FARFYAR RO MANWAWANSYA 27
27
Paulus dayun ḇe Roma
27:1-13
1Rofyor sawos namuk kwar, nari nkayun ḇe Italia, inja Paulus fnoḇek ḇesmai ono ḇeso sḇeḇeḇuk faro mananir sordade ḇenir Yulius ro sarar Kaisar. 2Nkek kapal oso beraker Adramitium ḇeyayun ḇesaw ḇeḇor kam ro siser Asia, ma nkosyoḇ. Aristakhus, snon oso ro Makedonia ḇeraker Tesalonika, iso nko. 3Ro meserdi nkorande ro Sidon, Yulius ḇyeaḇaḇen faro Paulus ma ḇyuk fa Paulus isrow bati ḇyesi, insa sifnoḇek i ro fandun ḇyena. 4Snar nkosor wam ya inja nkayun ro dia nkosye siser Siprus. 5Ma rofyor nkunuk soren ro ḇarḇun Kilikia ma Pamfilia, nkofyafer ro Mira, ro supya fyor Likia. 6Ro dia mananir sordade nkoḇedi isrow kapal oso beraker Aleksandria ḇeḇe ḇeyayun ḇe Italia. Inja nkek ro kapal ani.
7Nkayun ras ono kwar, ḇape nkorurenḇa ma kuker kandera nabor nkosnefer ro Knidus. Snar nkosor wam ya ḇesya kwar, nkosye siser Kreta ma nkunuk irew Salmone. 8Kuker kandera nabor nkarḇai irew ani, nkofyafer ro moḇ oso ḇenirḇe Saw Ḇeḇye, fanam mnu Lasea.
9Rarirya fafisu nabor nasyof kwar. Fafisu farfor ya kako isyonde kwar ma kandera kaku rofyor kayun pdef. Rarirya Paulus ḇyuk swarepen faro si, ḇo doḇo: 10“Naek srar, yamam, ayayun koḇedine nari dun kandera ma fromo ḇeba, faro papus ma kapal ya dererḇa ḇoi faro nyawa koḇesi kako.” 11Ḇape mananir sordade ikyar syadi faro manfara ma manwadwa ro Paulus wos ḇyena. 12Snar saw ani ipyum ba fa nkopyar ro dia ro fafisu prim ya, inja ḇeḇor sya simarisen fa nkayun pdef ma nkoḇesewar fa nkosun ro mnu Feniks fa nkopyar ro diwa ro fafisu prim ya. Mnu Feniks irya saw oso ro myos Kreta, ḇekarḇe ḇar wambarek-wambrei. 13Ro fafisu ani wam ḇeso mararai ikḇun ker ḇar wambraw. Skara ḇo soḇo, marisen sedi nari sisma. Spaw yor ya, ma nkayun fanam kaku ma nkosye siser Kreta.
Kapal ya ider
27:14-44
14Ḇape fyoro ḇa wam ḇeso munbun ro myos ani ḇyewam doḇer, sorḇe “Wamurem-wambrei.” 15Kapal ani wamya myuni ma syambraḇ fa syor wamya ḇa. Rarirya nkomam monda kapal ani ḇo ikren-ikḇar. 16Ḇarpur nkoki isof ro myos mkun ḇenirḇe Kauda, ma ro dia kuker kandera nabor nkopaw wai bewaduren ro kapal ani. 17Ma rofyor wai ḇewaduren ani ḇyeḇepaw kwar ḇe kapalya bori, raimnai sfasos dera ḇefnoḇek ma sparar kapal ani kuker kaḇrai. Ma nkomkak nkoder ro ureḇ Sirtis, inja skokyu sarwir na ma kapal iki idamdamen. 18Snar nkokren-nkokḇar fafayaḇa ro doḇer ani, inja ro meserdi sisawen papus ḇero kapal ani ḇesoren. 19Ma ro ras ḇeḇekior ya sisawen dera-dera kapal ya. 20Ma ro ras ri ḇeso kwar iḇye ori ma mak sya sḇayir ḇa, ma wam doḇer ḇeba ani myun nko ḇesya kwar, isof kakyar nkoḇena namuk ma nkosma nyan faspar oso ḇa kwar.
21Snar sinan ḇa ro fafisu ono kwar, inja Paulus dores ro fandu si ma ikofen: “Naek srar rofyor mkoso wos ayena kada, insa kayun bur awer Kreta, nari kosma kandera ma fromo ḇera dine ḇa! 22Ḇape knikine, yaḇuk swarepen faro mko kako ro kandera ine, insa mkosnemna nako, snar oso ro mko nari ryoḇa derer kapal ine. 23Snar roḇandi Allah malaikat ḇyedi oso, isoine Allah yasyom ma ḇena aya, dores fanam aya, 24ma ikofen: Paulus, wamkak awer! Nari wores ro ḇarpon Kaisar; ma kaku ḇeri snar Allah ḇaḇenaḇye ḇyedi, inja snonkaku ḇefnoḇek au ro kapal ine sya kam nari sisma faspar. 25Inja yakyar mkosnemna naknon snar nari roi malaikat ya ikofen faro aya nari ndarirya. 26Rariryano ḇape kapal ine nari koḇei fa iryor ro myos oso.”
27Ro roḇ ḇeḇesamfur seser rifiak nkoisya inkoki nkoraryoi kaker ro soren Adria. Ḇape indokada ro romfawru ḇefararur ro kapal sya sḇaḇir nkofanam ḇeḇande. 28Inja sikyu karui kara ma sisma rof samfur risuru. Siki swaf wer sikyu kara wer ma sisma rof samfur seser rim. 29Ma simkak ḇude, nkoder ro irbor oso inja sikyu yor rifiak ro kapal ya urndi, ma nkosaw kaku meser fasaw. 30Ḇape ḇefararur ro kapal sya ssewar nyan fa sibur kapal ya. Sisabu wai bewaduren sifrur farari siḇe sisawen yor ono ro kapal ya rawndi. 31Inja Paulus ikofen faro mananir sordade ma sordade ḇyesi: “Rofyor skain ro kapal ineḇa nari mkosma faspar ḇa.” 32Rarirya sordade ansi siwapuk kabrai wai ḇewaduren ani fa ipyar iki.
33Ro fafisu isnai karkir Paulus dembuk si kam fa sanan, ḇo doḇo: “Ras samfur seser rifiak kwar mko waf-waf monda ma mko farmku basbiser ma mkonan ba. 34Inja yaḇuk swarepen faro mko, insa mkaknan resari. Nanan ani ḇyefandun kaku ro faspar mkoḇedi. Snonkaku oser ro fandu mko snonburyam ḇyena oser ipok kyapas bur ḇruriḇa.” 35Dawos rarirya kwar dun mamami, ikofen kasumasa faro Allah ro ḇarpon sedi kam, pyanasnis na raimnai dan ḇepon. 36Rarirya kawasa ansi sisma sambraḇ ma sakan kako. 37Dandonek nkoḇedi kam ro kapal ya utin risuru samfur rifik seser ri wonem. 38Sanan isof sarbor kwar, sisawen roḇean gandum ḇesoren insa kapal ani myanan.
39Rofyor isnai kam kwar, smam dorei ḇepyom oso. Sifawi pyum sup aniḇa ḇape skara kwar fa siryor kapal ani ro dia. 40Rarirya sper kaḇrai yor anna, ma sibur na ro soren. Ro fafisu ani sper kaḇrai ro remis ya ma sbawes sarwir ḇeba ya insa wamya dun kapal ani ḇeḇande. 41Ḇape kapal ani dunuk ro ureḇ oso, ma kapal ani ider. Rawndi ssyun ro ureḇ ani isof imarmer ḇa ḇoi urendi risen ḇeba nbaser i rao fyarmambriwer.
42Rofyor ani sordade-sordade ansi skara fa soḇo smun besmai ansi, insa oso das ibur awer. 43Ḇape mananir ani imarisen fyaspar Paulus. Inja damrer swaruser sordade ansi sena, ma ḇyuk sasoser, insa ḇefawi ḇeas sya snur ḇeḇande, 44insa ḇeso sya snur user kuker kambafen ma kapal ya ker-ker na. Rarirya sikam srande kuker ḇayaye.
Actualmente seleccionado:
FARFYAR RO MANWAWANSYA 27: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 27
27
Paulus dayun ḇe Roma
27:1-13
1Rofyor sawos namuk kwar, nari nkayun ḇe Italia, inja Paulus fnoḇek ḇesmai ono ḇeso sḇeḇeḇuk faro mananir sordade ḇenir Yulius ro sarar Kaisar. 2Nkek kapal oso beraker Adramitium ḇeyayun ḇesaw ḇeḇor kam ro siser Asia, ma nkosyoḇ. Aristakhus, snon oso ro Makedonia ḇeraker Tesalonika, iso nko. 3Ro meserdi nkorande ro Sidon, Yulius ḇyeaḇaḇen faro Paulus ma ḇyuk fa Paulus isrow bati ḇyesi, insa sifnoḇek i ro fandun ḇyena. 4Snar nkosor wam ya inja nkayun ro dia nkosye siser Siprus. 5Ma rofyor nkunuk soren ro ḇarḇun Kilikia ma Pamfilia, nkofyafer ro Mira, ro supya fyor Likia. 6Ro dia mananir sordade nkoḇedi isrow kapal oso beraker Aleksandria ḇeḇe ḇeyayun ḇe Italia. Inja nkek ro kapal ani.
7Nkayun ras ono kwar, ḇape nkorurenḇa ma kuker kandera nabor nkosnefer ro Knidus. Snar nkosor wam ya ḇesya kwar, nkosye siser Kreta ma nkunuk irew Salmone. 8Kuker kandera nabor nkarḇai irew ani, nkofyafer ro moḇ oso ḇenirḇe Saw Ḇeḇye, fanam mnu Lasea.
9Rarirya fafisu nabor nasyof kwar. Fafisu farfor ya kako isyonde kwar ma kandera kaku rofyor kayun pdef. Rarirya Paulus ḇyuk swarepen faro si, ḇo doḇo: 10“Naek srar, yamam, ayayun koḇedine nari dun kandera ma fromo ḇeba, faro papus ma kapal ya dererḇa ḇoi faro nyawa koḇesi kako.” 11Ḇape mananir sordade ikyar syadi faro manfara ma manwadwa ro Paulus wos ḇyena. 12Snar saw ani ipyum ba fa nkopyar ro dia ro fafisu prim ya, inja ḇeḇor sya simarisen fa nkayun pdef ma nkoḇesewar fa nkosun ro mnu Feniks fa nkopyar ro diwa ro fafisu prim ya. Mnu Feniks irya saw oso ro myos Kreta, ḇekarḇe ḇar wambarek-wambrei. 13Ro fafisu ani wam ḇeso mararai ikḇun ker ḇar wambraw. Skara ḇo soḇo, marisen sedi nari sisma. Spaw yor ya, ma nkayun fanam kaku ma nkosye siser Kreta.
Kapal ya ider
27:14-44
14Ḇape fyoro ḇa wam ḇeso munbun ro myos ani ḇyewam doḇer, sorḇe “Wamurem-wambrei.” 15Kapal ani wamya myuni ma syambraḇ fa syor wamya ḇa. Rarirya nkomam monda kapal ani ḇo ikren-ikḇar. 16Ḇarpur nkoki isof ro myos mkun ḇenirḇe Kauda, ma ro dia kuker kandera nabor nkopaw wai bewaduren ro kapal ani. 17Ma rofyor wai ḇewaduren ani ḇyeḇepaw kwar ḇe kapalya bori, raimnai sfasos dera ḇefnoḇek ma sparar kapal ani kuker kaḇrai. Ma nkomkak nkoder ro ureḇ Sirtis, inja skokyu sarwir na ma kapal iki idamdamen. 18Snar nkokren-nkokḇar fafayaḇa ro doḇer ani, inja ro meserdi sisawen papus ḇero kapal ani ḇesoren. 19Ma ro ras ḇeḇekior ya sisawen dera-dera kapal ya. 20Ma ro ras ri ḇeso kwar iḇye ori ma mak sya sḇayir ḇa, ma wam doḇer ḇeba ani myun nko ḇesya kwar, isof kakyar nkoḇena namuk ma nkosma nyan faspar oso ḇa kwar.
21Snar sinan ḇa ro fafisu ono kwar, inja Paulus dores ro fandu si ma ikofen: “Naek srar rofyor mkoso wos ayena kada, insa kayun bur awer Kreta, nari kosma kandera ma fromo ḇera dine ḇa! 22Ḇape knikine, yaḇuk swarepen faro mko kako ro kandera ine, insa mkosnemna nako, snar oso ro mko nari ryoḇa derer kapal ine. 23Snar roḇandi Allah malaikat ḇyedi oso, isoine Allah yasyom ma ḇena aya, dores fanam aya, 24ma ikofen: Paulus, wamkak awer! Nari wores ro ḇarpon Kaisar; ma kaku ḇeri snar Allah ḇaḇenaḇye ḇyedi, inja snonkaku ḇefnoḇek au ro kapal ine sya kam nari sisma faspar. 25Inja yakyar mkosnemna naknon snar nari roi malaikat ya ikofen faro aya nari ndarirya. 26Rariryano ḇape kapal ine nari koḇei fa iryor ro myos oso.”
27Ro roḇ ḇeḇesamfur seser rifiak nkoisya inkoki nkoraryoi kaker ro soren Adria. Ḇape indokada ro romfawru ḇefararur ro kapal sya sḇaḇir nkofanam ḇeḇande. 28Inja sikyu karui kara ma sisma rof samfur risuru. Siki swaf wer sikyu kara wer ma sisma rof samfur seser rim. 29Ma simkak ḇude, nkoder ro irbor oso inja sikyu yor rifiak ro kapal ya urndi, ma nkosaw kaku meser fasaw. 30Ḇape ḇefararur ro kapal sya ssewar nyan fa sibur kapal ya. Sisabu wai bewaduren sifrur farari siḇe sisawen yor ono ro kapal ya rawndi. 31Inja Paulus ikofen faro mananir sordade ma sordade ḇyesi: “Rofyor skain ro kapal ineḇa nari mkosma faspar ḇa.” 32Rarirya sordade ansi siwapuk kabrai wai ḇewaduren ani fa ipyar iki.
33Ro fafisu isnai karkir Paulus dembuk si kam fa sanan, ḇo doḇo: “Ras samfur seser rifiak kwar mko waf-waf monda ma mko farmku basbiser ma mkonan ba. 34Inja yaḇuk swarepen faro mko, insa mkaknan resari. Nanan ani ḇyefandun kaku ro faspar mkoḇedi. Snonkaku oser ro fandu mko snonburyam ḇyena oser ipok kyapas bur ḇruriḇa.” 35Dawos rarirya kwar dun mamami, ikofen kasumasa faro Allah ro ḇarpon sedi kam, pyanasnis na raimnai dan ḇepon. 36Rarirya kawasa ansi sisma sambraḇ ma sakan kako. 37Dandonek nkoḇedi kam ro kapal ya utin risuru samfur rifik seser ri wonem. 38Sanan isof sarbor kwar, sisawen roḇean gandum ḇesoren insa kapal ani myanan.
39Rofyor isnai kam kwar, smam dorei ḇepyom oso. Sifawi pyum sup aniḇa ḇape skara kwar fa siryor kapal ani ro dia. 40Rarirya sper kaḇrai yor anna, ma sibur na ro soren. Ro fafisu ani sper kaḇrai ro remis ya ma sbawes sarwir ḇeba ya insa wamya dun kapal ani ḇeḇande. 41Ḇape kapal ani dunuk ro ureḇ oso, ma kapal ani ider. Rawndi ssyun ro ureḇ ani isof imarmer ḇa ḇoi urendi risen ḇeba nbaser i rao fyarmambriwer.
42Rofyor ani sordade-sordade ansi skara fa soḇo smun besmai ansi, insa oso das ibur awer. 43Ḇape mananir ani imarisen fyaspar Paulus. Inja damrer swaruser sordade ansi sena, ma ḇyuk sasoser, insa ḇefawi ḇeas sya snur ḇeḇande, 44insa ḇeso sya snur user kuker kambafen ma kapal ya ker-ker na. Rarirya sikam srande kuker ḇayaye.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión