MAZMUR 3
3
Pakiasian ra orou susuab ti koson makiindangan
1 Mazmur ru Raja' Daut paat ra io nagiru' intor ri Absalom, buayoi nano.
2Iou Tuhan, mapara' suang ru pantula' kutu,
masuang kaga' ulun manggal raki'!
3Mangalimut ilo am mindagu,
“Kalo mangindangan i Aki Kapuuno' riso!”
4Kaa' Okou, iou Tuhan,
ampin noyo ondo' manindung raki'.
Manaak Kou raki' ra kamanangan
am mapasaguli' ra ambiluo kuno.
5Mampiau aku ra Tuhan koson makiindangan,
am intor ra bulur Nano ondo' matulai, taamon No aku.
6Miluluya' aku, am pakalunus,
am sorondom Tuhan manindung raki'.
7Kalo malaa' aku ra riribu pantula'
ondo' liminiput manguyung raki' ra moonong angayan.
8Bayago' aku no, iou Tuhan, i Aki Kapuuno' kuno,
ukumi' noyo am ngaangai' ru pantula' kuno sauko' ra lamumu'.
9 Tuhan noyo manaak ra kamanangan,
gama' ru barakaton No ulun ra mangintopot Riso no.
Currently Selected:
MAZMUR 3: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.