FARFYAR RO MANWAWANSYA 18
18
Paulus ro Korintus
18:1-17
1Raimnai Paulus ibur Atena, ma ryaḇe Korintus. 2Ro Korintus isrow snon Yahudi oso snori Akwila, mnu ḇyedi Pontus. Insape ryama ker Italia kuker swari, Priskila, snar Kaisar Klaudius ḇyuk sasoser kwar, insa kawasa Yahudi kam sisasyar bur Roma. Paulus rya isrow su ro rum suḇedi. 3Snar fararur skoḇena namnis inja ryowus su. Skofararur kayam, snar fararur skoḇena skofrur rum kruḇen. 4Ma ro ras Mananai Yahudi Paulus dawawos ro rum ari ma ḇyesewar insa dun snonkaku Yahudi ma Yunani fa sikyar.
5Rofyor Silas ma Timotius surama ker Makedonia Paulus kuker sne ḇesiper ḇyaryas wosya, ma ḇyuk kesaksian faro kawasa Yahudi, insa sifawi Yesus i Wairek. 6Ḇape rofyor kawasa ansi si sampum ma sonefi, inja kyokef fafen ḇero sansun ḇyena ma ikofen faro si: “Iḇye rik mkoḇena nek ro mankun mko ḇrumna; yasren, yasasar ḇa. Randak ro knikine yara faro er-er ḇeso.” 7Inja isasyar ro dia, fa ryaḇe rum snon oso ḇenir Titus Yustus, ḇeḇeari faro Allah, ma rum ḇyedi fyanam kuker rum ari. 8Ḇape Krispus, mananir rum ari ani, ikada ikyar faro Manseren kuker kawasa ḇero rum ḇyedi ḇesiper, ma kawasa Korintus ḇemnaf ḇaryas Paulus ḇyena, sibor sikyar ma sor fa sisma masi sren.
9Ro roḇ oso Manseren ikofen faro Paulus ro mamam oso: “Wamkak awer! Ḇaryas pdef wosya ḇo befasis awer! 10Snar yarowus au ma snonkaku oso nari pyan ma ḇyewayam auḇa, snar kawasa yesi sibor ro mnu ine.” 11Inja Paulus kyain ro dia ḇe wampasi wambarek oser ma paik riwonem ma ḇyuk farkarkor ro Allah wos ya rofandu si.
12Ḇape rofyor Galio ḇye Gubernur kwar ro Akhaya, kawasa Yahudi sikḇawes kam fa sisampum Paulus, ma ssuni ḇe ḇarpon kankain karkara ḇenapes. 13Sikofen: “Snon ine ḇyesewar fa dun kawasa kam ḇeḇeari faro Allah sisnesna ro nyan ḇeso ḇemnisḇa kuker sasoser Refo Yahudi.”
14Rofyor Paulus iḇe dakawawos, Galio ikofen faro kawasa Yahudi sya: “Ne, kawasa Yahudi mko, rofyor mko ḇuksof roi ḇesasar roḇa ḇarḇor oso, nari yaḇeaḇaḇen ma yamnaf mko, 15ḇape roi ḇeḇesya ani irya snar masasor ḇekur wawos roḇa snonsnon roḇa wer sasoser ḇero fandu mko, ipyum syadi mkawos na ro mankun mko; yamarisen ḇa yaḇe mankara faro roi ḇeradine.” 16Raimnai iyaw si ro sim karkara ḇenapes. 17Rarirya snonkaku ansi soper Sostenes, mananir rum ari, ma siprer i ro ḇarpon rum karkara ḇenapes ani; ḇape Galio ḇyefandun roi ḇeḇesya aniḇa.
Paulus kyaḇer ḇe Antiokhia
18:18-23
18 #
Bil. 6:18
Paulus kyain ras ono wer ro Korintus. Raimnai ikofen ḇayir faro naek srar ro dia, ma dayunḇe Siria, posa ro ikapnik snonburyam ḇyena ro Kenkerea, snar ḇyeamar kwar. Priskila ma Akwila suso i. 19Ma skorande ro Efesus. Paulus ibur Priskila ma Akwila ro diya. Derer ssyun ro rum ari ma dawawos kuker kawasa Yahudi sya. 20Sor fa insa kyain fyoro knik ro dia, ḇape ḇyuk ḇa. 21Ma ikofen ḇadir faro si: “Rofyor Allah imarisen nari yakaḇer faro mko.” Raimnai pyaw ro Efesus.
22Rya kwar ro Kaisarea ma fyor dek rande kwar ma ḇyuk aroo faro jemaat, posa ryaḇe Antiokhia. 23Kyain ras ono ro dia kwar, imbran wer, ma imbran yar sup Galatia ma Frigia ḇesiper fa isonem kawasa Kristen sisnesna kam.
Apolos ro Efesus
18:24-28
24Ro fafisu ani snon Yahudi ḇenir Apolos ryama ro Efesus, mnu ḇyedi Aleksandria. I snon ḇefawi ḇewawos ma ifawinananem kaku ro Refo. 25Isma farkarkor kwar ro Nyan Manseren ḇyena. Kuker sne ḇesiper dawawos ma kuker aunos ḇyuk farkarkor ro Yesus, ḇape ifawi monda masi sren Yohanes. 26Ḇyuk farkarkor randak ro rum ari Yahudi kuker makaku. Ḇape rofyor Priskila ma Akwila sumnafi kwar, suyuni ḇe rum suḇedi ma kuker ḇaḇeaunos sukofen fasnai faroi Allah Nyan ḇyena. 27Snar Apolos imarisen kyaḇor ḇe Akhaya, inja naek srar ro Efesus sfarem syap faro kawasa Kristen ro dia insa si srowi. Ro fyor rya kwar ro Akhaya, kuker saswar ma fakamaman ro Allah, ḇyesnonkaku ḇefandun kaku faro kawasa ḇekyar sya. 28Snar kuker fawawi ḇyena fyamfaḇri kuker kawasa Yahudi ro ḇarpon snonkaku ḇeḇor ma fyasnai ḇayir ro Refo Yesus ikada Wairek.
Actualmente seleccionado:
FARFYAR RO MANWAWANSYA 18: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
FARFYAR RO MANWAWANSYA 18
18
Paulus ro Korintus
18:1-17
1Raimnai Paulus ibur Atena, ma ryaḇe Korintus. 2Ro Korintus isrow snon Yahudi oso snori Akwila, mnu ḇyedi Pontus. Insape ryama ker Italia kuker swari, Priskila, snar Kaisar Klaudius ḇyuk sasoser kwar, insa kawasa Yahudi kam sisasyar bur Roma. Paulus rya isrow su ro rum suḇedi. 3Snar fararur skoḇena namnis inja ryowus su. Skofararur kayam, snar fararur skoḇena skofrur rum kruḇen. 4Ma ro ras Mananai Yahudi Paulus dawawos ro rum ari ma ḇyesewar insa dun snonkaku Yahudi ma Yunani fa sikyar.
5Rofyor Silas ma Timotius surama ker Makedonia Paulus kuker sne ḇesiper ḇyaryas wosya, ma ḇyuk kesaksian faro kawasa Yahudi, insa sifawi Yesus i Wairek. 6Ḇape rofyor kawasa ansi si sampum ma sonefi, inja kyokef fafen ḇero sansun ḇyena ma ikofen faro si: “Iḇye rik mkoḇena nek ro mankun mko ḇrumna; yasren, yasasar ḇa. Randak ro knikine yara faro er-er ḇeso.” 7Inja isasyar ro dia, fa ryaḇe rum snon oso ḇenir Titus Yustus, ḇeḇeari faro Allah, ma rum ḇyedi fyanam kuker rum ari. 8Ḇape Krispus, mananir rum ari ani, ikada ikyar faro Manseren kuker kawasa ḇero rum ḇyedi ḇesiper, ma kawasa Korintus ḇemnaf ḇaryas Paulus ḇyena, sibor sikyar ma sor fa sisma masi sren.
9Ro roḇ oso Manseren ikofen faro Paulus ro mamam oso: “Wamkak awer! Ḇaryas pdef wosya ḇo befasis awer! 10Snar yarowus au ma snonkaku oso nari pyan ma ḇyewayam auḇa, snar kawasa yesi sibor ro mnu ine.” 11Inja Paulus kyain ro dia ḇe wampasi wambarek oser ma paik riwonem ma ḇyuk farkarkor ro Allah wos ya rofandu si.
12Ḇape rofyor Galio ḇye Gubernur kwar ro Akhaya, kawasa Yahudi sikḇawes kam fa sisampum Paulus, ma ssuni ḇe ḇarpon kankain karkara ḇenapes. 13Sikofen: “Snon ine ḇyesewar fa dun kawasa kam ḇeḇeari faro Allah sisnesna ro nyan ḇeso ḇemnisḇa kuker sasoser Refo Yahudi.”
14Rofyor Paulus iḇe dakawawos, Galio ikofen faro kawasa Yahudi sya: “Ne, kawasa Yahudi mko, rofyor mko ḇuksof roi ḇesasar roḇa ḇarḇor oso, nari yaḇeaḇaḇen ma yamnaf mko, 15ḇape roi ḇeḇesya ani irya snar masasor ḇekur wawos roḇa snonsnon roḇa wer sasoser ḇero fandu mko, ipyum syadi mkawos na ro mankun mko; yamarisen ḇa yaḇe mankara faro roi ḇeradine.” 16Raimnai iyaw si ro sim karkara ḇenapes. 17Rarirya snonkaku ansi soper Sostenes, mananir rum ari, ma siprer i ro ḇarpon rum karkara ḇenapes ani; ḇape Galio ḇyefandun roi ḇeḇesya aniḇa.
Paulus kyaḇer ḇe Antiokhia
18:18-23
18 #
Bil. 6:18
Paulus kyain ras ono wer ro Korintus. Raimnai ikofen ḇayir faro naek srar ro dia, ma dayunḇe Siria, posa ro ikapnik snonburyam ḇyena ro Kenkerea, snar ḇyeamar kwar. Priskila ma Akwila suso i. 19Ma skorande ro Efesus. Paulus ibur Priskila ma Akwila ro diya. Derer ssyun ro rum ari ma dawawos kuker kawasa Yahudi sya. 20Sor fa insa kyain fyoro knik ro dia, ḇape ḇyuk ḇa. 21Ma ikofen ḇadir faro si: “Rofyor Allah imarisen nari yakaḇer faro mko.” Raimnai pyaw ro Efesus.
22Rya kwar ro Kaisarea ma fyor dek rande kwar ma ḇyuk aroo faro jemaat, posa ryaḇe Antiokhia. 23Kyain ras ono ro dia kwar, imbran wer, ma imbran yar sup Galatia ma Frigia ḇesiper fa isonem kawasa Kristen sisnesna kam.
Apolos ro Efesus
18:24-28
24Ro fafisu ani snon Yahudi ḇenir Apolos ryama ro Efesus, mnu ḇyedi Aleksandria. I snon ḇefawi ḇewawos ma ifawinananem kaku ro Refo. 25Isma farkarkor kwar ro Nyan Manseren ḇyena. Kuker sne ḇesiper dawawos ma kuker aunos ḇyuk farkarkor ro Yesus, ḇape ifawi monda masi sren Yohanes. 26Ḇyuk farkarkor randak ro rum ari Yahudi kuker makaku. Ḇape rofyor Priskila ma Akwila sumnafi kwar, suyuni ḇe rum suḇedi ma kuker ḇaḇeaunos sukofen fasnai faroi Allah Nyan ḇyena. 27Snar Apolos imarisen kyaḇor ḇe Akhaya, inja naek srar ro Efesus sfarem syap faro kawasa Kristen ro dia insa si srowi. Ro fyor rya kwar ro Akhaya, kuker saswar ma fakamaman ro Allah, ḇyesnonkaku ḇefandun kaku faro kawasa ḇekyar sya. 28Snar kuker fawawi ḇyena fyamfaḇri kuker kawasa Yahudi ro ḇarpon snonkaku ḇeḇor ma fyasnai ḇayir ro Refo Yesus ikada Wairek.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión