FARFYAR RO MANWAWANSYA 20
20
Ro Makedonia ḇe Troas
20:1-12
1Aru biru ani imnai kwar, Paulus dor kawasa Kristen ma danun si. Ma ḇyearoo si kwar, imbran ḇe Makedonia. 2Imbran yar sup ya mnuk ani ma kuker ananun nabor ḇyuk sambraḇ faro naek srar ro dia. 3Kyain paik rikior kwar ro dia imarisen dayunḇe Siria. Ḇape ro fafisu ani kawasa Yahudi sna awi fa siḇe smuni. Rarirya kyara wer fa kyaḇer ma dunuk sup Makedonia. 4Ḇesoi sya isoine Sopater Pirus mandaḇendi, ro Berea, ma Aristarkhus ma Sekondus, ro Tesalonika, ma Gayus ro Derbe, ma Timotius ma snon risuru wer ro Asia, isoine Tikhikus ma Trofimus. 5Sayun ḇepon ma siwaf inko ro Troas. 6Mboi rofyor munara Mamami Napisenḇa isyof kwar inkayun ro Filipi ma ras rifiak inko fyafer ro Troas ma inko srow si. Ro dia inko kain ras rifiak.
7Ras ḇepon ro ari swaf ani, rofyor inko ryur fa inkan mamami, Paulus dawawos kuker naek srar ro dia, snar kyara fa meserdi iḇe pyaw. Dawawos rawo isof romfawru. 8Ro sim ḇoryas moḇ inko fananjur roya, spam padamara nabor. 9Snonkbor oso snori Eutikhus kyain ro koḇkir ya. Snar Paulus dawawos fyoro, isof snonkbor ani ipok anenef ya ḇa. Rarirya denef moser ma isapi ro sim ḇoryas syos ḇeḇekior ḇesop. Ro fyor sikanow i, imar kwar. 10Inja Paulus isabu rarḇaḇ. Doḇerepen snonkbor ani, ḇo dawrepeni, ma ikofen: “Mko mbrus awer, snar isya ikenem.” 11Sek wer raryas ro sim ḇoryas ani, Paulus payanasnis mamami ma sanan; sanan posa Paulus dawawos fyoro kaku wer isof dorek na nek. Posa kwar pyaw. 12Rofyor ani ssun snonkbor ani ḇe rum ḇyedi, ma sisnesna naprei kam.
Ro Troas ḇe Miletus
20:13-16
13Inkek ḇepon ḇe kapal ma inkayun ḇe Asos, kuker karkara insa inkun Paulus ro Asos imnis danun kwar faro inko, snar ikada doḇo imbran ra ḇande. 14Fafisu isrow inko ro Asos, inko yakeri ḇe kapal, raimnai inkayun pdef ḇe Metilene. 15Ro dia inkayun pdef ma meserdi inko mamnis kuker myos Khios. Ro meserdi wer inkayun ḇe Samos ma ras oser dawas inko sun ro Miletus. 16Paulus kyara kwar fa ryande ro Efesus ḇa, insa fafisu ḇyena nabro awer ro Asia. I saw-saw snar, insa isya ro Yerusalem kwar, ro ras Munara ḇeba Pentakosta.
Ḇaḇe sisye Paulus kuker penatua-penatua ro Efesus
20:17-38
17Snar rarirya, inja iwan snon oser ro Miletus ḇe Efesus kuker anun insa penatua-penatua jemaat srama ḇe Miletus. 18Rofyor srama kwar, Paulus ikofen faro si: “Mkofawi, kankenem ayedi ro fandu mko, ro ras randak yafyafer ro Asia ine: 19Kuker sne ḇekakiḇa yuffarmyan Manseren. Ro afuffarmyan ani mkaru ayena nabor namis ma nabor yasma farawrowes ro kawasa Yahudi ḇeḇe ḇemun aya. 20Rariryano yapok yamam mondaḇa ḇoi yafrur rosai ḇepyum faro mko. Nakam yaḇaryas ma yaḇuk farkor mko, iḇye ro fababa ma ro fananjur-fananjur ro rum mkoḇena; 21ma yaḇe saksi ḇesyakwar faro kawasa Yahudi ma Yunani, insa simbror faro Allah ma sikyar faro Manseren koḇedi, Yesus Kristus. 22Ḇape knikine raris women faro Rur ya yara ḇe Yerusalem ma yafawiḇa rosai nari ḇekur aya ro diwa 23derer rosai Rur Ḇesren ya ḇyair kwar ro mnu ḇe mnu faro aya, mboi bui ma kandera naiso ḇewaf aya. 24#2 Tim. 4:7Ḇape yafandun nyawa yediḇa beri, mboi yasowar fa yasma knam ḇepupes fa yafrur posa afuffarmyan Manseren Yesus ḇyeasas faro aya insa yaḇe saksi Ankankinem Ḇeḇye ro saswar ma fakamaman Allah.
25Ma insape yafawi, mko kam yarama yasrow ma yaḇuk farkarkor ro Ḇaḇesasoser Allah, nari mko mam mkasi wer ḇa. 26Inja ras ine yakofen ḇayir ḇe mko aya ine yasren, yaḇe sasarḇa faro mansei ryawer nari ḇero ya. 27Snar yamyaren kaku yaḇaryas Allah marisen ḇyena kam faro mko. 28Inja mkowaren mankun mko ma mkowaren nai ḇesiper ani kam, snar mko iso Rur Ḇesren ya fyasnai kwar fa ḇemamepen ma ḇefakwak Allah jemaat ḇyedi, ismai si kwar kuker rik ro mankundi Romawa Ḇyedi. 29Yafawi, rofyor yara, nafsup ḇermomen nari ssun fandu mko ma nari siswar nai ansine ḇa. 30Mboi ro fandu mankun mko nari snonkaku ono sikḇawes, kuker farkarkor ninyan ma sesewar insa sismer kawasa Kristen bur nyan ḇenapes fa siso si. 31Inja mkowaren ma mko swarepen, aya ine wampasi wambarek rikior, roḇ meser, yamnaiḇa ro yaḇuk farkarkor ḇe mko oser-oser kuker mkarui.
32Ma knikine yarir mko faro Manseren ma ro wos saswar ma fakamaman Ḇyena, ḇepok ḇeḇawes mko ma ḇeḇuk faro mko rarwas mankundi ḇyuk kwar faro snonkaku kam fyasren kwar sya. 33Sarak roḇa brawen roḇa sansun yapok yarmomen na ro manseiḇa kako. 34Ma mankun mkofawi, kuker ḇramin ayesu yafararur kwar fa yasma mnis rosai yaḇe fandun ma min ḇeso aya sya fandun sena kako.” 35Ro roi ḇeḇor nakam yafasnai faro mko kwar, mboi rofyor ko fararur rarirya insa ko fnoḇek snonkaku ḇepokḇa ma ko swarepen Manseren Yesus wos ḇyedi, doḇo: “Ipyum syadi ro koḇuk ya ro kosma ya.”
36Rofyor ikofen wos nane kwar Paulus kyain wepur ma ḇyenadi kuker sikam. 37Sikam skanes rao sekyu-kyu ma sfor Paulus, ḇo snas ma sisyumi ḇesya kwar. 38Sikam siswar fafaya iba, isyadadi kaku snar ikofen, nari smam mkasi wer ḇa. Raimnai siyakeri ḇe kapal.
Actualmente seleccionado:
FARFYAR RO MANWAWANSYA 20: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 20
20
Ro Makedonia ḇe Troas
20:1-12
1Aru biru ani imnai kwar, Paulus dor kawasa Kristen ma danun si. Ma ḇyearoo si kwar, imbran ḇe Makedonia. 2Imbran yar sup ya mnuk ani ma kuker ananun nabor ḇyuk sambraḇ faro naek srar ro dia. 3Kyain paik rikior kwar ro dia imarisen dayunḇe Siria. Ḇape ro fafisu ani kawasa Yahudi sna awi fa siḇe smuni. Rarirya kyara wer fa kyaḇer ma dunuk sup Makedonia. 4Ḇesoi sya isoine Sopater Pirus mandaḇendi, ro Berea, ma Aristarkhus ma Sekondus, ro Tesalonika, ma Gayus ro Derbe, ma Timotius ma snon risuru wer ro Asia, isoine Tikhikus ma Trofimus. 5Sayun ḇepon ma siwaf inko ro Troas. 6Mboi rofyor munara Mamami Napisenḇa isyof kwar inkayun ro Filipi ma ras rifiak inko fyafer ro Troas ma inko srow si. Ro dia inko kain ras rifiak.
7Ras ḇepon ro ari swaf ani, rofyor inko ryur fa inkan mamami, Paulus dawawos kuker naek srar ro dia, snar kyara fa meserdi iḇe pyaw. Dawawos rawo isof romfawru. 8Ro sim ḇoryas moḇ inko fananjur roya, spam padamara nabor. 9Snonkbor oso snori Eutikhus kyain ro koḇkir ya. Snar Paulus dawawos fyoro, isof snonkbor ani ipok anenef ya ḇa. Rarirya denef moser ma isapi ro sim ḇoryas syos ḇeḇekior ḇesop. Ro fyor sikanow i, imar kwar. 10Inja Paulus isabu rarḇaḇ. Doḇerepen snonkbor ani, ḇo dawrepeni, ma ikofen: “Mko mbrus awer, snar isya ikenem.” 11Sek wer raryas ro sim ḇoryas ani, Paulus payanasnis mamami ma sanan; sanan posa Paulus dawawos fyoro kaku wer isof dorek na nek. Posa kwar pyaw. 12Rofyor ani ssun snonkbor ani ḇe rum ḇyedi, ma sisnesna naprei kam.
Ro Troas ḇe Miletus
20:13-16
13Inkek ḇepon ḇe kapal ma inkayun ḇe Asos, kuker karkara insa inkun Paulus ro Asos imnis danun kwar faro inko, snar ikada doḇo imbran ra ḇande. 14Fafisu isrow inko ro Asos, inko yakeri ḇe kapal, raimnai inkayun pdef ḇe Metilene. 15Ro dia inkayun pdef ma meserdi inko mamnis kuker myos Khios. Ro meserdi wer inkayun ḇe Samos ma ras oser dawas inko sun ro Miletus. 16Paulus kyara kwar fa ryande ro Efesus ḇa, insa fafisu ḇyena nabro awer ro Asia. I saw-saw snar, insa isya ro Yerusalem kwar, ro ras Munara ḇeba Pentakosta.
Ḇaḇe sisye Paulus kuker penatua-penatua ro Efesus
20:17-38
17Snar rarirya, inja iwan snon oser ro Miletus ḇe Efesus kuker anun insa penatua-penatua jemaat srama ḇe Miletus. 18Rofyor srama kwar, Paulus ikofen faro si: “Mkofawi, kankenem ayedi ro fandu mko, ro ras randak yafyafer ro Asia ine: 19Kuker sne ḇekakiḇa yuffarmyan Manseren. Ro afuffarmyan ani mkaru ayena nabor namis ma nabor yasma farawrowes ro kawasa Yahudi ḇeḇe ḇemun aya. 20Rariryano yapok yamam mondaḇa ḇoi yafrur rosai ḇepyum faro mko. Nakam yaḇaryas ma yaḇuk farkor mko, iḇye ro fababa ma ro fananjur-fananjur ro rum mkoḇena; 21ma yaḇe saksi ḇesyakwar faro kawasa Yahudi ma Yunani, insa simbror faro Allah ma sikyar faro Manseren koḇedi, Yesus Kristus. 22Ḇape knikine raris women faro Rur ya yara ḇe Yerusalem ma yafawiḇa rosai nari ḇekur aya ro diwa 23derer rosai Rur Ḇesren ya ḇyair kwar ro mnu ḇe mnu faro aya, mboi bui ma kandera naiso ḇewaf aya. 24#2 Tim. 4:7Ḇape yafandun nyawa yediḇa beri, mboi yasowar fa yasma knam ḇepupes fa yafrur posa afuffarmyan Manseren Yesus ḇyeasas faro aya insa yaḇe saksi Ankankinem Ḇeḇye ro saswar ma fakamaman Allah.
25Ma insape yafawi, mko kam yarama yasrow ma yaḇuk farkarkor ro Ḇaḇesasoser Allah, nari mko mam mkasi wer ḇa. 26Inja ras ine yakofen ḇayir ḇe mko aya ine yasren, yaḇe sasarḇa faro mansei ryawer nari ḇero ya. 27Snar yamyaren kaku yaḇaryas Allah marisen ḇyena kam faro mko. 28Inja mkowaren mankun mko ma mkowaren nai ḇesiper ani kam, snar mko iso Rur Ḇesren ya fyasnai kwar fa ḇemamepen ma ḇefakwak Allah jemaat ḇyedi, ismai si kwar kuker rik ro mankundi Romawa Ḇyedi. 29Yafawi, rofyor yara, nafsup ḇermomen nari ssun fandu mko ma nari siswar nai ansine ḇa. 30Mboi ro fandu mankun mko nari snonkaku ono sikḇawes, kuker farkarkor ninyan ma sesewar insa sismer kawasa Kristen bur nyan ḇenapes fa siso si. 31Inja mkowaren ma mko swarepen, aya ine wampasi wambarek rikior, roḇ meser, yamnaiḇa ro yaḇuk farkarkor ḇe mko oser-oser kuker mkarui.
32Ma knikine yarir mko faro Manseren ma ro wos saswar ma fakamaman Ḇyena, ḇepok ḇeḇawes mko ma ḇeḇuk faro mko rarwas mankundi ḇyuk kwar faro snonkaku kam fyasren kwar sya. 33Sarak roḇa brawen roḇa sansun yapok yarmomen na ro manseiḇa kako. 34Ma mankun mkofawi, kuker ḇramin ayesu yafararur kwar fa yasma mnis rosai yaḇe fandun ma min ḇeso aya sya fandun sena kako.” 35Ro roi ḇeḇor nakam yafasnai faro mko kwar, mboi rofyor ko fararur rarirya insa ko fnoḇek snonkaku ḇepokḇa ma ko swarepen Manseren Yesus wos ḇyedi, doḇo: “Ipyum syadi ro koḇuk ya ro kosma ya.”
36Rofyor ikofen wos nane kwar Paulus kyain wepur ma ḇyenadi kuker sikam. 37Sikam skanes rao sekyu-kyu ma sfor Paulus, ḇo snas ma sisyumi ḇesya kwar. 38Sikam siswar fafaya iba, isyadadi kaku snar ikofen, nari smam mkasi wer ḇa. Raimnai siyakeri ḇe kapal.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión