FARFYAR RO MANWAWANSYA 19
19
Paulus ro Efesus
19:1-12
1Fafisu Apolos isya kaker ro Korintus, Paulus imbranuk ro sup ya dori isof syuḇer ro Efesus. Ro dia isrow snonkaku ḇeḇe Kristen ono. 2Ikofen faro si: “Inja mkosma Rur Ḇesren ya kwar, rofyor mko kyar ya?” Ḇape skarem faroi: “Roḇayim, ma inkakmnaf ḇayim kako ro Rur Ḇesren ya isya.”
3Raimnai Paulus ikofen faro si: “Rarirya ido masasi rosai mko smaya?” Skarem: “Kuker masasi Yohanes.”
4 #
Mat. 3:11; Mrk. 1:4, 7-8; Luk. 3:4, 16; Yoh. 1:26-27 Paulus ikofen: “Masasi Yohanes ikada masasi snonkaku ḇembror kwar, ma ikofen faro kawasa ḇeḇorsya mboi nari sikyar faro i ḇerama papuri, isoine Yesus.”
5Rofyor simnaf rarirya, sor fa sisma masi kuker snonsnon Manseren Yesus. 6Ma ro fafisu Paulus ḇyeḇok si, Rur Ḇesren ya isabu faro si, ma sirandak sawawos kuker wos-wos ono ma sḇardi. 7Ḇarḇor sedi indokada sesnonkaku samfur seser risuru.
8Paulus rya sawawek ḇe rum ari Yahudi ro dia ma ḇyuk farkarkor kuker masasik isof paik rikior. Ro ḇaryas ḇyena ḇyesewar fa sikyar Allah Ḇaḇesasoser ḇyedi. 9Ḇape ono sisya sisnesna npakrek. Simewer sikyar, imboi sonef Allah Nyan ḇyedi ro ḇarpon kawasa ḇeḇor. Inja Paulus dun kawasa Kristen ḇyesi ḇo ibur si, ma ras-ras kam ḇyuk farkarkor faro si ro Tiranus rum farkor ḇyedi. 10Wampasi wambarek risuru ḇyuk farkarkor, isof kawasa ḇekain ro Asia kam simnaf Manseren wos ya, iḇye snon Yahudi ma Yunani kako.
11Allah ifrur fasasnai-fasasnai kanandor ḇeba kaku, kuker Paulus ḇrasi. 12Inja kawasa ssun marḇun ma kruḇen rosai Paulus syansun kwar fa srir na ro ḇeduf si, rarirya dafduf sena namnai ma rur ḇemaḇak sya sisasyar.
Skewa romawa ḇyesi
19:13-20
13Snon Yahudi ḇena mon ono, simbran yar mnu ya, sapbir sas Manseren Yesus snori fa sḇukyaw rur ḇemaḇak ḇesower snonkaku sya ma sor, ḇo sikofen: “Yafores was mko kuker snonsnon Yesus Paulus fyarkor ani.” 14Romawa rifik ro mananir imam Yahudi oso snori Skewa siso ḇefrur rarirya.
15Ḇape rur ḇemaḇak ani kyarem: “Yesus yamam biri, ma Paulus yafawiyi, ḇape mko, mansesiso mko?”
16Ma snon rur ḇemaḇak ani iswoḇerya doper si ma myamunmun kuker sikam rao separpar ḇo sḇaḇer ma sifrar sibur snonkaku ani rum ḇyedi. 17Kawasa kam ḇekain ro Efesus, iḇye Yahudi ma Yunani ḇefawi roi ḇeḇesya ine sikam simkak ma snonsnon Manseren Yesus ḇyesno syadi wer. 18Sibor ro fandu si sikyar kwar, inja srama ma skarem ro ḇarpon, mboi si kako sakfrur frur ḇeradine. 19Sibor kaku ro fandu si, ḇeyakfrur mon kako, siryur syap-syap rawan sena fa sikun na ro ḇarpon kawasa ḇeḇor. Maeja ro syap-syap rawan anna indokada nekumpan sarak syaran samfur ririm. 20Kuker nyan ine Manseren wos ya ryer ḇo syambraḇ syadi wer.
Demetrius ifrur aru biru ro Efesus
19:21-40
21Ḇarpur ro roi ḇeḇesya anna kam, Paulus kyara fa iḇe ryaḇe Yerusalem dunuk Makedonia ma Akhaya. Ikofen: “Rofyor yara kaki moḇ nane kwar ma nari yakmam Roma kako.” 22Inja iwan snon risuru ḇefnoḇeki, isoine Timotius ma Erastus, supon iḇe Makedonia, ḇoi mankundi kyain ras ono kaker ro Asia.
23Ro fafisu ani aru biru ḇeba oso ryok fa kyur Manseren Nyan ḇyedi. 24Snar snon oso snori Demetrius, kamasan sarak, ḇefrur rum-rum kasun ḇemnis rum karwar Artemis ro sarak. Sasewar ḇyedi ḇyuk nana nabor faro kamasan-kamasan ḇyesi. 25Inja iryur sikam kuker ḇefararur ḇeso i sya ro sasewar ani ma ikofen: “Naek srar, mkofawi, nana koḇena kosma na ro sasewar ine! 26Insape mankun mkomam ma mkorower, rariso ro Efesus dererḇa ḇoi Asia ḇesiper Paulus dembuk ma ḇyeninyan kawasa ḇeḇor ma ikofen, roi snonkaku sifrur kuker ḇramin anna karwar naisya ḇa. 27Kuker nyan beradine nari sasewar koḇedi derer ryoḇa mboi nari iser koryae ro snonkaku isyadi wer rum Artemis, karwar ḇeba ani kako nari kawasa sefandun iba ma nari ryo. Ma Artemis, mankundi, Artemis, Asia ma supswan ḇesiper si syom ani baba ḇyedi nari ryo.”
28Kawasa ansi simnaf rarirya simsor namsinba beri, ma sar naba soḇo: “Artemis karwar kawasa Efesus iba!” 29Mnu ani ḇesiper ḇyearu biru ma sikam semarani ḇe rum ḇeba oso ma sismer Gayus kuker Aristarkhus, snon Makedonia suirya ḇeso Paulus ro maran ḇyedi. 30Paulus imarisen rya faro kawasa ansi fama kawasa Kristen simarisen ḇa. 31Ma ḇebarara ono ro Asia ḇeḇebati Paulus, sfarem swarepen faro i, insa syun awer ḇe rum ḇeba ani. 32Ro fafisu ani kawasa ḇeryur ro rum ani si bras; ono sikofen radine ma ono wer sikofen radiyi, snar kawasa ansi searu biru ma sibor kaku sifawiḇa rosai spanjuḇer kuker ya. 33Ma kawasa Yahudi spampum snon oso snori Aleksander ḇe ḇarpon. Snar isma wos kwar ro kawasa ḇeḇor ansi ro rosai ḇeḇesya kwar. Dow ḇrasi fasau ma ḇyoi ḇrasi fa kawasa ansi simnai insa ḇyuk wos ḇeḇekuker si ro ḇarpon kawasa ansi. 34Ḇape rofyor sifawi i snon Yahudi mura, ssibras kam rao indokada oras risuru: “Artemis karwar kawasa Efesus iba!”
35Ḇape snon ḇefas-fas ro mnu ani ḇyuk wos faro kawasa ḇeḇor ma ikofen: “Ne, kawasa Efesus! Mansei ro sup ma swan ine ḇefawiḇa, mko kawasa Efesus, mkoi ḇefaduru iḇye rum karwar Artemis, ḇeba syadi, ma amfyanir ḇyedi ḇesabu ro nanki? 36Roi ḇeḇesya ine nari ḇyeḇesampum ḇa, inja mkoknon ma mkosau-sau awer. 37Snar mkun kwar snonkaku sine maro dine ḇoi sfasar rum karwar koḇedi ḇa ma sonef snonsnon ḇyedi ḇa. 38Inja rofyor Demetrius kuker kamasan-kamasan ḇyesi roi oso ifnai fa soḇo siksof snonkaku oso ido kankain karkara ma gubernur isya, inja ipyum syadi ḇemasasor ansi ssun safsof sena faro dia. 39Ma rofyor mkomarisen roi ono ḇeso ipyum syadi mkawos na ro kankain karkara. 40Snar koisya ro kandera nari sḇuksof ko, soḇo kofrur mbrus ro ras ine, snar knam oso isya ḇa fa koḇuki ḇyesano wark raryur ḇefrur aru biru ine.” Rarirya kuker wos nane iwan raryur ani fa sibur ḇesisye.
Actualmente seleccionado:
FARFYAR RO MANWAWANSYA 19: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 19
19
Paulus ro Efesus
19:1-12
1Fafisu Apolos isya kaker ro Korintus, Paulus imbranuk ro sup ya dori isof syuḇer ro Efesus. Ro dia isrow snonkaku ḇeḇe Kristen ono. 2Ikofen faro si: “Inja mkosma Rur Ḇesren ya kwar, rofyor mko kyar ya?” Ḇape skarem faroi: “Roḇayim, ma inkakmnaf ḇayim kako ro Rur Ḇesren ya isya.”
3Raimnai Paulus ikofen faro si: “Rarirya ido masasi rosai mko smaya?” Skarem: “Kuker masasi Yohanes.”
4 #
Mat. 3:11; Mrk. 1:4, 7-8; Luk. 3:4, 16; Yoh. 1:26-27 Paulus ikofen: “Masasi Yohanes ikada masasi snonkaku ḇembror kwar, ma ikofen faro kawasa ḇeḇorsya mboi nari sikyar faro i ḇerama papuri, isoine Yesus.”
5Rofyor simnaf rarirya, sor fa sisma masi kuker snonsnon Manseren Yesus. 6Ma ro fafisu Paulus ḇyeḇok si, Rur Ḇesren ya isabu faro si, ma sirandak sawawos kuker wos-wos ono ma sḇardi. 7Ḇarḇor sedi indokada sesnonkaku samfur seser risuru.
8Paulus rya sawawek ḇe rum ari Yahudi ro dia ma ḇyuk farkarkor kuker masasik isof paik rikior. Ro ḇaryas ḇyena ḇyesewar fa sikyar Allah Ḇaḇesasoser ḇyedi. 9Ḇape ono sisya sisnesna npakrek. Simewer sikyar, imboi sonef Allah Nyan ḇyedi ro ḇarpon kawasa ḇeḇor. Inja Paulus dun kawasa Kristen ḇyesi ḇo ibur si, ma ras-ras kam ḇyuk farkarkor faro si ro Tiranus rum farkor ḇyedi. 10Wampasi wambarek risuru ḇyuk farkarkor, isof kawasa ḇekain ro Asia kam simnaf Manseren wos ya, iḇye snon Yahudi ma Yunani kako.
11Allah ifrur fasasnai-fasasnai kanandor ḇeba kaku, kuker Paulus ḇrasi. 12Inja kawasa ssun marḇun ma kruḇen rosai Paulus syansun kwar fa srir na ro ḇeduf si, rarirya dafduf sena namnai ma rur ḇemaḇak sya sisasyar.
Skewa romawa ḇyesi
19:13-20
13Snon Yahudi ḇena mon ono, simbran yar mnu ya, sapbir sas Manseren Yesus snori fa sḇukyaw rur ḇemaḇak ḇesower snonkaku sya ma sor, ḇo sikofen: “Yafores was mko kuker snonsnon Yesus Paulus fyarkor ani.” 14Romawa rifik ro mananir imam Yahudi oso snori Skewa siso ḇefrur rarirya.
15Ḇape rur ḇemaḇak ani kyarem: “Yesus yamam biri, ma Paulus yafawiyi, ḇape mko, mansesiso mko?”
16Ma snon rur ḇemaḇak ani iswoḇerya doper si ma myamunmun kuker sikam rao separpar ḇo sḇaḇer ma sifrar sibur snonkaku ani rum ḇyedi. 17Kawasa kam ḇekain ro Efesus, iḇye Yahudi ma Yunani ḇefawi roi ḇeḇesya ine sikam simkak ma snonsnon Manseren Yesus ḇyesno syadi wer. 18Sibor ro fandu si sikyar kwar, inja srama ma skarem ro ḇarpon, mboi si kako sakfrur frur ḇeradine. 19Sibor kaku ro fandu si, ḇeyakfrur mon kako, siryur syap-syap rawan sena fa sikun na ro ḇarpon kawasa ḇeḇor. Maeja ro syap-syap rawan anna indokada nekumpan sarak syaran samfur ririm. 20Kuker nyan ine Manseren wos ya ryer ḇo syambraḇ syadi wer.
Demetrius ifrur aru biru ro Efesus
19:21-40
21Ḇarpur ro roi ḇeḇesya anna kam, Paulus kyara fa iḇe ryaḇe Yerusalem dunuk Makedonia ma Akhaya. Ikofen: “Rofyor yara kaki moḇ nane kwar ma nari yakmam Roma kako.” 22Inja iwan snon risuru ḇefnoḇeki, isoine Timotius ma Erastus, supon iḇe Makedonia, ḇoi mankundi kyain ras ono kaker ro Asia.
23Ro fafisu ani aru biru ḇeba oso ryok fa kyur Manseren Nyan ḇyedi. 24Snar snon oso snori Demetrius, kamasan sarak, ḇefrur rum-rum kasun ḇemnis rum karwar Artemis ro sarak. Sasewar ḇyedi ḇyuk nana nabor faro kamasan-kamasan ḇyesi. 25Inja iryur sikam kuker ḇefararur ḇeso i sya ro sasewar ani ma ikofen: “Naek srar, mkofawi, nana koḇena kosma na ro sasewar ine! 26Insape mankun mkomam ma mkorower, rariso ro Efesus dererḇa ḇoi Asia ḇesiper Paulus dembuk ma ḇyeninyan kawasa ḇeḇor ma ikofen, roi snonkaku sifrur kuker ḇramin anna karwar naisya ḇa. 27Kuker nyan beradine nari sasewar koḇedi derer ryoḇa mboi nari iser koryae ro snonkaku isyadi wer rum Artemis, karwar ḇeba ani kako nari kawasa sefandun iba ma nari ryo. Ma Artemis, mankundi, Artemis, Asia ma supswan ḇesiper si syom ani baba ḇyedi nari ryo.”
28Kawasa ansi simnaf rarirya simsor namsinba beri, ma sar naba soḇo: “Artemis karwar kawasa Efesus iba!” 29Mnu ani ḇesiper ḇyearu biru ma sikam semarani ḇe rum ḇeba oso ma sismer Gayus kuker Aristarkhus, snon Makedonia suirya ḇeso Paulus ro maran ḇyedi. 30Paulus imarisen rya faro kawasa ansi fama kawasa Kristen simarisen ḇa. 31Ma ḇebarara ono ro Asia ḇeḇebati Paulus, sfarem swarepen faro i, insa syun awer ḇe rum ḇeba ani. 32Ro fafisu ani kawasa ḇeryur ro rum ani si bras; ono sikofen radine ma ono wer sikofen radiyi, snar kawasa ansi searu biru ma sibor kaku sifawiḇa rosai spanjuḇer kuker ya. 33Ma kawasa Yahudi spampum snon oso snori Aleksander ḇe ḇarpon. Snar isma wos kwar ro kawasa ḇeḇor ansi ro rosai ḇeḇesya kwar. Dow ḇrasi fasau ma ḇyoi ḇrasi fa kawasa ansi simnai insa ḇyuk wos ḇeḇekuker si ro ḇarpon kawasa ansi. 34Ḇape rofyor sifawi i snon Yahudi mura, ssibras kam rao indokada oras risuru: “Artemis karwar kawasa Efesus iba!”
35Ḇape snon ḇefas-fas ro mnu ani ḇyuk wos faro kawasa ḇeḇor ma ikofen: “Ne, kawasa Efesus! Mansei ro sup ma swan ine ḇefawiḇa, mko kawasa Efesus, mkoi ḇefaduru iḇye rum karwar Artemis, ḇeba syadi, ma amfyanir ḇyedi ḇesabu ro nanki? 36Roi ḇeḇesya ine nari ḇyeḇesampum ḇa, inja mkoknon ma mkosau-sau awer. 37Snar mkun kwar snonkaku sine maro dine ḇoi sfasar rum karwar koḇedi ḇa ma sonef snonsnon ḇyedi ḇa. 38Inja rofyor Demetrius kuker kamasan-kamasan ḇyesi roi oso ifnai fa soḇo siksof snonkaku oso ido kankain karkara ma gubernur isya, inja ipyum syadi ḇemasasor ansi ssun safsof sena faro dia. 39Ma rofyor mkomarisen roi ono ḇeso ipyum syadi mkawos na ro kankain karkara. 40Snar koisya ro kandera nari sḇuksof ko, soḇo kofrur mbrus ro ras ine, snar knam oso isya ḇa fa koḇuki ḇyesano wark raryur ḇefrur aru biru ine.” Rarirya kuker wos nane iwan raryur ani fa sibur ḇesisye.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión