Chhut Âi-khi̍p Ki 22

Phòi-sóng ke Thiàu-li

1“Na-he yû-ngìn thêu ngiù ya-he yòng, mò-lun he chhṳ̀-thet, he mai-thet, kì yit-thin oi nâ ńg-chak ngiù phòi yit-chak ngiù, nâ si-chak yòng phòi yit-chak yòng. 2Kì yit-thin oi phòi-to la-ngiak; na-he mò tûng-sî hó phòi, chhiu-oi pûn-ngìn mai-cho nù-chhòi, lòi vàn kì thêu ngiù-yòng ke fa̍t-kîm. 3Na-he thêu-lòi ke ngiù, lì, ya-he yòng pûn-ngìn fat-hien ke sṳ̀ hàn sâng-sâng, kì chhiu-oi kâ-phi phòi-ngìn.

4“Na-he yû-ngìn am-pû-sṳ̀ thêu-thêu chin-ngi̍p phe̍t-ngìn ke vuk-hâ, pûn-ngìn fat-hien yu pûn-ngìn chhṳ̀-sí, ke chhṳ̀ kì ke ngìn mò-chhui; sṳ-chhìn na fat-sên chhai ngit-sṳ̀-thèu, chhṳ̀ kì ke ngìn chhiu yû-chhui.

5“Na-he yû-ngìn chhai thièn-tú ya-he phù-thò yèn chóng ngiù-yòng, yù-chhai thèu-sâng chhai phe̍t-ngìn thièn-tú sṳ̍t-thet nùng-chok-vu̍t, kì yit-thin oi-nâ chhṳ-kâ thièn-tú chhut-sán ke ńg-kuk ya-he phù-thò phòi phe̍t-ngìn ke sún-sṳt.

6“Na-he yû-ngìn chhai chhṳ-kâ thièn-tú sêu net-è, fó sêu-to phe̍t-ngìn thièn-tú hi, chiông phe̍t-ngìn màng sû-kot ya-he kot-hâ ke nùng-chok-vu̍t sêu-thet, kì yit-thin oi phòi phe̍t-ngìn ke sún-sṳt.

7“Na-he yû-ngìn tap-yin pó-kón phe̍t-ngìn ke chhièn ya-he kui-chhung ke tûng-sî, pûn chhe̍t-é tui vuk-hâ thêu-chéu, chhe̍t-é pûn-ngìn chok-tó, yit-thin oi kâ-phi phòi-sóng; 8chúng-he chhe̍t-é na-he chok m̀-tó, su-thok ke ngìn yit-thin oi to kin-pai Song-ti ke thi-fông fat-sṳ, péu-sṳ kì mò thêu-nâ phe̍t-ngìn pai-thok kì pó-kón ke chhòi-vu̍t.

9“Yû-koân chhòi-sán kiu-fun ke on-khien, mò-lun he ngiù, lì, yòng, sâm-fu, ya-he khì-thâ m̀ kien-thet ke tûng-sî, siông-châng ke sûng-fông chhiòn-phu oi to kin-pai Song-ti ke thi-fông hi. Song-ti phan-thin yû-chhui ke yit-fông, yit-thin oi kâ-phi phòi tui-fông.

10“Na-he yû-ngìn tap-yin khon-sú phe̍t-ngìn ke lì, ngiù, yòng, ya-he khì-thâ ke thèu-sâng, thèu-sâng na-yû sí-sông ya-he pûn-ngìn chhióng-chéu, chúng-he mò chṳn-ngìn, 11su-thok ke ngìn yit-thin oi to kin-pai Song-chú ke thi-fông fat-sṳ, péu-sṳ kì mò thêu vu̍t-chú ke thèu-sâng. Án-ngiòng, vu̍t-chú chhiu-oi chiap-su sún-sṳt, su-thok ke ngìn m̀-sṳ́ phòi. 12Na-he thèu-sâng khok-sṳ̍t pûn-ngìn thêu-chéu, su-thok ke ngìn yit-thin oi phòi-sóng vu̍t-chú. 13Thèu-sâng na pûn yâ-chhu ngâu-sí pak-lan, su-thok ke ngìn yit-thin oi chiông sṳ̂-thí sui-kut tai-lòi cho chṳn-kí; kì chhiu m̀-sṳ́ phòi.

14“Na-he yû-ngìn hiong phe̍t-ngìn chia-yung thèu-sâng, vu̍t-chú mò chhai-chhòng ke sṳ̀, liá thèu-sâng mò-lun he su-sông ya-he sí-thet, chia-yung ke ngìn yit-thin oi phòi; 15vu̍t-chú na chhai-chhòng, chhiu m̀-sṳ́ phòi. Thèu-sâng na-he chû-lòi ke, sún-sṳt oi yung chû-kîm phòi.”

Tho-tet lâu Chûng-kau ke Thiàu-li

16“Na-he yû nàm-ngìn yín-yu màng thin-chhîn ke ngìn-kâ ńg lâu kì fat-sên sin koân-he, kì yit-thin oi nâ-chhut phín-kîm lòi thó ke se-moi-é cho pû-ngiòng. 17Na-he se-moi-é ke â-pâ m̀-hén pûn kì lâu moi-é kiet-fûn, ke nàm-ngìn yit-thin oi kâu-chhut chhiong sung-pûn ngìn-kâ ńg phín-kîm án-tô ke chhièn.

18“Hàng sià-su̍t ke ńg-ngìn, yit-thin oi chiông kì chhú-sí.

19“Lâu thung-vu̍t fat-sên sin koân-he ke ngìn, yit-thin oi chiông kì chhú-sí.

20“Hiong Ngài — Song-chú yî-ngoi ke sṳ̀n-mìn hien-chi ke ngìn, yit-thin oi chiông kì me̍t-thet.

21“Cho-m̀-tet khî-fu ya-he ap-pet tui ngoi-thi lòi ke lî-hak; oi ki-tet ngì-têu sṳt chhai Âi-khi̍p cho lî-hak chhiam-he̍t ko. 22Cho-m̀-tet khî-fu koá-fu ya-he kû-yì. 23Na-he ngì-têu khî-fu kì-têu, Ngài — Song-chú voi thâng kì-têu ke khiù-ham, 24ya voi thai fat-khién, sṳ́ ngì-têu sí chhai tô-ha; ngì-têu ke pû-ngiòng voi sàng-cho koá-fu, ngì-têu ke chṳ́-ńg voi sàng-cho kû-yì.

25“Na-he ngì chia-chhièn pûn Ngài chṳ́-mìn chûng ke khiùng-khú ngìn, cho-m̀-tet chhiong piong-chai ke ngìn lâu kì son li-sit. 26Na-he ngì nâ phe̍t-ngìn ke ngoi-sâm cho tí-ap, yit-thin chhai ngit-thèu lo̍k-sân yî-chhièn vàn-pûn kì; 27yîn-vi ke he kì vì-yit oi koi-sêu ke, mò ke-liâng ngoi-sâm oi ngióng-pân soi-muk nè? Kì hiong Ngài khiù-ham, Ngài yit-thin voi pông-chhu kì, yîn-vi Ngài he chhṳ̀-pî ke.

28“Cho-m̀-tet fí-pong Song-ti, ya cho-m̀-tet chu-ma ngìn-mìn ke liâng-chhiu.

29“Oi nâ ngì sîn chhut-sán ke nùng-chok-vu̍t, chiú, lâu yù hien-pûn Ngài, cho-m̀-tet thô-yèn.

“Oi chiông ngì ke chóng-chṳ́ hien-pûn Ngài. 30Chiông ngì só-yû thèu-thôi ke ngiù-yòng hien-pûn Ngài. Thèu-thôi ke ngiù-kú, yòng-kú oi thèn ngiù-mà, yòng-mà chhit-ngit, to thi-pat ngit oi hien-pûn Ngài.

31“Ngì-têu he Ngài ke chṳ́-mìn, oi cho sṳn-kiet ke ngìn; só-yî ngì-têu cho-m̀-tet sṳ̍t pûn yâ-chhu ngâu-sí ke thèu-sâng ke ngiuk; oi fit-pûn kiéu-è sṳ̍t.”

Actualmente seleccionado:

Chhut Âi-khi̍p Ki 22: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 22

Versículos bíblicos populares de
Chhut Âi-khi̍p Ki 22

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb