FARFYAR RO MANWAWANSYA 21
21
Paulus ro Tirus ma Siprus
21:1-14
1Fafisu ḇaḇesisye ḇeposer sne ani posa, nkopaw ma nkayun beri ḇe Kos. Meserdi nkayun snefer ro Rodos ma rodia nkora ḇe Patara. 2Ro Patara nkosma kapal, ḇeyayun uk ḇe Fenesia. Nkek wer ro kapal aniḇo nkopaw. 3Fyoroḇa nkomam Siprus ro ḇar rasar, ḇape nkopdefi ma nkayun ḇe Siria. Ḇarpur ya nkofyafer ro Tirus, snar papus ḇero kapal ya siḇe siḇyawen na ro mnu ine. 4Ro dia nkorakaki kawasa Kristen ma nkokain ro dia beras ri fik. Rur Ḇesren ikofen faro kawasa Kristen ansi inja ssḇuk wos faro Paulus, insa ryaḇe Yerusalem awer. 5Ḇape fafisuya isyof kwar, inja nkombran pdef mararan nkoḇedi. Kawasa Kristen kuker bin romawa sesi siyaker nko isof ro mnuya ḇandiri; ma ro swan andir nkokain wepurḇo nkonadi. 6Rofyor nkoḇe aroo sikwar, nkek kapal, ma sibur ḇe rum sena.
7Ro Tirus nkayun ma nkofyafer ro Ptolemais ma rodia ayayun inkoḇedi isyonde. Inkokofen aroo faro naek srar ansi, ma nkokain rodia ḇe ras oser kuker si. 8#Kis. 6:5, 8:5Ro meserdi nkombran ro dia ma nkorama ro Kaisarea. Inkosun ro Filipus, manbaryas ankankinem ḇeḇye ani rum ḇyedi, isoine oso ro fandu snon rifik skinfir kwar ro Yerusalem, ma inkokain ro rum ḇyedi. 9Filipus isma inai inkbor rifiak besma fakamaman ḇaryar. 10#Kis. 11:28Inkokain ras ono kwar ro dia, nabi oso snori Agabus ryaker Yudea. 11Ryama faro inko, raimnai dun Paulus ḇeḇoḇek ḇyedi. Ma byukfes mankundi wessu ma ḇrassu, ḇo ikofen: “Rur Ḇesrenya ḇyardi kwar radine: Snonkaku ḇena ḇeḇoḇek ine nari Yahudisya sfesi radine ro Yerusalem ma sḇoḇ i faro er ḇeso.”
12Inko mnaf rarirya, inja inkofnoḇek kawasa Kristen ḇero dia syaḇo inkor, insa Paulus ryaḇe Yerusalem awer. 13Ḇape Paulus kyarem faro inko, ḇo doḇo: “Snaro mkokanes, ma kuker nyan ḇeradine mkoḇo mkofrur sneri ḇyeḇirḇar? Snar yafasos kwar fa sfes aya monda ḇa, mboi isof yamar kako ro Yerusalem kuker snonsnon Manseren Yesus.” 14Snar ḇyerer wos anun nkoḇena, inja inkomnai ḇo inkokofen: “Manseren marisen ḇyedi ndarirya monda!”
Yakobus ma penatua-penatua sya ro Yerusalem sfananjur kuker Paulus
21:15-26
15Inkokain ras ono nawas ro Kaisarea kwar, inko fasasos, ma inkomḇran ḇe Yerusalem. 16Kawasa Kristen Kaisarea ono sakso inko. Naek ansi ssun nkoḇe snon oso ḇenirḇe Manason rum ḇyedi. Ikada snon Siprus ḇeḇe Kristen ḇepon kwar. Nari nkoḇeryar ro rum ḇyedi.
17Fafisu nkora nkosuḇer ro Yerusalem naek ḇero dia sya sisrow nko kuker sne ḇemarisen. 18Ro meserdi nko fnoḇek Paulus ḇo nkora nkosrow Yakobus; penatua-penatua sya kam siryur kwar rodia. 19Paulus byearoo faro si, posa fyar-fyar asuser moḇsai Allah ifararur ro fandu er-er ḇeso ro afuffarmyan ḇyedi. 20Simnaf rarirya sikam sisandik Allah. Raimnai sikofen faro Paulus, ḇo soḇo: “Naek mamkada, Yahudi syaran-syaran sikyar kwar ma simyaren sisouser sasoser Refo Yahudi. 21Ḇape sikam simnaf aukada, farkor kawasa Yahudi ḇekain fandu er ḇeso sya insa sisawen sasoser Moses ḇyena, snar woḇo, insa sifrur ma sikenem awer ro rari sofakfuk koḇena faro romawa sesi. 22Inja knikine rariso? Snar nari simnaf rwama kwar ine. 23#Bil. 6:13-21Iḇye, wafrur rosai inkokofen nane: Ro fandu nko naek rifiak sisya seasas. 24Wunsi fa sifnoḇek au, wafrur fasasren mankundaw fnoḇek si ma bakwarek si, isof sikapnik siḇrusna; rarirya nari snonkaku syakam sifawi, wawos simnaf ro au nkakuḇa, snar smam ausya ḇeuser sasoser Refo Yahudi. 25#Kis. 15:29Mboi faro er-er ḇeso, ḇekyar kwar sya, nkofas kwar faro si mnuk nkawos namuk kwar, isoine sḇefor roḇeyan sḇukfarser faro karwar sya, ma rik, ma aiwan bemaruk sya, ma farbuk.”
26Ro meserdi Paulus dun snonkaku ansi fnoḇek i, ma fyasren mankundi fnoḇek si, raimnai ssun ro Rum Allah fa sikofen ḇayir fafisu rosai nari fasasren ya nari imnai ma farsarser ssun fa sḇukfarser warek mankunsi oser-oser.
Paulus ḇyeḇefor
21:27-36
27Fafisu ras rifik anna fanam nasyonde, kawasa Yahudi ḇeraker Asia, smam smai Paulus ro Rum Allah, inja searu biru kawasa sya fa sfori, 28ma ssibras ḇo soḇo: “Ne, kawasa Israel, mkofnoḇek! Ine snonkaku ḇefarkor kawasa ro moḇ nakam insa sisampum er koḇedi ma sasoser Refo Yahudi ma moḇ ine! Ma knikine dun snon Yunani ono fa ssun ro Rum Allah fa sifrur mamas moḇ ḇesren ine!” 29#Kis. 20:4Snar ro ras oso smam smai kwar Trofimus ro Efesus imbranus Paulus ro mnu ya, inja siwarki ḇo soḇo Paulus duni randum ro Rum Allah.
30Rarirya mnu ḇesiper simbrus, ma kawasa sya spanjuḇer, ma sfor Paulus ma sismer i ḇebandi bur Rum Allah ma ro fafisu ani beri kedwai ro Rum Allah nbe ḇesisen. 31Rofyor saw fa siḇe smuni, ḇyesno faro mananir sarar, fa ifawi Yerusalem ḇesiper simbrus. 32Mananir sarar ani dun fasaw sordade-sordade ma ḇukor sesi fa sra sisrow kawasa ḇeḇor ansi. Fasisu smam mananir sarar ani ma sordade-sordade ansi, inja simnai ro siprer Paulus. 33Mananir sarar ani fyanam Paulus fyori ma iwan fa sfesi kuker wanka, ma ifuken manseiso ine ma rosaiso ifrur ya. 34Ḇape kawasa ansi ono ssibras radine ono ssibras radia. Snar mbrus ani mananir ani ifawi mnisḇa rosai ḇeḇesya ani. Inja iwan fa ssun Paulus ḇe ayar mamun. 35Fafisu sra ro kakarya sordade ansi sforaḇen Paulus snar kawasa ḇeḇor ansi skamapepen, 36semarani ḇo sisoi, ma ssibras ḇo soḇo: “Idawer mura!”
Paulus dor insa ssḇuk fa dawawos
21:37-40
37Ro fafisu Paulus ssuni fa syun ḇe ayar mamun, ikofen faro mananir sarar ani: “Wamarisenke yakofen roi ono faro au?”
Kyarem ḇo doḇo: “Wafawi wos Yunani? 38Yakara au snon Masir ḇefrur mbrus ro ras suine, kuker snon ḇarḇor ḇeyuf romamun raimnai ḇefrar ḇebur ḇe sup ḇeḇeursḇa kuker snon ḇarḇor syaran rifiak?”
39Paulus kyarem doḇo: “Aya ine snon Yahudi, ro Tarsus, romawa ḇena mnu ḇeḇesnonsnon ro sup Kilikia; yor insa wamarisen ido, yawawos faro kawasa ḇeḇor sine.”
40Fafisu mananir sarar ani kyarem faro Paulus kwar, rya dores ro kakar bunem ya ma pyankai epensi fa sefasis; rofyor siknon kwar, irandak dawawos faro si kuker wos Ibrani doḇo:
Actualmente seleccionado:
FARFYAR RO MANWAWANSYA 21: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 21
21
Paulus ro Tirus ma Siprus
21:1-14
1Fafisu ḇaḇesisye ḇeposer sne ani posa, nkopaw ma nkayun beri ḇe Kos. Meserdi nkayun snefer ro Rodos ma rodia nkora ḇe Patara. 2Ro Patara nkosma kapal, ḇeyayun uk ḇe Fenesia. Nkek wer ro kapal aniḇo nkopaw. 3Fyoroḇa nkomam Siprus ro ḇar rasar, ḇape nkopdefi ma nkayun ḇe Siria. Ḇarpur ya nkofyafer ro Tirus, snar papus ḇero kapal ya siḇe siḇyawen na ro mnu ine. 4Ro dia nkorakaki kawasa Kristen ma nkokain ro dia beras ri fik. Rur Ḇesren ikofen faro kawasa Kristen ansi inja ssḇuk wos faro Paulus, insa ryaḇe Yerusalem awer. 5Ḇape fafisuya isyof kwar, inja nkombran pdef mararan nkoḇedi. Kawasa Kristen kuker bin romawa sesi siyaker nko isof ro mnuya ḇandiri; ma ro swan andir nkokain wepurḇo nkonadi. 6Rofyor nkoḇe aroo sikwar, nkek kapal, ma sibur ḇe rum sena.
7Ro Tirus nkayun ma nkofyafer ro Ptolemais ma rodia ayayun inkoḇedi isyonde. Inkokofen aroo faro naek srar ansi, ma nkokain rodia ḇe ras oser kuker si. 8#Kis. 6:5, 8:5Ro meserdi nkombran ro dia ma nkorama ro Kaisarea. Inkosun ro Filipus, manbaryas ankankinem ḇeḇye ani rum ḇyedi, isoine oso ro fandu snon rifik skinfir kwar ro Yerusalem, ma inkokain ro rum ḇyedi. 9Filipus isma inai inkbor rifiak besma fakamaman ḇaryar. 10#Kis. 11:28Inkokain ras ono kwar ro dia, nabi oso snori Agabus ryaker Yudea. 11Ryama faro inko, raimnai dun Paulus ḇeḇoḇek ḇyedi. Ma byukfes mankundi wessu ma ḇrassu, ḇo ikofen: “Rur Ḇesrenya ḇyardi kwar radine: Snonkaku ḇena ḇeḇoḇek ine nari Yahudisya sfesi radine ro Yerusalem ma sḇoḇ i faro er ḇeso.”
12Inko mnaf rarirya, inja inkofnoḇek kawasa Kristen ḇero dia syaḇo inkor, insa Paulus ryaḇe Yerusalem awer. 13Ḇape Paulus kyarem faro inko, ḇo doḇo: “Snaro mkokanes, ma kuker nyan ḇeradine mkoḇo mkofrur sneri ḇyeḇirḇar? Snar yafasos kwar fa sfes aya monda ḇa, mboi isof yamar kako ro Yerusalem kuker snonsnon Manseren Yesus.” 14Snar ḇyerer wos anun nkoḇena, inja inkomnai ḇo inkokofen: “Manseren marisen ḇyedi ndarirya monda!”
Yakobus ma penatua-penatua sya ro Yerusalem sfananjur kuker Paulus
21:15-26
15Inkokain ras ono nawas ro Kaisarea kwar, inko fasasos, ma inkomḇran ḇe Yerusalem. 16Kawasa Kristen Kaisarea ono sakso inko. Naek ansi ssun nkoḇe snon oso ḇenirḇe Manason rum ḇyedi. Ikada snon Siprus ḇeḇe Kristen ḇepon kwar. Nari nkoḇeryar ro rum ḇyedi.
17Fafisu nkora nkosuḇer ro Yerusalem naek ḇero dia sya sisrow nko kuker sne ḇemarisen. 18Ro meserdi nko fnoḇek Paulus ḇo nkora nkosrow Yakobus; penatua-penatua sya kam siryur kwar rodia. 19Paulus byearoo faro si, posa fyar-fyar asuser moḇsai Allah ifararur ro fandu er-er ḇeso ro afuffarmyan ḇyedi. 20Simnaf rarirya sikam sisandik Allah. Raimnai sikofen faro Paulus, ḇo soḇo: “Naek mamkada, Yahudi syaran-syaran sikyar kwar ma simyaren sisouser sasoser Refo Yahudi. 21Ḇape sikam simnaf aukada, farkor kawasa Yahudi ḇekain fandu er ḇeso sya insa sisawen sasoser Moses ḇyena, snar woḇo, insa sifrur ma sikenem awer ro rari sofakfuk koḇena faro romawa sesi. 22Inja knikine rariso? Snar nari simnaf rwama kwar ine. 23#Bil. 6:13-21Iḇye, wafrur rosai inkokofen nane: Ro fandu nko naek rifiak sisya seasas. 24Wunsi fa sifnoḇek au, wafrur fasasren mankundaw fnoḇek si ma bakwarek si, isof sikapnik siḇrusna; rarirya nari snonkaku syakam sifawi, wawos simnaf ro au nkakuḇa, snar smam ausya ḇeuser sasoser Refo Yahudi. 25#Kis. 15:29Mboi faro er-er ḇeso, ḇekyar kwar sya, nkofas kwar faro si mnuk nkawos namuk kwar, isoine sḇefor roḇeyan sḇukfarser faro karwar sya, ma rik, ma aiwan bemaruk sya, ma farbuk.”
26Ro meserdi Paulus dun snonkaku ansi fnoḇek i, ma fyasren mankundi fnoḇek si, raimnai ssun ro Rum Allah fa sikofen ḇayir fafisu rosai nari fasasren ya nari imnai ma farsarser ssun fa sḇukfarser warek mankunsi oser-oser.
Paulus ḇyeḇefor
21:27-36
27Fafisu ras rifik anna fanam nasyonde, kawasa Yahudi ḇeraker Asia, smam smai Paulus ro Rum Allah, inja searu biru kawasa sya fa sfori, 28ma ssibras ḇo soḇo: “Ne, kawasa Israel, mkofnoḇek! Ine snonkaku ḇefarkor kawasa ro moḇ nakam insa sisampum er koḇedi ma sasoser Refo Yahudi ma moḇ ine! Ma knikine dun snon Yunani ono fa ssun ro Rum Allah fa sifrur mamas moḇ ḇesren ine!” 29#Kis. 20:4Snar ro ras oso smam smai kwar Trofimus ro Efesus imbranus Paulus ro mnu ya, inja siwarki ḇo soḇo Paulus duni randum ro Rum Allah.
30Rarirya mnu ḇesiper simbrus, ma kawasa sya spanjuḇer, ma sfor Paulus ma sismer i ḇebandi bur Rum Allah ma ro fafisu ani beri kedwai ro Rum Allah nbe ḇesisen. 31Rofyor saw fa siḇe smuni, ḇyesno faro mananir sarar, fa ifawi Yerusalem ḇesiper simbrus. 32Mananir sarar ani dun fasaw sordade-sordade ma ḇukor sesi fa sra sisrow kawasa ḇeḇor ansi. Fasisu smam mananir sarar ani ma sordade-sordade ansi, inja simnai ro siprer Paulus. 33Mananir sarar ani fyanam Paulus fyori ma iwan fa sfesi kuker wanka, ma ifuken manseiso ine ma rosaiso ifrur ya. 34Ḇape kawasa ansi ono ssibras radine ono ssibras radia. Snar mbrus ani mananir ani ifawi mnisḇa rosai ḇeḇesya ani. Inja iwan fa ssun Paulus ḇe ayar mamun. 35Fafisu sra ro kakarya sordade ansi sforaḇen Paulus snar kawasa ḇeḇor ansi skamapepen, 36semarani ḇo sisoi, ma ssibras ḇo soḇo: “Idawer mura!”
Paulus dor insa ssḇuk fa dawawos
21:37-40
37Ro fafisu Paulus ssuni fa syun ḇe ayar mamun, ikofen faro mananir sarar ani: “Wamarisenke yakofen roi ono faro au?”
Kyarem ḇo doḇo: “Wafawi wos Yunani? 38Yakara au snon Masir ḇefrur mbrus ro ras suine, kuker snon ḇarḇor ḇeyuf romamun raimnai ḇefrar ḇebur ḇe sup ḇeḇeursḇa kuker snon ḇarḇor syaran rifiak?”
39Paulus kyarem doḇo: “Aya ine snon Yahudi, ro Tarsus, romawa ḇena mnu ḇeḇesnonsnon ro sup Kilikia; yor insa wamarisen ido, yawawos faro kawasa ḇeḇor sine.”
40Fafisu mananir sarar ani kyarem faro Paulus kwar, rya dores ro kakar bunem ya ma pyankai epensi fa sefasis; rofyor siknon kwar, irandak dawawos faro si kuker wos Ibrani doḇo:
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión