1 KORINTUS 11
11
1 #
1 Kor. 4:16; Flp. 3:17 Mkoso nyan ayedi, imnis aya yaso nyan Kristus.
Karamas binsya ḇukor sena rofafisu ḇaḇeari
11:2-16
2Yasandik mko snar mkoswarepen aya ḇesya kwar ma mkoso farkarkor yaḇuk faro mko na. 3Ḇape yamarisen insa mkofawi roi oser wer, isoine ḇeḇeḇru rofandu snonsya oser-oser isoine Kristus; mboi ḇeḇeḇru faro binsya ḇefakawin isoine snonsya, ma ḇeḇeḇru ro Kristus isoine Allah. 4Rofyor snon oso fafisu ḇyenadi roḇa ḇyaryas Allah kafkofen ḇadir ḇyena ro ḇarpon snonkaku ḇeḇor, iswoi karamas, rarirya snon ani kyoryae Kristus. 5Rofyor bin oso fafisu ḇyenadi roḇa ḇyaryas Allah kafkofen ḇair ḇyena ro ḇarpon snonkaku ḇeḇor, mboi iswoi karamasḇa, bin ani kyoryae swari ḇeḇeḇru faroi. Rarirya imnis raris bin ani ḇru ḇyeja ḇyebekapnik. 6Snar rofyor bin oso imewer iswoi karamas, iḇye syadi snonburyam ḇyena neḇekapnik. Rofyor bin oso sikapnik snonburyam ḇyena, irya anonef oso faro ḇinkundi. Inja iḇye syadi iswoi karamas. 7#Kej. 1:26-27Snonsya kada fandunba fasiswoi karamas snar sfasna Allah sananai ma baba ḇyedi. Ḇape binsya sfasna baba ro snonsya, 8#Kej. 2:18-23snar snonsya seḇefrur ro binsya ḇa, mboi binsya seḇefrur ro snonsya. 9Ma snonsya seḇefrur faro fandun binsyaḇa, mboi binsya kada seḇefrur faro fandun snonsya. 10Eḇedari, insa malaikatsya sakḇe saksi, inja bin oso nari iswoi saswoi, imnis kakop ḇefasna binsya sfadiren ro siswas si. 11Rariryano ro kankenem ḇaḇe Kristen koḇedi, binya demir ro ḇinkundibur snonyaḇa, ma snonya kako demir ro mankundibur binyaḇa. 12Snar imnis bin ḇepon ani ḇyeḇefrur ro snonya, ḇape ḇarpurya binya daḇen snon ani; ma Allah i ḇeḇeknam roi nakamya.
13Indo naek srar mkokara ro mankun mko roi ḇeḇesya ine: iḇyeke bin oso ḇyenadi faro Allah ro ḇarpon snonkaku ḇeḇor, imboi iswoi saswoiḇa? 14Ro fawawi koḇena, naek mkoḇe ḇefarkor kwar mboi rofyor snonsya snonburyam sena nakwan, ine roi ḇefrur mamyai. 15Ḇape faro binsya, sisma snonburyam ḇekwan fa nakawef siḇrusna iria marisen sedi. 16Ne, inja ono sisya sfamfaḇri, kuker roi ḇeradine, roi oser monda yamarisen yakofen isoine, iḇye kokako wer ma Allah jemaat-jemaat ḇese ḇyena nakam nasma rari oser monda ro jemaat.
Anan ro meja sren
11:17-34
17Ro roi yaḇeyawos nane, yasandik naek srar mkoḇa. Naek srar ro fananjur mkoḇena nbuk bon ḇeḇye onoḇa, mboi roi ḇeḇyeḇa nairi. 18Yamnaf ḇeponya mboi ro fananjur jemaat naek srar ro rarwas ono sisya sfamfaḇriyae. Ma yakyar mboi roi yamnaf nane nkaku. 19Kaku rofandu mko anunḇesisye isya, insa komam mansesi ḇeḇe Kristen kakusya rofandu mko. 20Ḇape naek srar mkofananjur ani mkofrur anan meja sren ḇekakuyoḇa. 21Snar rofyor mkanan ido, mkun famfaḇri roḇean faro mankun mko, isof ono saksma roḇean annaḇa, isyadi wer ono simser. 22Snaro rarirya? Mkona rumbake? Fa mkanan ma mkinem rona! Roḇaido naek srar mkomarisen mkokoryae Allah jemaat ḇyedi ma mkokoryae snonkaku ḇesaḇararsya? Inja rosai nari yakofen faro mko? Yarer mkoke? Roḇa! Nari yarer mkoḇa.
23Snar farkarkor yaḇuk faro mko, yasma na ro Manseren mankundi: mboi ro roḇ ani fafisu Yesus, Manseren koḇedi, ḇyeḇeḇoḇ ani, dun mamami, 24ma ikofen kasumasa faro Allah posa, pyef ma pyanasnis mamami ani, raimnai ikofen, “Inekada baken ayedirya ḇyeḇeḇoḇ faro mko. Mkofrur rarirya fa mkoswarepen aya.” 25#Kel. 24:6-8; Yer. 31:31-34Rarirya kako rofyor sanan posa kwar, dun sek anggur kako ma ikofen, “Anggur ineido Allah asas ḇebabo ḇyedi, ḇyekakop ro rik ayena. Rofyor mkinem i, mkofrur rarirya fa mkoswarepen aya.”
26Mboi rofyor mkan mamami ma mkinem anggur ine, naek srar mkoḇaryas Manseren marmar ḇyedi isof iwerma. 27Eḇedari, snonkaku ḇeyan Manseren mamami ḇyedi roḇa ḇeyinem Manseren anggur ḇyedi kuker rari ḇeḇyeḇa ido, snonkaku ani ḇyesasar faro Manseren baken ma rik ḇyena. 28Inja snonkaku oser-oser kyukeḇ mankundi resari insape dan mamami ma dinem anggur ani. 29Snar rofyor mansei ḇeyan mamami ma ḇeyinem anggur ine, ma ḇyefandun anan Meja sren ḇekur Manseren baken ḇyediḇa, snon ani dan ma dinem fa isma samamyai Allah faro mankundi. 30Eḇedari rofandu mko ono sibor siduf ma siryarḇa, ma ono simar kwar kako. 31Ḇape rofyor kokukeḇ mankunko ḇepon resari, Allah nari ḇyuk samamyai faro koḇa. 32Ḇape rofyor Allah ḇyuk samamyai maroko, nari iprerko, insa kosma samamyai fnoḇek awer samamyai supswan ine.
33Eḇedari naek srar, rofyor mkoryur fa mkanan ro Manseren meja ḇyedi, iḇye mkowafyae mko. 34Rofyor ono sibiser, iḇye sanan ḇepon ro rum sena resari. Imbude naek srar mkofanjur monda fa mkosma samamyai Allah faro mankun mkondi. Faro roi ḇese na, nari yakofen ḇayir na wer faro mko, rofyor yaramufa ḇemko.
Actualmente seleccionado:
1 KORINTUS 11: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
1 KORINTUS 11
11
1 #
1 Kor. 4:16; Flp. 3:17 Mkoso nyan ayedi, imnis aya yaso nyan Kristus.
Karamas binsya ḇukor sena rofafisu ḇaḇeari
11:2-16
2Yasandik mko snar mkoswarepen aya ḇesya kwar ma mkoso farkarkor yaḇuk faro mko na. 3Ḇape yamarisen insa mkofawi roi oser wer, isoine ḇeḇeḇru rofandu snonsya oser-oser isoine Kristus; mboi ḇeḇeḇru faro binsya ḇefakawin isoine snonsya, ma ḇeḇeḇru ro Kristus isoine Allah. 4Rofyor snon oso fafisu ḇyenadi roḇa ḇyaryas Allah kafkofen ḇadir ḇyena ro ḇarpon snonkaku ḇeḇor, iswoi karamas, rarirya snon ani kyoryae Kristus. 5Rofyor bin oso fafisu ḇyenadi roḇa ḇyaryas Allah kafkofen ḇair ḇyena ro ḇarpon snonkaku ḇeḇor, mboi iswoi karamasḇa, bin ani kyoryae swari ḇeḇeḇru faroi. Rarirya imnis raris bin ani ḇru ḇyeja ḇyebekapnik. 6Snar rofyor bin oso imewer iswoi karamas, iḇye syadi snonburyam ḇyena neḇekapnik. Rofyor bin oso sikapnik snonburyam ḇyena, irya anonef oso faro ḇinkundi. Inja iḇye syadi iswoi karamas. 7#Kej. 1:26-27Snonsya kada fandunba fasiswoi karamas snar sfasna Allah sananai ma baba ḇyedi. Ḇape binsya sfasna baba ro snonsya, 8#Kej. 2:18-23snar snonsya seḇefrur ro binsya ḇa, mboi binsya seḇefrur ro snonsya. 9Ma snonsya seḇefrur faro fandun binsyaḇa, mboi binsya kada seḇefrur faro fandun snonsya. 10Eḇedari, insa malaikatsya sakḇe saksi, inja bin oso nari iswoi saswoi, imnis kakop ḇefasna binsya sfadiren ro siswas si. 11Rariryano ro kankenem ḇaḇe Kristen koḇedi, binya demir ro ḇinkundibur snonyaḇa, ma snonya kako demir ro mankundibur binyaḇa. 12Snar imnis bin ḇepon ani ḇyeḇefrur ro snonya, ḇape ḇarpurya binya daḇen snon ani; ma Allah i ḇeḇeknam roi nakamya.
13Indo naek srar mkokara ro mankun mko roi ḇeḇesya ine: iḇyeke bin oso ḇyenadi faro Allah ro ḇarpon snonkaku ḇeḇor, imboi iswoi saswoiḇa? 14Ro fawawi koḇena, naek mkoḇe ḇefarkor kwar mboi rofyor snonsya snonburyam sena nakwan, ine roi ḇefrur mamyai. 15Ḇape faro binsya, sisma snonburyam ḇekwan fa nakawef siḇrusna iria marisen sedi. 16Ne, inja ono sisya sfamfaḇri, kuker roi ḇeradine, roi oser monda yamarisen yakofen isoine, iḇye kokako wer ma Allah jemaat-jemaat ḇese ḇyena nakam nasma rari oser monda ro jemaat.
Anan ro meja sren
11:17-34
17Ro roi yaḇeyawos nane, yasandik naek srar mkoḇa. Naek srar ro fananjur mkoḇena nbuk bon ḇeḇye onoḇa, mboi roi ḇeḇyeḇa nairi. 18Yamnaf ḇeponya mboi ro fananjur jemaat naek srar ro rarwas ono sisya sfamfaḇriyae. Ma yakyar mboi roi yamnaf nane nkaku. 19Kaku rofandu mko anunḇesisye isya, insa komam mansesi ḇeḇe Kristen kakusya rofandu mko. 20Ḇape naek srar mkofananjur ani mkofrur anan meja sren ḇekakuyoḇa. 21Snar rofyor mkanan ido, mkun famfaḇri roḇean faro mankun mko, isof ono saksma roḇean annaḇa, isyadi wer ono simser. 22Snaro rarirya? Mkona rumbake? Fa mkanan ma mkinem rona! Roḇaido naek srar mkomarisen mkokoryae Allah jemaat ḇyedi ma mkokoryae snonkaku ḇesaḇararsya? Inja rosai nari yakofen faro mko? Yarer mkoke? Roḇa! Nari yarer mkoḇa.
23Snar farkarkor yaḇuk faro mko, yasma na ro Manseren mankundi: mboi ro roḇ ani fafisu Yesus, Manseren koḇedi, ḇyeḇeḇoḇ ani, dun mamami, 24ma ikofen kasumasa faro Allah posa, pyef ma pyanasnis mamami ani, raimnai ikofen, “Inekada baken ayedirya ḇyeḇeḇoḇ faro mko. Mkofrur rarirya fa mkoswarepen aya.” 25#Kel. 24:6-8; Yer. 31:31-34Rarirya kako rofyor sanan posa kwar, dun sek anggur kako ma ikofen, “Anggur ineido Allah asas ḇebabo ḇyedi, ḇyekakop ro rik ayena. Rofyor mkinem i, mkofrur rarirya fa mkoswarepen aya.”
26Mboi rofyor mkan mamami ma mkinem anggur ine, naek srar mkoḇaryas Manseren marmar ḇyedi isof iwerma. 27Eḇedari, snonkaku ḇeyan Manseren mamami ḇyedi roḇa ḇeyinem Manseren anggur ḇyedi kuker rari ḇeḇyeḇa ido, snonkaku ani ḇyesasar faro Manseren baken ma rik ḇyena. 28Inja snonkaku oser-oser kyukeḇ mankundi resari insape dan mamami ma dinem anggur ani. 29Snar rofyor mansei ḇeyan mamami ma ḇeyinem anggur ine, ma ḇyefandun anan Meja sren ḇekur Manseren baken ḇyediḇa, snon ani dan ma dinem fa isma samamyai Allah faro mankundi. 30Eḇedari rofandu mko ono sibor siduf ma siryarḇa, ma ono simar kwar kako. 31Ḇape rofyor kokukeḇ mankunko ḇepon resari, Allah nari ḇyuk samamyai faro koḇa. 32Ḇape rofyor Allah ḇyuk samamyai maroko, nari iprerko, insa kosma samamyai fnoḇek awer samamyai supswan ine.
33Eḇedari naek srar, rofyor mkoryur fa mkanan ro Manseren meja ḇyedi, iḇye mkowafyae mko. 34Rofyor ono sibiser, iḇye sanan ḇepon ro rum sena resari. Imbude naek srar mkofanjur monda fa mkosma samamyai Allah faro mankun mkondi. Faro roi ḇese na, nari yakofen ḇayir na wer faro mko, rofyor yaramufa ḇemko.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión