Chhut Âi-khi̍p Ki 38

Chho Chi-thàn

(Chhut Âi-khi̍p Ki 27:1-8)

1Kì yung kîm-ha̍p-fôn-muk chho sêu-fa-chi ke chi-thàn. Thàn he si-fông ke, chhòng lióng kûng-chhak lióng kûng-chhun, fat lióng kûng-chhak lióng kûng-chhun, kô yit kûng-chhak sâm kûng-chhun. 2Kì chhai thàn ke si-kok táng chho thu̍t chhut-lòi ke kok, lâu thàn lièn-cho kûi-te, pin yung thùng chiông thàn pâu-tén. 3Kì vi chi-thàn chho só sî-yeu ke yit-chhiet yung-phín: fó-fôi-phàn, chhán-è, vón, ngiuk-chhâ lâu fó-tín; liá-têu yung-phín chhiòn-phu he yung thùng chu-chho ke. 4Kì vi chi-thàn chho yit-chak thùng-mióng, ôn chhai chi-thàn ke chû-vì ha-pan chiet, tui thàn-tái theu-to thàn ke yit-pan án-kô. 5Kì yu chho si-chak yung-lòi kông ke thùng khiên-é, ôn chhai thàn ke si-kok; 6yu yung kîm-ha̍p-fôn-muk chho chi-thàn ke kong-é, yung thùng pâu-tén, 7chhôn-ko thàn lióng-phién ke khiên-é. Thàn he yung piông-é chho ke, tûng-ông he khûng-hok ke.

Chho Thùng-phùn

(Chhut Âi-khi̍p Ki 30:18)

8Kì chho yit-ke sé-thông yung ke thùng-phùn lâu yit-ke phùn-chho, he yung ke-têu chhai sṳn-chong-phùng mùn-héu sṳ-fung ke ke-têu fu-ńg só-yung ke kiang-é chho ke.

Chho Sṳn-chong-phùng ke Thìn-yen

(Chhut Âi-khi̍p Ki 27:9-19)

9Kì yung mà-sâ chhiak ke chong-man vi sṳn-chong-phùng cho vì-làn, vì yit-chak thìn-yen. Nàm-phién ke chong-man chhòng si-sṳ̍p si kûng-chhak, 10yung ngi-sṳ̍p kî yû-chho ke thùng-chhû ka hí-lòi, chhû-é táng ke kiêu-é lâu vàng-kong he yung ngiùn chho ke. 11Pet-phién ke chong-man ya he án-ngiòng, chhòng si-sṳ̍p si kûng-chhak, yung ngi-sṳ̍p kî yû-chho ke thùng-chhû ka hí-lòi, chhû-é táng ke kiêu-é lâu vàng-kong he yung ngiùn chho ke. 12Sî-phién ke chong-man chhòng ngi-sṳ̍p ngi kûng-chhak, yung sṳ̍p-kî yû-chho ke chhû-é ka hí-lòi, chhû-é táng ke kiêu-é lâu vàng-kong he ngiùn chho ke. 13Chhai tûng-phién, thìn-yen ke mùn-héu, chong-man ya he ngi-sṳ̍p ngi kûng-chhak fat. 14Mùn-héu ke lióng-phién chhiòn-phu yû liuk kûng-chhak liuk kûng-chhun fat ke chong-man, 15yung sâm-kî yû-chho ke chhû-é ka hí-lòi. 16Thìn-yen chû-vì só-yû ke chong-man he yung mà-sâ cho ke. 17Chhû-é ke chho he thùng chho ke; kiêu-é, vàng-kong, lâu chhû-é táng-kô chhiòn-phu yung ngiùn pâu-tén. Thìn-yen si-vì ke chhû-é chhiòn-phu yung ngiùn ke vàng-kong lièn-tén. 18Thìn-yen mùn-héu ke mùn-liàm he yung mà-sâ lâu làm-set, chṳ́-set, chhṳ̂m-fùng set ke phong-sien, yung siu-fâ ke sú-kûng chhiak ke, fat kiú kûng-chhak, kô lióng kûng-chhak, lâu thìn-yen ke chong-man phiàng-kô, 19yung si-kî yû thùng chho ke chhû-é ka hí-lòi. Chhû-é táng ke kiêu-é lâu vàng-kong he yung ngiùn chho ke, chhû-é táng yung ngiùn pâu-tén. 20Sṳn-chong-phùng lâu vì thìn-yen só-yung ke tâng-é chhiòn-phu he yung thùng chho ke.

Sṳn-chong-phùng Só-yung ke Kîm-hi

21Sṳn-chong-phùng (chhiu-he piong yok-khui ke sṳn-só) só yung ke kîm-hi chúng-su lie̍t chhai hâ-poi. Liá-fun chhîn-tân he chûn-cheu Mô-sî ke min-lin, chi-sṳ̂ Â-lùn ke lai-é Yî-thâ-mâ chṳ́-fî Li-vi-ngìn só chún-phi ke. 22(Song-chú só min-lin Mô-sî ke sṳ, chhiòn-phu he Yù-thai kî-chhu̍k Fu-ngí ke sûn-é, Vû-li ke lai-é Pí-sat-lie̍t cho ke. 23Kì ke chhu-sú Tan chhu̍k-ngìn Â-hî-sat-mat ke lai-é Â-hò-li-â-pak he yit-vi tiâu-khiet ke sṳ̂-fu lâu sat-kie-sṳ̂, ya voi yung làm-set, chṳ́-set, lâu chhṳ̂m-fùng set ke phong-sien lâu mà-sâ lòi siu-fâ.) 24Vi-tó sṳn-só ke kûng-chhàng fung-hien pûn Song-chú ke kîm-é, cheu sṳn-só ke phêu-chún lòi-chhṳn, chúng-khiung yit-chhiên kûng-kîn. 25Tui tên-ki fu-khiéu ke ngìn só sû-tó ke ngiùn-è, cheu sṳn-só ke phêu-chún lòi-chhṳn, chúng-khiung sâm-chhiên si-pak sâm-sṳ̍p kûng-kîn. 26Liá su-muk he cheu fu-khiéu tên-ki ke, tak-sà cheu sṳn-só ke phêu-chún lòi-chhṳn só kiéu-na̍p ke ngiùn-è ke chúng-su. Tên-ki ke ngìn-su ngi-sṳ̍p se yî-song ke, chúng-khiung liuk-sṳ̍p van sâm-chhiên ńg-pak ńg-sṳ̍p ngìn. 27Kì-têu yung sâm-chhiên si-pak kûng-kîn ke ngiùn-è chho sṳn-chong-phùng lâu chong-man ke yit-pak chak ngiùn-chho, tak-chak chhûng sâm-sṳ̍p si kûng-kîn. 28Chhûn-tó ke sâm-sṳ̍p kûng-kîn ngiùn-è, Pí-sat-lie̍t nâ-lòi pâu chhû-é ke vàng-kong, kiêu-é, lâu chhû-é táng. 29Hien-pûn Song-chú ke thùng chúng-khiung lióng-chhiên si-pak ngi-sṳ̍p ńg kûng-kîn. 30Kì yung liá-thùng lòi chho sṳn-chong-phùng mùn-héu ke chho, thùng-thàn, thàn ke thùng-mióng, thàn lûng-chúng ke yung-phín, 31thìn-yen chû-vì lâu thìn-yen mùn-héu ke chho, hàn-yû sṳn-chong-phùng lâu thìn-yen chû-vì só-yung ke yit-chhiet tâng-é.

Actualmente seleccionado:

Chhut Âi-khi̍p Ki 38: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 38

Versículos bíblicos populares de
Chhut Âi-khi̍p Ki 38

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb