1 KORINTUS 10
10
Swarapepen faro karwar
10:1–11:1
1 #
Kel. 13:21-22, 14:22-29 Naek mko! Iḇye mkoswarepen rofafisu up koḇesi siso Moses rosai ḇeḇesya kuker si. Sikam mandepya fyadiren si, ma sunuk Soren Ḇerik kuker aski. 2Faro ḇeso Moses, sikam sisma masi sren kuker mandep ma soren ani. 3#Kel. 16:35Sikam san roḇean rur ḇemamnis, 4#Kel. 17:6; Bil. 20:11ma sinem aninem rurya ḇemnis kako. Sikam sinem ro bon karui rur ḇefnoḇek si; bon karui ani isoine Kristus derer. 5#Bil. 14:29-30Rariryano, Allah imarisenba kuker ḇar ḇebaya, eḇedari simar ro sup ḇeḇeursḇa.
6 #
Bil. 11:4
Nakam nefasasna maḇeko, insa nbuk swarapepen ḇeko insa kormomen awer roi ḇeḇarḇor imnis moḇ sifrur kwar raya. 7#Kel. 32:6Ma insa kaksyom awer karwar imnis ḇar ḇebaya moḇ sifrur raya. Sfas ro Refo radine, “Ma er ansikam san ma sinem, ma simas ḇo sisyom karwar.” 8#Bil. 25:1-18Koma kofrur awer farbuk imnis ḇar ḇebaya moḇ sifrur raya. Snar, sifrur farbuk inja ḇemar ro ras osersya sḇesyaran samfur risuru seser rikior. 9#Bil. 21:5-6Kofrowes sas awer Manseren imnis ḇar ḇebaya moḇ sifrur raya ro ḇepon iwara, isof ikak ḇeknampu sarek si fa simar. 10#Bil. 16:41-49Kosasurem awer; imnis ḇar ḇebaya moḇ sifrur raya ro ḇepon iwara, isof Malaikat Marmari myun si.
11Roi nanekam ndarirya farosi fa nefasasna maḇeko ma kawasa ḇese. Ma nakam neḇefasepen fa neswarapepen maḇeko. Snar baboine kokenem ro awar ḇepupesya.
12Snonkaku ḇekara ḇeyoḇo ḇeyores nako, iḇye ḇyesasori; insa isapi awer. 13Farawrowes mkosmaya ikada farawrowes snonkakusya sisma kam rirya. Ḇape Allah inapes ro asas ḇyena. Nari myam monda mkoḇa ro fafrowes ḇesyadi ro samambraḇ mkoḇena. Rofafisu mkosma fafrowes, nari ḇyuk nyan faro mko insa mkofarmku.
14Snar rarirya, naek srar yaswar kaku, iḇye mkayin ḇaḇesamsyom faro karwarsya. 15Yawawos faro mko imnis faro snonkaku ḇefawinananem. Iḇye mkokara ro mankun mko ro wos yakofen nane. 16#Mat. 26:26-28; Mrk. 14:22-24; Luk. 22:19-20Rofafisu kinem anggur ma kokofen kasumasa faro Allah, fyasna ḇair ḇake mboi koḇeoser kuker Kristus ro marmar ḇyedi? Ma rofafisu koḇerarwas mamami fa kankam, fyasna ḇair ḇake mboi koḇeoser kuker Kristus baken ḇyedi? 17Snar mamami oser baken monda ma kan kam ro mamami oser baken ani kako, inja kokam kofasna koḇeoser baken.
18 #
Im. 7:6
Indo mkomamepen ro kawasa Yahudisya. Si ḇeyan roḇean sḇukfarser ro rokef farsarser, sikada snonkaku ḇeḇeoser kuker moḇ ani. 19Rosai yakara kukerya? Mboi karwar roḇaido roḇean sḇukfarsarser faro karwarsya nḇuk fainda osoke? 20#Ul. 32:17Roḇaḇeri! Kakara ayedi rosai sḇukfarsarser ro rokef farsarser faro karwarsya nakada farsarser faro Allah ḇa, mboi faro ibiris sya. Ma yamewer mkoḇeoser kuker ibiris. 21Mkinem awer ro Manseren sek aninem ḇyedi, fnoḇek ibiris sek aninem ḇyedi kako. Mkanan awer ro Manseren meja ḇyedi, fnoḇek ibiris meja ḇyedi kako. 22#Ul. 32:21Inja komarisen kofrur fa Manseren imsorke? Inja kosambraḇ syadi Manserenke?
23 #
1 Kor. 6:12
Snonkaku sikofen, “Kofrur monda rosai komarisen.” Kaku! Ḇape roi ḇeḇor komarisen anna nefainda kamḇa. “Iḇye kofrur rosai komarisen anna” – ḇape roi ḇeḇor komarisen anna nbawes kankenem kobenaḇa. 24Snonkaku oso ifararur faro fandun mankundi ḇyena ḇardi awer. Snonkaku oser-oser ifararur faro fandun snonkaku ḇese kako.
25Iḇye mkan rosai sboḇ ro pasar. Mkokukeḇ ḇepon awer na, ma mkokamananen awer. 26#Mzm. 24:1Snar sfas ro Refo radine, “Supswan ine kuker roi beroi nakam Manseren i ḇenananya.”
27Rofyor naek ḇeḇe Kristen ḇa oso pyos aw fa wakanan kada, ma naek wasma paspos ani, wan rosai srir ro meja ani faro aw. Kwukeḇ awer roḇean anna ndamuma kero, insa wakamananen awer. 28Ḇape rofyor ono sikofen faro aw, “Roḇean nane sḇukna nfarser kwar faro karwarsya,” wan awer roḇean anna, snar waswarepen fandun ro snon ani ma swaruser ḇyena. 29Ro kakara yedi faro naek sneuser bediḇa, ḇape sneuser ro snon ani.
Ono sisya nari sifuken, “Inja, snaro ḇaḇemkei ayena snonkaku ḇesesya komananen ḇyena nadwarek na? 30Rofyor nyaḇe yanan ido yakofen kasumasa faro Allah, snaro snonkaku skoryaye aya kuker roḇean anna, mboi sifawiḇa yanadi yakofen kasumasa faro Allah snar roḇean anna?”
31Rosai wer mkofrurya – mkanan roḇa mkinem – mkofrur nakam fa mkoksandik Allah. 32Mkokenem rarirya insa kankenem mkoḇedi ifrur fa snonkaku ḇeḇesya skarkar ma nafnai fa naek mkoḇesi sḇesasar awer; iḇye snon Yahudi roḇa snon ḇeḇe Yahudiḇa, roḇa wer Allah jemaat ḇyedi. 33Mkokenem imnis aya. Yaḇesewar yafrur sneprei snonkaku kam ro roi ḇeḇor kam, kuker kakara faro fandun mankundaya ḇardiḇa. Mboi kakara yedi derer insa sikam sisma aski.
Actualmente seleccionado:
1 KORINTUS 10: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
1 KORINTUS 10
10
Swarapepen faro karwar
10:1–11:1
1 #
Kel. 13:21-22, 14:22-29 Naek mko! Iḇye mkoswarepen rofafisu up koḇesi siso Moses rosai ḇeḇesya kuker si. Sikam mandepya fyadiren si, ma sunuk Soren Ḇerik kuker aski. 2Faro ḇeso Moses, sikam sisma masi sren kuker mandep ma soren ani. 3#Kel. 16:35Sikam san roḇean rur ḇemamnis, 4#Kel. 17:6; Bil. 20:11ma sinem aninem rurya ḇemnis kako. Sikam sinem ro bon karui rur ḇefnoḇek si; bon karui ani isoine Kristus derer. 5#Bil. 14:29-30Rariryano, Allah imarisenba kuker ḇar ḇebaya, eḇedari simar ro sup ḇeḇeursḇa.
6 #
Bil. 11:4
Nakam nefasasna maḇeko, insa nbuk swarapepen ḇeko insa kormomen awer roi ḇeḇarḇor imnis moḇ sifrur kwar raya. 7#Kel. 32:6Ma insa kaksyom awer karwar imnis ḇar ḇebaya moḇ sifrur raya. Sfas ro Refo radine, “Ma er ansikam san ma sinem, ma simas ḇo sisyom karwar.” 8#Bil. 25:1-18Koma kofrur awer farbuk imnis ḇar ḇebaya moḇ sifrur raya. Snar, sifrur farbuk inja ḇemar ro ras osersya sḇesyaran samfur risuru seser rikior. 9#Bil. 21:5-6Kofrowes sas awer Manseren imnis ḇar ḇebaya moḇ sifrur raya ro ḇepon iwara, isof ikak ḇeknampu sarek si fa simar. 10#Bil. 16:41-49Kosasurem awer; imnis ḇar ḇebaya moḇ sifrur raya ro ḇepon iwara, isof Malaikat Marmari myun si.
11Roi nanekam ndarirya farosi fa nefasasna maḇeko ma kawasa ḇese. Ma nakam neḇefasepen fa neswarapepen maḇeko. Snar baboine kokenem ro awar ḇepupesya.
12Snonkaku ḇekara ḇeyoḇo ḇeyores nako, iḇye ḇyesasori; insa isapi awer. 13Farawrowes mkosmaya ikada farawrowes snonkakusya sisma kam rirya. Ḇape Allah inapes ro asas ḇyena. Nari myam monda mkoḇa ro fafrowes ḇesyadi ro samambraḇ mkoḇena. Rofafisu mkosma fafrowes, nari ḇyuk nyan faro mko insa mkofarmku.
14Snar rarirya, naek srar yaswar kaku, iḇye mkayin ḇaḇesamsyom faro karwarsya. 15Yawawos faro mko imnis faro snonkaku ḇefawinananem. Iḇye mkokara ro mankun mko ro wos yakofen nane. 16#Mat. 26:26-28; Mrk. 14:22-24; Luk. 22:19-20Rofafisu kinem anggur ma kokofen kasumasa faro Allah, fyasna ḇair ḇake mboi koḇeoser kuker Kristus ro marmar ḇyedi? Ma rofafisu koḇerarwas mamami fa kankam, fyasna ḇair ḇake mboi koḇeoser kuker Kristus baken ḇyedi? 17Snar mamami oser baken monda ma kan kam ro mamami oser baken ani kako, inja kokam kofasna koḇeoser baken.
18 #
Im. 7:6
Indo mkomamepen ro kawasa Yahudisya. Si ḇeyan roḇean sḇukfarser ro rokef farsarser, sikada snonkaku ḇeḇeoser kuker moḇ ani. 19Rosai yakara kukerya? Mboi karwar roḇaido roḇean sḇukfarsarser faro karwarsya nḇuk fainda osoke? 20#Ul. 32:17Roḇaḇeri! Kakara ayedi rosai sḇukfarsarser ro rokef farsarser faro karwarsya nakada farsarser faro Allah ḇa, mboi faro ibiris sya. Ma yamewer mkoḇeoser kuker ibiris. 21Mkinem awer ro Manseren sek aninem ḇyedi, fnoḇek ibiris sek aninem ḇyedi kako. Mkanan awer ro Manseren meja ḇyedi, fnoḇek ibiris meja ḇyedi kako. 22#Ul. 32:21Inja komarisen kofrur fa Manseren imsorke? Inja kosambraḇ syadi Manserenke?
23 #
1 Kor. 6:12
Snonkaku sikofen, “Kofrur monda rosai komarisen.” Kaku! Ḇape roi ḇeḇor komarisen anna nefainda kamḇa. “Iḇye kofrur rosai komarisen anna” – ḇape roi ḇeḇor komarisen anna nbawes kankenem kobenaḇa. 24Snonkaku oso ifararur faro fandun mankundi ḇyena ḇardi awer. Snonkaku oser-oser ifararur faro fandun snonkaku ḇese kako.
25Iḇye mkan rosai sboḇ ro pasar. Mkokukeḇ ḇepon awer na, ma mkokamananen awer. 26#Mzm. 24:1Snar sfas ro Refo radine, “Supswan ine kuker roi beroi nakam Manseren i ḇenananya.”
27Rofyor naek ḇeḇe Kristen ḇa oso pyos aw fa wakanan kada, ma naek wasma paspos ani, wan rosai srir ro meja ani faro aw. Kwukeḇ awer roḇean anna ndamuma kero, insa wakamananen awer. 28Ḇape rofyor ono sikofen faro aw, “Roḇean nane sḇukna nfarser kwar faro karwarsya,” wan awer roḇean anna, snar waswarepen fandun ro snon ani ma swaruser ḇyena. 29Ro kakara yedi faro naek sneuser bediḇa, ḇape sneuser ro snon ani.
Ono sisya nari sifuken, “Inja, snaro ḇaḇemkei ayena snonkaku ḇesesya komananen ḇyena nadwarek na? 30Rofyor nyaḇe yanan ido yakofen kasumasa faro Allah, snaro snonkaku skoryaye aya kuker roḇean anna, mboi sifawiḇa yanadi yakofen kasumasa faro Allah snar roḇean anna?”
31Rosai wer mkofrurya – mkanan roḇa mkinem – mkofrur nakam fa mkoksandik Allah. 32Mkokenem rarirya insa kankenem mkoḇedi ifrur fa snonkaku ḇeḇesya skarkar ma nafnai fa naek mkoḇesi sḇesasar awer; iḇye snon Yahudi roḇa snon ḇeḇe Yahudiḇa, roḇa wer Allah jemaat ḇyedi. 33Mkokenem imnis aya. Yaḇesewar yafrur sneprei snonkaku kam ro roi ḇeḇor kam, kuker kakara faro fandun mankundaya ḇardiḇa. Mboi kakara yedi derer insa sikam sisma aski.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión