FARFYAR RO MANWAWANSYA 24
24
Paulus ro ḇarpon Feliks
24:1-27
1Ḇarpur ro ras ririm Imam Ḇeba Ananias fnoḇek ḇebarara ono ma mansḇaḇye oso snori Tertulus. Sra faro gubernur ma sfarfyar roi sḇuksof Paulus. 2Paulus ḇyeḇeyor ḇeḇarpon ma Tertulus ryak kuker ḇaḇesof ḇyena, doḇo: “Feliks ḇepyum, snar kakara ḇepyum ḇena nko kada nkosma ḇaḇeaski ḇesya kwar, snar fawawi ḇena roi ono nabor kaku neḇefadwer ma neḇefrur kwar faro er nkoḇedine. 3Roi ḇeḇor anna naisya kwar ma ro moḇo-moḇo nkoryaḇ ma nkokofen kasumasa. 4Ḇape insama kofnak awer fafisu ḇena, inja yor insa wamnaf fasau nko kuker ḇaḇenaḇye ro au. 5Nkofawi au wafawi kwar, snon ine imnis kaku dafduf kapyow, snonkaku ḇefrur aru biru fandu kawasa Yahudi ro supswan ḇesiper ḇekenem, pyum ma i snonkaku ḇeḇeḇukor ro farkarkor ninyan kawasa Nasarani. 6Rarirya syewar fa ḇyeuk saranden Rum Allah. Eḇedari nkofor i ma nkomarisen nko kakara kuker i farari sasoser Refo Yahudi nkoḇedi. 7Ḇape mananir sarar Lisias ryama idwareki ma pyoseri kuker ḇri ro nkoḇras na, 8raimnai iwan fa ḇeḇuksofi sya srama faro au. Rofyor mankundaw kwukeḇ i, nari wafawi roi ḇeḇor inkoḇuki isofi na.” 9Ma kawasa Yahudi ansi kako sakkofen fanuk safsof anna ḇo soḇo, wawos anna kam nkaku rarirya.
10Raimnai gubernur ani ḇyuk faro Paulus fa dakawos. Inja Paulus dawos ḇo doḇo: “Yafawi wampasi wambarek nabor kwar bemankara faro er ine. Rarirya kuker ḇirbarḇa yawos fa yaper roi ḇekur aya ine ro ḇarpon bedi: 11Mankundaw nari wafawi, snar isyadi ḇa ro ras samfur seser risuru ḇesyof kwar yarama ro Yerusalem fa yakḇenadi. 12Ma ras oso ḇa fa snonkaku oso myam smai yafamfaḇri kuker snonkaku oso, roḇa yafrur mbrus, iḇye ro Rum Allah roḇa wer ro rum nadi, roḇa wer ro moḇ ḇeso ro mnu. 13Ma sipok sfasnai royo fa ḇyeknam faro au ḇa, ro rosaiso sḇuksof aya. 14Ḇape yakarem faro au, insa wafawi yaḇenadi faro kpu nkoḇesi Allah sedi, kuker yaso user Nyan Manseren, isoine Nyan sorḇe farkor ninyan. Yakyar faro roi ḇeḇor sfas ro sasoser Refo Yahudi ma syap nabi-nabi. 15Yana kakyar faro Allah raris si kako, mboi nari aḇiḇer ya isya faro snonkaku ḇeḇor ḇemar sya, iḇye snonkaku ḇenapes sya ma ḇenapes ḇa sya. 16Inja yasewar ḇesya kwar insa yakenem kuker sneuser ḇesren ro ḇarpon Allah ma snonkaku.
17 #
Kis. 21:17-28
Ma ro ḇarpur ro wampasi wambarek ono, yakaḇer ma wer ro Yerusalem ma yun farem faro er yesi ma yaḇuk farsarser. 18Rofyor yafrur roi anna nekam, snon Yahudi ono ḇeraker Asia sisma aya ro Rum Allah, posa ro fafisu yafrur fasasren mankundaya, ma ro fafisu ani snonkaku ḇeḇor ono ḇa ma mbrusḇa kako. 19Siso ḇerama faro au kada ma si ḇeḇuk safsof sena rofyor sisma roino ro aya. 20Rariryano iḇye snonkaku ḇerama sine knikine sikofen ḇarḇor rosai sisma ro aya, ro fafisu ssun aya ḇeḇarpon Kankain Karkara Agama. 21#Kis. 23:6Roḇaido imbude wos yaḇaryas ro fandu si rofyor yores ro ḇarpon sedi, isoine: Snar aḇiḇer fandu ḇemar sya eḇedari ssun aya ḇeḇarpon bedi ro ras ine.”
22Ḇape Feliks ḇefawi mnis kaku Manseren Nyan Ḇyedi, damsu wawos sedi, ḇo doḇo: “Nari mananir sarar Lisias isya kwar ro dine insape yakaruk wawos mkoḇanine.” 23Raimnai iwan mananir sordade ani iwaren Paulus, ma sipok sidwarek awer bati ḇyesi ḇeyuf farmyan i.
24Ma ras ono nawas Feliks ma swari Drusila, bin Yahudi; iwan fa sor Paulus, ma surower farkarkor roi ro kakyar faro Yesus Kristus. 25Ḇape rofyor Paulus dawos ro napnapes ya, apepen mankun ma ḇaḇemankara nari ḇerama, Feliks imkak ḇo doḇo: “Imnis kwar ḇo rwamura resari; fafisu ḇepyum isya nari yawan fa sor au.” 26Rofyor ya Feliks ikyar, nari Paulus ḇyuk pipi ono faroi. Inja ro ras ono dori fa dawawos kukeri.
27Ḇape wampasi wambarek risuru kwar Feliks ḇyeḇesadwer kuker Perkius Festus, ma insa kawasa Yahudi simariseni, myam monda Paulus ḇo ismai ro bui.
Actualmente seleccionado:
FARFYAR RO MANWAWANSYA 24: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 24
24
Paulus ro ḇarpon Feliks
24:1-27
1Ḇarpur ro ras ririm Imam Ḇeba Ananias fnoḇek ḇebarara ono ma mansḇaḇye oso snori Tertulus. Sra faro gubernur ma sfarfyar roi sḇuksof Paulus. 2Paulus ḇyeḇeyor ḇeḇarpon ma Tertulus ryak kuker ḇaḇesof ḇyena, doḇo: “Feliks ḇepyum, snar kakara ḇepyum ḇena nko kada nkosma ḇaḇeaski ḇesya kwar, snar fawawi ḇena roi ono nabor kaku neḇefadwer ma neḇefrur kwar faro er nkoḇedine. 3Roi ḇeḇor anna naisya kwar ma ro moḇo-moḇo nkoryaḇ ma nkokofen kasumasa. 4Ḇape insama kofnak awer fafisu ḇena, inja yor insa wamnaf fasau nko kuker ḇaḇenaḇye ro au. 5Nkofawi au wafawi kwar, snon ine imnis kaku dafduf kapyow, snonkaku ḇefrur aru biru fandu kawasa Yahudi ro supswan ḇesiper ḇekenem, pyum ma i snonkaku ḇeḇeḇukor ro farkarkor ninyan kawasa Nasarani. 6Rarirya syewar fa ḇyeuk saranden Rum Allah. Eḇedari nkofor i ma nkomarisen nko kakara kuker i farari sasoser Refo Yahudi nkoḇedi. 7Ḇape mananir sarar Lisias ryama idwareki ma pyoseri kuker ḇri ro nkoḇras na, 8raimnai iwan fa ḇeḇuksofi sya srama faro au. Rofyor mankundaw kwukeḇ i, nari wafawi roi ḇeḇor inkoḇuki isofi na.” 9Ma kawasa Yahudi ansi kako sakkofen fanuk safsof anna ḇo soḇo, wawos anna kam nkaku rarirya.
10Raimnai gubernur ani ḇyuk faro Paulus fa dakawos. Inja Paulus dawos ḇo doḇo: “Yafawi wampasi wambarek nabor kwar bemankara faro er ine. Rarirya kuker ḇirbarḇa yawos fa yaper roi ḇekur aya ine ro ḇarpon bedi: 11Mankundaw nari wafawi, snar isyadi ḇa ro ras samfur seser risuru ḇesyof kwar yarama ro Yerusalem fa yakḇenadi. 12Ma ras oso ḇa fa snonkaku oso myam smai yafamfaḇri kuker snonkaku oso, roḇa yafrur mbrus, iḇye ro Rum Allah roḇa wer ro rum nadi, roḇa wer ro moḇ ḇeso ro mnu. 13Ma sipok sfasnai royo fa ḇyeknam faro au ḇa, ro rosaiso sḇuksof aya. 14Ḇape yakarem faro au, insa wafawi yaḇenadi faro kpu nkoḇesi Allah sedi, kuker yaso user Nyan Manseren, isoine Nyan sorḇe farkor ninyan. Yakyar faro roi ḇeḇor sfas ro sasoser Refo Yahudi ma syap nabi-nabi. 15Yana kakyar faro Allah raris si kako, mboi nari aḇiḇer ya isya faro snonkaku ḇeḇor ḇemar sya, iḇye snonkaku ḇenapes sya ma ḇenapes ḇa sya. 16Inja yasewar ḇesya kwar insa yakenem kuker sneuser ḇesren ro ḇarpon Allah ma snonkaku.
17 #
Kis. 21:17-28
Ma ro ḇarpur ro wampasi wambarek ono, yakaḇer ma wer ro Yerusalem ma yun farem faro er yesi ma yaḇuk farsarser. 18Rofyor yafrur roi anna nekam, snon Yahudi ono ḇeraker Asia sisma aya ro Rum Allah, posa ro fafisu yafrur fasasren mankundaya, ma ro fafisu ani snonkaku ḇeḇor ono ḇa ma mbrusḇa kako. 19Siso ḇerama faro au kada ma si ḇeḇuk safsof sena rofyor sisma roino ro aya. 20Rariryano iḇye snonkaku ḇerama sine knikine sikofen ḇarḇor rosai sisma ro aya, ro fafisu ssun aya ḇeḇarpon Kankain Karkara Agama. 21#Kis. 23:6Roḇaido imbude wos yaḇaryas ro fandu si rofyor yores ro ḇarpon sedi, isoine: Snar aḇiḇer fandu ḇemar sya eḇedari ssun aya ḇeḇarpon bedi ro ras ine.”
22Ḇape Feliks ḇefawi mnis kaku Manseren Nyan Ḇyedi, damsu wawos sedi, ḇo doḇo: “Nari mananir sarar Lisias isya kwar ro dine insape yakaruk wawos mkoḇanine.” 23Raimnai iwan mananir sordade ani iwaren Paulus, ma sipok sidwarek awer bati ḇyesi ḇeyuf farmyan i.
24Ma ras ono nawas Feliks ma swari Drusila, bin Yahudi; iwan fa sor Paulus, ma surower farkarkor roi ro kakyar faro Yesus Kristus. 25Ḇape rofyor Paulus dawos ro napnapes ya, apepen mankun ma ḇaḇemankara nari ḇerama, Feliks imkak ḇo doḇo: “Imnis kwar ḇo rwamura resari; fafisu ḇepyum isya nari yawan fa sor au.” 26Rofyor ya Feliks ikyar, nari Paulus ḇyuk pipi ono faroi. Inja ro ras ono dori fa dawawos kukeri.
27Ḇape wampasi wambarek risuru kwar Feliks ḇyeḇesadwer kuker Perkius Festus, ma insa kawasa Yahudi simariseni, myam monda Paulus ḇo ismai ro bui.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión