1 KORINTUS 9
9
Manwawansya sna rarwas ro fararur sena
9:1-27
1Aya ine snonkaku ḇemkeiḇake? Aya ine manwawanḇake? Aya ine yakmam Yesus, Manseren koḇedi ḇaimke? Inja naek srar mkoido aḇyair ro fararur ayedi faro Manseren bake? 2Rofyor snonkaku ono ḇese simewer skarem aya ḇemanwawanri, ḇape mko kako nari ono skarem rarirya! Snar naek srar kankenem mkoḇedi imnis snonkaku Kristen irya ḇyefasasna aya ine manwawan oso.
3Rofyor snonkaku sisampum aya, nari yakarem radine: 4Inja yasma rarwas roḇean ma aninem snar fararur ayeja ḇake? 5Inja yasma fa yun srar Kristen oso imnis swa fa ifnoḇek aya ro mararan ayediḇake, imnis raris Manseren Yesus ḇedar ḇyesi ma manwawan ḇesesya ma Petrus moḇ sifrur raya ḇake? 6Roḇaido aya ma Barnabas nuyerer monda nuiso ssḇuk fa ḇesewar nanan ro mankun nu? 7Kina ro sarar osoḇa fa syuref mankundi ro sarar embroḇya! Snon ḇefrur yaf osoḇa kyer anggur ro yaf ḇyedi raimnai dakan bon naḇa? Manfarandows osoḇa ḇefaduru dombasya raimnai dakinem domba ansi sus sesiḇa?
8Roi yakofen nane neknam ro roi ras-ras komam na nererḇa, ḇape snar Refoya dakkofen rarirya kako. 9#Ul. 25:4; 1 Tim. 5:18Sfas ro Moses Syap ḇyedi radine, “Rofyor sapiya imas fasibusya insa krafsya siḇesebur pissya, mkosower sapi ani sḇadonya kuker pisan awer.” Inja sapiya iso Allah myamepenya? 10Roḇaido koiso Allah kyara koya? Mboi koiso fas-fas ani kyur koya. Snar snonkaku ḇefrur yafya ma ḇefrur sren fasibusya sifararur kwar kuker kakyar insa sisma rarwas bon ro fararur sena. 11#Rm. 15:27Nko kekef kwar mor rurya faro kankenem naek srar. Inja rofyor nkosma ḇaḇeḇok ro naek srar ro nana mkoḇena, irya nkor nabor syadi faro naek srar mkoke? 12Rofyor snonkaku ono ḇese sikyar sisma roi nane ro naek srar, rosai wer kuker nko nari nkosma syadi wer ro mkoḇake?
Ḇape yakfrur nyan ani ḇaim. Mboi yamarisen syadi yaḇar roi ḇeḇor nakam, ro yafrur roi ono fa nadwarek ḇaḇeḇaryas ro Ankankinem Ḇeḇyeya ro Kristus. 13#Ul. 18:1Naek srar mkofawi kaku snonkaku ḇefararur ro Allah Rum ḇyedi dori sisma roḇean sena ro Allah Rum ḇyedi. Ma snonkaku ḇeḇeuser rokef farsarser sisma rarwas ro farsarser sḇukfarser anna. 14#Mat. 10:10; Luk. 10:7Rarirya kako Allah fyasna kwar mboi snonkaku ḇeḇaryas Ankankinem Ḇeḇye ani nari sisma roḇean ro ḇaryas ani.
15Rariryano, yafrur oso ro nyan annane ḇaim. Ma yafas syap ine insa yakofen fa mkofrur roi annane maḇe ayaḇa. Iḇye syadi yamar ro roi ḇebor yamsik kuker anna ndoë. 16Snar rofyor nyan ḇaḇeḇaryas Ankankinem Ḇeḇyeya ro Allah monda, rarirya ido yapok yamsik ayaḇa, snar fararur ayedirya. Aroroo faḇye maḇe aya, iḇye yaroe, rofyor yaḇaryas Ankankinem Ḇeḇyeya ḇaido! 17Imnis raris fararur ani yafruri ro marisen ayedi, yakyar nari yasma sasuref. Ḇape yaḇaryas Ankankinem Ḇeḇyeya irya fararur sḇukma beaya. Allah ḇyuk fa yafrur fararur ani. 18Rarirya ido, rosai yana ḇesasurefya? Sasurefya isoine: mboi yaḇaryas Ankankinem Ḇeḇye ani kuker fararyor ḇaḇyak warek maḇe aya ro osoḇa, snar yamewer yor sasuref ro sayan ayena imnis manbaryas Ankankinem Ḇeḇyeya.
19Aya ine yaḇewomen faro osoḇa; aya ine yamkei. Rariryano yafrur mankundaya ḇemanfyan faro snonkakusya kam. Yafrur rarirya insa yasma snonkaku sibor faro Kristus. 20Faro snon Yahudisya aya ine ya frur imnis snon Yahudi insa yasma snon Yahudi ono faro Kristus. Faro snonkaku ḇeyaser Allah sasoser ḇyena Moses ḇyuk kwar, yafrur imnis yaso sasoser-sasoser anna, ḇape aya ine yamkei ro sasoser anna. Yafrur rarirya insa yasma snonkaku ansi faro Kristus. 21Faro snonkaku ḇeḇe Yahudiḇasya, yafrur imnis snon oso ḇeḇe Yahudiḇa, ḇekenem roḇondibur Allah sasoser ḇyena, Moses ḇyuk na. Yafrur rarirya insa yasma snonkaku ansi faro Kristus. Ḇape roi ḇeḇesya ine nari ḇyefa yaḇeuseḇa faro Allah sasoser-sasoser ḇyena snar aya ine Kristus sasoser ḇyena naḇen aya. 22Rofandu snonkaku kakyar ḇesambraḇ ḇasya, aya kako yafrur imnis snonkaku ḇena kakyar ḇesambraḇ ḇa insa yun snonkaku ansi faro Kristus. Kuker wos ḇeknampu, yamnis roi ḇeḇor faro snonkakusya kam insa kuker nyan rosairya kaker yun ono fasisma aski.
23Yafrur nakam rarirya faro Ankankinem Ḇeḇye ro Allah insa yasma ḇok kako. 24Naek srar mkofawi kaku ro fanandi farandar, ḇesosya oser monda i ḇesma sasurefya. Eḇedari naek mkofaḇri ro farandarya insa mkosma sasurefya. 25Snonkaku ḇeso fari, fyarmku ro roi ḇeḇor kam. Ifrur rarirya snar imarisen ssḇuk fa isron irai pampen ḇaḇefaindaya, isoine pampen nari ḇemaryoi fasaw. Ḇape koine kada kofarmku ro roi ḇebor kam snar komarisen ssḇuk fa kosron pampen irai nari ḇemaryoiḇa. 26Eḇedari yafrar karker ḇemoḇ sfasnaya. Imnis fanandi kaku nari yakuk famfnomba. 27Yaḇuk baken ayedi fa sfari pakreki isof yaknonser aya. Yafrur rarirya, snar imbude yor snonkaku ono ḇese kwar fa sakso fanandi ani, mboi mankundaya yaro ḇondiri.
Actualmente seleccionado:
1 KORINTUS 9: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
1 KORINTUS 9
9
Manwawansya sna rarwas ro fararur sena
9:1-27
1Aya ine snonkaku ḇemkeiḇake? Aya ine manwawanḇake? Aya ine yakmam Yesus, Manseren koḇedi ḇaimke? Inja naek srar mkoido aḇyair ro fararur ayedi faro Manseren bake? 2Rofyor snonkaku ono ḇese simewer skarem aya ḇemanwawanri, ḇape mko kako nari ono skarem rarirya! Snar naek srar kankenem mkoḇedi imnis snonkaku Kristen irya ḇyefasasna aya ine manwawan oso.
3Rofyor snonkaku sisampum aya, nari yakarem radine: 4Inja yasma rarwas roḇean ma aninem snar fararur ayeja ḇake? 5Inja yasma fa yun srar Kristen oso imnis swa fa ifnoḇek aya ro mararan ayediḇake, imnis raris Manseren Yesus ḇedar ḇyesi ma manwawan ḇesesya ma Petrus moḇ sifrur raya ḇake? 6Roḇaido aya ma Barnabas nuyerer monda nuiso ssḇuk fa ḇesewar nanan ro mankun nu? 7Kina ro sarar osoḇa fa syuref mankundi ro sarar embroḇya! Snon ḇefrur yaf osoḇa kyer anggur ro yaf ḇyedi raimnai dakan bon naḇa? Manfarandows osoḇa ḇefaduru dombasya raimnai dakinem domba ansi sus sesiḇa?
8Roi yakofen nane neknam ro roi ras-ras komam na nererḇa, ḇape snar Refoya dakkofen rarirya kako. 9#Ul. 25:4; 1 Tim. 5:18Sfas ro Moses Syap ḇyedi radine, “Rofyor sapiya imas fasibusya insa krafsya siḇesebur pissya, mkosower sapi ani sḇadonya kuker pisan awer.” Inja sapiya iso Allah myamepenya? 10Roḇaido koiso Allah kyara koya? Mboi koiso fas-fas ani kyur koya. Snar snonkaku ḇefrur yafya ma ḇefrur sren fasibusya sifararur kwar kuker kakyar insa sisma rarwas bon ro fararur sena. 11#Rm. 15:27Nko kekef kwar mor rurya faro kankenem naek srar. Inja rofyor nkosma ḇaḇeḇok ro naek srar ro nana mkoḇena, irya nkor nabor syadi faro naek srar mkoke? 12Rofyor snonkaku ono ḇese sikyar sisma roi nane ro naek srar, rosai wer kuker nko nari nkosma syadi wer ro mkoḇake?
Ḇape yakfrur nyan ani ḇaim. Mboi yamarisen syadi yaḇar roi ḇeḇor nakam, ro yafrur roi ono fa nadwarek ḇaḇeḇaryas ro Ankankinem Ḇeḇyeya ro Kristus. 13#Ul. 18:1Naek srar mkofawi kaku snonkaku ḇefararur ro Allah Rum ḇyedi dori sisma roḇean sena ro Allah Rum ḇyedi. Ma snonkaku ḇeḇeuser rokef farsarser sisma rarwas ro farsarser sḇukfarser anna. 14#Mat. 10:10; Luk. 10:7Rarirya kako Allah fyasna kwar mboi snonkaku ḇeḇaryas Ankankinem Ḇeḇye ani nari sisma roḇean ro ḇaryas ani.
15Rariryano, yafrur oso ro nyan annane ḇaim. Ma yafas syap ine insa yakofen fa mkofrur roi annane maḇe ayaḇa. Iḇye syadi yamar ro roi ḇebor yamsik kuker anna ndoë. 16Snar rofyor nyan ḇaḇeḇaryas Ankankinem Ḇeḇyeya ro Allah monda, rarirya ido yapok yamsik ayaḇa, snar fararur ayedirya. Aroroo faḇye maḇe aya, iḇye yaroe, rofyor yaḇaryas Ankankinem Ḇeḇyeya ḇaido! 17Imnis raris fararur ani yafruri ro marisen ayedi, yakyar nari yasma sasuref. Ḇape yaḇaryas Ankankinem Ḇeḇyeya irya fararur sḇukma beaya. Allah ḇyuk fa yafrur fararur ani. 18Rarirya ido, rosai yana ḇesasurefya? Sasurefya isoine: mboi yaḇaryas Ankankinem Ḇeḇye ani kuker fararyor ḇaḇyak warek maḇe aya ro osoḇa, snar yamewer yor sasuref ro sayan ayena imnis manbaryas Ankankinem Ḇeḇyeya.
19Aya ine yaḇewomen faro osoḇa; aya ine yamkei. Rariryano yafrur mankundaya ḇemanfyan faro snonkakusya kam. Yafrur rarirya insa yasma snonkaku sibor faro Kristus. 20Faro snon Yahudisya aya ine ya frur imnis snon Yahudi insa yasma snon Yahudi ono faro Kristus. Faro snonkaku ḇeyaser Allah sasoser ḇyena Moses ḇyuk kwar, yafrur imnis yaso sasoser-sasoser anna, ḇape aya ine yamkei ro sasoser anna. Yafrur rarirya insa yasma snonkaku ansi faro Kristus. 21Faro snonkaku ḇeḇe Yahudiḇasya, yafrur imnis snon oso ḇeḇe Yahudiḇa, ḇekenem roḇondibur Allah sasoser ḇyena, Moses ḇyuk na. Yafrur rarirya insa yasma snonkaku ansi faro Kristus. Ḇape roi ḇeḇesya ine nari ḇyefa yaḇeuseḇa faro Allah sasoser-sasoser ḇyena snar aya ine Kristus sasoser ḇyena naḇen aya. 22Rofandu snonkaku kakyar ḇesambraḇ ḇasya, aya kako yafrur imnis snonkaku ḇena kakyar ḇesambraḇ ḇa insa yun snonkaku ansi faro Kristus. Kuker wos ḇeknampu, yamnis roi ḇeḇor faro snonkakusya kam insa kuker nyan rosairya kaker yun ono fasisma aski.
23Yafrur nakam rarirya faro Ankankinem Ḇeḇye ro Allah insa yasma ḇok kako. 24Naek srar mkofawi kaku ro fanandi farandar, ḇesosya oser monda i ḇesma sasurefya. Eḇedari naek mkofaḇri ro farandarya insa mkosma sasurefya. 25Snonkaku ḇeso fari, fyarmku ro roi ḇeḇor kam. Ifrur rarirya snar imarisen ssḇuk fa isron irai pampen ḇaḇefaindaya, isoine pampen nari ḇemaryoi fasaw. Ḇape koine kada kofarmku ro roi ḇebor kam snar komarisen ssḇuk fa kosron pampen irai nari ḇemaryoiḇa. 26Eḇedari yafrar karker ḇemoḇ sfasnaya. Imnis fanandi kaku nari yakuk famfnomba. 27Yaḇuk baken ayedi fa sfari pakreki isof yaknonser aya. Yafrur rarirya, snar imbude yor snonkaku ono ḇese kwar fa sakso fanandi ani, mboi mankundaya yaro ḇondiri.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión