Chhut Âi-khi̍p Ki 37

Chho Yok-khui

(Chhut Âi-khi̍p Ki 25:10-22)

1Pí-sat-lie̍t yung kîm-ha̍p-fôn-muk chho yok-khui, chhòng yit-pak yit-sṳ̍p kûng-fûn, fat liuk-sṳ̍p liuk kûng-fûn, kô liuk-sṳ̍p liuk kûng-fûn. 2Kì yung sùn-kîm chiông khui-é ke nui-ngoi chhiòn-phu pâu-tén, si-mien siông chhṳ́-hìn kîm-piên. 3Kì yu chho si-chak chhôn kong-é yung ke kîm khiên-é, ôn chhai khui-é ke si-kiok song, yit-phién lióng-chak. 4Kì yung kîm-ha̍p-fôn-muk chho lióng-kî kong-é, yung kîm pâu-tén, 5nâ-lòi chhôn-ko khui-é lióng-phién ke kîm khiên-é. 6Kì yung sùn-kîm chho yit-chak khui-é koi, chhiu-he su̍k-chhui koi, chhòng yit-pak yit-sṳ̍p kûng-fûn, fat liuk-sṳ̍p liuk kûng-fûn, 7yu yung kîm-é chhùi-chhut lióng-chak kî-lu-pak, 8ngiàm chhai koi-é táng, yit-thèu yit-chak, sàng-cho koi-é ke yit phu-fun. 9Lióng-chak kî-lu-pak mien-tui-mien, tá-khôi yi̍t-kap, châ-tén khui-é koi.

Chho Kiûng-chok

(Chhut Âi-khi̍p Ki 25:23-30)

10Pí-sat-lie̍t yung kîm-ha̍p-fôn-muk chho yit-chông chok-è, chhòng pat-sṳ̍p pat kûng-fûn, fat si-sṳ̍p-si kûng-fûn, kô liuk-sṳ̍p liuk kûng-fûn. 11Kì yung sùn-kîm lòi pâu-tén, pin chhai si-mien siông chhṳ́-hìn kîm-piên. 12Chok-è ke chû-vì yû kâ chhit-sṳ̍p ńg kûng-lì fat ke khiông-é, khiông-é yû siông chhṳ́-hìn kîm-piên. 13Kì chho si-chak yung-lòi kông ke kîm khiên-é, ôn chhai chok-è si-kok ke kiok-táng. 14Kîm khiên-é ôn kha-khiun khiông-é, pûn kông chok-è ke kong-é chhôn ko-hi. 15Kì yung kîm-ha̍p-fôn-muk chho lióng-kî kong-é, yung kîm pâu-tén. 16Kì yu yung sùn-kîm chho chok-táng ke yung-phín, chhiu-he phàn-è, vón, hàn-yû kin-sṳ̀n yung ke chiú-fù lâu chiú-pî.

Chho Tên-thòi

(Chhut Âi-khi̍p Ki 25:31-40)

17Kì yung sùn-kîm chho yit-chho tên-thòi. Tên-chho lâu chhû-é yung kîm-é tá-chho; chông-sṳt ke fâ-lúi, fâ-thok, fâ-phan, chhiòn-phu tá to lièn khiung-ha.

18Tên-thòi lióng-phién chhûn-chhut liuk-kî kî-é, yit-phién sâm-kî. 19Tak-kî kî-é yû sâm-lùi fâ, hìn-chhong chhiong hen-fâ, yû fâ-thok lâu fâ-phan. 20Tên-thòi ke chhû-é yû si-lùi fâ, hìn-chhong chhiong hen-fâ, yû fâ-thok lâu fâ-phan. 21Sâm-tui kî-é ke mî-yit tui hâ-poi yû yit-ke fâ-thok. 22Fâ-thok, kî-é, lâu tên-thòi chhiòn-phu he yung kûi-te sùn-kîm tá chhut-lòi ke. 23Kì vi tên-thòi chho chhit-chán tên, yu yung sùn-kîm chho tên-fâ chién-tô lâu tên-phàn. 24Kì yung sâm-sṳ̍p ńg kûng-kîn ke sùn-kîm chho tên-thòi lâu só-yû yung-phín.

Chho Hiông-thàn

(Chhut Âi-khi̍p Ki 30:1-5)

25Kì yung kîm-ha̍p-fôn-muk chho yit-chho sêu-hiông ke thàn. Thàn he si-fông ke, chhòng si-sṳ̍p ńg kûng-fûn, fat si-sṳ̍p-ńg kûng-fûn, kô kiú-sṳ̍p kûng-fûn. Liá-thàn ke si-chak kok lâu thàn lièn-cho kûi-te. 26Kì yung sùn-kîm pâu-tén thàn ke táng-kô, si-piên lâu si-kok, chû-vì siông chhṳ́-hìn kîm-piên. 27Kì yu chho lióng-chak yung-lòi kông-thàn ke kîm khiên-é, ôn chhai thàn lióng-phién kîm-piên hâ-poi, pûn kông-thàn ke kong-é chhôn ko-hi. 28Kì yung kîm-ha̍p-fôn-muk chho kong-é, yung kîm pâu-tén.

Chho Sṳn-yù lâu Hiông

(Chhut Âi-khi̍p Ki 30:22-38)

29Kì ya yung chho hiông-súi ke fông-fap lòi chṳ-chho sṳn-yù lâu chhin-hiông ke song-tén hiông.

Actualmente seleccionado:

Chhut Âi-khi̍p Ki 37: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 37

Versículos bíblicos populares de
Chhut Âi-khi̍p Ki 37

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb