش طِلاقنُومِه‌ای بِئَه وَ وَه نِه راها بَکَه؟» 8عیسی وِشُو گُت: «موسی وِ سُنَه سنگدلی شِما اِجازَه دَه کِه زِئنَه خُوتُو نِه طِلاق بِئیت، اما دِ اول چِنی نِوی. 9وِ شِما مُوئِم، هَر کَه زِئنَه خُوشِه وِ هَر علتی غیرِ زِنا طِلاق بِئَه وَ زَنی هَنی نِکاح بَکَه، زِنا کِردَه.»
10شاگردیا وِش گُتِن: «اَر وضعِ پیا دِ قبالِ زِئنَه خُوش، چِنینَه، پس بیتِر اَ زَ ناحا!» 11عیسی گُت: «همَه نَتُونَن ایی تعلیمِ نِه قبول بَکَن، مَر کَسُونی کِه وِشُو عطا بیوئَه. 12سی یَکِه قَری خواجَه‌آن، سی یَکه دِ گیَه داآشُو چِنی وِ دی اُومانَه؛ قَری هَنی وِ دَسِ مردِم خواجَه بینَه؛ وَ قَری هَم وِ سُنَه پاتشائی آسمُو خُوشُو خُوشُو نِه خواجَه فرض می‌کَن وَ زَ نِمی‌حان. هَر کَه تُونه یَه نِه قبول بَکَه، بِئیلیت چِنی بَکَه.»
عیسی وَ بَچُو
13اوسِه مردِم بَچُو نِه اُوِردِن وِ تِه عیسی، تا دَس بَنِیئَه وِ ریشُو وَ دعا بَکَه. شاگردیا مردِمِ نِه مِنا کِردِن. 14اما عیسی وِشُو گُـت: «بِئیلیت بَچُو بیایَن وِ تِه مِه وَ نِهاشُو نِه نِئیریت، سی یَکِه پاتشائی آسمُو سی چِنی کَسُونی اَ.» 15وَ دَس نِئا ریشُو وَ اوسِه دِ اوچِه رَت.
جِوُونِ دُولَه‌مَن
16یِه روز پیائی اُوما وِ تِه عیسی وَ پُرسی: «استاد، چِه كارِ خوئی بَکِم تا حیاتِ ابدی داشتوئِم؟» 17عیسی وِش گُت: «سی چی دِبارَه یَه کِه، چِه چیئی خو اَ، دِ مِه سؤال می‌کی؟ تَنیا یَکی اَ کِه خو اَ. اَر می‌حای وِ حیاتِ ابدی رَه پیا بَکی، هُدیا شریعتِ نِه وِ جا بیار.» 18او پیا پُرسی: «کُوم دِ هُدیا؟» عیسی گُت: «”قتل نَکُو، زِنا نَکُو، دُوزی نَکُو، شاهادَتی دِرو نِه، 19وِ بُوَه وَ داآت قُرپ بَنی،“ وَ ”هُمساتِه چی خُوت محبت کُو.“» 20او پیا دِ جُئُو وِ عیسی گُت: «گِردِ ایی هُدیا نِه وِ جا اُوِردِمَه؛ دَ چِه چیئی كَم دارِم؟» 21عیسی جُئُو دَه: «اَر می‌حای کامل بوئی، رُو وَ هَر چی کِه داری بَفِروش وَ بِه وِ ژاریا، کِه دِ آسمُو گنج داری. اوسِه بیا وَ مُریدِ مِه بو.» 22هِه کِه او جِوُو یَه نِه اِشنَفت، غَم‌دِبار بی وَ دِ اوچِه رَت، سی یَکه مال‌وُمِنالِ زیادی داشت.
23اوسِه عیسی وِ شاگردیاش گُت: «وِ راسی وِ شِما مُوئِم، یِه آیِمِ دُولَه‌مَن خیلی سخت وِ پاتشائی آسمُو رَه پیا می‌کَه. 24هَنی وِتُو مُوئِم كِه رَدبی‌یِه‌نِ شتر دِ سیلا سیزِه آسُوتِر اَ دِ رَه پیاکِردِه‌نِ یِه آیِمِ پیلدار وِ پاتشائی خدا.» 25شاگردیا وا اِشنَفتِه‌نِ یَه بِلاجیشُو اُوما و پُرسیئِن: «پس کی تُونَه نجات پیا بَکَه؟» 26عیسی وِشُو سِیل کِرد وَ گُت: «یَه سی انسان ممکن نی، اما سی خدا همَه چی ممكن اَ.»
27پطرس گُت: «سِیل کُو، اِیما همَه چی نِه نِئایمَه وَ دِ دُمِ تو می‌آیم. پس اِیما چی وِ دَس میاریم؟» 28عیسی وِش جُئُو دَه: «وِ راسی وِ شِما مُوئِم، دِ دنیای جدید، هِه کِه کُرِ انسان بَنشینَه وِ ری تختِ پُرجِلالِ خُوش، شِما هَم كِه مُریدِ مِه بیئیتَه، می‌نشینیت وِ ری دُوازَه تخت، وَ وِ ری دُوازَه طایفَه اسرائیل داوَری می‌کیت. 29وَ هَر کَه وِ سُنَه نُومِ مِه حُونَه، یا بِرار وَ یا خُووَر یا بُوَه وَ یا داآ وَ یا بچَه وَ یا املاکِ خُوشِه ترک کِردوئَه، صد بِرُووَر وِ دَس میارَه، وَ حیاتِ ابدی نِه هَم وِ ارث مُورَه. 30اما خیلی دِ کَسُونی کِه الان اول هیسِن، آخِر موئَن، وَ کَسُونی کِه آخِر اَن، اول موئَن!
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company