Лыдпусъёс 25
25
25-тӥ ЛЮКЕТ
1Израиль калык Сӥттимын улӥз, Моавлэн нылъёсыныз азыса-калгыса улыны кутскиз калык, 2моав нылъёс калыкез асьсэлэн инмаръёссылы курбон сётон доразы ӧтьылӥзы, соку калык [соослэсь курбонъёссэс] сииз, соослэн инмаръёссылы йыбыртъяз. 3Израиль сюлмыныз Ваал-Фегор борды лякиськиз. Соку Кузё-Инмарлэн вожпотонэз Израиль вылэ ӝуатскиз. 4Кузё-Инмар Моисейлы шуиз: «Калыклэсь вань кивалтӥсьёссэ кут но Кузё-Инмар азе шунды шоры соосты ошылы, соку Кузё-Инмарлэн Израиль вылэ йыркурез кысоз». 5Моисей Израильысь судьяослы шуиз: «Ваал-Фегор борды сюлмынызы лякиськем вань адямиостэс ваньды виылэ».
6Тани, израиль пиос пӧлысь одӥгез лыктӥз но агай-вынъёсыз доры, Моисейлэн син азяз, вань люкаськем израиль пиослэн син азязы, соослэн вӧсяськон скиниялэн ӧс дораз бӧрдыса сылон вакытазы, мадиан выжы нылэз вайиз. 7Аарон священниклэн Елеазар пиезлэн Финеес пиез тае адӟем бераз калык пӧлысь султӥз но кияз шибоды кутӥз, 8израиль пилэн мышкытӥз кӧлан висъетэ пыриз но кыкназэс ик – израиль пиен мадиан кышномуртэз – бышкалтӥз, кышномуртлэн кӧтаз бышкалтӥз: та бере израиль пиосты погыртон-виылон дугдӥз. 9Виыса погыртэмын вал кызь ньыль сюрс мурт.
10Кузё-Инмар Моисейлы тазьы вераз, тазьы шуиз: 11«Аарон священниклэн Елеазар пиезлэн Финеес пиез Мынэсьтым вожпотонме израиль пиос вылысь палэнтӥз, соос пӧлын со возьматӥз уго аслэсьтыз Монэ юн яратэмзэ, соку Мон воже потон дыръя израиль пиосты пумозяз ӧй быдты. 12Соин ик тон шу: ”Тани, Мон соин сӥзён-косон пыр тупаса улон кусып кылдытӥсько. 13Та сӥзён-косонъя, аслэсьтыз Инмарзэ юн яратэмзэ возьматэмез понна, израиль пиосты сьӧлыксылэсь мозмытэмез понна, солэн выжыысьтыз потэмъёс пумтэм вапумъёс ӵоже священник луыны быгатозы”». 14Мадиан выжы нылын ӵош вием израиль пилэн нимыз Зӥмри, Салулэн пиез вал со, Симеон выжылэн кивалтӥсез. 15Нош вием мадиан ныллэн нимыз Хазва, со мадиан калык пӧлысь Оммоф выжылэн кивалтӥсезлэн, Цурлэн, нылыз вал.
16Кузё-Инмар Моисейлы тазьы вераз, тазьы шуиз: 17«Ӝикатэ мадиан калыкез, погыртэ соосты та понна: 18тушмонъёс кадь соос тӥледлы кескич уж лэсьтӥзы, Фегор пыр, соослэн сузэрзы, мадиан калык пӧлысь кивалтӥсьлэн Хазва нылыз пыр, соос тӥлесьтыд визьдэс сыназы, Фегорлы йыбыртъямез понна калыкез погыртон нуналэ Хазва виемын вал».
Actualmente seleccionado:
Лыдпусъёс 25: УДМБИБ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016
Лыдпусъёс 25
25
25-тӥ ЛЮКЕТ
1Израиль калык Сӥттимын улӥз, Моавлэн нылъёсыныз азыса-калгыса улыны кутскиз калык, 2моав нылъёс калыкез асьсэлэн инмаръёссылы курбон сётон доразы ӧтьылӥзы, соку калык [соослэсь курбонъёссэс] сииз, соослэн инмаръёссылы йыбыртъяз. 3Израиль сюлмыныз Ваал-Фегор борды лякиськиз. Соку Кузё-Инмарлэн вожпотонэз Израиль вылэ ӝуатскиз. 4Кузё-Инмар Моисейлы шуиз: «Калыклэсь вань кивалтӥсьёссэ кут но Кузё-Инмар азе шунды шоры соосты ошылы, соку Кузё-Инмарлэн Израиль вылэ йыркурез кысоз». 5Моисей Израильысь судьяослы шуиз: «Ваал-Фегор борды сюлмынызы лякиськем вань адямиостэс ваньды виылэ».
6Тани, израиль пиос пӧлысь одӥгез лыктӥз но агай-вынъёсыз доры, Моисейлэн син азяз, вань люкаськем израиль пиослэн син азязы, соослэн вӧсяськон скиниялэн ӧс дораз бӧрдыса сылон вакытазы, мадиан выжы нылэз вайиз. 7Аарон священниклэн Елеазар пиезлэн Финеес пиез тае адӟем бераз калык пӧлысь султӥз но кияз шибоды кутӥз, 8израиль пилэн мышкытӥз кӧлан висъетэ пыриз но кыкназэс ик – израиль пиен мадиан кышномуртэз – бышкалтӥз, кышномуртлэн кӧтаз бышкалтӥз: та бере израиль пиосты погыртон-виылон дугдӥз. 9Виыса погыртэмын вал кызь ньыль сюрс мурт.
10Кузё-Инмар Моисейлы тазьы вераз, тазьы шуиз: 11«Аарон священниклэн Елеазар пиезлэн Финеес пиез Мынэсьтым вожпотонме израиль пиос вылысь палэнтӥз, соос пӧлын со возьматӥз уго аслэсьтыз Монэ юн яратэмзэ, соку Мон воже потон дыръя израиль пиосты пумозяз ӧй быдты. 12Соин ик тон шу: ”Тани, Мон соин сӥзён-косон пыр тупаса улон кусып кылдытӥсько. 13Та сӥзён-косонъя, аслэсьтыз Инмарзэ юн яратэмзэ возьматэмез понна, израиль пиосты сьӧлыксылэсь мозмытэмез понна, солэн выжыысьтыз потэмъёс пумтэм вапумъёс ӵоже священник луыны быгатозы”». 14Мадиан выжы нылын ӵош вием израиль пилэн нимыз Зӥмри, Салулэн пиез вал со, Симеон выжылэн кивалтӥсез. 15Нош вием мадиан ныллэн нимыз Хазва, со мадиан калык пӧлысь Оммоф выжылэн кивалтӥсезлэн, Цурлэн, нылыз вал.
16Кузё-Инмар Моисейлы тазьы вераз, тазьы шуиз: 17«Ӝикатэ мадиан калыкез, погыртэ соосты та понна: 18тушмонъёс кадь соос тӥледлы кескич уж лэсьтӥзы, Фегор пыр, соослэн сузэрзы, мадиан калык пӧлысь кивалтӥсьлэн Хазва нылыз пыр, соос тӥлесьтыд визьдэс сыназы, Фегорлы йыбыртъямез понна калыкез погыртон нуналэ Хазва виемын вал».
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016