AYUP 42
42
1I Ayup pana timinaam boo ra Tuhan,
2“Nakapandai aku, iou Tuhan, ra makapambaal Kou ra ngaangai' no;
makapambaal Kou ra atan ayuk.
3 Mangkuot Kou ra sasaban kuno ra baani pagantangan guang ra kapintaran Muno,
alika kolondo' atan pana napandayan kuno.
Mindagu aku intor ra baal ondo' kalo naratian kuno,
intor ra baal-baal ondo' makaimuag kaga' raki' ti.
4 Nanusub Kou raki' mangkirongog paat ra Okou mindagu,
am tumaam paat ra Okou mangkuot.
5Ragili aku mokorongog ayuk ra intor Rirun,
kaa' raino aku galama' makakito Rirun.
6Ginio ra mauyu' aku sabap ra ngaangai' ragu kuno,
am ra guang pansagulian manturung aku ra ralalom ru tana' am kaau.”
Pamupusan
7Kopongo mindagu ri Ayup, pambala' Tuhan ri Ialipas, “Sumangit Aku ra ruo ngaulun rangan muno, sabap ra kalo mindagu kou ra motopot intor Raki', koson ondo' binaal ru ulipon Kuno i Ayup. 8Raino ibito' tulu' ngainan sapi' gawayan am tulu' ngainan domba gawayan ri Ayup, am pataako' ngaangai' no koson ra taak simbalui koson mapabansuk ra guang Kuno, sabap ra kaatangan ru inan min. Makiasi' i Ayup ra tayar min, am iowon Ku pakiasian nano. Aku pana kalo boo manauyu' ramuyun kabalu' pana musiti' kau mangapu ra ukuman. Kalo mindagu kau ra motopot intor Raki' koson ra binaal ri Ayup.”
9Binaal ri Ialipas, Bildad am i Jopar atan ondo' nanusuban ru Tuhan, am nangiou Tuhan ra pakiasian ri Ayup.
10 Kopongo raginio, kopongo i Ayup nakiasi' ra tayar ru katalu-talu ngaulun rangan nano, pinasauk ru Tuhan i Ayup ra langkaya' saguli', am nangani' riso ra induo ruli' intor ra linonggom no ragili. 11Ngaangai' pabukat ra ungkuyon am ruandu' ri Ayup, am niayuk ngaangai' rangan nakaulig riso ondo' nakalair minatong pagilong riso am nagagakan nababaya' ri Ayup giu' ra baloi nano. Ilo niayuk minaya' nangiluk guang ri Ayup sabap ra ngaangai' kapaganan ondo' pinaratong ru Tuhan riso, am nanimayo ilo riso. Moonong ulun intor risilo nangani' riso ra sampila' ruit pirok am rondo' sinsing mas.
12Nambarakat Tuhan ri Ayup ra masuang poyo kaga' paat ra pupus ru kaayagan nano intor ra paat ra io kalo poyo naimbolo'. Mokoondo' i Ayup ra 14,000 ngainan domba, 6,000 ngainan unta, 2,000 ngainan sapi', am 1,000 ngainan kaladai. 13Nasauk io ra ama' ra tulu' ngaulun anak ungkuyon am talu ngaulun anak ruandu'. 14Ininggalanan no anak ruandu' nano ra katuaan i Jamima, ondo' karuo i Kijia, am ondo' pupusan i Kirinapuk. 15Kolondo' ralaa ra titikop ru pagun ondo' mantalur koson ra anak-anak ruandu' ri Ayup. Nanungkus ilo ra rapu' ri Ayup nababaya' ra pabukat ungkuyon nilo.
16Kopongo raginio i Ayup naayag maatus am apat ngoopor ngambilor saboi nakakito ra akupu kasaa' am kainduo nano. 17I Ayup pana minatoi ra umur ondo' matutuo noyo kaga'.
Currently Selected:
AYUP 42: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.