John 12
12
1ပသခါပွဲမစမှီ ခြော့ရစ်အလိုမှာ ကိုယ်တော်ယေရှုဟ သေရာဟနေပလန်ရှင်စေတော်မူဝို လာဇရုရှေ့ရာ ဗေသနိဝါဝို ကြွတော်မူလေရယ်။ 2သူ့နို့ဟ ကိုယ်တော်ယေရှုတွက် ညစာဝို ပြင်ဆင်ပေးနေဂေ့ပီး မာသဟလဲ ဧည့်ဝတ်ပြုနေလေရယ်။ ကိုယ်တော်ယေရှုနတူ ဘွဲမှာထိုင်နေဝိုလူဒွေထဲမှာ လာဗရုလဲပါလေရယ်။ 3သူ့နို့ဟ ကိုယ်တော်ယေရှုတွက် ညစာဝို ပြင်ဆင်ပေးနေဂေ့ပီး မာသဟလဲ ဧည့်ဝတ်ပြုနေလေရယ်။ ကိုယ်တော်ယေရှုနတူ ဘွဲမှာထိုင်နေဝိုလူဒွေထဲမှာ လာဗရုလဲပါလေရယ်။ 4အယ်ဘေမဲ့ ဗြိတော်ဒွေထဲဟ ယော့ဖြစ်ဝို ကိုယ်တော်ဝို သစ္စာဖော့ဝို့လူဖြစ်ဝို ယုဒဣရှကာရုတ်ဟ 5'ဟဲဖြစ်ရိ အယ်မိုရေမွှီးဝို ငွေဒန်းဂါးသုံးရာနရောပီး မရှိဆင်းရဲသားဒွေဝို ပေးလှူခဲ့ဘဲနူး'ဆိုပီး ပြောလေရယ်။ 6အဲမိုမျိုး ပြောဇာဟလော သူဟ ဆင်းရဲသားဒွေဝို ကူညီရှင်ရိမုဝ။ သူဟ ခိုးဖြစ်ပီး ငွေအိဝိုတာဝန်ယူထီးသီးရင်း လှူငွေဒွေဝို နှိုက်ယူလေ့ရှေ့ရိတွက်ဖြစ်ရယ်။ 7အဲဂျော့ ကိုယ်တော်ယေရှုဟ 'သူမဝိုတားပါန၊ သူဟ ငါ့ဝိုဂြိုလ်ဝို့နေ့တွက် ကြိုတံပြင်ဆင်နေဇာဖြစ်ရယ်။ 8ဟဲရာဂျော့ဆိုဝါ ဆင်းရဲသားဒွေဟ နန်းနို့မှာ မြဲဒမ်းရှေ့နေမှာဖြစ်ပီး ငါဟလော နန်းနို့နတူတူရှေ့နိုင်မှာမုဝ'ဆိုပီး မိတော်မူလေရယ်။ 9ဟဲရာဂျော့ဆိုဝါ ဆင်းရဲသားဒွေဟ နန်းနို့မှာ မြဲဒမ်းရှေ့နေမှာဖြစ်ပီး ငါဟလော နန်းနို့နတူတူရှေ့နိုင်မှာမုဝ'ဆိုပီး မိတော်မူလေရယ်။ 10အဲဂျော့ ပုရောဟိတ်ကြီးကဲဒွေဟ လာဇရုဝိုလဲ သတ်ဝို့တွက် ကြံစည်ဂေ့လေရယ်။ 11ဟဲဂျော့ဆိုဝါ ဂျူးလူမျိုးများကီးဟ သူ့နို့ဝိုစွန့်ခွာပီး လာဇရုဝို ပြုခဲ့ဝိုမှုဒွေဂျော့ ကိုယ်တော်ယေရှုဝို ယုံကြည်လာဂေ့လေရယ်။ 12 နော့နေ့မှာ ပွဲတော်ဝိုလာဂေ့ဝို လူထုပရိသတ်များကီးဟ အဲမိုနေရာဝို ကိုယ်တော်ကြွလာမှာဝို ကြားသိရိတွက် 13စွန်ပလွံခက်ဒွေဝို ကိုင်ပီး ကိုယ်တော်ဝိုကြိုဆိုဝို့ ထွက်သွားဂေ့ကာ "ဘုရားရှင်ရဲ့ဂုဏ်တော်ဝို ချီးမွမ်းပါရယ်။ ဘုရားရှင်ရဲ့ဂိုးတော်အားန ကြွချီလာဝို အစ္စရေးဘုရင်ဟ ဘုန်းကီးပါစေသတည်း" ဆိုပီး ကြွေးကြော်ဂေ့လေရယ်။ 14ကိုယ်တော်ယေရှုဟ မြည်းငယ်ဝိုတွီ့ပီး စီးတော်မူလေရယ်။ အယ်မိုဇာဟ ကျမ်းစာမှာ 15"ဇိအုန်ဗြို့သူ ဗြို့သားဒို့၊ ကြော့ဂေ့န။ နန်းနို့ရဲ့ ရှင်မန်းကီးဟ မြည်းငယ်ဝိုစည်းပီး ကြွချီတော်မူဇာဝို ကေ့ကေ့လော့"ဆိုပီး ရေးထားဝိုတိုင်းဘဲ့ဖြစ်ရယ်။ 16အယ်မိုဇာဒွေဝို ဗြိတော်ဒွေဟ စဟနားမလည်ဂေ့ဘေမဲ့ ကိုယ်တော်ဟ ဘုန်းကျစ်သရေန ထံရှားဇာမှေ့ဘဲခီမှ အယ်မိုဇာဒွေဟ ကိုယ်တော်ဝို ရည်ညွှန်းရေးသားထားဇာဝိုရော၊ လူဒိုင်းဟလဲ ကိုယ်တော်ပေါ်ဝို အဲမိုတိုင်းဘဲ့ ပြုမူဇာဒွေဝိုရော အော့မေ့မှတ်ရဂေ့လေရယ်။ 17လာဇရုဝို သန်းခလိုင်းဂူထဲဟ ကိုယ်တော်ဟခေါ်ထုပီး သက်ပလန်ရှင်စေဝိုခီမှာ ကိုယ်တော်နတူတူရှေ့ဝို လူထုပရိသတ်ဒိုင်းဟ အဲမိုကြောဝို သက်သေခံထွက်ဆိုဂေ့လေရယ်။ ပုံဝို ဗြင်တွီ့ခဲ့ရဝို လူထုပရိသတ်တအုပ်စုဟ အဲမိုနေရာဝိုရော့လာပီး ခရစ်တော်ရဲ့ ထူးဆန်းအံ့ဩဖွယ်ကောဝို ဘုန်းဂိုးတော်ဒွေဝို ဒန်းဖြစ်န ဖော့သည်ခလ ပြောဂေ့လေရယ်။ 18လူထုပရိသတ်ပေါဒွေဟ ကိုယ်တော်ဝို ခရီးဦးကြိုရဇာဟ ကိုယ်တော်ဟ အဲမိုမျိုးအံ့ဖွယ်နမိလက္ခဏာဒွေဝို ပြုရစ်ဇာဝို ကြားသိဂေ့ရကြော့ရိဖြစ်ရယ်။ 19လူထုပရိသတ်ပေါဒွေဟ ကိုယ်တော်ဝို ခရီးဦးကြိုရဇာဟ ကိုယ်တော်ဟ အဲမိုမျိုးအံ့ဖွယ်နမိလက္ခဏာဒွေဝို ပြုရစ်ဇာဝို ကြားသိဂေ့ရကြော့ရိဖြစ်ရယ်။ 20ပွဲတော်မှာ ဝတ်ပြုကိုးကွယ်ဝို့ လာရော့ဝို လူဒွေထဲမှာ ဂရိလူမျိုးချို့ပါရယ်။ 21သူ့နို့ဟ ဂါလိလဲနယ်၊ ဗက်ဇဲဒမိသားစုဖြစ်ဝို ဖိလိပ္ပုဆီလာပီး 'ဆရာ၊ ကျော်ဒို့ ကိုယ်တော်ဝိုတွီ့ဗြင်ရှင်ပါရယ်' ဆိုပီး တောဆိုဂေ့လေရယ်။ 22ဖိလိပ္ပုဟ အန္ဒြေဆီဝို သွားပြောပီးနော့ အန္ဒြန ဖိလိပ္ပုဒို့ဟ ကိုယ်တော်ဆီဝို သွားပီး ရှော့တံဂေ့လေရယ်။ 23အဲခါမှာ ကိုယ်တော်ယေရှုဟ 'လူ့သားတော်ဝို ဘုန်းအသရေတော် ထံရှားစေဝို့ခီ ရော့လာပီဖြစ်ရယ်။ 24နန်းနို့ဝို ငါမှန်ဆိုဇာဟလော၊ ဘားဇေ့ဟ မလေပေါ်မှာ ကလပီး ပံပေါ့ဘဲနေဆိုဝါ ဇေ့ဒဲဘဲ့ရှေ့လေရယ်၊ ဂယ်ရိ ပံပေါ့မယ်ဆိုဝါ သီးနှံများကီးဝို ဖြစ်ထွန်းစေရယ်။ 25ကိုယ့်သက်ဝို ရှစ်ခင်တွယ်တာဝိုလူဒွေဟ အဲမိုသက်တာဝို ဆုံးရှုံးရလိမယ်ဖြစ်ပီး အယ်မိုဘာလောကမှာ ကိုယ့်သက်ဝို ရှစ်ခင်တွယ်တာမှုမှေ့ဘဲဝို လူဒွေဟ အဲမိုသက်တာဝိုထာဝရရရှေ့လိမယ်ဖြစ်ရယ်။ 26ငါ့မှုတော်ဝို ထမ်းဝက်လိုဝို ဟယ်သူမဆို ငါ့နော့တော်ဝိုလိုက်ရမယ်။ အဲခါမှာ သူဟ ငါရှေ့ဝိုနေရာမှာ ငါနတူတူ မှုတော်ဝို ဆော်ဝက်ရလိမယ်။ငါ့ခမည်းတော်ဟလဲ ငါ့မှုတော်ဝို ထမ်းဝက်ဝိုလူဝို ချီးမွမ်းလိမယ်။ 27ခု ငါဟ စိပူပန်နေရယ်။ ငါဟဲမျိုး ရှော့ရမယ်နူး။ 'အဖ၊ အယ်ခီမှာ ကျော့်ဝို ကယ်တံတော်မူပါ'ဆိုပီး ရှော့ရမယ်လော။ အယ်ဘေမဲ့ ငါလာဇာဟ အယ်မိုခီတွက်ဘဲ့ဖြစ်ရယ်။ 28အို အဖ၊ ဖခမည်းတော်ရဲ့နာမတော်ဝို ဘုန်းတော်ထံရှားစေတော်မူပါ" ဆိုပီး ဆုတောလေရယ်။ အဲခါမှာ "ငါဟငါကိုယ်တော်တိုင် ဘုန်းတော်ထံရှားစေပီဖြစ်ရယ်။ နော့ထပ်တခါလဲ ငါကိုယ်တော်တိုင် ဘုန်းတော်ထံရှားစေဦးမယ်ဖြစ်ရယ်" ဆိုပီး ကောကံဟ သံတော်ထွက်ပေါ်လာလေရယ်။ 29အဲမိုနီးမှာရပ်နေပီး အဲမိုသံဝိုကြားဂေ့ဝို လူထုပရိသတ်ချို့ဟ 'မိုးချီးရယ်' ဆိုပီး ပြောဂေ့ပီး ခြားလူဒွေဟ 'နတ်ဒေဝါဟ သူ့န ဂါးပြောနေလေရယ်'ဆိုပီး ပြောဂေ့လေရယ်။ 30ကိုယ်တော်ဟ 'အဲမိုသံဟ ငါ့ရဲ့ကိုယ်ကျိုးတွက်မှုဘဲန နန်းနို့ကိုယ်ကျိုးတွက်ဘဲ့ဖြစ်ရယ်။ 31အယ်မိုလောကဟ ခုကာလမှာ ရားစီရင်ဇာခံရမှာဖြစ်ပီး၊ အယ်မိုလောကဝို အုပ်စိုးနေဝိုလူဒွေဟ ခုကာလမှာ နှံထုခံရမှာဖြစ်ရယ်။ 32ပီးရယ်ဆိုဝါ ငါဟလဲ ဘာမလေမှာ လက်ဝါးကပ်ဝိုင်ပေါ်မှာ တံမြှော့ဇာခံရဝိုခီမှာ လူဒွေဝိုလဲ ငါ့ဆီဝို လာရှင်အော် လုပ်မှာဖြစ်ရယ်။ 33အယ်မိုမျိုးမိတော်မူဇာဟ ကိုယ်တော်ဟ သူဟယ်မျိုးဟယ်ပုံ သေရှင်းန သေခံမယ်ဆိုဇာဝို ရည်ညွှန်းပြောဆိုနေဇာဖြစ်ရယ်။ 34လူထုပရိသတ်ဒွေဟ ကိုယ်တော်ဝို 'မေရှိယဟ အယ်မိုရပ်ဒေသမှာ မြဲဒမ်းတည်ရှေ့နေမယ်ဆိုဇာဝို ကျမ်းစာထဲမှာ နို့ကြားသိရပီးပီဖြစ်ရယ်။အဲမျိုးဖြစ်နယ်ဆိုဝါ 'လူ့သားတော်ဟ အယ်မိုဘာမလေကီးဟ တံမြှော့ထားရမယ်'ဆိုပီး သင် ဟဲဖြစ်ရိပြောနိုင်နူး။ အဲမို လူသားတော်ဟ ဟယ်သူနူး"ဆိုပီး မေးဂေ့လေရယ်။ 35ကိုယ်တော်ဟလဲ သူ့နို့ဝို 'လန်းဟ နန်းနို့န ခနလော့ရှေ့နေဦးမယ်ဖြစ်ရယ်။ လန်းရှေ့နေဒူးခီမှာ သွားလာဂေ့လော့။ အဲကလမှ မှော်ထုဟ နန်းနို့ဝို အုပ်မိုးဇာ မှေ့ဘဲနေမှာဖြစ်ရယ်။ မှော်မိုက်မှာ သွားလာဝိုသူဟ သူဟယ်ဝို သွားလာမယ်ဆိုဇာဝို သိမှာမုဝ။ 36လန်းရှေ့စခီမှာ လန်းရဲ့သားမီးဒွေဖြစ်စေဝို့တွက် လန်းဝိုယုံကြည်ဂေ့လော့'ဆိုပီး မိတော်မူရယ်။ ကိုယ်တော်ဟ အယ်မိုဇာဒွေဝို ဟောပြောတော်မူပီးနော့ သူ့နို့ဆီဟနေ ထွက်ပလေး တီးရှော်တော်မူလေရယ်။ 37ကိုယ်တော်ယေရှုဟ အယ်လော့များပြားဝိုအံ့ဖွယ်နမိလက္ခဏာဒွေဝို သူ့နို့ရှေ့မှော့မှာ ပြုတော်မူဂိုမှ သူ့နို့ဟ ကိုယ်တော်ဝို ယုံကြည်ဇာမှေ့ဂေ့ရ။ 38အယ်ဇာဟ"အိုအဖဘုရားရှင်၊ ကျော်ဒို့ရဲ့ဒန်းဂါးဝို ဟယ်သူဒွေဟ ယုံကြည်ပီး ဟယ်သူဒွေဝို အဖဘုရားရှင်ရဲ့ ကယ်တံခြင်းဂိုးတော်ဝို ပြသရမယ်နူး'ဆိုပီး ပရောဖက်ဟေရှာယ ဟောပြောရစ်ဝို ဂါးဟ ပလဲ့ဇုံဇာဝို ရော့ရှေ့မဲ့ကြောဘဲ့ဖြစ်ရယ်။ 39လူဒွေယုံကြည်နိုင်ဘဲဝိုကြောဟ ဟေရှာယဟ 40သူ့နို့ဟ မျစ်စိနဗြင်ပီး စိနှလုံးနနားလည်နိုင်မှ ပလောဂေ့မှာဖြစ်ရိတွက် ငါဟ သူ့နို့ဝိုကျန်းမာစေမဲ့ဖြစ်မျိုးမှေ့စေဝို့ ဘုရားရှင်ဟ သူ့နို့ရဲ့မျစ်စိဝို ကွယ်စေတော်မူပီး သူ့နို့ရဲ့စိနှလုံးဝို မာကျောစေတော်မူရယ်'ဆိုပီး ဟောပြောခဲ့ရိတွက်ဖြစ်ရယ်။ 41ဟေရှာယဟ ကိုယ်တော်ရဲ့ဘုန်းအသရေဂျော့ အယ်မျိုးပြောဆိုပီး ကိုယ်တော်ကြောဝို ဟောပြောဇာဖြစ်ရယ်။ 42ဟယ်မျိုးဘဲ့ဖြစ်ပါစေ ဂျူးလူမျိုးကြီးကဲဒွေဆီမှာလဲ ကိုယ်တော်ဝို ယုံကြည်သူများကီးရှေ့လေရယ်။အယ်ဘေမဲ့ သူ့နို့ဟ ဓမ္မာရုံဟ ထုပယ်ခံရမှာကြော့ရိတွက် ဖာရိရှဲဒွေဆီမှာ ယုံကြည်ခြင်းကြောဝို သူ့နို့ဝန်ခံရဲရ။ 43သူ့နို့ဟ ဘုရားရှင်ရဲ့ချီးမြှော့ဇာထက် လူဒွေရဲ့ချီးမြှော့ဇာဝို ပိုပီး ကြိုက်ဂေ့ရယ်။ 44ထပ်ပီး ကိုယ်တော်ဟ 'ငါ့ဝို ယုံကြည်သူဟ ငါ့ဝိုယုံကြည်ဇာဘဲ့မုဘဲန ငါ့ဝိုစေလွှတ်လိုက်သူဝို ယုံကြည်ဇာဖြစ်ရယ်။ 45ငါ့ဝိုကေ့ဗြင်ဝိုသူဟလဲ ငါ့ဝိုစေလွှတ်လိုက်ဝိုသူဝို ဂေ့ဗြင်ဇာဖြစ်ရယ်။ 46ငါ့ဝိုယုံကြည်သူဒိုင်းဟ မှော်မိုက်ထဲမှာ မနေစေရဝို့ ငါဟ အယ်ဘာလောကဝို လန်းဖြစ်နကြွလာရယ်။ 47ဇုံတစ်ဦးဟ ငါ့ဂါးဒွေဝို ကြားပီး ယုံကြည်ဘဲနေရယ်ဆိုဝါ ငါဟသူ့ဝို ပြစ်ဒဏ်စီရင်ရ။ ဟဲဂျော့ဆိုဝါ ငါဟ ဘာလောကဝို ပြစ်ဒဏ်စီရင်ဝို့တွက်လာဇာမုဝ ကယ်တံဝို့တွက်လာဇာဖြစ်ရယ်။ 48အယ်ဘေမဲ့ ငါ့ဝိုငြင်းပယ်ပီး ငါ့ဂါးဝိုလက်ခံဘဲသူဝိုကလလော ပြစ်ဒဏ်စီရင်ဝို့လူရှေ့ရယ်။ ငါဟောပြောဝိုဂါးဒိုင်းဟ နော့ဆုံးနေ့ရစ်မှာ အဲမိုလူဝို ပြစ်ဒဏ်စီရင်လိမယ်။ 49အယ်မိုဇာဝို ငါဟ ငါ့ဆန္ဒဘောတိုင်း ပြောဆိုနေဇာမုဘဲန ငါ့ဝိုစေလွှတ်လိုက်ဝို ငါ့ခမည်းတော်ဟ ငါဟယ်ဇာဝိုဟောပြောရမယ်၊ ဟယ်ဇာဝိုပြောဆိုရမယ်ဆိုပီး မိတော်ပေးရားဂျော့ ငါပြောနေဇာဖြစ်ရယ်။ 50ခမည်းတော်မိဟ ထာဝရသက်ဖြစ်ကြောဝို ငါသိရယ်။ အဲဂျော့ ခမည်းတော် ငါ့ဝိုပြောဇာမှန်သမျှဝို ငါဟ ဟောပြောဇာဖြစ်ရယ်'ဆိုပီး ကြွေးကြော်လေရယ်။
Actualmente seleccionado:
John 12: ttpv-rv
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
John 12
12
1ပသခါပွဲမစမှီ ခြော့ရစ်အလိုမှာ ကိုယ်တော်ယေရှုဟ သေရာဟနေပလန်ရှင်စေတော်မူဝို လာဇရုရှေ့ရာ ဗေသနိဝါဝို ကြွတော်မူလေရယ်။ 2သူ့နို့ဟ ကိုယ်တော်ယေရှုတွက် ညစာဝို ပြင်ဆင်ပေးနေဂေ့ပီး မာသဟလဲ ဧည့်ဝတ်ပြုနေလေရယ်။ ကိုယ်တော်ယေရှုနတူ ဘွဲမှာထိုင်နေဝိုလူဒွေထဲမှာ လာဗရုလဲပါလေရယ်။ 3သူ့နို့ဟ ကိုယ်တော်ယေရှုတွက် ညစာဝို ပြင်ဆင်ပေးနေဂေ့ပီး မာသဟလဲ ဧည့်ဝတ်ပြုနေလေရယ်။ ကိုယ်တော်ယေရှုနတူ ဘွဲမှာထိုင်နေဝိုလူဒွေထဲမှာ လာဗရုလဲပါလေရယ်။ 4အယ်ဘေမဲ့ ဗြိတော်ဒွေထဲဟ ယော့ဖြစ်ဝို ကိုယ်တော်ဝို သစ္စာဖော့ဝို့လူဖြစ်ဝို ယုဒဣရှကာရုတ်ဟ 5'ဟဲဖြစ်ရိ အယ်မိုရေမွှီးဝို ငွေဒန်းဂါးသုံးရာနရောပီး မရှိဆင်းရဲသားဒွေဝို ပေးလှူခဲ့ဘဲနူး'ဆိုပီး ပြောလေရယ်။ 6အဲမိုမျိုး ပြောဇာဟလော သူဟ ဆင်းရဲသားဒွေဝို ကူညီရှင်ရိမုဝ။ သူဟ ခိုးဖြစ်ပီး ငွေအိဝိုတာဝန်ယူထီးသီးရင်း လှူငွေဒွေဝို နှိုက်ယူလေ့ရှေ့ရိတွက်ဖြစ်ရယ်။ 7အဲဂျော့ ကိုယ်တော်ယေရှုဟ 'သူမဝိုတားပါန၊ သူဟ ငါ့ဝိုဂြိုလ်ဝို့နေ့တွက် ကြိုတံပြင်ဆင်နေဇာဖြစ်ရယ်။ 8ဟဲရာဂျော့ဆိုဝါ ဆင်းရဲသားဒွေဟ နန်းနို့မှာ မြဲဒမ်းရှေ့နေမှာဖြစ်ပီး ငါဟလော နန်းနို့နတူတူရှေ့နိုင်မှာမုဝ'ဆိုပီး မိတော်မူလေရယ်။ 9ဟဲရာဂျော့ဆိုဝါ ဆင်းရဲသားဒွေဟ နန်းနို့မှာ မြဲဒမ်းရှေ့နေမှာဖြစ်ပီး ငါဟလော နန်းနို့နတူတူရှေ့နိုင်မှာမုဝ'ဆိုပီး မိတော်မူလေရယ်။ 10အဲဂျော့ ပုရောဟိတ်ကြီးကဲဒွေဟ လာဇရုဝိုလဲ သတ်ဝို့တွက် ကြံစည်ဂေ့လေရယ်။ 11ဟဲဂျော့ဆိုဝါ ဂျူးလူမျိုးများကီးဟ သူ့နို့ဝိုစွန့်ခွာပီး လာဇရုဝို ပြုခဲ့ဝိုမှုဒွေဂျော့ ကိုယ်တော်ယေရှုဝို ယုံကြည်လာဂေ့လေရယ်။ 12 နော့နေ့မှာ ပွဲတော်ဝိုလာဂေ့ဝို လူထုပရိသတ်များကီးဟ အဲမိုနေရာဝို ကိုယ်တော်ကြွလာမှာဝို ကြားသိရိတွက် 13စွန်ပလွံခက်ဒွေဝို ကိုင်ပီး ကိုယ်တော်ဝိုကြိုဆိုဝို့ ထွက်သွားဂေ့ကာ "ဘုရားရှင်ရဲ့ဂုဏ်တော်ဝို ချီးမွမ်းပါရယ်။ ဘုရားရှင်ရဲ့ဂိုးတော်အားန ကြွချီလာဝို အစ္စရေးဘုရင်ဟ ဘုန်းကီးပါစေသတည်း" ဆိုပီး ကြွေးကြော်ဂေ့လေရယ်။ 14ကိုယ်တော်ယေရှုဟ မြည်းငယ်ဝိုတွီ့ပီး စီးတော်မူလေရယ်။ အယ်မိုဇာဟ ကျမ်းစာမှာ 15"ဇိအုန်ဗြို့သူ ဗြို့သားဒို့၊ ကြော့ဂေ့န။ နန်းနို့ရဲ့ ရှင်မန်းကီးဟ မြည်းငယ်ဝိုစည်းပီး ကြွချီတော်မူဇာဝို ကေ့ကေ့လော့"ဆိုပီး ရေးထားဝိုတိုင်းဘဲ့ဖြစ်ရယ်။ 16အယ်မိုဇာဒွေဝို ဗြိတော်ဒွေဟ စဟနားမလည်ဂေ့ဘေမဲ့ ကိုယ်တော်ဟ ဘုန်းကျစ်သရေန ထံရှားဇာမှေ့ဘဲခီမှ အယ်မိုဇာဒွေဟ ကိုယ်တော်ဝို ရည်ညွှန်းရေးသားထားဇာဝိုရော၊ လူဒိုင်းဟလဲ ကိုယ်တော်ပေါ်ဝို အဲမိုတိုင်းဘဲ့ ပြုမူဇာဒွေဝိုရော အော့မေ့မှတ်ရဂေ့လေရယ်။ 17လာဇရုဝို သန်းခလိုင်းဂူထဲဟ ကိုယ်တော်ဟခေါ်ထုပီး သက်ပလန်ရှင်စေဝိုခီမှာ ကိုယ်တော်နတူတူရှေ့ဝို လူထုပရိသတ်ဒိုင်းဟ အဲမိုကြောဝို သက်သေခံထွက်ဆိုဂေ့လေရယ်။ ပုံဝို ဗြင်တွီ့ခဲ့ရဝို လူထုပရိသတ်တအုပ်စုဟ အဲမိုနေရာဝိုရော့လာပီး ခရစ်တော်ရဲ့ ထူးဆန်းအံ့ဩဖွယ်ကောဝို ဘုန်းဂိုးတော်ဒွေဝို ဒန်းဖြစ်န ဖော့သည်ခလ ပြောဂေ့လေရယ်။ 18လူထုပရိသတ်ပေါဒွေဟ ကိုယ်တော်ဝို ခရီးဦးကြိုရဇာဟ ကိုယ်တော်ဟ အဲမိုမျိုးအံ့ဖွယ်နမိလက္ခဏာဒွေဝို ပြုရစ်ဇာဝို ကြားသိဂေ့ရကြော့ရိဖြစ်ရယ်။ 19လူထုပရိသတ်ပေါဒွေဟ ကိုယ်တော်ဝို ခရီးဦးကြိုရဇာဟ ကိုယ်တော်ဟ အဲမိုမျိုးအံ့ဖွယ်နမိလက္ခဏာဒွေဝို ပြုရစ်ဇာဝို ကြားသိဂေ့ရကြော့ရိဖြစ်ရယ်။ 20ပွဲတော်မှာ ဝတ်ပြုကိုးကွယ်ဝို့ လာရော့ဝို လူဒွေထဲမှာ ဂရိလူမျိုးချို့ပါရယ်။ 21သူ့နို့ဟ ဂါလိလဲနယ်၊ ဗက်ဇဲဒမိသားစုဖြစ်ဝို ဖိလိပ္ပုဆီလာပီး 'ဆရာ၊ ကျော်ဒို့ ကိုယ်တော်ဝိုတွီ့ဗြင်ရှင်ပါရယ်' ဆိုပီး တောဆိုဂေ့လေရယ်။ 22ဖိလိပ္ပုဟ အန္ဒြေဆီဝို သွားပြောပီးနော့ အန္ဒြန ဖိလိပ္ပုဒို့ဟ ကိုယ်တော်ဆီဝို သွားပီး ရှော့တံဂေ့လေရယ်။ 23အဲခါမှာ ကိုယ်တော်ယေရှုဟ 'လူ့သားတော်ဝို ဘုန်းအသရေတော် ထံရှားစေဝို့ခီ ရော့လာပီဖြစ်ရယ်။ 24နန်းနို့ဝို ငါမှန်ဆိုဇာဟလော၊ ဘားဇေ့ဟ မလေပေါ်မှာ ကလပီး ပံပေါ့ဘဲနေဆိုဝါ ဇေ့ဒဲဘဲ့ရှေ့လေရယ်၊ ဂယ်ရိ ပံပေါ့မယ်ဆိုဝါ သီးနှံများကီးဝို ဖြစ်ထွန်းစေရယ်။ 25ကိုယ့်သက်ဝို ရှစ်ခင်တွယ်တာဝိုလူဒွေဟ အဲမိုသက်တာဝို ဆုံးရှုံးရလိမယ်ဖြစ်ပီး အယ်မိုဘာလောကမှာ ကိုယ့်သက်ဝို ရှစ်ခင်တွယ်တာမှုမှေ့ဘဲဝို လူဒွေဟ အဲမိုသက်တာဝိုထာဝရရရှေ့လိမယ်ဖြစ်ရယ်။ 26ငါ့မှုတော်ဝို ထမ်းဝက်လိုဝို ဟယ်သူမဆို ငါ့နော့တော်ဝိုလိုက်ရမယ်။ အဲခါမှာ သူဟ ငါရှေ့ဝိုနေရာမှာ ငါနတူတူ မှုတော်ဝို ဆော်ဝက်ရလိမယ်။ငါ့ခမည်းတော်ဟလဲ ငါ့မှုတော်ဝို ထမ်းဝက်ဝိုလူဝို ချီးမွမ်းလိမယ်။ 27ခု ငါဟ စိပူပန်နေရယ်။ ငါဟဲမျိုး ရှော့ရမယ်နူး။ 'အဖ၊ အယ်ခီမှာ ကျော့်ဝို ကယ်တံတော်မူပါ'ဆိုပီး ရှော့ရမယ်လော။ အယ်ဘေမဲ့ ငါလာဇာဟ အယ်မိုခီတွက်ဘဲ့ဖြစ်ရယ်။ 28အို အဖ၊ ဖခမည်းတော်ရဲ့နာမတော်ဝို ဘုန်းတော်ထံရှားစေတော်မူပါ" ဆိုပီး ဆုတောလေရယ်။ အဲခါမှာ "ငါဟငါကိုယ်တော်တိုင် ဘုန်းတော်ထံရှားစေပီဖြစ်ရယ်။ နော့ထပ်တခါလဲ ငါကိုယ်တော်တိုင် ဘုန်းတော်ထံရှားစေဦးမယ်ဖြစ်ရယ်" ဆိုပီး ကောကံဟ သံတော်ထွက်ပေါ်လာလေရယ်။ 29အဲမိုနီးမှာရပ်နေပီး အဲမိုသံဝိုကြားဂေ့ဝို လူထုပရိသတ်ချို့ဟ 'မိုးချီးရယ်' ဆိုပီး ပြောဂေ့ပီး ခြားလူဒွေဟ 'နတ်ဒေဝါဟ သူ့န ဂါးပြောနေလေရယ်'ဆိုပီး ပြောဂေ့လေရယ်။ 30ကိုယ်တော်ဟ 'အဲမိုသံဟ ငါ့ရဲ့ကိုယ်ကျိုးတွက်မှုဘဲန နန်းနို့ကိုယ်ကျိုးတွက်ဘဲ့ဖြစ်ရယ်။ 31အယ်မိုလောကဟ ခုကာလမှာ ရားစီရင်ဇာခံရမှာဖြစ်ပီး၊ အယ်မိုလောကဝို အုပ်စိုးနေဝိုလူဒွေဟ ခုကာလမှာ နှံထုခံရမှာဖြစ်ရယ်။ 32ပီးရယ်ဆိုဝါ ငါဟလဲ ဘာမလေမှာ လက်ဝါးကပ်ဝိုင်ပေါ်မှာ တံမြှော့ဇာခံရဝိုခီမှာ လူဒွေဝိုလဲ ငါ့ဆီဝို လာရှင်အော် လုပ်မှာဖြစ်ရယ်။ 33အယ်မိုမျိုးမိတော်မူဇာဟ ကိုယ်တော်ဟ သူဟယ်မျိုးဟယ်ပုံ သေရှင်းန သေခံမယ်ဆိုဇာဝို ရည်ညွှန်းပြောဆိုနေဇာဖြစ်ရယ်။ 34လူထုပရိသတ်ဒွေဟ ကိုယ်တော်ဝို 'မေရှိယဟ အယ်မိုရပ်ဒေသမှာ မြဲဒမ်းတည်ရှေ့နေမယ်ဆိုဇာဝို ကျမ်းစာထဲမှာ နို့ကြားသိရပီးပီဖြစ်ရယ်။အဲမျိုးဖြစ်နယ်ဆိုဝါ 'လူ့သားတော်ဟ အယ်မိုဘာမလေကီးဟ တံမြှော့ထားရမယ်'ဆိုပီး သင် ဟဲဖြစ်ရိပြောနိုင်နူး။ အဲမို လူသားတော်ဟ ဟယ်သူနူး"ဆိုပီး မေးဂေ့လေရယ်။ 35ကိုယ်တော်ဟလဲ သူ့နို့ဝို 'လန်းဟ နန်းနို့န ခနလော့ရှေ့နေဦးမယ်ဖြစ်ရယ်။ လန်းရှေ့နေဒူးခီမှာ သွားလာဂေ့လော့။ အဲကလမှ မှော်ထုဟ နန်းနို့ဝို အုပ်မိုးဇာ မှေ့ဘဲနေမှာဖြစ်ရယ်။ မှော်မိုက်မှာ သွားလာဝိုသူဟ သူဟယ်ဝို သွားလာမယ်ဆိုဇာဝို သိမှာမုဝ။ 36လန်းရှေ့စခီမှာ လန်းရဲ့သားမီးဒွေဖြစ်စေဝို့တွက် လန်းဝိုယုံကြည်ဂေ့လော့'ဆိုပီး မိတော်မူရယ်။ ကိုယ်တော်ဟ အယ်မိုဇာဒွေဝို ဟောပြောတော်မူပီးနော့ သူ့နို့ဆီဟနေ ထွက်ပလေး တီးရှော်တော်မူလေရယ်။ 37ကိုယ်တော်ယေရှုဟ အယ်လော့များပြားဝိုအံ့ဖွယ်နမိလက္ခဏာဒွေဝို သူ့နို့ရှေ့မှော့မှာ ပြုတော်မူဂိုမှ သူ့နို့ဟ ကိုယ်တော်ဝို ယုံကြည်ဇာမှေ့ဂေ့ရ။ 38အယ်ဇာဟ"အိုအဖဘုရားရှင်၊ ကျော်ဒို့ရဲ့ဒန်းဂါးဝို ဟယ်သူဒွေဟ ယုံကြည်ပီး ဟယ်သူဒွေဝို အဖဘုရားရှင်ရဲ့ ကယ်တံခြင်းဂိုးတော်ဝို ပြသရမယ်နူး'ဆိုပီး ပရောဖက်ဟေရှာယ ဟောပြောရစ်ဝို ဂါးဟ ပလဲ့ဇုံဇာဝို ရော့ရှေ့မဲ့ကြောဘဲ့ဖြစ်ရယ်။ 39လူဒွေယုံကြည်နိုင်ဘဲဝိုကြောဟ ဟေရှာယဟ 40သူ့နို့ဟ မျစ်စိနဗြင်ပီး စိနှလုံးနနားလည်နိုင်မှ ပလောဂေ့မှာဖြစ်ရိတွက် ငါဟ သူ့နို့ဝိုကျန်းမာစေမဲ့ဖြစ်မျိုးမှေ့စေဝို့ ဘုရားရှင်ဟ သူ့နို့ရဲ့မျစ်စိဝို ကွယ်စေတော်မူပီး သူ့နို့ရဲ့စိနှလုံးဝို မာကျောစေတော်မူရယ်'ဆိုပီး ဟောပြောခဲ့ရိတွက်ဖြစ်ရယ်။ 41ဟေရှာယဟ ကိုယ်တော်ရဲ့ဘုန်းအသရေဂျော့ အယ်မျိုးပြောဆိုပီး ကိုယ်တော်ကြောဝို ဟောပြောဇာဖြစ်ရယ်။ 42ဟယ်မျိုးဘဲ့ဖြစ်ပါစေ ဂျူးလူမျိုးကြီးကဲဒွေဆီမှာလဲ ကိုယ်တော်ဝို ယုံကြည်သူများကီးရှေ့လေရယ်။အယ်ဘေမဲ့ သူ့နို့ဟ ဓမ္မာရုံဟ ထုပယ်ခံရမှာကြော့ရိတွက် ဖာရိရှဲဒွေဆီမှာ ယုံကြည်ခြင်းကြောဝို သူ့နို့ဝန်ခံရဲရ။ 43သူ့နို့ဟ ဘုရားရှင်ရဲ့ချီးမြှော့ဇာထက် လူဒွေရဲ့ချီးမြှော့ဇာဝို ပိုပီး ကြိုက်ဂေ့ရယ်။ 44ထပ်ပီး ကိုယ်တော်ဟ 'ငါ့ဝို ယုံကြည်သူဟ ငါ့ဝိုယုံကြည်ဇာဘဲ့မုဘဲန ငါ့ဝိုစေလွှတ်လိုက်သူဝို ယုံကြည်ဇာဖြစ်ရယ်။ 45ငါ့ဝိုကေ့ဗြင်ဝိုသူဟလဲ ငါ့ဝိုစေလွှတ်လိုက်ဝိုသူဝို ဂေ့ဗြင်ဇာဖြစ်ရယ်။ 46ငါ့ဝိုယုံကြည်သူဒိုင်းဟ မှော်မိုက်ထဲမှာ မနေစေရဝို့ ငါဟ အယ်ဘာလောကဝို လန်းဖြစ်နကြွလာရယ်။ 47ဇုံတစ်ဦးဟ ငါ့ဂါးဒွေဝို ကြားပီး ယုံကြည်ဘဲနေရယ်ဆိုဝါ ငါဟသူ့ဝို ပြစ်ဒဏ်စီရင်ရ။ ဟဲဂျော့ဆိုဝါ ငါဟ ဘာလောကဝို ပြစ်ဒဏ်စီရင်ဝို့တွက်လာဇာမုဝ ကယ်တံဝို့တွက်လာဇာဖြစ်ရယ်။ 48အယ်ဘေမဲ့ ငါ့ဝိုငြင်းပယ်ပီး ငါ့ဂါးဝိုလက်ခံဘဲသူဝိုကလလော ပြစ်ဒဏ်စီရင်ဝို့လူရှေ့ရယ်။ ငါဟောပြောဝိုဂါးဒိုင်းဟ နော့ဆုံးနေ့ရစ်မှာ အဲမိုလူဝို ပြစ်ဒဏ်စီရင်လိမယ်။ 49အယ်မိုဇာဝို ငါဟ ငါ့ဆန္ဒဘောတိုင်း ပြောဆိုနေဇာမုဘဲန ငါ့ဝိုစေလွှတ်လိုက်ဝို ငါ့ခမည်းတော်ဟ ငါဟယ်ဇာဝိုဟောပြောရမယ်၊ ဟယ်ဇာဝိုပြောဆိုရမယ်ဆိုပီး မိတော်ပေးရားဂျော့ ငါပြောနေဇာဖြစ်ရယ်။ 50ခမည်းတော်မိဟ ထာဝရသက်ဖြစ်ကြောဝို ငါသိရယ်။ အဲဂျော့ ခမည်းတော် ငါ့ဝိုပြောဇာမှန်သမျှဝို ငါဟ ဟောပြောဇာဖြစ်ရယ်'ဆိုပီး ကြွေးကြော်လေရယ်။
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.