AYUP 40
40
1-2Ayup, manggal kou ri Aki Kapuuno' Ondo' Maayo Kaga' Kuasa';
masaga' kou kia makiala,
kapoam masaga' kou kia mansang?
Ayup
3Taam boo i Ayup ra Tuhan,
4“Minindagu aku koson ra ulun sasambungon, iou Tuhan.
Taam ra atan kia ondo' pataakon kuno?
Kolondo' boo ondo' masaga' kuno paraguon.
5Minindagu aku nasailan intor ra sotopot no.”
Tuhan
6Kopongo raginio intor ra bagiu', indagu poyo Tuhan ri Ayup,
7“Raino imbuor no koson ra ungkuyon,
am taamo' noyo kuatin-kuatin Kutu.
8Kuminam kou kia mapainono' ra Aku kalo matimpok,
am mononsol Raki' ra mangiou rirun?
9Maikang kou kia koson Raki'?
Maalap kia bolos muno maningkalur koson ra kinapuor ru bolos Kuno?
10Amon ru koon raginio, luat no ra matanda' am maligag kaga';
pasulungo' ra inan muno urumat am katulayan.
11Ilai' toojo ulun ondo' lumimbau;
paabuso' sangit muno am pagasab no risilo.
12Iou, tantangi' noyo ulun ondo' lumimbau am pakukuo' ilo;
umoko' noyo ulun malaat raino niayuk.
13Lobongo' ilo ngaangai' giu' ra ralalom ru tana';
aputo' ilo giu' ra tana' ru ulun minatoi.
14Okou pana omporon Ku boo,
sabap ra namanang kono ra pirot muno galama'.
15Ilai' toojo i Bigimot, maayo ulun no,
ondo' niayuk inangun Kuno, koson rirun.
I Bigimot mongkotop ra sakot koson ra sapi',
16kaa' ilai' noyo toojo ikang ru inan nano,
am kaikangan ru kual nano.
17Iku' nano tolorog koson ra puun ru sidar,
am kual ra kalayam nano malanut kaga'.
18Bungul nano maikang koson ra tambaga',
am kalayam nano koson ra batang ru basi'.
19Ginio noyo ondo' maayag ondo' makaimuag kaga' ra gino ngai' ru inangun ri Aki Kapuuno'.
I Bigimot maalap ayuk kaala ru Namangun riso no.
20Giu' ra gunung intok ru bibiag masigo mangkuli,
sakot tumuu' koson mangani' riso ra akanon.
21Io ondo' maayag no lumuya' giu' ra saau ru bulungkut makaruui,
am mansibuni giu' ra masuang galaga giu' ra intok makatimug.
22Bulungkut makaruui am puun gandarusa giu' ra kiing ru sungoi boborok
am mangani' riso ra sindungan.
23Aug ru Sungoi Jordan ondo' maaug kalo malaa' io,
timug ondo' makatiu' ra bulos nano umaan no ra guang mamaan.
24Osoi kia mokobolou ra mato nano,
am mamparakop riso ra landakon jujubak nano?
Currently Selected:
AYUP 40: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.