FARFYAR RO MANWAWANSYA 26
26
Paulus ḇyesano warek mankundi ro ḇarpon Agripa
26:1-11
1Agripa ikofen faro Paulus: “Wasma fafisu fa ḇesano warek mankundaw.” Paulus pyankai epen si, raimnai ḇyesano warek mankundi radine:
2“O wairek Agripa, yamarisen naba kaku, snar ro ras ine yasma fafisu ro au insa yaḇuk kankarem ro ḇarpon bedi ro safsof ḇeḇor Yahudi sya ssḇuki isof aya, 3syadi wer snar au wafawi mnis kaku rari ma kankenem kawasa Yahudi nkoḇena. Inja yor ro au, insa wakḇaḇ ḇo wamnaf aya.
4 #
Kis. 22:3-5
Kawasa Yahudi sya kam sifawi nyan kankenem ayedi ro fafisu yaḇe snonkbor ya, snar randak ya yakenem fandu kawasa yesi ro Yerusalem. 5#Kis. 23:6; Flp. 3:5Fyoro kwar sifawi aya ma simarisen kada, nari ssḇuk ḇaḇesaksi snar yakenem imnis snon Farisi ḇeḇeuser ḇar ḇepakrek syadi ro agama nkoḇedi. 6Knikine yores ro ḇarpon mankara, snar yakyar ḇardadi, ḇemnis kwar, Allah Ḇyuk faro kpu koḇesi, 7ma keret samfur seser risuru nkoḇesi, siwafya eḇedari ras roḇ sinadi kuker sne ḇesiper. Ma snar kakyar ani, iso ḇeḇedari kawasa Yahudi sya sḇuksof aya o wairek Agripa. 8Snaro mkokara Allah ipok ḇa fa ḇyaws snonkaku ḇemar sya?
9 #
Kis. 8:3
Yar aḇiḇer ani kyaku rariso wer ḇape aya kada yakara, fa yasampum bos beri snonsnon Yesus ro Nazaret. 10Sasampum anine yafruri kako ro Yerusalem. Yun kawasa ḇesren ansi kwar fa sismai ro bui monda ḇa, ḇoi rofyor yasma samambraḇ ro mananir imam-imam, yamarisen kako insa sismai samamyai marmar. 11Ro rum nadi sena yaprer si ma yaḇeyaw-yaw insa sfamyun kakyar sena ma kuker masasor mankenem yayom si isof mnu-mnu ro sup amber.”
Paulus fyawar marandor ḇyedi ma Yesus dori
26:12-23
12 #
Kis. 9:1-19a, 22:6-16 “Kuker roi ḇeradine, fafisu yasma papoik ḇemnis ma fararur ro mananir imam-imamsya fa yara ḇe Damsyik, 13ro nyan ya faduri knikoḇama, o wairek Agripa, ro orkok pandaf yamam sasnai ḇeba oso isnai syadi sasnai ori, dado ker nanki fa iyar aya ma min ḇeso ro mararan ayedi sya. 14Inkosapi kam ma yamnaf mkaren oso ikofen faro aya ro wos Ibrani: ‘Saulus, Saulus, snaro bewayam aya? Kandera faro au fa rwos ro mankarmomen.’ 15Ḇape yakarem: ‘Manseiso au, o Manseren?’ Manseren ikofen: ‘Aya ine Yesus bewayam ya. 16Ḇape knikine, wakḇok ma wores. Yafasnai mankundaya faro au insa yaḇeasas au fa bemanfamyan ma besaksi ro roi ḇeḇor mam kwar ro aya ma roi ḇeḇor nari yafasnai wer faro au. 17Nari yakimfir au ro fandu er ine ma er-er ḇeso si. Ma nari yawan au faro si, 18insa simkasna nbas ma skaḇer ro panpanya ḇe isnai ya ma ro samambraḇ Ibiris faro Allah, insa kuker kakyar sena faro aya sisma ampon ro sasar ma saksma rarwas ro rosai ḇefasos faro snonkaku ḇesren kwar.’ ”
19“Inja, o wairek Agripa, ro mamam ḇeraker nanki ani eḇedari nari yamnai ḇa. 20#Kis. 9:20, 28-29Ro randak ya yaḇaryas faro kawasa Yahudi ro Damsyik, ro Yerusalem ma sup Yudea ḇesiper, ma kako faro er-er ḇeso insa simbror ma skaḇer faro Allah ma sifrur fararur ḇemnis kuker marandor sena. 21Snar roi yakofen nane naiso ḇefnai fa kawasa Yahudi sfor aya ro rum Allah ma siḇe smun aya. 22Ḇape snar fafnoḇek ro Allah, yakenem isof knikine ma yaḇesaksi faro snonkaku kasun ma ḇeba. Ma rosai yaḇaryas na naḇese ḇa bur rosai ḇepon iwara nabi sya ma Moses sḇaryas kwar, 23#Yes. 42:6, 49:6; 1 Kor. 15:20isoine, mboi Wairek nari isma kandera ma iso ḇeyiḇer ḇepon ro ḇemar sya, ma nari iso ḇeḇaryas isnai ya faro er ine ma faro er-er ḇeso.”
Paulus dembuk Agripa fa ikyar
26:24-32
24Rofyor Paulus ikofen wos anna kam fa ḇyuk karem fararur ḇyedi, Festus dawos kuker mkaren ḇeba: “Paulus, swawo! Wawasya fas-fas nabor nafrur fa swawo.”
25Ḇape Paulus kyarem: “Yasawo ḇa, o Festus ḇepyum! Yawos napnapes ya kuker swaruser ḇeknon. 26Wairek ikako ifawi roi ḇeḇor nane kam, rarirya yamku ḇo yawos pdef kuker sananai faroi. Yafawi kaku roi oseroḇa fa wairek dakfawiḇa snar roi ḇeḇor nane neḇefrur ro moḇ ḇeḇeursḇa ḇa. 27Agripa wakyarke faro nabi-nabisya? Yafawi kaku wakyar faro si.”
28Wairek Agripa kyarem: “Kero kada wun sneri fa yakḇe Kristen!”
29Paulus kyarem: “Yamarisen yanadi faro Allah, insa fasaw roḇa fyoro muma werer ḇa ḇoi, kawasa ḇeryur kam ro dine ḇo ḇemnaf wos yakofen nane simnis kam kuker aya ḇoi wanka sine sidawer.”
30Raimnai wairek iyori ma gubernur Feliks kuker Bernike ma kawasa ḇeso kankain ansi. 31Fafisu sisasyar ya sikofen yae faro si ḇo soḇo: “Snon ani ifrur sasar oso ḇa fa ifnai faro samamyai marmar roḇa samamyai bui.” 32Agripa ikofen faro Festus ḇo doḇo: “Snon ani dor mankara Kaiser ḇa kada iḇye ḇyeḇesasyar.”
Actualmente seleccionado:
FARFYAR RO MANWAWANSYA 26: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 26
26
Paulus ḇyesano warek mankundi ro ḇarpon Agripa
26:1-11
1Agripa ikofen faro Paulus: “Wasma fafisu fa ḇesano warek mankundaw.” Paulus pyankai epen si, raimnai ḇyesano warek mankundi radine:
2“O wairek Agripa, yamarisen naba kaku, snar ro ras ine yasma fafisu ro au insa yaḇuk kankarem ro ḇarpon bedi ro safsof ḇeḇor Yahudi sya ssḇuki isof aya, 3syadi wer snar au wafawi mnis kaku rari ma kankenem kawasa Yahudi nkoḇena. Inja yor ro au, insa wakḇaḇ ḇo wamnaf aya.
4 #
Kis. 22:3-5
Kawasa Yahudi sya kam sifawi nyan kankenem ayedi ro fafisu yaḇe snonkbor ya, snar randak ya yakenem fandu kawasa yesi ro Yerusalem. 5#Kis. 23:6; Flp. 3:5Fyoro kwar sifawi aya ma simarisen kada, nari ssḇuk ḇaḇesaksi snar yakenem imnis snon Farisi ḇeḇeuser ḇar ḇepakrek syadi ro agama nkoḇedi. 6Knikine yores ro ḇarpon mankara, snar yakyar ḇardadi, ḇemnis kwar, Allah Ḇyuk faro kpu koḇesi, 7ma keret samfur seser risuru nkoḇesi, siwafya eḇedari ras roḇ sinadi kuker sne ḇesiper. Ma snar kakyar ani, iso ḇeḇedari kawasa Yahudi sya sḇuksof aya o wairek Agripa. 8Snaro mkokara Allah ipok ḇa fa ḇyaws snonkaku ḇemar sya?
9 #
Kis. 8:3
Yar aḇiḇer ani kyaku rariso wer ḇape aya kada yakara, fa yasampum bos beri snonsnon Yesus ro Nazaret. 10Sasampum anine yafruri kako ro Yerusalem. Yun kawasa ḇesren ansi kwar fa sismai ro bui monda ḇa, ḇoi rofyor yasma samambraḇ ro mananir imam-imam, yamarisen kako insa sismai samamyai marmar. 11Ro rum nadi sena yaprer si ma yaḇeyaw-yaw insa sfamyun kakyar sena ma kuker masasor mankenem yayom si isof mnu-mnu ro sup amber.”
Paulus fyawar marandor ḇyedi ma Yesus dori
26:12-23
12 #
Kis. 9:1-19a, 22:6-16 “Kuker roi ḇeradine, fafisu yasma papoik ḇemnis ma fararur ro mananir imam-imamsya fa yara ḇe Damsyik, 13ro nyan ya faduri knikoḇama, o wairek Agripa, ro orkok pandaf yamam sasnai ḇeba oso isnai syadi sasnai ori, dado ker nanki fa iyar aya ma min ḇeso ro mararan ayedi sya. 14Inkosapi kam ma yamnaf mkaren oso ikofen faro aya ro wos Ibrani: ‘Saulus, Saulus, snaro bewayam aya? Kandera faro au fa rwos ro mankarmomen.’ 15Ḇape yakarem: ‘Manseiso au, o Manseren?’ Manseren ikofen: ‘Aya ine Yesus bewayam ya. 16Ḇape knikine, wakḇok ma wores. Yafasnai mankundaya faro au insa yaḇeasas au fa bemanfamyan ma besaksi ro roi ḇeḇor mam kwar ro aya ma roi ḇeḇor nari yafasnai wer faro au. 17Nari yakimfir au ro fandu er ine ma er-er ḇeso si. Ma nari yawan au faro si, 18insa simkasna nbas ma skaḇer ro panpanya ḇe isnai ya ma ro samambraḇ Ibiris faro Allah, insa kuker kakyar sena faro aya sisma ampon ro sasar ma saksma rarwas ro rosai ḇefasos faro snonkaku ḇesren kwar.’ ”
19“Inja, o wairek Agripa, ro mamam ḇeraker nanki ani eḇedari nari yamnai ḇa. 20#Kis. 9:20, 28-29Ro randak ya yaḇaryas faro kawasa Yahudi ro Damsyik, ro Yerusalem ma sup Yudea ḇesiper, ma kako faro er-er ḇeso insa simbror ma skaḇer faro Allah ma sifrur fararur ḇemnis kuker marandor sena. 21Snar roi yakofen nane naiso ḇefnai fa kawasa Yahudi sfor aya ro rum Allah ma siḇe smun aya. 22Ḇape snar fafnoḇek ro Allah, yakenem isof knikine ma yaḇesaksi faro snonkaku kasun ma ḇeba. Ma rosai yaḇaryas na naḇese ḇa bur rosai ḇepon iwara nabi sya ma Moses sḇaryas kwar, 23#Yes. 42:6, 49:6; 1 Kor. 15:20isoine, mboi Wairek nari isma kandera ma iso ḇeyiḇer ḇepon ro ḇemar sya, ma nari iso ḇeḇaryas isnai ya faro er ine ma faro er-er ḇeso.”
Paulus dembuk Agripa fa ikyar
26:24-32
24Rofyor Paulus ikofen wos anna kam fa ḇyuk karem fararur ḇyedi, Festus dawos kuker mkaren ḇeba: “Paulus, swawo! Wawasya fas-fas nabor nafrur fa swawo.”
25Ḇape Paulus kyarem: “Yasawo ḇa, o Festus ḇepyum! Yawos napnapes ya kuker swaruser ḇeknon. 26Wairek ikako ifawi roi ḇeḇor nane kam, rarirya yamku ḇo yawos pdef kuker sananai faroi. Yafawi kaku roi oseroḇa fa wairek dakfawiḇa snar roi ḇeḇor nane neḇefrur ro moḇ ḇeḇeursḇa ḇa. 27Agripa wakyarke faro nabi-nabisya? Yafawi kaku wakyar faro si.”
28Wairek Agripa kyarem: “Kero kada wun sneri fa yakḇe Kristen!”
29Paulus kyarem: “Yamarisen yanadi faro Allah, insa fasaw roḇa fyoro muma werer ḇa ḇoi, kawasa ḇeryur kam ro dine ḇo ḇemnaf wos yakofen nane simnis kam kuker aya ḇoi wanka sine sidawer.”
30Raimnai wairek iyori ma gubernur Feliks kuker Bernike ma kawasa ḇeso kankain ansi. 31Fafisu sisasyar ya sikofen yae faro si ḇo soḇo: “Snon ani ifrur sasar oso ḇa fa ifnai faro samamyai marmar roḇa samamyai bui.” 32Agripa ikofen faro Festus ḇo doḇo: “Snon ani dor mankara Kaiser ḇa kada iḇye ḇyeḇesasyar.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión