LEBITIKOS 26
26
Ka jingkyrkhu ïa kiba sumar ïa ki hukum
(Deu. 7:12-24; 28:1-14)
1 #
Leb. 19:4; Eks. 20:4,23; Deu. 4:15-18; 16:21,22; 27:15. “Wat thaw ki bleithaw ïa phi, lymne ka durblei ba la saiñ, lymne pynïeng ïa kano kano ka dur bynriew, bad phin ym buh ha ka ri jong phi ïa kano kano ka dur ba la thaw ha u maw, ïa ka ban dem ha khmat jong ka: naba nga long U Trai U Blei jong phi. 2#Eks. 20:8; 23:12; 34:21; 35:2,3; Leb. 19:3,30; Deu. 5:12-15.Ïa ki Sabbaton jong nga phin sumar, bad ïa ka jaka kyntang jong nga phin burom: Nga long U Trai.
3 #
Deu. 11:13-15. #
Deu. 7:12-26; 28:1-14. “Lada phin ïaid ha ki hukum jong nga, bad lada phin sumar ïa ki hukum jong nga, bad leh ïa ki; 4te ngan ai ha phi ïa u slap ha la ka aïom, bad ka khyndew kan sei ïa la ka jingmih, bad ki dieng ka lyngkha kin sei ïa la ki soh. 5Bad ka thiar jong phi kan kot haduh ka aïom kheit soh Waiñ, bad kaba kheit soh Waiñ kan kot haduh ka aïom bet symbai: bad phin ïoh bam ïa la u kpu haduh ban da kdang, bad shongsuk ha ka ri jong phi. 6Ngan ai ka jingsuk ruh ha ka ri, bad phin ïohthiah khlem da don mano mano ruh ban pynkhaw-eit ïa phi: bad ngan pynduh noh ïa ki mrad basniew na ka ri, bad ka waitlam kan ym ïaid shuh lyngba ïa ka ri jong phi. 7Ïa ki nongshun jong phi ruh phin beh, bad kin kyllon ha khmat jong phi da ka waitlam. 8Bad san ngut na phi kin beh ïa ka shispah, bad shispah ngut na phi kin beh ïa ki shiphew hajar: bad ki nongshun jong phi kin kyllon ha khmat jong phi da ka waitlam. 9Bad ngan khmih thuh ïa phi, bad ngan pynlong ïa phi ki ban man kyrhai, bad ngan pynbun ruh ïa phi; bad ngan pynskhem ïa ka jutang jong nga bad phi. 10Phin bam ruh de ïa ka jingkynshew barim, bad phin pynbujli ïa ka barim da ka bathymmai. 11#2 Kor. 6:16.Bad ïa Ka Tabernakl jong nga, ngan buh hapdeng jong phi: bad ka mynsiem jong nga kan ym isih ïa phi. 12Hynrei, ngan ïaid hapdeng jong phi, bad ngan long U Blei jong phi, bad phi ruh phin long u paidlang jong nga. 13Nga long U Trai U Blei jong phi, uba la ïalam ïa phi na ka ri Ijipt, khnang ba phin ym long ki mraw jong ki; bad nga la pyndkut ïa ki jingteh ka jwar jong phi, bad nga la ai bor ïa phi ban ïaid beit kyrïeb.”
Ka jingtim ïa kiba pynkheiñ ïa ki hukum
(Deu. 28:15-68)
14 #
Deu. 28:16-68. “Hynrei, lada phin ym shahshkor ïa nga, bad lada phin ym leh ïa kine ki hukum baroh; 15bad lada phin ibeiñ ïa ki hukum jong nga, lane lada ka mynsiem jong phi kan isih ïa ki jingbishar jong nga, kat ban ym leh ïa ki hukum jong nga baroh, hynrei, pleng ba phi pynkheiñ ïa ka jutang jong nga; 16nga ruh ngan leh ïa kane ha phi; ngan pynwan halor jong phi ka jingsheptieng, ka jingpang swai, bad kaba khynñiuh khieshoh, ki ban bam duh ïa ki khmat, bad pynjynjar ïa ki mynsiem jong phi: bad phin bet lehnohei ïa la u symbai, naba ki nongshun jong phi kin bam ïa u. 17Bad ngan buh ïa la ka khmat pyrshah ïa phi, bad phin kyllon ïap ruh ha khmat ki nongshun jong phi: kita kiba isih ïa phi kin leh bor halor jong phi; bad phin phet ïap noh haba ym don ba beh ïa phi. 18Bad lada hadien kine kiei kiei ruh phin ym shahshkor ïa nga pynban, ynda kumta, ngan pynshitom ïa phi kham tam hynñiew shah namar ki pop jong phi. 19Bad ngan pynkheiñ noh ïa ka jingsarong ka bor jong phi: bad ngan pynlong ïa ka sahit bneng jong phi kum u nar, bad ïa ka khyndew jong phi kum ka rnong: 20bad ka bor jong phi kan duh lehnohei: naba ka khyndew jong phi kan ym sei shuh ïa la ka jingmih jong ka, bad ki dieng ka lyngkha kin ym sei ïa u soh jong ki.
21“Bad lada phin ïaid pyrshah ïa nga, bad phin ym mon shuh ban shahshkor ïa nga; ngan pynroi hynñiew shah halor jong phi da ki jingshah kordit katba kum ki pop jong phi. 22Ngan phah pyrshah ïa phi ruh da ki mrad khlaw, ki ban rong noh ïa ki khun jong phi, bad ki ban pynjot ïa ki jingri jong phi, bad ki ban pynduna ïa phi, ki lynti bah jong phi ruh kin long khlaw.
23“Bad lada phin ym kylla bha hadien kine kiei kiei ruh da ka jingsneng jong nga, hynrei, phin ïaid pynban pyrshah ïa nga; ynda kumta, nga ruh ngan ïaid pyrshah ïa phi; 24bad ngan shoh pat ruh ïa phi hynñiew sien kham jur katba kum ki pop jong phi. 25Bad ngan pynwan halor jong phi ïa ka waitlam, kaba ngan pynhiar kput na ka bynta ka jutang jong nga; bad haba phin ïalang hapoh ki shnong jong phi, ngan phah ïa ka jingïapthem hapdeng jong phi: bad yn sa aiti noh ïa phi ha ka kti u nongshun. 26Bad haba ngan pynkheiñ ïa ka dieng kyrshan u kpu jong phi, shiphew ngut ki kynthei kin shet kpu ïa phi ha kawei ka dpei, bad kin wan ai pat ha phi ïa uta u kpu jong phi da kaba thew biang ïa u: bad phin bam, hynrei khlem da kdang.
27“Te pynban lada phin ym shahshkor ïa nga, hynrei, phi ïaid pyrshah ïa nga; 28nga ruh ngan ïaid pyrshah ïa phi da ka jingbitar; bad nga hi ngan pynshitom ïa phi hynñiew shah kham jur pat namar ki pop jong phi. 29Bad phin bam ïa ka doh ka jong ki khun shynrang jong phi, bad ïa ka doh ka jong ki khun kynthei jong phi. 30Ïa ki jaka bajrong jong phi ruh ngan pynjot noh thiaw, bad ngan pynkheiñ ïa ki bleithaw jong phi, bad ngan buh ïa ki metïap jong phi halor ki metïap ki bleithaw jong phi; ka mynsiem jong nga ruh kan ijli ïa phi. 31Ngan pynkylla khlaw ïa ki shnong jong phi, bad ngan pynjot noh ïa ki jaka kyntang jong phi, bad ngan ym iw shuh ïa ki jingiw baiwbih jong phi. 32Ïa ka ri jong phi ruh ngan pynkylla khlaw: katba ki nongshun jong phi ki ban shong ha ka kin sngewkyndit ïa kata. 33Ngan pynsaphred ïa phi hapdeng ki riewkyndong#26:33 ki riewkyndong: Ka jingmut ha ka ktien Hebru ka dei ki jaid bynriew., bad ngan pynlong ba kin sei noh ka waitlam hadien jong phi: bad ka ri jong phi kan long kynjah, bad ki shnong jong phi kin long khlaw.
34“Ynda kumta, ka ri baroh kan ïoh hun ïa la ki Sabbaton, baroh kita ki sngi ba kan sah khlaw, hynrei, phin long ha ka ri ki nongshun jong phi; kumta keiñ, ka ri kan shongthait, bad kan ïoh hun ïa la ki Sabbaton. 35Ha ki sngi baroh ba kan sah khlaw kan ïoh shongthait; namar ba kam shym ïoh shongthait ha ki Sabbaton jong phi, mynba phi la shong ha ka. 36Bad shaphang kita ki ban dang sah na phi, ngan phah ka jinglwait ha ki dohnud jong ki ha ka ri ki nongshun jong ki: te ka jingsawa ka sla ba la pynkhih kan beh ïa ki; bad kin phet ïap, kumba phet ïap na ka waitlam; kin ïakyllon ruh ha bymdon ba beh ïa ki. 37Bad kin ïakyllon uwei halor uwei, kum haba phet ha khmat ka waitlam khlem da don ba beh: bad phin ym lah ïeng ha khmat ki nongshun jong phi. 38Yn pynjot ïa phi ruh hapdeng ki jaid bynriew, bad ka ri ki nongshun jong phi kan bam duh ïa phi. 39Bad kito kiba dang sah na phi kin um noh ha ka ri ki nongshun jong phi, namar ka jingleh bymman jong ki; bad namar ki jingleh bymman ki kpa jong ki ruh kin um noh lem.
40 #
Ki Kam. 7:51. “Bad kin phla ïa ka jingleh bymman jong ki, bad ïa ka jingleh bymman ki kpa jong ki, bad ïa ka jingpalat ïa kaba ki la leh palat pyrshah ïa nga, bad ba ki, ki la ïaid pyrshah ïa nga, 41nga ruh nga la ïaid pyrshah ïa ki, bad nga la ïalam ïa ki sha ka ri ki nongshun jong ki: ynda kumta, lada kita ki dohnud bym shym la otsher jong ki kin dem, bad kumta ba ki kohnguh ïa ka jingsaja ka jingleh bymman jong ki; 42#Jen. 17:7,8; 28:13,14; 26:3,4.ynda kumta, nga ruh ngan kynmaw ïa ka jutang jong nga bad u Jakob; bad ïa ka jutang jong nga bad u Isaak ruh, bad ïa ka jutang jong nga bad u Abraham ruh de ngan kynmaw keiñ; bad ngan kynmaw ïa kata ka ri ruh. 43Te ïa kata ka ri kin iehnoh, bad kan ïoh suk ïa la ki Sabbaton, katba kan sah kynjah bymdon ma ki; bad ki, kin kohnguh ïa ka jingsaja ka jingleh bymman jong ki: namar, ho-oid namar ki la ibeiñ ïa ki jingbishar jong nga keiñ, bad namar ba ka mynsiem jong ki ka la isih ïa ki hukum jong nga. 44Hynrei, pynban, haba ki dang long ha ka ri ki nongshun jong ki, ngan ym kyntait ïa ki, bad ngan ym isih ïa ki, haduh ban da pynjot noh thiaw ïa ki, ïa ka ban pynkheiñ ïa ka jutang jong nga bad ki: naba nga long U Trai U Blei jong ki; 45hynrei, na ka bynta jong ki, ngan kynmaw ïa ka jutang ki kpa jong ki, ïa kiba nga la ïalam noh na ka ri Ijipt ha khmat ki jaid bynriew ïa ka ban ïoh long U Blei jong ki: Nga long U Trai.”
46Kine ki long ki aiñ bad ki jingbishar bad ki hukum, ïa kiba U Trai u la pynlong hapdeng jong u bad ki khun Israel halor u lum Sinai da ka kti u Moses.
Actualmente seleccionado:
LEBITIKOS 26: KHB
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
The Bible Society of India