Лыдпусъёс 21
21
21-тӥ ЛЮКЕТ
1Лымшор палан улӥсь Арадлэн ханаан эксэез Афаримысь потӥсь сюрес кузя Израиль лыктэ шуыса кылӥз но израиль калыкен ожмаськыны кутскиз, куд-огзэс пленэ басьтӥз. 2Кузё-Инмар азьын кыл сётыса, Израиль шуиз: «Та калыкез мынам киулам сётӥд ке, соку [соосты,] городъёссэс каргало-быдто». 3Кузё-Инмар Израильлэсь куаразэ кылӥз, хананейёсты солэн киулаз сётӥз, соку Израиль соосты, соослэсь городъёссэс каргаз-быдтӥз, со интылы Хорма#21:3 Хорма – «карган» шуэм луэ ним сётӥз.
4Ор гурезь дорысь Горд Кам зарезь пала нуись сюрес кузя кошкизы Едом музъеме пыронтэм вылысь. Сюрес вылысен калык ӟургетыны кутскиз, 5Инмарлы пумит, Моисейлы пумит калык вераны кутскиз: «Малы тӥ милемыз Египетысь поттӥды, луоё кыр дуннее мед куломы шуыса-а, татын нянь но, ву но ӧвӧл ук, милям лулмы кӧтвеськантэм каре ини та кӧш сиёнэз». 6Соку Кузё-Инмар калык вылэ ядо кыйёсты лэзиз но, соос адямиосты леказы, израиль калык пӧлысь трос калык быриз. 7Соку калык Моисей доры лыктыса шуиз: «Кузё-Инмарлы пумит, тыныд пумит кылъёс вераса сьӧлыкамы ми; Кузё-Инмар азьын вӧсяськы, кыйёсты ми дорысь Со мед уллялоз». Моисей калык понна [Кузё-Инмар азьын] вӧсяськиз.
8Кузё-Инмар Моисейлы шуиз: «[Ыргонлэсь] аслыд кый лэсьты но сое майыг йылэ шедьыты, [кинэ ке кый лексиз ке,] кый лексем мурт со шоры учкоз но улэп кылёз». 9Моисей ыргон кый лэсьтӥз но майыг йылэ шедьытӥз; нош кинэ ке кый лексе ке, со мурт ыргон кый шоры учке но улэп кыле.
10Израиль пиос сюрес вылэ вырӟизы но Овофе вуыса, отчы дугдӥзы; 11Овофысь кошкыса, луоё кыр дуннеысь Ийе-Авариме дугдӥзы, со луоё кыр дунне Моавлы ваче беринын, шундыӝужан палан интыяськемын. 12Отысь кошкыса, Заред нёжалэ дугдӥзы; 13татысь кошкыса, Арнон ӧр дуре, солэн луоё кыр дуннеысь люкетаз дугдӥзы, со Аморрей музъемлэн палэназ, уго Арнон Моавлэн кунгожез, Моавен Аморрей музъемъёс вискытӥ бызись ӧр. 14Соин ик Кузё-Инмарлэн ожмаськонъёс сярысь веран книгаяз гожтэмын: 15Суфаысь Вагеб но Арнонлэн кутскон палысьтызы вайёсыз, татысен ву ӧр Шебет-Ар пала кошке, Моавлэн кунгожез доры вуэ. 16Татысен Беэр#21:16 Беэр – «гудӟем, колодча, куйы» шуэм луэ доры [кошкизы]; та гудӟем сярысь Кузё-Инмар Моисейлы шуиз: «Калыкез люка, Мон соослы ву сёто». 17Соку Израиль тазьы кырӟаны кутскиз: «Гудӟем (колодча), вуэн тырмы, сое данъяса кырӟалэ; 18та колодчаез кивалтӥсьёс гудӟизы, калыклэн азьвалтӥсьёсыз закон сётӥсен ӵош копаса вуттӥзы, кивалтэт бодыосынызы гудӟизы». Луоё кыр дуннеысен Матаннае [кошкизы], 19Матаннаысь – Нагалиилэ, Нагалиилысь Вамофе кошкизы. 20Моав музъемысь луоё кыр дунне шоры учкыса сылӥсь Фасги гурезь йылэ интыяськем Гае Вамофысь лыктӥзы. 21Аморрейёслэн Сӥгон эксэйзы доры Израиль адямиоссэ вераськыны ыстӥз [тупаса улон сярысь вераськыны] но тазьы шуыны: 22«Лэзь монэ музъем ваментӥд ортчыны; [ми сюрес кузя мыномы,] тынад шаеред пыр ортчытозямы, бусыосад, виноград садъёсад ум пыралэ, гудӟемъёсысьтыд вудэ ум юэ, эксэй сюрес кузя мыномы». 23Нош Сӥгон Израилез музъем пыртӥз потыны ӧз лэзьы; Сӥгон, вань калыксэ люкаса, луоё кыр дуннеысен Израиль вылэ урдскиз, Яаца доры вуиз, Израилен ожмаськиз. 24Израиль сое меч улаз погыртӥз но Арнон ӧр дорысен Иавок ӧр дорозь, аммон калыклэн улон интыозяз кыстӥськись музъемез киултӥз; аммон калыклэн улон интыез юн вал; 25Израиль вань та городъёсты киулаз басьтӥз, аморрейёслэн вань городъёсазы, Есевонын но солы тэрытскись вань городъёсын, улыны кутскиз. 26Есевон аморрей эксэйлэн, Сӥгонлэн, городэз вал уго, со ожмаськиз Моавлэн азьвыл эксэеныз, солэн киулысьтыз Арнон ӧр дорозь кыстӥськись быдэс музъемез киулаз басьтӥз. 27Соин ик кыласа-бураса верасьёс шуо: «Мынэ Есевонэ, мед тупатозы, мед юнматозы Сӥгонлэсь городзэ; 28уго Есевонысь тыл потӥз, гомась тыл потӥз Сӥгонлэн городысьтыз, Ар-Моавез, Арнон ӧр вӧзысь гурезь йылъёслэсь кузёоссэс тыл ньылӥз. 29Куректон-кайгу тыныд, Моав! Кулӥд-бырид тон, Хамослэн калыкез! Солэн пиосыз пегӟыса кошкизы, солэн нылъёсыз аморрейёслэн Сӥгон эксэйзылы медо-ляльчиос луизы; 30ми соосты пукыӵ ньӧлъёсын погыръямы; Дивонозь Есевон быриз, Медевалы матысь Нофа дорозь ми сое тырттэм кельтӥмы». 31Израиль аморрей музъемын улыны кутскиз. 32Моисей адямиоссэ Иазерез учкыны-чакланы ыстӥз, [сое ассэ но,] солы тэрытскись гуртъёсты но киултӥзы, отын улӥсь аморрейёсты улляса лэзизы. 33Отысен кожытскыса, Васан пала мынӥзы. Едрея дорысен Васанлэн Ог эксэез аслаз вань калыкеныз ӵош соосын ожмаськыны кутскиз.
34Соку Кузё-Инмар Моисейлы шуиз: «Солэсь эн кышка, уго Мон сое ассэ но, вань калыксэ, быдэс музъемзэ но тынад киулад сёто, солы озьы ик карод, кызьы карид Есевонын улӥсь аморрейёслэн Сӥгон эксэйзылы». 35Соос сое ассэ но, солэсь пиоссэ, солэсь вань калыксэ но погыртӥзы, озьы одӥг улэп муртсы но ӧз кыльы, Сӥгонлэсь музъемзэ киулазы басьтӥзы.
Actualmente seleccionado:
Лыдпусъёс 21: УДМБИБ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016
Лыдпусъёс 21
21
21-тӥ ЛЮКЕТ
1Лымшор палан улӥсь Арадлэн ханаан эксэез Афаримысь потӥсь сюрес кузя Израиль лыктэ шуыса кылӥз но израиль калыкен ожмаськыны кутскиз, куд-огзэс пленэ басьтӥз. 2Кузё-Инмар азьын кыл сётыса, Израиль шуиз: «Та калыкез мынам киулам сётӥд ке, соку [соосты,] городъёссэс каргало-быдто». 3Кузё-Инмар Израильлэсь куаразэ кылӥз, хананейёсты солэн киулаз сётӥз, соку Израиль соосты, соослэсь городъёссэс каргаз-быдтӥз, со интылы Хорма#21:3 Хорма – «карган» шуэм луэ ним сётӥз.
4Ор гурезь дорысь Горд Кам зарезь пала нуись сюрес кузя кошкизы Едом музъеме пыронтэм вылысь. Сюрес вылысен калык ӟургетыны кутскиз, 5Инмарлы пумит, Моисейлы пумит калык вераны кутскиз: «Малы тӥ милемыз Египетысь поттӥды, луоё кыр дуннее мед куломы шуыса-а, татын нянь но, ву но ӧвӧл ук, милям лулмы кӧтвеськантэм каре ини та кӧш сиёнэз». 6Соку Кузё-Инмар калык вылэ ядо кыйёсты лэзиз но, соос адямиосты леказы, израиль калык пӧлысь трос калык быриз. 7Соку калык Моисей доры лыктыса шуиз: «Кузё-Инмарлы пумит, тыныд пумит кылъёс вераса сьӧлыкамы ми; Кузё-Инмар азьын вӧсяськы, кыйёсты ми дорысь Со мед уллялоз». Моисей калык понна [Кузё-Инмар азьын] вӧсяськиз.
8Кузё-Инмар Моисейлы шуиз: «[Ыргонлэсь] аслыд кый лэсьты но сое майыг йылэ шедьыты, [кинэ ке кый лексиз ке,] кый лексем мурт со шоры учкоз но улэп кылёз». 9Моисей ыргон кый лэсьтӥз но майыг йылэ шедьытӥз; нош кинэ ке кый лексе ке, со мурт ыргон кый шоры учке но улэп кыле.
10Израиль пиос сюрес вылэ вырӟизы но Овофе вуыса, отчы дугдӥзы; 11Овофысь кошкыса, луоё кыр дуннеысь Ийе-Авариме дугдӥзы, со луоё кыр дунне Моавлы ваче беринын, шундыӝужан палан интыяськемын. 12Отысь кошкыса, Заред нёжалэ дугдӥзы; 13татысь кошкыса, Арнон ӧр дуре, солэн луоё кыр дуннеысь люкетаз дугдӥзы, со Аморрей музъемлэн палэназ, уго Арнон Моавлэн кунгожез, Моавен Аморрей музъемъёс вискытӥ бызись ӧр. 14Соин ик Кузё-Инмарлэн ожмаськонъёс сярысь веран книгаяз гожтэмын: 15Суфаысь Вагеб но Арнонлэн кутскон палысьтызы вайёсыз, татысен ву ӧр Шебет-Ар пала кошке, Моавлэн кунгожез доры вуэ. 16Татысен Беэр#21:16 Беэр – «гудӟем, колодча, куйы» шуэм луэ доры [кошкизы]; та гудӟем сярысь Кузё-Инмар Моисейлы шуиз: «Калыкез люка, Мон соослы ву сёто». 17Соку Израиль тазьы кырӟаны кутскиз: «Гудӟем (колодча), вуэн тырмы, сое данъяса кырӟалэ; 18та колодчаез кивалтӥсьёс гудӟизы, калыклэн азьвалтӥсьёсыз закон сётӥсен ӵош копаса вуттӥзы, кивалтэт бодыосынызы гудӟизы». Луоё кыр дуннеысен Матаннае [кошкизы], 19Матаннаысь – Нагалиилэ, Нагалиилысь Вамофе кошкизы. 20Моав музъемысь луоё кыр дунне шоры учкыса сылӥсь Фасги гурезь йылэ интыяськем Гае Вамофысь лыктӥзы. 21Аморрейёслэн Сӥгон эксэйзы доры Израиль адямиоссэ вераськыны ыстӥз [тупаса улон сярысь вераськыны] но тазьы шуыны: 22«Лэзь монэ музъем ваментӥд ортчыны; [ми сюрес кузя мыномы,] тынад шаеред пыр ортчытозямы, бусыосад, виноград садъёсад ум пыралэ, гудӟемъёсысьтыд вудэ ум юэ, эксэй сюрес кузя мыномы». 23Нош Сӥгон Израилез музъем пыртӥз потыны ӧз лэзьы; Сӥгон, вань калыксэ люкаса, луоё кыр дуннеысен Израиль вылэ урдскиз, Яаца доры вуиз, Израилен ожмаськиз. 24Израиль сое меч улаз погыртӥз но Арнон ӧр дорысен Иавок ӧр дорозь, аммон калыклэн улон интыозяз кыстӥськись музъемез киултӥз; аммон калыклэн улон интыез юн вал; 25Израиль вань та городъёсты киулаз басьтӥз, аморрейёслэн вань городъёсазы, Есевонын но солы тэрытскись вань городъёсын, улыны кутскиз. 26Есевон аморрей эксэйлэн, Сӥгонлэн, городэз вал уго, со ожмаськиз Моавлэн азьвыл эксэеныз, солэн киулысьтыз Арнон ӧр дорозь кыстӥськись быдэс музъемез киулаз басьтӥз. 27Соин ик кыласа-бураса верасьёс шуо: «Мынэ Есевонэ, мед тупатозы, мед юнматозы Сӥгонлэсь городзэ; 28уго Есевонысь тыл потӥз, гомась тыл потӥз Сӥгонлэн городысьтыз, Ар-Моавез, Арнон ӧр вӧзысь гурезь йылъёслэсь кузёоссэс тыл ньылӥз. 29Куректон-кайгу тыныд, Моав! Кулӥд-бырид тон, Хамослэн калыкез! Солэн пиосыз пегӟыса кошкизы, солэн нылъёсыз аморрейёслэн Сӥгон эксэйзылы медо-ляльчиос луизы; 30ми соосты пукыӵ ньӧлъёсын погыръямы; Дивонозь Есевон быриз, Медевалы матысь Нофа дорозь ми сое тырттэм кельтӥмы». 31Израиль аморрей музъемын улыны кутскиз. 32Моисей адямиоссэ Иазерез учкыны-чакланы ыстӥз, [сое ассэ но,] солы тэрытскись гуртъёсты но киултӥзы, отын улӥсь аморрейёсты улляса лэзизы. 33Отысен кожытскыса, Васан пала мынӥзы. Едрея дорысен Васанлэн Ог эксэез аслаз вань калыкеныз ӵош соосын ожмаськыны кутскиз.
34Соку Кузё-Инмар Моисейлы шуиз: «Солэсь эн кышка, уго Мон сое ассэ но, вань калыксэ, быдэс музъемзэ но тынад киулад сёто, солы озьы ик карод, кызьы карид Есевонын улӥсь аморрейёслэн Сӥгон эксэйзылы». 35Соос сое ассэ но, солэсь пиоссэ, солэсь вань калыксэ но погыртӥзы, озьы одӥг улэп муртсы но ӧз кыльы, Сӥгонлэсь музъемзэ киулазы басьтӥзы.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016