MAZMUR 2
2
Raja' pinili' ri Aki Kapuuno'
1 Kua boo ra bansa'-bansa' kumuliangak-angak ayuk
am mamagun mangatang ra ondo' kolondo' onong?
2Raja'-raja' ru tana' ti nagagampan giminuor,
am ngaangai' namarinta maguguum guang
tumula' ra Tuhan am raja' pinili' Nano.
3Indagu ilo,
“Labus takau intor ra kuasa' nilono,
gaawo' takau pamarintaan nilono.”
4Intor ra nanturungan Nano giu' ra suruga' Tuhan no nakakurit
am nagasab ra inatang nilono.
5Ginalakan No ilo ra sangit,
am inilaa' No ilo ra sangit Nano.
6Minindagu Io, “Giu' ra Sion, bulur Kuno ondo' matulai,
pinasauk Ku noyo raja' Kuno.”
7 Indagu raja', “Potonowon ku
atan ondo' pinabala' ru Tuhan.
Minindagu Io raki', ‘Okou noyo anak Kuno;
paat ra orou raiti' masauk Aku ra Ama' muno.
8Kitaako' noyo, am ngaangai' bansa' pana pataakon Ku rirun,
am titikop ru tana' ti saukon Ku ra longgom muno.
9 Kuliagayon mu ilo ra pamarintaan ru kalindu' basi';
kuliagayon mu ilo koson ra pagangan ru tana'.’ ”
10Totomolo' min baalon mino, raja' kau;
iningo' noyo sawai ragitio, akau ngai' mamarinta ru tana' ti!
11Pangandoi kano ra Tuhan ra guang matikop ra kaintapatan;
12igulatur no ra tuma' Nano am ra monontol;
pai' sukui' Tuhan no sumangit ondo' magibit ra akau pusoon sangkuliop ayuk
sabap ra mataki' kaga' sangit Nano masimbula'.
Pakaansuk kano ngaangai' ulun ondo' siminindung Riso!
Currently Selected:
MAZMUR 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.