Mitengo 12
12
Gupoyidwa ga Miriyamu ni Aroni
(Levhi 13:1-46)
1Miriyamu ni Aroni, va di lemba Mosi, khu kotani nya nyamayi nya Mukhusi a nga bani a mu dzegide; kholu uye a di dzegide nyamayi nya Mukhusi. 2Va di ganela, khavo: “Ina kamwe Pfhumu a di ganela basi ga Mosi, gani? Ina kha ganela gwathu gambe, gani? Pfhumu Nungungulu a di si yingisa.
3Aholu Mosi a diri muthu nya gurule ngudzu, guvbindra vathu vatshavbo va mafuni.
4Khu guralo, Pfhumu Nungungulu a di dzegela gu ganela ga Mosi, ga Aroni ni Miriyamu, khuye: “Enu mwa vararu nga dugani khu Tshatshani nya Tshangano.” Avo va di duga khu wuraru wawe. 5Khavbo avbo, Pfhumu Nungungulu a di tshiga khu vbalipfhitunu a ta khala khu vbamwanya nya Tshatsha. Khu hwane a di rana Aroni ni Miriyamu, avo va di duga khu wuvili wawe. 6A va embela, khuye:
“Olu yingisani magana yangu;
vbakari gwanu a gu bani na romo muprofeti,
Eni Pfhumu Nungungulu,
nyi na dzi wonegisa gwaye khu giwoniso,
nyi ganela naye khu ndroro.
7 # Wona gambe: Hebh 3:2. Aholu kha nyi giri kharato ga Mosi, githumi gyangu;
uye tumbegide nyumbani gwangu gwatshavbo.
8Uye nya gu ganela naye likana khu likana,
khovbe ni khovbe, nasiri khu sipimaniso;
kholu uye a ngu wona mufananiso wa Pfhumu Nungungulu.
Olu, khu ginani mu ngamba thava gu lemba githumi gyangu Mosi, na?”
9Khu guralo, Pfhumu Nungungulu a di khondra khu likhulo; a khuga a hongola.
10Avbo lipfhi li nga khugago khu vbatshani nya Tshatsha; Miriyamu a di phorola khu sokono, gu wonega kha nga thondrwane; Aroni a di thendregedza a wona Miriyamu nari ni sokono. 11Aroni a di embela Mosi, khuye: “Ama mune wangu, nyi ngu gu lomba u nga theli vbakari gwathu giwono gegi hi nga gi girago khu wupumbu wathu. 12Miriyamu, a nga giri kha nga muthu nya gufe ndrani ga mayi waye, a dugago mili waye na wu hinide!”
13Khu guralo, Mosi a di lila ga Pfhumu Nungungulu, khuye: “Ama Nungungulu nyi ngu gu lomba gukheni, u mu vbanyise!”
14 Pfhumu Nungungulu a di embela Mosi, khuye: “Nari pwani babe waye a di mu hetshela khovbeni, ina na sa vbedza livbandre na mavili matshigu na tade khu dzitshoni, gani? A na segedwe vbavbandze nya lizumbo livbandre na mavili matshigu, khu hwane, mu na mu wuyisa gambe.” 15#Wona gambe: Mit 5:2-3. Khu guralo, Miriyamu a di segedwa vbavbandze nya lizumbo, livbandre na mavili matshigu. Va na Israyeli kha va nga khuga na va si gu wuyisi Miriyamu.
16Khu hwane va na Israyeli va di khuga Hazeroti, vaya ghova giwulani ga Parani.
Actualmente seleccionado:
Mitengo 12: BGG2014
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Gitonga DC Bible © Bible Society in Mozambique, 2014.