Li-vi Ki 4

Vù-yi chûng Fam-chhui Oi Hien Su̍k-chhui-chi ke Thiàu-li

1Song-chú min-lin Mô-sî, 2fûn-fu kì hiong Yî-set-lie̍t ngìn-mìn siên-pu: Na-he yû-ngìn vù-yi chûng fam-chhui, vì-fán Song-chú ke kim-lin, kì yit-thin oi chûn-sú yî-ha ke thiàu-li.

3Na-he thai-chi-sṳ̂ chhṳ-kâ fam-chhui, lièn-lui ngìn-mìn, kì yit-thin oi vi chhṳ-kâ ke chhui hien yit-chak mò khiet-tiám ke se ngiù-kú pûn Song-chú, lòi-cho su̍k-chhui-chi. 4Kì oi khiên ngiù-kú to Song-chú ke sṳn-chong-phùng mùn-héu, chiông sú piong chhai ngiù-kú ke thèu-nà táng, chhai Song-chú mien-chhièn chiông kì chhṳ̀-sí. 5Yèn-heu, thai-chi-sṳ̂ oi nâ-têu ngiù-kú ke hiet, tai-to sṳn-chong-phùng tî-poi, 6yung sú-chṳ́ vun-hiet, tui-tén sṳn-só ke chong-man fin chhit-pái, 7yu oi nâ-têu hiet kò chhai sṳn-chong-phùng tî-poi, Song-chú mien-chhièn ke hiông-thàn ke si-chak kok. Kì oi chiông ngiù-kú chhûn-tó ke hiet tó chhai sṳn-chong-phùng mùn-héu sêu-fa-chi ke chi-thàn kiok ke-vi. 8Kì oi chiông liá-chak su̍k-chhui-chi ke ngiù-kú só-yû ke yù, chhiu-he pâu-tén puk-nui lâu puk-nui mien-táng ke yù, 9lióng-ke yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi, 10chhiu-chhiong phìn-ôn-chi ke ngiù ke yù kot hâ-lòi yit-yong. Chi-sṳ̂ oi chiông liá-têu piong chhai hien sêu-fa-chi ke chi-thàn táng-kô lòi sêu. 11Chúng-he kì oi chiông ngiù-kú ke phì, só-yû ke ngiuk, thèu, thúi, puk-nui — pâu-hàm chhòng-è, 12chhiu-he kûi-chak ngiù-kú, tai-to yàng-ngoi lî-ngì song ngin-thin chhiang-li ke thi-fông, chhiu-he tó-fôi ke thi-fông, piong chhai chhèu-fó táng lòi sêu.

13Na-he Yî-set-lie̍t chhiòn fi-chung vù-yi chûng fam-chhui, vì-fán Song-chú ke kim-lin, sûi-yèn chhiòn fi-chung mò khon chhut-lòi, 14kì-têu yit fat-hien yû-chhui, fi-chung chhiu oi hien yit-chak se ngiù-kú cho su̍k-chhui-chi. Kì-têu oi khiên ngiù-kú to sṳn-chong-phùng chhièn; 15fi-chung tông-chûng ke-têu chóng-ló oi chhai Song-chú mien-chhièn chiông sú piong chhai ke ngiù-kú ke thèu-nà táng, chhai Song-chú mien-chhièn chiông kì chhṳ̀-sí. 16Thai-chi-sṳ̂ oi nâ-têu ngiù-kú ke hiet, tai-to sṳn-chong-phùng tî-poi, 17yung sú-chṳ́ vun-hiet, chhai Song-chú mien-chhièn tui-tén sṳn-só ke chong-man fin chhit-pái, 18yu oi nâ-têu hiet kò chhai sṳn-chong-phùng tî-poi, Song-chú mien-chhièn hiông-thàn ke si-chak kok. Kì oi chiông chhûn-tó ke hiet tó chhai sṳn-chong-phùng mùn-héu sêu-fa-chi ke chi-thàn kiok ke-vi. 19Kì oi chiông ngiù-kú só-yû ke yù kot hâ-lòi, piong chhai chi-thàn táng lòi sêu. 20Kì oi cheu chhú-lî su̍k-chhui-chi ke ngiù-kú ke fông-fap chhú-lî liá-chak ngiù-kú. Chi-sṳ̂ oi cheu liá fông-fap vi chhiòn fi-chung hien su̍k-chhui-chi, kì-têu chhiu tet-tó sa-miên. 21Yèn-heu, kì oi chiông ngiù-kú tai-to yàng-ngoi yung fó-sêu, chhiu-chhiong kì sêu ke vi chhṳ-kâ ke chhui hien ke ngiù-kú. Liá he vi chhiòn fi-chung hien ke su̍k-chhui-chi.

22Na-he kôn-chóng vù-yi chûng fam-chhui, vì-fán Song-chú — kì ke Song-ti ke kim-lin, 23kì yit fat-hien yû-chhui, chhiu oi hien yit-chak mò khiet-tiám ke sân yòng-kú cho sên-ngì. 24Kì oi chiông sú piong chhai ke-chak yòng ke thèu-nà táng, chhai Song-chú mien-chhièn, chi-thàn pet-phién chhṳ̀ sêu-fa-chi thèu-sâng ke thi-fông chiông kì chhṳ̀-sí. Liá he su̍k-chhui-chi. 25Chi-sṳ̂ oi yung sú-chṳ́ vun liá sên-ngì ke hiet, kò chhai sêu-fa-chi ke chi-thàn ke si-chak kok, chiông chhûn-tó ke hiet tó chhai chi-thàn kiok ke-vi. 26Kì yu oi chiông ke sân yòng-kú só-yû ke yù piong chhai chi-thàn táng lòi sêu, chhiu-chhiong kì sêu phìn-ôn-chi sên-ngì ke yù án-ngiòng. Chi-sṳ̂ oi cheu liá fông-fap vi kôn-chóng ke chhui hien su̍k-chhui-chi, kì chhiu tet-tó sa-miên.

27Na-he ngìn-mìn chûng yû-ngìn vù-yi chûng fam-chhui, vì-fán Song-chú ke kim-lin, 28kì yit fat-hien yû-chhui, chhiu oi hien yit-chak mò khiet-tiám ke sân-yòng-mà cho sên-ngì. 29Kì oi chiông sú piong chhai ke thèu-sâng ke thèu-nà táng, chhai chi-thàn pet-phién chhṳ̀ sêu-fa-chi thèu-sâng ke thi-fông chiông kì chhṳ̀-sí, cho su̍k-chhui-chi. 30Chi-sṳ̂ oi yung sú-chṳ́ vun liá sên-ngì ke hiet, kò chhai sêu-fa-chi ke chi-thàn ke si-chak kok, chiông chhûn-tó ke hiet tó chhai chi-thàn kiok ke-vi. 31Ke-ngìn oi chiông ke sân-yòng-mà só-yû ke yù kot hâ-lòi, chhiu-chhiong ngìn chiông phìn-ôn-chi sên-ngì ke yù kot hâ-lòi án-ngiòng. Chi-sṳ̂ oi chiông só-yû ke yù piong chhai chi-thàn táng lòi sêu, cho chhîn-hiông ke sên-ngì hien-pûn Song-chú. Chi-sṳ̂ oi yung liá fông-fap vi ke-ngìn hien su̍k-chhui-chi, kì chhiu tet-tó sa-miên.

32Na-he kì hien mièn-yòng cho su̍k-chhui-chi ke sên-ngì, yit-thin oi hien mò khiet-tiám ke mièn-yòng-mà. 33Kì oi chiông sú piong chhai ke su̍k-chhui-chi ke thèu-sâng ke thèu-nà táng, chhai chi-thàn pet-phién chhṳ̀ sêu-fa-chi thèu-sâng ke thi-fông chiông kì chhṳ̀-sí, cho su̍k-chhui-chi. 34Chi-sṳ̂ oi yung sú-chṳ́ vun liá sên-ngì ke hiet, kò chhai sêu-fa-chi ke chi-thàn ke si-chak kok, chiông chhûn-tó ke hiet tó chhai chi-thàn kiok ke-vi. 35Ke-ngìn oi chiông ke mièn-yòng-mà só-yû ke yù kot hâ-lòi, chhiu-chhiong ngìn chiông phìn-ôn-chi ke mièn-yòng ke yù kot hâ-lòi án-ngiòng. Chi-sṳ̂ oi chiông só-yû ke yù piong chhai chi-thàn táng, lâu hien-pûn Song-chú ke fó-chi khiung-ha sêu. Chi-sṳ̂ oi yung liá fông-fap vi ke-ngìn ke chhui hien su̍k-chhui-chi, kì chhiu tet-tó sa-miên.

Actualmente seleccionado:

Li-vi Ki 4: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 4

Versículos bíblicos populares de
Li-vi Ki 4

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 4

Li-vi Ki 4

Versículos bíblicos populares de Li-vi Ki 4

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 4

Versículos bíblicos populares de
Li-vi Ki 4