Chhut Âi-khi̍p Ki 21

Nù-chhòi ke Thiàu-li

(Sṳ̂n-min Ki 15:12-18)

1“Oi vi Yî-set-lie̍t ngìn-mìn sat-li̍p hâ-poi ke thiàu-li: 2Na-he ngì mâi yit-ke Hî-pak-lòi-ngìn cho nù-chhòi, kì yit-thin oi vi ngì kûng-chok liuk-ngièn. To thi-chhit ngièn, kì chhiu cho-tet fî-fu̍k chhṳ-yù, m̀-sṳ́ fu su̍k-kîm. 3Na-he kì cho ngì nù-chhòi ke sṳ̀ hàn-màng kiet-fûn, lì-khôi ke sṳ̀ chhiu-oi tân-sṳ̂n yit-sà chéu; na-he kì cho ngì nù-chhòi ke sṳ̀ yí-kîn kiet-fûn, kì chhiu cho-tet tai pû-ngiòng khiung-ha chéu. 4Pû-ngiòng na-he chú-ngìn pûn kì ke, pû-ngiòng vi kì kiung yû chṳ́-ńg, kiâ pû-ngiòng lâu chṳ́-ńg chhiòn-phu he su̍k chú-ngìn ke; kì oi tân-sṳ̂n yit-sà chéu. 5Na-he ke nù-chhòi péu-sṳ kóng: ‘Ngài oi ngâ chú-ngìn, siak ngâ pû-ngiòng lâu chṳ́-ńg, mò-oi chhṳ-yù lì-khôi’, 6kì ke chú-ngìn chhiu oi tai kì to kin-pai Song-ti ke só-chhai, chhai ke-vi pûn kì pen-tén mùn ya-he mùn-khiông khî-tén, yung chon-é chhai kì ngí-kûng chon yit-chak khûng. Án-ngiòng, kì chhiu-oi yit-sên-ngìn fu̍k-sṳ kiâ chú-ngìn.

7“Na-he yû-ngìn chiông chhṳ-kâ ke moi-é mai-cho sṳ́-ńg, kì cho-m̀-tet chhiong nù-chhòi án-ngiòng chhṳ-yù lì-khôi. 8Na-he chú-ngìn pún-lòi sióng thó kì cho pû-ngiòng, heu-lòi mò chung-yi kì, chhiu-oi pûn kì ke kâ-chhu̍k su̍k chón-hi; chú-ngìn mò-khièn chiông kì mai-pûn ngoi-chhu̍k ngìn, yîn-vi chú-ngìn yí-kîn phien-ko kì. 9Na-he chú-ngìn tho̍k kì pûn chhṳ-kâ ke lai-é cho pû-ngiòng, chhiu-oi tui-thai kì chhiong tui-thai chhṳ-kâ ke moi-é án-ngiòng. 10Na-he chú-ngìn thó thi-ngi ke pû-ngiòng, kì tui thi-yit ke pû-ngiòng yit-thin oi chhiong yî-chhièn án-ngiòng kiûng-kip sṳ̍t-vu̍t, sâm-fu pin thùng-fòng, chhiòn-phu cho-m̀-tet kám-séu. 11Na-he chú-ngìn tui thi-yit ke pû-ngiòng m̀ sṳ̍t-hàng liá sâm-hong ngi-vu, liá-ke pû-ngiòng chhiu cho-tet chhṳ-yù lì-khôi, m̀-sṳ́ fu-chhièn su̍k-sṳ̂n.”

Hìn-fa̍t Phau-hàng ke Thiàu-li

12“Tá-sí ngìn ke, yit-thin oi chiông kì chhú-sí; 13na-m̀-he ku-yi chhṳ̀-ngìn, he yit-sṳ̀ sṳt-sú, kì cho-tet thò-to Ngài chṳ́-thin ke thi-fông hi; 14na-he ku-yi mèu-sat, chhiu-son thò-to Ngài ke chi-thàn chhièn, ya oi chiông kì chok-hi chhú-sí.

15“Tá yà-ôi ke, yit-thin oi chiông kì chhú-sí.

16“Khiòng-khiòng chok ngìn hi-mai ya-he liù hâ-lòi ke, yit-thin oi chiông kì chhú-sí.

17“Chu-ma yà-ôi ke, yit-thin oi chiông kì chhú-sí.

18“Lióng-sà siông-tá, yit-fông yung sa̍k-thèu ya-he khièn-thèu tá-sông tui-fông, chúng-he mò chiông tui-fông tá-sí; pûn-ngìn tá ke ngìn yîn-vi su-sông soi mìn-chhòng, 19chúng-he hong hí-lòi yî-heu, chhut-mùn hàng oi khú koái-kun-é, ke tá kì ke ngìn m̀-sṳ́ su hìn-fa̍t; chúng-he oi phòi kì mò fap-thu kûng-chok ke sún-sṳt, pin fu-chit chiông kì yî-to hó.

20“Na-he yung kun-é tá nù-chhòi ya-he nù-pî, sṳ́ kì chit-sṳ̀ sí-mòng ke, yit-thin oi su hìn-fa̍t. 21Na-he nù-chhòi ko yit-lióng ngit chang-sí, chú-ngìn chhiu m̀-sṳ́ su hìn-fa̍t; yîn-vi liá nù-chhòi he kì yung-chhièn mâi-lòi ke.

22“Na-he yû-têu ngìn yîn-vi siông-tá lòi chhong-sông yû sṳ̂n-hong ke fu-ngìn-kâ, sṳ́ kì lau-thôi, chúng-he mò khì-thâ ke sông-hoi, ke sông-hoi kì ke yit-thin oi cheu fu-ngìn-kâ ke ló-kûng thì chhut-lòi ke su-ngiak, cheu phan-kôn só kiet-thin ke lòi phòi-sóng. 23Na-he ke fu-ngìn-kâ su phe̍t ke sông-hoi, ke sông-hoi kì ke chhiu-oi: yit-miang phòi yit-miang, 24muk-chû phòi muk-chû, ngà-chhṳ́ phòi ngà-chhṳ́, sú phòi sú, kiok phòi kiok, 25sêu-sông phòi sêu-sông, tô-sông phòi tô-sông, tá-sông phòi tá-sông.

26“Na-he yû-ngìn tá fái-thet nù-chhòi ya-he nù-pî yit-chak muk-chû, chhiu oi yîn-vi kì ke muk-chû piong kì chhṳ-yù lì-khôi, chún-cho phòi-sóng kîm. 27Na-he tá fái-thet nù-chhòi ya-he nù-pî ke yit-kî ngà-chhṳ́, chhiu oi yîn-vi kì ke ngà-chhṳ́ piong kì chhṳ-yù lì-khôi, chún-cho phòi-sóng kîm.”

Vu̍t-chú ke Chit-ngim

28“Na-yû ngiù teu-sí nàm-ngìn ya-he ńg-ngìn, chhiu-oi yung sa̍k-thèu te̍p-sí kì, chúng-he kì ke ngiuk cho-m̀-tet sṳ̍t; ngiù ke chú-ngìn chhiu m̀-sṳ́ su-fa̍t. 29Na-he ke-chak ngiù sòng-sòng teu-sông ngìn, ngiù ke chú-ngìn tak-pái su kín-ko, hàn-he m̀ chiông ngiù thò-hó, chṳ-tó ngiù teu-sí ngìn, ke-chak ngiù oi yung sa̍k-thèu te̍p-sí, ngiù ke chú-ngìn ya oi chhú-sí. 30Na-he ngiù ke chú-ngìn pûn-ngìn phan fa̍t-chhièn lòi phòi-miang, kì yit-thin oi cheu kûi-thin ke chhièn-ngiak kiéu-chhîn. 31Na-he ngiù teu-sí se-lai-é ya-he se-moi-é, ya oi cheu liá-chúng phan-fap lòi chhú-lî. 32Na-he ngiù teu-sí nù-chhòi ya-he nù-pî, ngiù ke chú-ngìn yit-thin oi phòi kì-têu ke chú-ngìn sâm-sṳ̍p chak ngiùn-pi, ngiù ya oi yung sa̍k-thèu te̍p-sí.

33“Na-he yû-ngìn hiên-khôi chiáng-koi, ya-he yet-chiáng yu m̀ chiông chiáng-koi khièm-hó, chṳ-tó ngiù ya-he lì tiet lo̍k-hi, 34kì yit-thin oi nâ-chhièn phòi-sóng thèu-sâng ke chú-ngìn, sí-thet ke thèu-sâng chhiu kûi-pûn chhṳ-kâ. 35Na-he yû ngiù teu sí-thet nang-ngoi yit-chak ngiù, oi chiông sâng ke ngiù mai-thet, sûng-fông phiàng-fûn mai-ngiù ke ka-chhièn, thùng-sṳ̀ phiàng-fûn sí-ngiù ke ngiuk. 36Na-he khì-chûng yit-chak ngiù yit-liu-lî hau-teu, ngiù ke chú-ngìn mò thò-hó, kì yit-thin oi yung yit-chak sâng-ngiù phòi tui-fông, ke-chak sí-ngiù chhiu kûi-pûn chhṳ-kâ.”

Actualmente seleccionado:

Chhut Âi-khi̍p Ki 21: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 21

Versículos bíblicos populares de
Chhut Âi-khi̍p Ki 21

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb