Лыдпусъёс 20
20
20-тӥ ЛЮКЕТ
1Израиль пиос, вань калык, нырысетӥ толэзе Сӥн луоё кыр дуннее вуизы, калык Кадесэ дугдӥз, отысен Мариам кулӥз, сое отчы ватӥзы. 2Калык, ву тырмымтэысь, Моисеен Ааронлы пумит кыл вераны огазе люкаськиз; 3калык Моисей вылэ йыркуръяськыса шуиз: «Э, Кузё-Инмар азьын милям агай-вынъёсмы кулыку, ми но кулысалмы ке! 4Малы тӥ Кузё-Инмарлэсь калыксэ та луоё кыр дуннее вайиды, ми татчы мед куломы, пудоосмы мед бырозы шуыса-а? 5Мар понна тӥ милемыз Египетысь поттӥды, та чик кулэтэм интые вайыны-а, кытын кизьыны но уг луы, кытын смоква но, виноград но, гранат улмоос но ӧвӧл, юыны ву гинэ но ӧвӧл?» 6Соку Моисеен Аарон, калык азьысь кошкыса, вӧсяськон скинияе пырон ӧс доры мынӥзы но ымныр вылазы выдӥзы, соку соослы Кузё-Инмарлэн пиштӥсь данлыкез возьматскиз.
7Кузё-Инмар Моисейлы тазьы вераз, тазьы шуиз: 8«Кивалтэт бодыдэ кут но калыкез люка, тон но, Аарон агаед но соослэн син азязы изгурезьлы вералэ, со ас пушкысьтыз ву сётоз: озьы тон соослы изгурезь пушкысь ву поттод но калыкез но, пудоез но вуэн люкталод». 9Соку Моисей Кузё-Инмарлэн азьысьтыз кивалтэт бодыез басьтӥз, кызьы Со сое косӥз вал. 10Моисеен Аарон калыкез изгурезь доры люказы но со соослы шуиз: «Тэрытскисьтэм калык, кылзӥське монэ, та изгурезьысь тӥледлы юыны ву поттоно ке шат?» 11Моисей кизэ ӝутӥз но кивалтэт бодыеныз кык пол изгурезь борды шуккиз, соку бадӟым ву бызьыны кутскиз, калык но, пудооссы но юизы.
12Соку Кузё-Инмар Моисеен Ааронлы шуиз: «Мыным оскымтэды понна, Мынэсьтым святой ужъёсме израиль пиослэн син азязы возьматымтэды понна та калыкез Мынам соослы сётоно музъемам тӥ уд пыртэ». 13Та Меривалэн вуэз, та ву дурысен израиль пиос Кузё-Инмарен ченгешыны кутскизы, соку соослы Со Аслэсьтыз дун-сьӧлыктэм луэмзэ возьматӥз.
14Соку Моисей Кадесысен Едом эксэй доры аслэсьтыз адямиоссэ ыстӥз, [тазьы вераны косӥз]: «Тазьы шуэ тынад Израиль братэд: тон тодӥськод ми доры вуэм вань шугадӟонъёс сярысь; 15атайёсмы милям Египетэ улыны выжизы, Египетын ми кема аръёс ӵоже улӥмы, египет калык милемлы, милям атайёсмылы урод лэсьтыса улӥз; 16соку ми Кузё-Инмарлы вазиськимы но, Со милесьтым куарамес кылӥз, Кылчинэз ыстӥз но милемды Египет музъемысь поттӥз; табере, тани, ми Кадесын, тынад кунгож дурад сылӥсь городын; 17аслад музъемед пыр ортчыны лэзь милемыз: бусыосыд, виноград бакчаосыд пыр ми ум мынэ, гудӟемъёсысьтыд ву ум юэ, ми эксэй сюрес кузя мыномы, тынад музъемед пыр ортчытозямы, бурпала но, паллян пала но ми ум коже». 18Нош Едом солы шуиз: «Мон пыр эн мын, мынӥд ке, мечен пумитад пото». 19Израиль пиос солэн пумитаз шуизы: «Ми бадӟым сюрес кузя мыномы, тынэсьтыд вудэ ми юимы ке, мон но, мынам пудоосы но юизы ке, со понна мон дун тыро; пыдыным лёгиськыса гинэ музъем вылтӥд ортчо, отын номыр но сыӵе-таӵеез ӧвӧл». 20Нош со шуиз: «[Мон пыр] эн мын». Солы пумит Едом туж трос калыкеныз, кужмо киыныз султӥз. 21Озьы Едом аслаз музъемез пыр Израилез потыны ӧз лэзьы, соку Израиль солэсь палэнэ кошкиз. 22Израиль пиос Кадесысь кошкизы, вань калык Ор гурезь доры вуиз.
23Едом музъемлы матысь Ор гурезьысен Кузё-Инмар Моисеен Ааронлы тазьы шуиз: 24«Аарон ас калыкез пӧлы мед пыроз, со израиль пиослы Мынам сётоно музъемам со понна уз пыры уго: Мериваысь вуос дорын Мынам косон сётонэлы ӧд тэрытске; 25Аарон [агайдэ], солэсь Елеазар пизэ кут но [вань калык азьын] Ор гурезь йылэ туб; 26Ааронлэн вылысьтыз дӥськутсэ кыль но солэн Елеазар пиезлэн вылаз дӥся, нош Аарон ас калыкез пӧлы пыртэмын луоз, со отчы кулоз». 27Моисей лэсьтӥз озьы, кызьы Кузё-Инмар косӥз. Соос Ор гурезе мынӥзы вань калыклэн син азяз, 28Моисей Ааронлэн вылысьтыз дӥськутсэ кылиз но солэн Елеазар пиез вылэ дӥсяз; отын, гурезьлэн йылӥяз, Аарон кулӥз. Нош Моисеен Елеазар гурезь йылысь васькизы. 29Вань калык адӟиз, Аарон кулэм шуыса, вань израиль калык куамын нунал ӵоже бӧрдыса Ааронэз буре вайиз.
Actualmente seleccionado:
Лыдпусъёс 20: УДМБИБ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016
Лыдпусъёс 20
20
20-тӥ ЛЮКЕТ
1Израиль пиос, вань калык, нырысетӥ толэзе Сӥн луоё кыр дуннее вуизы, калык Кадесэ дугдӥз, отысен Мариам кулӥз, сое отчы ватӥзы. 2Калык, ву тырмымтэысь, Моисеен Ааронлы пумит кыл вераны огазе люкаськиз; 3калык Моисей вылэ йыркуръяськыса шуиз: «Э, Кузё-Инмар азьын милям агай-вынъёсмы кулыку, ми но кулысалмы ке! 4Малы тӥ Кузё-Инмарлэсь калыксэ та луоё кыр дуннее вайиды, ми татчы мед куломы, пудоосмы мед бырозы шуыса-а? 5Мар понна тӥ милемыз Египетысь поттӥды, та чик кулэтэм интые вайыны-а, кытын кизьыны но уг луы, кытын смоква но, виноград но, гранат улмоос но ӧвӧл, юыны ву гинэ но ӧвӧл?» 6Соку Моисеен Аарон, калык азьысь кошкыса, вӧсяськон скинияе пырон ӧс доры мынӥзы но ымныр вылазы выдӥзы, соку соослы Кузё-Инмарлэн пиштӥсь данлыкез возьматскиз.
7Кузё-Инмар Моисейлы тазьы вераз, тазьы шуиз: 8«Кивалтэт бодыдэ кут но калыкез люка, тон но, Аарон агаед но соослэн син азязы изгурезьлы вералэ, со ас пушкысьтыз ву сётоз: озьы тон соослы изгурезь пушкысь ву поттод но калыкез но, пудоез но вуэн люкталод». 9Соку Моисей Кузё-Инмарлэн азьысьтыз кивалтэт бодыез басьтӥз, кызьы Со сое косӥз вал. 10Моисеен Аарон калыкез изгурезь доры люказы но со соослы шуиз: «Тэрытскисьтэм калык, кылзӥське монэ, та изгурезьысь тӥледлы юыны ву поттоно ке шат?» 11Моисей кизэ ӝутӥз но кивалтэт бодыеныз кык пол изгурезь борды шуккиз, соку бадӟым ву бызьыны кутскиз, калык но, пудооссы но юизы.
12Соку Кузё-Инмар Моисеен Ааронлы шуиз: «Мыным оскымтэды понна, Мынэсьтым святой ужъёсме израиль пиослэн син азязы возьматымтэды понна та калыкез Мынам соослы сётоно музъемам тӥ уд пыртэ». 13Та Меривалэн вуэз, та ву дурысен израиль пиос Кузё-Инмарен ченгешыны кутскизы, соку соослы Со Аслэсьтыз дун-сьӧлыктэм луэмзэ возьматӥз.
14Соку Моисей Кадесысен Едом эксэй доры аслэсьтыз адямиоссэ ыстӥз, [тазьы вераны косӥз]: «Тазьы шуэ тынад Израиль братэд: тон тодӥськод ми доры вуэм вань шугадӟонъёс сярысь; 15атайёсмы милям Египетэ улыны выжизы, Египетын ми кема аръёс ӵоже улӥмы, египет калык милемлы, милям атайёсмылы урод лэсьтыса улӥз; 16соку ми Кузё-Инмарлы вазиськимы но, Со милесьтым куарамес кылӥз, Кылчинэз ыстӥз но милемды Египет музъемысь поттӥз; табере, тани, ми Кадесын, тынад кунгож дурад сылӥсь городын; 17аслад музъемед пыр ортчыны лэзь милемыз: бусыосыд, виноград бакчаосыд пыр ми ум мынэ, гудӟемъёсысьтыд ву ум юэ, ми эксэй сюрес кузя мыномы, тынад музъемед пыр ортчытозямы, бурпала но, паллян пала но ми ум коже». 18Нош Едом солы шуиз: «Мон пыр эн мын, мынӥд ке, мечен пумитад пото». 19Израиль пиос солэн пумитаз шуизы: «Ми бадӟым сюрес кузя мыномы, тынэсьтыд вудэ ми юимы ке, мон но, мынам пудоосы но юизы ке, со понна мон дун тыро; пыдыным лёгиськыса гинэ музъем вылтӥд ортчо, отын номыр но сыӵе-таӵеез ӧвӧл». 20Нош со шуиз: «[Мон пыр] эн мын». Солы пумит Едом туж трос калыкеныз, кужмо киыныз султӥз. 21Озьы Едом аслаз музъемез пыр Израилез потыны ӧз лэзьы, соку Израиль солэсь палэнэ кошкиз. 22Израиль пиос Кадесысь кошкизы, вань калык Ор гурезь доры вуиз.
23Едом музъемлы матысь Ор гурезьысен Кузё-Инмар Моисеен Ааронлы тазьы шуиз: 24«Аарон ас калыкез пӧлы мед пыроз, со израиль пиослы Мынам сётоно музъемам со понна уз пыры уго: Мериваысь вуос дорын Мынам косон сётонэлы ӧд тэрытске; 25Аарон [агайдэ], солэсь Елеазар пизэ кут но [вань калык азьын] Ор гурезь йылэ туб; 26Ааронлэн вылысьтыз дӥськутсэ кыль но солэн Елеазар пиезлэн вылаз дӥся, нош Аарон ас калыкез пӧлы пыртэмын луоз, со отчы кулоз». 27Моисей лэсьтӥз озьы, кызьы Кузё-Инмар косӥз. Соос Ор гурезе мынӥзы вань калыклэн син азяз, 28Моисей Ааронлэн вылысьтыз дӥськутсэ кылиз но солэн Елеазар пиез вылэ дӥсяз; отын, гурезьлэн йылӥяз, Аарон кулӥз. Нош Моисеен Елеазар гурезь йылысь васькизы. 29Вань калык адӟиз, Аарон кулэм шуыса, вань израиль калык куамын нунал ӵоже бӧрдыса Ааронэз буре вайиз.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) Библияез берыктонъя Институт, Хельсинки, 2013; 2016