FARFYAR RO MANWAWANSYA 25
25
Paulus ro ḇarpon Festus – Dek mankukeḇ Kaiser
25:1-12
1Festus ryama byeras rikior ro propinsi ine kwar, raimnai imbran ro Kaisarea ḇe Yerusalem. 2Ro dia mananir-mananir imam ma ḇebarara-ḇebarara Yahudi srama faroi fa sikofen ḇadir Paulus ro roi sḇuksofi na. 3Ssewar nyan ḇefrur fromo Paulus inja sor ro Festus isoine, iwan Paulus fa ryaḇe Yerusalem. Snar sna awi kwar insa smun Paulus ro nyan ya faduri. 4Ḇape Festus kyarem faro si, Paulus kada ismai ro Kaisarea snar mankundi kyara kwar fa kyaḇer fasau ḇe Kaisarea. 5Doḇo: “Inja iḇye snonkaku ḇeḇeḇukor fandu mko siso kam aya ḇediwara insa ssḇuk safsof ḇekur Paulus rofyor sasar oso kyuri.”
6Festus kyain syadi ro Yerusalem ḇa ḇoi ḇyeras ri war roḇa samfur. Posa kwar ibur kaḇer ḇe Kaisarea. Ro meserdi iryur kankain karkara, ma iwan fa ssun Paulus ḇeḇarpon kankain ani. 7Rofyor Paulus ryama kwar ro dia, kawasa Yahudi ḇeraker Yerusalem sores yari ma ssḇuk safsof ḇemarḇak nabor kaku ḇekur i ḇoi sfasnai knam sasar oso ḇa. 8Paulus ḇyesano wark mankundi, doḇo: “Aya ine yasasar ḇa beri iḇye faro sasoser Refo Yahudi iḇye faro Rum Allah roḇaido faro Kaisar.”
9Ḇape Festus imarisen ifrur sneprei kawasa Yahudi inja kyarem faro Paulus doḇo: “Fasoske fa rwabe Yerusalem, insa beḇekara ro diwa ro ḇarpon ayedi ro wawos ine?”
10Ḇape Paulus ikofen: “Aya ine knikine yores ro dine ro ḇarpon mankukeḇ Kaisar ma ro dine derer yasmai kakukeḇ. Raris mankundaw wafawi kaku, yafrur sasar kermkun oso ḇa beri faro kawasa Yahudi. 11Inja, rofyor yaḇe sasar kaku ma yafrur ḇarḇor oso ḇemnis samamyai marmar, yamarisen fa yamar, ḇape, rofyor roi sḇuksof aya nkaku ḇa, snonkaku osoḇa beri ḇepok fa ḇeḇuk aya imnis samsom oso faro si. Inja yek mankara faro Kaisar!”
12Rarirya kina karkara, sawos yae faro si kwar, Festus kyarem faro Paulus: “Wek mankara kwar faro Kaisar, inja nari rwaḇe ḇarpon Kaisar.”
Paulus ro ḇarpon Agripa ma Bernike
25:13-27
13Ras ri ḇeso nawas wairek Agripa kuker Bernike suraḇe Kaisarea fa sufrur farsrow ḇaḇesyowi kuker Festus. 14Snar sukain ras ono ro dia, Festus ikofen ḇadir roi ḇekur Paulus faro wairek ani, ḇo doḇo: “Ro dine snon ḇesmai oso isya ro fafisu Feliks ibur ya. 15Rofyor aya isya ro Yerusalem, mananir imam-imam ma ḇebarara-ḇebarara Yahudi ssḇuk safsof ḇekur snon ani ma sor insa ismai. 16Yakarem faro si, kawasa Roma sya sipok ḇa fa ssḇuk snon siksof oso ḇesamsom ro fafisu i kuker ḇeḇuksofi sya skarkara kukeri ḇaim ro ḇarpon ḇeḇuksof i. Ma isma fafisu fa ḇyesano warek mankundi ro safsof anna. 17Eḇedari siso aya fa nkora kam muma. Ro meserdi yaryur fasaw kankain markara ma yawan fa snon ani ryama. 18Ḇape rofyor ḇeḇuksofi sya sores yari sipok ssḇuk fasasnai ḇaḇeri ro fararur ḇarḇor raris moḇ yaḇaḇir kwar. 19Ḇape sikada sisma karkara ḇeso kukeri ro mnuk ḇekur agama sedi, ma kako kuker snonkaku ḇenir Yesus, ḇe mar kwar, ḇape Paulus kada ikofen kaku, mboi ikenem. 20Snar yaḇeḇirḇar nari yakara wawos ḇera dine, inja yafuken insa imarisen ido rya ḇe Yerusalem, insa roi ḇekuri ḇyeḇekara ro diwa. 21Ḇape Paulus dek mankara. Dor insa iwaf ro bui, isof wawos ḇyena Kaisar mankundi ḇekara na. Rarirya yawan fa siwaren i isof yasmai fafisu fa yafarem i faro Kaisar.” 22Agripa ikofen faro Festus, ḇo doḇo: “Yamarisen yakmnaf snon ani mankundi.” Festus kyarem ḇo doḇo: “Meser nari wakmnaf i.”
23Ro meserdi Agripa ma Bernike sura kuker fasasnai nasan ma rofyor ssun kwar ro sim markara fnoḇek mananir-mananir sarar ma snonkaku ḇeḇe snonsnon ro mnu ani, Festus ḇyuk sasoser, insa ssun Paulus ḇeḇarpon. 24Festus ikofen: “O wairek Agripa ma ḇekain kam ro dine ḇefnoḇek inko. Mkomam snon ine, ḇesma safsof ro kawasa Yahudi sya kam, iḇye ro Yerusalem, iḇye kako ro dine. Srama kwar faro aya kuker bararas ma sikofen, imboi ipok ikenem kawan wer ḇa. 25Ḇape yasma sasar osoḇa roi, fa yaḇuk samamyai marmar ma snar dek mankara faro Kaisar, inja yun karkara fa yafarem i faro Kaisar. 26Ḇape yasma royo ḇa ḇeḇeknam fa yafas faro Kaisar. Knam ine iso eḇedari yuni ḇeḇarpon mkoḇena kam, isyadi ro ḇarpon bedi wairek Agripa, insa, posa kwar ro kakukeḇ ine, yafas knam oso. 27Snar raris karkara yedi imnis ḇa fa kokarem snon ḇesmai oso ḇape kofasnai knam sḇuksofi na ḇa.”
Actualmente seleccionado:
FARFYAR RO MANWAWANSYA 25: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 25
25
Paulus ro ḇarpon Festus – Dek mankukeḇ Kaiser
25:1-12
1Festus ryama byeras rikior ro propinsi ine kwar, raimnai imbran ro Kaisarea ḇe Yerusalem. 2Ro dia mananir-mananir imam ma ḇebarara-ḇebarara Yahudi srama faroi fa sikofen ḇadir Paulus ro roi sḇuksofi na. 3Ssewar nyan ḇefrur fromo Paulus inja sor ro Festus isoine, iwan Paulus fa ryaḇe Yerusalem. Snar sna awi kwar insa smun Paulus ro nyan ya faduri. 4Ḇape Festus kyarem faro si, Paulus kada ismai ro Kaisarea snar mankundi kyara kwar fa kyaḇer fasau ḇe Kaisarea. 5Doḇo: “Inja iḇye snonkaku ḇeḇeḇukor fandu mko siso kam aya ḇediwara insa ssḇuk safsof ḇekur Paulus rofyor sasar oso kyuri.”
6Festus kyain syadi ro Yerusalem ḇa ḇoi ḇyeras ri war roḇa samfur. Posa kwar ibur kaḇer ḇe Kaisarea. Ro meserdi iryur kankain karkara, ma iwan fa ssun Paulus ḇeḇarpon kankain ani. 7Rofyor Paulus ryama kwar ro dia, kawasa Yahudi ḇeraker Yerusalem sores yari ma ssḇuk safsof ḇemarḇak nabor kaku ḇekur i ḇoi sfasnai knam sasar oso ḇa. 8Paulus ḇyesano wark mankundi, doḇo: “Aya ine yasasar ḇa beri iḇye faro sasoser Refo Yahudi iḇye faro Rum Allah roḇaido faro Kaisar.”
9Ḇape Festus imarisen ifrur sneprei kawasa Yahudi inja kyarem faro Paulus doḇo: “Fasoske fa rwabe Yerusalem, insa beḇekara ro diwa ro ḇarpon ayedi ro wawos ine?”
10Ḇape Paulus ikofen: “Aya ine knikine yores ro dine ro ḇarpon mankukeḇ Kaisar ma ro dine derer yasmai kakukeḇ. Raris mankundaw wafawi kaku, yafrur sasar kermkun oso ḇa beri faro kawasa Yahudi. 11Inja, rofyor yaḇe sasar kaku ma yafrur ḇarḇor oso ḇemnis samamyai marmar, yamarisen fa yamar, ḇape, rofyor roi sḇuksof aya nkaku ḇa, snonkaku osoḇa beri ḇepok fa ḇeḇuk aya imnis samsom oso faro si. Inja yek mankara faro Kaisar!”
12Rarirya kina karkara, sawos yae faro si kwar, Festus kyarem faro Paulus: “Wek mankara kwar faro Kaisar, inja nari rwaḇe ḇarpon Kaisar.”
Paulus ro ḇarpon Agripa ma Bernike
25:13-27
13Ras ri ḇeso nawas wairek Agripa kuker Bernike suraḇe Kaisarea fa sufrur farsrow ḇaḇesyowi kuker Festus. 14Snar sukain ras ono ro dia, Festus ikofen ḇadir roi ḇekur Paulus faro wairek ani, ḇo doḇo: “Ro dine snon ḇesmai oso isya ro fafisu Feliks ibur ya. 15Rofyor aya isya ro Yerusalem, mananir imam-imam ma ḇebarara-ḇebarara Yahudi ssḇuk safsof ḇekur snon ani ma sor insa ismai. 16Yakarem faro si, kawasa Roma sya sipok ḇa fa ssḇuk snon siksof oso ḇesamsom ro fafisu i kuker ḇeḇuksofi sya skarkara kukeri ḇaim ro ḇarpon ḇeḇuksof i. Ma isma fafisu fa ḇyesano warek mankundi ro safsof anna. 17Eḇedari siso aya fa nkora kam muma. Ro meserdi yaryur fasaw kankain markara ma yawan fa snon ani ryama. 18Ḇape rofyor ḇeḇuksofi sya sores yari sipok ssḇuk fasasnai ḇaḇeri ro fararur ḇarḇor raris moḇ yaḇaḇir kwar. 19Ḇape sikada sisma karkara ḇeso kukeri ro mnuk ḇekur agama sedi, ma kako kuker snonkaku ḇenir Yesus, ḇe mar kwar, ḇape Paulus kada ikofen kaku, mboi ikenem. 20Snar yaḇeḇirḇar nari yakara wawos ḇera dine, inja yafuken insa imarisen ido rya ḇe Yerusalem, insa roi ḇekuri ḇyeḇekara ro diwa. 21Ḇape Paulus dek mankara. Dor insa iwaf ro bui, isof wawos ḇyena Kaisar mankundi ḇekara na. Rarirya yawan fa siwaren i isof yasmai fafisu fa yafarem i faro Kaisar.” 22Agripa ikofen faro Festus, ḇo doḇo: “Yamarisen yakmnaf snon ani mankundi.” Festus kyarem ḇo doḇo: “Meser nari wakmnaf i.”
23Ro meserdi Agripa ma Bernike sura kuker fasasnai nasan ma rofyor ssun kwar ro sim markara fnoḇek mananir-mananir sarar ma snonkaku ḇeḇe snonsnon ro mnu ani, Festus ḇyuk sasoser, insa ssun Paulus ḇeḇarpon. 24Festus ikofen: “O wairek Agripa ma ḇekain kam ro dine ḇefnoḇek inko. Mkomam snon ine, ḇesma safsof ro kawasa Yahudi sya kam, iḇye ro Yerusalem, iḇye kako ro dine. Srama kwar faro aya kuker bararas ma sikofen, imboi ipok ikenem kawan wer ḇa. 25Ḇape yasma sasar osoḇa roi, fa yaḇuk samamyai marmar ma snar dek mankara faro Kaisar, inja yun karkara fa yafarem i faro Kaisar. 26Ḇape yasma royo ḇa ḇeḇeknam fa yafas faro Kaisar. Knam ine iso eḇedari yuni ḇeḇarpon mkoḇena kam, isyadi ro ḇarpon bedi wairek Agripa, insa, posa kwar ro kakukeḇ ine, yafas knam oso. 27Snar raris karkara yedi imnis ḇa fa kokarem snon ḇesmai oso ḇape kofasnai knam sḇuksofi na ḇa.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión