MATAYO 15
15
1Atolapay kïpkonchï Yeso Parisaytin* nko koneti kirurut cho kipkono Yerusalem akïtep nyinte lö, 2“Ompö ne tömörïpöy kinetanköku kinetut cho kikïsïkecha poy nya? Mewunöcha chane morïn kitomö kwomisyö le wölo keroko!”
3Kuyokyï Yeso chane lö, “Kï kölö ne tachamenakwa kegh kinetutkökwa apeny Kirurut pö Tororöt? 4#Wuw 20:12; 21:17; Law 20:9; Krt 5:16. Ompöwölo kimwa nyinte lö, ‘Techa kon nko komöt.’ Akwanka tïkwïl nyo swomöy kwanta anta kame akany ketïgh kïma. 5Wölo onetekwa lö ato tïng chi kïgh nyo kemuköy kungöroko kwanta anta kame akïmwa lö, ‘Kiketö kïyï Tororöt.’ 6Kïmökurokonye kïkonyït kwanta ngat, lenye nyoni wölo osöstokwa ngölyonto Tororöt atarïpa kinetutkökwo akwane. 7Heywey lïsichï! Kingor Isaya ngalekwa nyoman ato kimwa ompö parakunkwa lö lentöy Tororöt:
8 #
Isa 29:13. ‘Techanïn pïchï ompö kutïw kwïle,
wölo lowöch mïkulöwekwa nko ani.
9Soghanïn chane kwïle
akunetöy kinetut pö pich,
atökelentöy kirurutköchan!’ ”
Tïkwïn cho ighöy chi kïlïku sïmnyon
(Mrk 7:14-23)
10Atolapay kïkur Yeso tuyonay kïrïpöy nyinte akïlenchï, “Atere, akany kïpköchok! 11Molenchï kegh kïgh nyo röytöy kut nyo sïmnyonöy chi, kïpoto kïgh nyo ngwïno kutinyi nyo sïmnyonöy nyinte.”
12Kïpkonchï nyu kinetankachi akïlenchï, “Inkïtönyi lö kesus Parisaytin ngaleku nya?”
13Kuyokyï Yeso chane lö, “Kïngöghtoy kösïghyon anka tïkwïl nyo ki makatkatnye Paponyan nyo mi yïm. 14#Luk 6:39. Opïstenökwa! Köryote chane akï kintöghoghi chepkarotin, kïkany kuntöghoghchï chepkarot chi nyo karote, kupïtyini pïrïm chane kwodeny.”
15Wölo kïlenchï Petro, “Mwowecha köny kïgh nyo netöy körkeyïnoni?”
16Kïlenchï Yeso, “Kichö tomönye so kïpköchokwa nko ye? 17Tomönye so kipköchokwa lö kïgh anka tïkwïl nyo lïtöy kuti chi kïwetöy mu akurel sany! 18#Mat 12:34. Wölo tïkwïn cho pkono kut, kïpkono mïkulögh ori, tïkwïn cho lata choni cho sïmnyonöy chi. 19Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem. 20Tïkuchoni cho sïmnyonöy chi. Wölo kyomisyeghö morïn cho tomöcha kewun, kïmelö ighöy chi kïlïku sïmnyon.”
Kighanata korka
(Mrk 7:24-30)
21Kïngeta Yeso wölini akïwö kutang okumpö Tiro nko Sidon. 22Kungwïnchï korka nyo pö Kanan nyo kimöngöy wölini akïrirchï nyinte lö, “Syonchante, Echotyon, Wero Daudi! Kep oy cheptönyan mi ye ato gha nyoman.”
23Wölo kimeyokyïnye Yeso nyinte ngölyon nyonikïny. Kïpkonchï kinetankachi kïsagh nyinte lö, “Mwochinö kïwechï kegh ompöwölo karïpecha akuteghöy tya!”
24Kïlenchï Yeso kokonay, “Kikïyonwanïn angwïn wölo mi kechir cho kipotyö cho pö pipö Israel kïpoto!”
25Kungwïn kokonay kïkïtïngchï kelyechi akïlö, “Echotyon, ngarakante!”
26Kïlenchï Yeso, “Mömïchininye kecheng omisyo monïng akewirchï kukïdin.”
27Kïlö kokonay, “Nyoman, Echotyon, wölo kwöghöy tïkwïl kukïdinö rarakan cho chïntegho mesa piko kïpö.”
28Kuyokyï Yeso lö, “Kamanï, itïngetenyi kighanat nyo wow! Nya kwigha lenyini imökenyi.” Kïsöp cheptanyi lenyini.
Sopöy Yeso pich cho chang
29Kïngeta Yeso wölini akïwö ntökwit nanampa Kalilaya. Kïpus kutïng akumpur ngwïny. 30Kïpkonchï söpïchtinö cho chang cho kimïtu pich cho kisipisyö porwöy nko chepkarotin nko cho kingwolsot nko kïmanytin nko pikö walaka cho chang cho kichiryot kutö tawu kelyechi, kusop Yeso chane. 31Kïtöngönchï nyu pich otini kisïwa pich cho kile kïmanytin kïngölonöy, kïsöpchö cho kimeyta porwöy, kïpesta cho kingwolsot akurosïta chepkarotin. Kïsal chane Tororöt pö Israel.
Kapagh Yeso söpïch anka nyo wow
(Mrk 8:1-10)
32Kïkur nyu Yeso kinetankachi akïlenchï, “Osyonchinan pïchï, ompöwölo kötïpïyö chane nko ani osis sömök akïtomöcha kwam kïgh amochömanye oyontoy chane kïtomö kwomisyö, tömam kömöy chane kïpetöy kestonikwa.” 33Kïtep kinetanchay Yeso lö, “Akwonö wölo kïnyorchini omisyö nyo muköy pich cho tenö chï ompö wölï le surkwen?” 34Kïtep Yeso lö, “Otïngetekwa makatin ata nya?” Kïlenchï, “Mut nko odeny nko kaghagh tïkwïte cho mïnkech.” 35Kuchikyï Yeso tuyonay kumpur ngwïny. 36Atolapay kïcheng makatinechay le mut nko odeny nko kaghaghe akusoyön Tororöt kïmïnchïran akutö kinetankachi, kïcheng kinetankachi akutö pïchay. 37Kwam chane löwïr ntökïpïghyö atolapay kïghamït rarakan cho kingötï cho kinyïghï köröpon mut nko odeny. 38Ki mïrön 4,000 chane akimeyitnye chi kor nko monïng. 39Atolapay kuyomis Yeso kegh nko pïchoni. Kïwö kïlany meli kutang okumpö Makadan.
Kamak pich keporchï töngönchin
(Mrk 8:11-13; Luk 12:54-56)
Actualmente seleccionado:
MATAYO 15: PIPÏLIA
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
©Bible Society of Kenya, 2019