FARFYAR RO MANWAWANSYA 22
22
Paulus dawawos faro kawasa Yahudi
22:1-22
1“Ne, naek ma sinan anmkoya mkomnaf naḇye rosai yamarisen yakofen faro mko fa yaḇesano wark mankundaya.” 2Ro fafisu kawasa ḇeḇor ansi simnaf dawos ro wos Ibrani, sefasis syadi wer. Ikofen ḇo doḇo: 3#Kis. 5:34-39 #Kis. 9:1-19a, 26:4-18 “Aya ine snon Yahudi, saḇen aya ro Tarsus ro sup Kilikia, ḇape yaba ro mnu ine; befarkor aya isoine Gamaliel ḇyeaunos pyum kaku ḇe aya ro sasoser kpu koḇesi, isof aya ine yamyaren kaku yafararur faro Allah imnis raris mkokam ro fafisu ine. 4#Kis. 8:3Aya ine yaḇewayam naek ḇeso Manseren Nyan ḇyedi sya isof ono simar; snon ma bin yafor si ma yasun si ro bui. 5Roi nane iḇye Imam Ḇeba ma Kankain Karkara Ḇebarara-Ḇebarara sya mankunsi smame. Si ḇeḇuk syap ḇeaya fa yun faro naik syaro Damsyik ma yara kwar ro diwa yafor ḇeso Manseren Nyan ḇyedi ḇero diwa sya, insa yun si ḇe Yerusalem fa sismai.
6Ḇape ro maran ayedi ḇe diwara, ma fafisu yafanam Damsyik, ro arkok pandaf, kniko ḇama isnai ḇesokarares ryaker nanki iyar aya. 7Ro fafisuya yasapira yaḇarek ma yamnaf mkaren oso ḇeyakawos aya: Saulus, Saulus, snaro wafrur kandera aya? 8Yakarem ḇo yoḇo: Manseiso au, Manseren? Kyarem ḇo doḇo: Aya ine Yesus snon Nazaret, wafrur kandera ya. 9Ma kawasa ḇeso ayasya, sakmam isnai ani, ḇape mkaren Yesus ḇekofen faro ayanya kada sakmnaf iba. 10Yakofen wer: Manseren rosaiso nari yafrur ya? Manseren ikofen faro aya: Wakḇawes ma rwaḇe Damsyik. Rodiwa nari sikofen ḇadir faro au roi ḇeḇor kam wafrur na. 11Snar mkasi ifafar, inja min ḇeso ro mararan yedi sikfin aya ḇe Damsyik.
12Rodia snon oso snonsnon ḇyedi Ananias, snon ḇekyar ma ḇeso mnis sasoser Refo Yahudi ma kawasa Yahudi ḇero dia sya sifawi kami. 13Ryama dores fanam aya ma ikofen: Saulus, naek ayedi, mam wer! Ma ro fafisu ani beri yamam wer ma yaknoweri. 14Raimnai ikofen ḇo doḇo: Kpu koḇansi Allah sedi ḇyeasas au kwar fa wafawi marisen ḇyedi, insa mam napnapes ya ma wamnaf mkaren ḇesasyar ro sḇayo ḇyena. 15Snar au nari wakofen rosai mam ro i faro kawasa sya kam rosai mam ma wamnaf na. 16Ma knikine rosai beḇirḇar kaker? Wayor au, fa wor ro Manseren ma wasma masi sren ḇefasren au ro sasar ḇena!
17Fafisu yakaḇerma ro Yerusalem kwar ma ro fafisu yaḇenadi ro Rum Allah, papoik Allah, nyakasiper rur ayedi. 18Yamam Manseren, ḇekofen faro aya: Wasasyar fasaw bur Yerusalem, snar nari ḇaḇemamam ḇena ro aya sefandun naba. 19Yakarem: Manseren, si fawi ayaiso, ḇera ḇesun ḇesaye ro rum nadi sena ma ḇefor snonkaku ḇekyar au sya ḇo ḇesun si ro bui, ma ḇeprer si. 20#Kis. 7:58Ma ro fafisu Stefanus saksi ḇedi rik ḇyena nasbawer aya isya ro moḇ ani ma yamarisen kuker frur ani ma ayaiso ḇemamwarek kawasa ḇemun i sya sansun sena. 21Ḇape Manseren ikofen faro aya: Rwa, snar nari Yawan au binkwan kaku rodine faro er-er ḇeso.”
22Kawasa ansi simnaf Paulus isof ro wos ine; ro fafisu ani sikam ssibras, soḇo: “Mkoyaw snonkaku ine bur supswan ine bori! Ipok fa ikenem ḇaḇeri!”
Ro ayar mamunya dori
22:23-29
23Rarirya ssibras ḇesya kwar ma sso syatu ma fafen ḇebo. 24Inja mananir sarar ani ḇyuk sasoser fa ssun Paulus ḇe ayar mamun ma iwan fa skukeḇi ma sipreri, insa sifawi rosai ḇeḇeknam, isof kawasa ansi ssibras mankenem faroi rarirya. 25Fafisu Paulus siyaḇeki ma siḇe sipreri, ikofen faro mananir sordade ḇewaren i: “Mkoḇrike mkoprer snon ḇena sup Roma rofyor ḇyeḇekukeḇ ḇaim?”
26Rofyor mananir sordade ani imnaf rarirya rya ikofen ḇayir faro mananir sarar ani, ḇo doḇo: “Rosai waḇe wafrur ya? Snon ani snon ḇena sup Roma rirya.”
27Inja mananir sarar rya faro Paulus ma ikofen: “Wakofen kakuke, au snon ḇena sup Roma?” Paulus kyarem ḇo doḇo: “Kaku.”
28Inja mananir sarar ani ikofen: “Ḇaḇe snonsnon ḇena sup Roma ani yakoḇes i kuker maeja ḇekakur.” Paulus kyarem, ḇo doḇo: “Aya kada saḇen aya ḇeromawa ro sup Roma.”
29Inja siwan fa ḇeḇeḇepreri sya sisusu fasaw; ma mananir sarar ani kako imkak, rofyor ifawi kwar, mboi Paulus, doḇo iwan fa sfes ani snon Roma rirya.
Paulus ro ḇarpon Kankain Karkara Agama
22:30–23:11
30Rariryano mananir sarar ani imarisen fa ifawi kuker aunos rosai kawasa Yahudi sḇuksof Paulus. Inja meserdi iwan fa sper wanka sya buri ma ḇyuk sasoser insa mananir imam-imam ma Kankain Karkara Agama siryur kam. Raimnai dun Paulus ro ayar mamun ani ḇeḇarpon sedi.
Actualmente seleccionado:
FARFYAR RO MANWAWANSYA 22: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 22
22
Paulus dawawos faro kawasa Yahudi
22:1-22
1“Ne, naek ma sinan anmkoya mkomnaf naḇye rosai yamarisen yakofen faro mko fa yaḇesano wark mankundaya.” 2Ro fafisu kawasa ḇeḇor ansi simnaf dawos ro wos Ibrani, sefasis syadi wer. Ikofen ḇo doḇo: 3#Kis. 5:34-39 #Kis. 9:1-19a, 26:4-18 “Aya ine snon Yahudi, saḇen aya ro Tarsus ro sup Kilikia, ḇape yaba ro mnu ine; befarkor aya isoine Gamaliel ḇyeaunos pyum kaku ḇe aya ro sasoser kpu koḇesi, isof aya ine yamyaren kaku yafararur faro Allah imnis raris mkokam ro fafisu ine. 4#Kis. 8:3Aya ine yaḇewayam naek ḇeso Manseren Nyan ḇyedi sya isof ono simar; snon ma bin yafor si ma yasun si ro bui. 5Roi nane iḇye Imam Ḇeba ma Kankain Karkara Ḇebarara-Ḇebarara sya mankunsi smame. Si ḇeḇuk syap ḇeaya fa yun faro naik syaro Damsyik ma yara kwar ro diwa yafor ḇeso Manseren Nyan ḇyedi ḇero diwa sya, insa yun si ḇe Yerusalem fa sismai.
6Ḇape ro maran ayedi ḇe diwara, ma fafisu yafanam Damsyik, ro arkok pandaf, kniko ḇama isnai ḇesokarares ryaker nanki iyar aya. 7Ro fafisuya yasapira yaḇarek ma yamnaf mkaren oso ḇeyakawos aya: Saulus, Saulus, snaro wafrur kandera aya? 8Yakarem ḇo yoḇo: Manseiso au, Manseren? Kyarem ḇo doḇo: Aya ine Yesus snon Nazaret, wafrur kandera ya. 9Ma kawasa ḇeso ayasya, sakmam isnai ani, ḇape mkaren Yesus ḇekofen faro ayanya kada sakmnaf iba. 10Yakofen wer: Manseren rosaiso nari yafrur ya? Manseren ikofen faro aya: Wakḇawes ma rwaḇe Damsyik. Rodiwa nari sikofen ḇadir faro au roi ḇeḇor kam wafrur na. 11Snar mkasi ifafar, inja min ḇeso ro mararan yedi sikfin aya ḇe Damsyik.
12Rodia snon oso snonsnon ḇyedi Ananias, snon ḇekyar ma ḇeso mnis sasoser Refo Yahudi ma kawasa Yahudi ḇero dia sya sifawi kami. 13Ryama dores fanam aya ma ikofen: Saulus, naek ayedi, mam wer! Ma ro fafisu ani beri yamam wer ma yaknoweri. 14Raimnai ikofen ḇo doḇo: Kpu koḇansi Allah sedi ḇyeasas au kwar fa wafawi marisen ḇyedi, insa mam napnapes ya ma wamnaf mkaren ḇesasyar ro sḇayo ḇyena. 15Snar au nari wakofen rosai mam ro i faro kawasa sya kam rosai mam ma wamnaf na. 16Ma knikine rosai beḇirḇar kaker? Wayor au, fa wor ro Manseren ma wasma masi sren ḇefasren au ro sasar ḇena!
17Fafisu yakaḇerma ro Yerusalem kwar ma ro fafisu yaḇenadi ro Rum Allah, papoik Allah, nyakasiper rur ayedi. 18Yamam Manseren, ḇekofen faro aya: Wasasyar fasaw bur Yerusalem, snar nari ḇaḇemamam ḇena ro aya sefandun naba. 19Yakarem: Manseren, si fawi ayaiso, ḇera ḇesun ḇesaye ro rum nadi sena ma ḇefor snonkaku ḇekyar au sya ḇo ḇesun si ro bui, ma ḇeprer si. 20#Kis. 7:58Ma ro fafisu Stefanus saksi ḇedi rik ḇyena nasbawer aya isya ro moḇ ani ma yamarisen kuker frur ani ma ayaiso ḇemamwarek kawasa ḇemun i sya sansun sena. 21Ḇape Manseren ikofen faro aya: Rwa, snar nari Yawan au binkwan kaku rodine faro er-er ḇeso.”
22Kawasa ansi simnaf Paulus isof ro wos ine; ro fafisu ani sikam ssibras, soḇo: “Mkoyaw snonkaku ine bur supswan ine bori! Ipok fa ikenem ḇaḇeri!”
Ro ayar mamunya dori
22:23-29
23Rarirya ssibras ḇesya kwar ma sso syatu ma fafen ḇebo. 24Inja mananir sarar ani ḇyuk sasoser fa ssun Paulus ḇe ayar mamun ma iwan fa skukeḇi ma sipreri, insa sifawi rosai ḇeḇeknam, isof kawasa ansi ssibras mankenem faroi rarirya. 25Fafisu Paulus siyaḇeki ma siḇe sipreri, ikofen faro mananir sordade ḇewaren i: “Mkoḇrike mkoprer snon ḇena sup Roma rofyor ḇyeḇekukeḇ ḇaim?”
26Rofyor mananir sordade ani imnaf rarirya rya ikofen ḇayir faro mananir sarar ani, ḇo doḇo: “Rosai waḇe wafrur ya? Snon ani snon ḇena sup Roma rirya.”
27Inja mananir sarar rya faro Paulus ma ikofen: “Wakofen kakuke, au snon ḇena sup Roma?” Paulus kyarem ḇo doḇo: “Kaku.”
28Inja mananir sarar ani ikofen: “Ḇaḇe snonsnon ḇena sup Roma ani yakoḇes i kuker maeja ḇekakur.” Paulus kyarem, ḇo doḇo: “Aya kada saḇen aya ḇeromawa ro sup Roma.”
29Inja siwan fa ḇeḇeḇepreri sya sisusu fasaw; ma mananir sarar ani kako imkak, rofyor ifawi kwar, mboi Paulus, doḇo iwan fa sfes ani snon Roma rirya.
Paulus ro ḇarpon Kankain Karkara Agama
22:30–23:11
30Rariryano mananir sarar ani imarisen fa ifawi kuker aunos rosai kawasa Yahudi sḇuksof Paulus. Inja meserdi iwan fa sper wanka sya buri ma ḇyuk sasoser insa mananir imam-imam ma Kankain Karkara Agama siryur kam. Raimnai dun Paulus ro ayar mamun ani ḇeḇarpon sedi.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión