JINGKHEIÑ 12
12
Ka Miriam bad u Aaron ki kren pyrshah ïa u Moses
1Ka Miriam, bad u Aaron ruh, ki la ïakren khñium pyrshah ïa u Moses, namar kata ka kynthei kaba na ka ri Ethiopia, ïa kaba u la shongkurim: naba u la shongkurim bad ka nong Ethiopia. 2Bad ki la ong, “Shisha u la kren U Trai tang da u Moses? Um shym la kren da ngi ruh de?” Te U Trai u la ïohsngew ïa kata. 3Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei. 4Shisyndon te U Trai u la ong ha u Moses, bad ha u Aaron, bad ha ka Miriam de, “To ale mih noh phi baroh lai ngut ha kata Ka Tabernakl ka jingïaseng:” te ki la ïamih noh baroh lai ngut. 5U Trai ruh u la wan hiar ha uta u rishot lyoh, u la ïeng ruh ha ka jingkhang Ka Tabernakl, bad u la khot ïa u Aaron, bad ïa ka Miriam: te ki la mih noh baroh ar ngut. 6U te u la ong, “To sngap mynta ïa ki ktien jong nga: Lada u nongïathuhlypa jong U Trai u don hapdeng jong phi, ngan pynpaw ïa lade ha u ha ka jingithuhpaw, ngan kren ruh ha u ha ka jingphohsniew. 7#Heb. 3:2,5,6.Hynrei, u Moses, u shakri jong nga um long kumta; u long uba ïaineh keiñ ha ka ïing jong nga baroh: 8#Eks. 33:11; Deu. 34:10.Ha u ngan kren markhmat, da kaba paw shynna ym ha ka pharshi; bad ha ka dur un ïoh khmih ïa U Trai: namar kata, balei phim shym la sheptieng ïa ka ban kren pyrshah ïa u shakri jong nga, ïa u Moses keiñ?”
9Te ka jingbitar jong U Trai ka la meh lep pyrshah ïa ki; bad u la leit noh soit. 10Uta u lyoh ruh u la kynriah noh na Ka Tabernakl; ha khmih ruh, ka Miriam ka la pang 'ñiangthohlieh kum ka ïor: bad u Aaron u la khmih ïa ka Miriam, bad ha khmih, ka la pang 'ñiangthohlieh. 11U Aaron te u la ong ha u Moses, “A ko kynrad jong nga, nga kyrpad ïa me, to wat pynkit halor jong ngi ïa kane ka pop, ha kaba ngi la leh bieit, bad ha kaba ngi la leh palat ruh. 12To wat ai kan long kum i khun baïap, iba haba i dang shu mih noh na ka kpoh la ka kmie, ïa ka doh jong i la bam duh lypa marshiteng.” 13U Moses te u la kyang kyrpad ha U Trai, u da ong, “A Blei, nga kyrpad ïa me, to pynkhiah ïa ka mynta.” 14#Jkñ. 5:2,3.Te U Trai u la ong ha u Moses, “Lada u kpa jong ka, u la shu bynthiew ha ka khmat jong ka, kan ym da lehrain hynñiew sngi? to khang noh te ïa ka, shabar ka jaka shong dara, hynñiew sngi, hadien kata te, to pdiang ïa ka pat.” 15La khang noh te ïa ka Miriam, shabar ka jaka shong dara, hynñiew sngi: te uta u paidbah, um shym la leit mih noh, tad ynda ka Miriam ka la wan pat hapoh. 16Te hadien kata, uta u paidbah u la mih noh na Haseroth, bad ki la ïashong dara ruh ha ka ri khlaw Paran.
Actualmente seleccionado:
JINGKHEIÑ 12: KHB
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
The Bible Society of India