Li-vi Ki 3

Phìn-ôn-chi ke Thiàu-li

1Na-he yû-ngìn hien-ngiù cho phìn-ôn-chi#3:1 “phìn-ôn-chi” ya-he yi̍t-cho “fò-phìn-chi” ya-he “kâu-thûng ke chi”., kì yit-thin oi sién mò khiet-tiám ke ngiù-kú ya-he ngiù-chhṳ, hien chhai Song-chú mien-chhièn. 2Kì oi chiông sú piong chhai thèu-sâng ke thèu-nà táng, chhai sṳn-chong-phùng mùn-héu chiông kì chhṳ̀-thet. Â-lùn-chhu̍k ke chi-sṳ̂ oi chiông sên-ngì ke hiet hia chhai chi-thàn si chû-vì. 3Ke-ngìn oi tui phìn-ôn-chi chûng chún-phi hien-pûn Song-chú ke fó-chi; kì oi chiông pâu-tén puk-nui lâu puk-nui mien-táng ke yù, 4lióng-chak yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi. 5Â-lùn ke chṳ́-sûn oi chiông liá-têu piong chhai chi-thàn ke chhèu-fó táng, chhiu-he chhai sêu-fa-chi táng-kô khiung-ha sêu. Liá fó-chi ke hiông-mi he Song-chú só fôn-hí ke.

6Na-he kì oi tui yòng-khiùn chûng sién yit-chak yòng hien-pûn Song-chú cho phìn-ôn-chi, kì yit-thin oi sién mò khiet-tiám ke yòng-kú ya-he yòng-mà. 7Na-he kì hien se mièn-yòng pûn Song-chú, 8kì oi chiông sú piong chhai thèu-sâng ke thèu-nà táng, chhai sṳn-chong-phùng chhièn chiông kì chhṳ̀-sí. Â-lùn ke chṳ́-sûn oi chiông sên-ngì ke hiet hia chhai chi-thàn si chû-vì. 9Ke-ngìn oi tui phìn-ôn-chi chûng chún-phi hien-pûn Song-chú ke fó-chi; kì oi chiông yù, tui vá liùng-kut ke thi-fông kot hâ-lòi ke kûi-thiàu phì ke yòng-mî, pâu-tén puk-nui lâu chhai puk-nui mien-táng ke yù, 10lióng-chak yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi. 11Chi-sṳ̂ oi chiông liá-têu chhiòn-phu piong chhai chi-thàn táng lòi sêu, chhiu-chhiong sṳ̍t-vu̍t yit-yong, cho fó-chi hien-pûn Song-chú.

12Na-he kì hien sân-yòng pûn Song-chú, 13kì oi chiông sú piong chhai thèu-sâng ke thèu-nà táng, chhai sṳn-chong-phùng chhièn chiông kì chhṳ̀-sí. Â-lùn ke chṳ́-sûn oi chiông sên-ngì ke hiet hia chhai chi-thàn si chû-vì. 14Ke-ngìn oi tui liá sên-ngì chún-phi hien-pûn Song-chú ke fó-chi; kì oi chiông pâu-tén puk-nui lâu puk-nui mien-táng ke yù, 15lióng-chak yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi. 16Chi-sṳ̂ oi chiông liá-têu chhiòn-phu piong chhai chi-thàn táng lòi sêu, chhiu-chhiong sṳ̍t-vu̍t yit-yong, cho chhîn-hiông ke fó-chi.

Só-yû ke yù he su̍k Song-chú ke. 17Ngì-têu mò-lun he̍t chhai nai-vi, chhie̍t-tui cho-m̀-tet sṳ̍t yù lâu hiet. Liá he ngì-têu sṳ-sṳ thoi-thoi yún-yén oi chûn-sú ke min-lin.

Actualmente seleccionado:

Li-vi Ki 3: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 3

Versículos bíblicos populares de
Li-vi Ki 3

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 3

Li-vi Ki 3

Versículos bíblicos populares de Li-vi Ki 3

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 3

Versículos bíblicos populares de
Li-vi Ki 3